ستاشر سنة
والفقد مطّاط للشهور
رغم الغياب مالينا بيك في الحس حضور
أيا مصطفى
اخترنا احنا تكون جوانا
وسرت
بالزين والعديل
غنيواتك قبيل
نبّتت أحلاها حور
بشّرنا فوقك وماعقد غيرك عريس
من داك زمن ماطلّ شبهك في الحضور
كترت طلاسيم المعاني وغاص وغوّر فيك شعور
أيامصطفى الزمن البياخد من نشيج صوتك غناهو
حبال صوتك في احاسيسنا بتمور
يانغمة حسيس طمبور
وقّاد زيفة خلا وعتمور
أيامصطفى الحرف المميّز والمعنى المشاتر
ضد الضلام جد كنت نور
شعلاتك غناك ال كم طفت جوانا جور
أيا موجة عصب غيّر معاني الأزمنة وعنّجنا في نص البحور
أيا مصطفانا وحّدنا فوقك حس غيور
وغنّت نغيماتك طيور
حلّقت حد المعاني
اتساربت بين الستور
فجّت غيوم الفقد بينا
لو كنت ممكن بس تزور
هذا الزمان
قدلت ورقصت مهزلة
بين الرويحة وزولا سور
انا كنت متأكّد تثور
أيامصطفى يامسيح الكلمة في الزمن اللي الفات
والأسّي مربوط بالغياب.
