غايتو يا عبد الوهاب، لو وردي كان عارفك بتدغمس ليهو تأبينو كدا؛ قطع شك ما كان مات ليك

[بابكر عباس]

ما زلت مساهرا لحضور تأبين وردي على الهواء
يا أخي عبد الوهاب دا، ثقيل الظل

تقريبا التأبين عبارة عن أداء لألحان وردي من غير كلمات

عليكم الله، قوموا كدا، شن طعم الموسيقى السودانية بدون كلمات.

[بابكر عباس]

الحمد لله، أبوبكر سيد أحمد الجميل ح يغني

ما مشلكة خلى عبد الوهاب يحرك يدينو

[imported_خالد غالي]

صاحبك ده اظنو فاهم موضوع التوزيع ده غلط !


لكن كان ماصحي الصباح لقى عندو فليتة.. لومني

[بابكر عباس]

المشاركة الأصلية كتبت بواسطة خالد غالي

صاحبك ده اظنو فاهم موضوع التوزيع ده غلط!
لكن كان ماصحي الصباح لقى عندو فليتة.. لومني

خليهو يتفلت؛ فقد أفسد علينا سهرتنا
وأنا تاني باخد بنصيحتي لمرافي:
داير حاجة تستمتع بيها؛ أدفع قصادها

[imported_كيشو]

انتا نشرة الأخبار دي مالا؟ عيبا لي
ول أمشي الشروق شوف اللواء نمر مزانقنو بي جوع الناس وعطالتم

[imported_كيشو]

وردي جاكم؛ بس جاكم مننا
ورغم أنف كل شي؛ اللغة النوبية أقدم من
وبعد داك رطانة حلوة

[بابكر عباس]

المشاركة الأصلية كتبت بواسطة كيشو

وردي جاكم؛ بس جاكم مننا
ورغم أنف كل شي؛ اللغة النوبية أقدم من
وبعد داك رطانة حلوة

يا أخي يا كيشو، رطانة النوبيين دي، تشبه أبجورات الزينة الموجودة في صوالين نسوان أم درمان، أو جبنة وطبق سعف معلقات في صالة مهاجر بأوربا أو أمريكا، أوعك وانت ضيف تعلق عليهن تعليق سالب؛ ممكن تنطرد.
دحين الفنان جانا من هناك وهم فرحانين بالملكية، خليهم يفرحوا ولما يغني: لو لحظة من وسن، خليهم يقولوا شوف وردي بغني للإهرامات!!
حضارة سبعة ألف سنة!

[معتصم الطاهر]

غايتو فى " قوون" وردى شخصيا

و بستف ليك عبد الوهاب مباشرة

[بابكر عباس]

المشاركة الأصلية كتبت بواسطة كيشو

انتا نشرة الأخبار دي مالا؟ عيبا لي
ول أمشي الشروق شوف اللواء نمر مزانقنو بي جوع الناس وعطالتم

المشكلة يا كيشو، الريموت بتاع الرسيفر خربان ومن العصر، جبت الفول المدمس، وصحن العنب و إشتريت لي سامسونق قالاكسي لزوم النت من الكنبة، وظبط الرسيفر باليد على النيل الأزرق، أها القومة لتغيير القناة بقت لي صعبة!
المهم، البركة في صحن العنب البارد والمدمس

[Osman Hamad]

المشاركة الأصلية كتبت بواسطة بابكر عباس

المشكلة يا كيشو، الريموت بتاع الرسيفر خربان ومن العصر، جبت الفول المدمس، وصحن العنب و إشتريت لي سامسونق قالاكسي لزوم النت من الكنبة، وظبط الرسيفر باليد على النيل الأزرق، أها القومة لتغيير القناة بقت لي صعبة!
المهم، البركة في صحن العنب البارد والمدمس

إنتَ يابابكر لِزوم الــ Samsung Galaxy ليك شنو والرموت بتاع الرسيفر خربان
سؤال شمارى: العِنب دا سائل؟

[بابكر عباس]

المشاركة الأصلية كتبت بواسطة Osman Hamad

إنتَ يابابكر لِزوم الــ Samsung Galaxy ليك شنو والرموت بتاع الرسيفر خربان
سؤال شمارى: العِنب دا سائل؟

