يحدث الان في سودانستان ...... قصص و حكاوي !!

imported_أمين محمد سليمان · 29-10-2012, 02:37 PM

أولا : سودانستان دولة متخيلة، لا وجود لها إلا في الخيال المريض لكاتب هذه السطور !!
ثانيا : كاتب هذه السطور غير مسؤل عن أي تشابه في شخوص أو أحداث أي من هذه القصص و الحكاوي .

imported_أسامة معاوية الطيب · 29-10-2012, 02:40 PM

اقتباس:

المشاركة الأصلية كتبت بواسطة أمين محمد سليمان

أولا : سودانستان دولة متخيلة، لا وجود لها إلا في الخيال المريض لكاتب هذه السطور !!
ثانيا : كاتب هذه السطور غير مسؤل عن أي تشابه في شخوص أو أحداث أي من هذه القصص و الحكاوي .

يعني اليومين ديل عامل حسابك ؟
تمام
عموما خت في بالك نحن شعب بيظل محتفظ بحق الرد مرات لمان يلاقي الله ... وحنك دولة متخيلة وشنو وشنو دا ما بيحلك
دحين ألعب أرضي

imported_أمين محمد سليمان · 29-10-2012, 02:48 PM

اقتباس:

المشاركة الأصلية كتبت بواسطة أسامة معاوية الطيب

يعني اليومين ديل عامل حسابك ؟
تمام
عموما خت في بالك نحن شعب بيظل محتفظ بحق الرد مرات لمان يلاقي الله ... وحنك دولة متخيلة وشنو وشنو دا ما بيحلك
دحين ألعب أرضي

يا زول بحلني !!
بعدين ناس الامن قبل ما يعلقوني في المروحة بجيب ليهم المداخلة الاولي دي !!

imported_أسامة معاوية الطيب · 29-10-2012, 02:54 PM

اقتباس:

المشاركة الأصلية كتبت بواسطة أمين محمد سليمان

يا زول بحلني !!
بعدين ناس الامن قبل ما يعلقوني في المروحة بجيب ليهم المداخلة الاولي دي !!

آزول ها
هم ناس الأمن لو كان بيقرو المداخلة قبل المروحة ... الكان خلاك تهضرب من أولا شنو ؟

imported_أمين محمد سليمان · 29-10-2012, 02:57 PM

المظاهرات التي اجتاحت البلاد طيلة الأشهر الماضية اصابتها بشلل شامل ، فهل ينجح قرار الرئيس باعفاء الوزراء و كل شاغلي المناصب الدستورية في إمتصاص غضب الشعب ؟ كنت أفكر في إجابة لهذا السؤال و أنا أرقد جثة هامدة بعد يوم مضن من التظاهر انتهي باصابتي بحجر طائش شج راسي و طبع علامة كعلامة النصر في جبهتي العريضة .

الجرح الغائر لم يكن أكثر ما يؤلمني في تلك اللحظة، بل كان الربو اللعين، فكمية ما إستنشقت من الغاز المسيل للدموع كانت تكفي لقتل خنزير بري كبير الحجم .

استباحت إسرائيل سماء البلاد و ارضها، فخرج السودانيستانيون زرافاتا و وحدانا ينادون بسقوط النظام .
ضاقت الشوارع بالمتظاهرين، الحكومة جربت كل السبل ترغيبا و ترهيبا لكنها لم تفلح في وقف المد الثوري و لا في كسر عزيمة الناس و تثبيط همتها العالية فالغضب كان عارما و التراجع قبل إسقاط النظام لم يكن من الخيارات .

imported_أمين محمد سليمان · 29-10-2012, 03:06 PM

استقبلت قرار الرئيس باعفاء الوزراء و كل شاغلي المناصب الدستورية بمشاعر متناقضة ظللت أتقلب بينها حتي جاء النوم بكل سلطانه.

استيقظت علي رنين الهاتف، و بصوت غطي النوم ملامحه : الو ....
- الو .... ، ممكن أكلم أستاذ حمد ؟
- حمد معاك ..
- ياخي أنا أسف جدا لو صحيتك من النوم ، معاك عبدالله شيخ الدين من مكتب الرئيس ... عايزنك حالا في القصر الجمهوري !!
و بصوت شبه نائم أجبته :
- النمرة غلط يا أخونا ....
- ياخي إنت مش حمد عبدالله حمد، شغال في محلية كرري و كنت قبلها في بلاغات الكهرباء امدرمان و ساكن الثورة الحاره واحد وعشرين ؟
- أيوه نعم
- إذن النمره ما غلط ، و دايرنك في القصر الجمهوري حالا ، أجهز سريع، بنرسل ليك عربيه تسوقك ...
وقفت ( إنا لله و إنا إليه راجعون ) كالغصة في حلقي و أبت الكلمات أن تخرج ...
- الو ....
- آي معاك ... معاك ..
- بالله أجهز سريع ، العربيه بتكون معاك في أقل من ساعة ....

imported_AMAL · 29-10-2012, 03:26 PM

اقتباس:

المشاركة الأصلية كتبت بواسطة أمين محمد سليمان

أولا : سودانستان دولة متخيلة، لا وجود لها إلا في الخيال المريض لكاتب هذه السطور !!