يا الله يا عثمان حامد!
يا سيدي، أنا ساكن في منطقة راقية جدا بدبي، أجد صعوبة شديدة في توفير الحاجات الكشا مشا زي إسبيرات الريموتات، لكن زي القلاكسى واللي منو من الكمبيوتر وبتلاتة كليكات بيكون جرس البيت الموسيقي نغّم (بالقديم ضرب) عن وصول المطلوب...
عليك الله ما تزعلني أكثر من كدا...
هسع عشان نجيب ريموت جديد إستعنّا بالصديق ياسر كبوش الذي يسكن الفجيرة عشان يجيبو لينا معاهو وفنجرة منو بدل واحد جاب لينا تلاتة...
والله صُحبة الناس البلدي ديل، عندها حوبا

[imported_ابوبكر حسن]

اقتباس:
المشاركة الأصلية كتبت بواسطة بابكر عباس
المشكلة يا كيشو، الريموت بتاع الرسيفر خربان ومن العصر، جبت الفول المدمس، وصحن العنب و إشتريت لي سامسونق قالاكسي لزوم النت من الكنبة، وظبط الرسيفر باليد على النيل الأزرق، أها القومة لتغيير القناة بقت لي صعبة!
المهم، البركة في صحن العنب البارد والمدمس

غايتو ابعدو من السيد عمر والا ما حتتهنى بيهو
ثم تانيا من الذى زين لكم القالاكسى المسأله فيها انّ , انت ونسيبك الاتنين شايلين جالكسى فى اسبوع واحد

[بابكر عباس]

المشاركة الأصلية كتبت بواسطة ابوبكر حسن

ثم تانيا من الذى زين لكم القالاكسى المسأله فيها انّ , انت ونسيبك الاتنين شايلين جالكسى فى اسبوع واحد

تشابه عليك البقر يا بكور
شن قاب لقاب؟!

[imported_الزوول]

المشاركة الأصلية كتبت بواسطة بابكر عباس

المشكلة يا كيشو، الريموت بتاع الرسيفر خربان ومن العصر، جبت الفول المدمس، وصحن العنب و إشتريت لي سامسونق قالاكسي لزوم النت من الكنبة، وظبط الرسيفر باليد على النيل الأزرق، أها القومة لتغيير القناة بقت لي صعبة!
المهم، البركة في صحن العنب البارد والمدمس

...
سلامات يا بابكر
الفول المدمس ده هو الفول حقنا المعلوم ده (الفول المصري)
البنضيف عليهو الجبنة والشمار والزيت والبيض ...الخ
التسمية حقتنا (في السودان) غلط
لأننا بنطلق التسمية دي على الفول السوداني
وده كلام ما صحيح
ف شنو
افتكر انك جبت صحن فول سوداني
اما لو كنت فعلاً مع عنبك وجلاكسيك ده جبت صحن الفول بالزيت وقعدت تمزمز فيهو لمدة ساعتين
فعليك الله اعفي لي
...
لمزيد من المعلومات عن الفول المدمس
...
الفول المدمس - ويكيبيديا، الموسوعة الحرة
...

[imported_طارق صديق كانديك]

المشاركة الأصلية كتبت بواسطة الزوول

...
سلامات يا بابكر
الفول المدمس ده هو الفول حقنا المعلوم ده (الفول المصري)
البنضيف عليهو الجبنة والشمار والزيت والبيض ...الخ
التسمية حقتنا (في السودان) غلط
لأننا بنطلق التسمية دي على الفول السوداني
وده كلام ما صحيح
ف شنو
افتكر انك جبت صحن فول سوداني
اما لو كنت فعلاً مع عنبك وجلاكسيك ده جبت صحن الفول بالزيت وقعدت تمزمز فيهو لمدة ساعتين
فعليك الله اعفي لي
...
لمزيد من المعلومات عن الفول المدمس
...
الفول المدمس - ويكيبيديا، الموسوعة الحرة
...

يا دكتور كيف حالك ياخي

غايتو ناس ويكيبيديا عصروا علينا والله

بعدين حكاية (مدمس)دي بشوفا جاية مع طريقتنا أكتر

يا بابكر طالما بتابع القنوات السودانية، أبقى عشرة على الجلاكسي والعنب والمدمس.