الله يشفي ياخ

بنجيب عمودنا والله
يافي المستشفي ولا محل المروحة

عيد سعيد يابروف

imported_أمين محمد سليمان · 29-10-2012, 04:05 PM

كميات الادرينالين التي رحشها قلبي طغت علي كمية الدم الجاري في العروق ، و وجدتني ونفسي الأماره بكل قبيح تصرخ في وجهي ساخرة :
"سجمك يا حمد ... ناس الأمن جاينك بالدرب !!"
"رئاسة الجمهورية ... ؟!!
رئاسة جمهورية شنو كمان البتضرب ليك !! "
"ياخي إنت أشهر زول بتعرفو خلف الله بتاع اللجان الشعبية، تقول لي رئاسة الجمهورية ؟!!"

لا أعرف كيف دخلت الحمام و كيف اغلقت الباب، لا أذكر مشهد خلعي لملابسي، و لا اتخاذي لوضع الجنين الذي وجدت نفسي عليه و أنا أقبع تحت صنبور المياة.

و بدون أي من علامات الرحمة أو بوادر الشفقة، واصلت نفسي (اللئيمه) تحميلي مسؤلية ما أنا فيه من ضيق يزداد بمرور الزمن :
"رئاسة الجمهورية ... و مرسلين ليك عربية ؟!!"
"جاينك ناس الامن يا ككو ... و هسي إنت بتستحمي و ماشي ليهم بكرعينك الحا يعلقوك بيها في المراوح ... ياخي كم مره أنا كلمتك أبعد من سكة السياسه دي .... مالك إنت و مال المظاهرات و مال الكركبه مع الحكومه ؟ هسي غير راسك الفتحو ليك في المظاهرات و عيونك الحا يقلعوها ليك ناس الأمن ديل حا تستفيد شنو ؟"

سخرية نفسي كانت أشد مضاضة من إحساس الخوف الذي كان قد وصل العظام .

imported_أمين محمد سليمان · 29-10-2012, 04:17 PM

اقتباس:

المشاركة الأصلية كتبت بواسطة AMAL

الله يشفي ياخ

بنجيب عمودنا والله
يافي المستشفي ولا محل المروحة

عيد سعيد يابروف

غالبا في المستشفي ... من اثر المروحة !!

يا زولة كل سنة و انتي طيبة و السنة الجاية بلدنا ما فيها مرواح يعلقو فيها الناس !!

imported_أسعد · 29-10-2012, 04:51 PM

لوووووووول
سودانستان دي وقعت لي في جرح
كدي خليني النشوف خيالي نسيتو وين واجي اديك بعض القصص الخيالية المقتبسة من الواقع gap

imported_محمد مصطفي · 29-10-2012, 07:30 PM

البوست ده مرح شديد
لكن غايتو صادرت فيهو خيالنا
وبقيينا نحاول نتخيل في رئاسة الجمهورية دايرة منك شنو
غير انو الاماني حلوة شديد ... مع حال الناس الما فيها زول قال بغم
هذا وسنحتفظ برد آخر في الزمان والمكان المناسب
.
.
تحياتي

آدم إدريس · 29-10-2012, 08:31 PM

اقتباس:

كميات الادرينالين التي رحشها قلبي طغت علي كمية الدم الجاري في العروق

هنا الزول بياخد ليهو ضحكة صغيرونة....

قطع شك الناس ديل عايزنك توفر مأوى لبعض الشخصيات المهمة، لكن اليخمو و يصرو مع كمية الادرينالين الراحشا قلبك دي.....

يا بروف إزيك

imported_مها عبدالمنعم · 29-10-2012, 09:19 PM

[SIZE="5"][/SIZEكنت وكت اتصال مكتب رئاسة الجمهوريه قاعده في القصر الجمهوري !وجاني ليك مدير مكتب رئاسة السياده دا براه نتطط عيوني من شدة الخوف داير شنو كمان من السواقين لمن يجيهن بكرعينو بس قال لي
انت واقف ليه
امش وين مافي زول مرق من الرئاسه اشان نوصلو
ومنعتو استخدام العربات لغير مسولئات الدوله و...قبال اتم صرخ تمش هسسسسسسسسسسه ظرف ساعه تكون جبت واحد اسمو احمدعبدالله حمد في الحاره واحد وعشرين شغال في بلاغات الكهربا جيبو وتعال سريع مالك متنح كدي؟

imported_مها عبدالمنعم · 29-10-2012, 09:22 PM

ااااسف اول لاقتحام النص بس فكرتك جميله ياخ

imported_أمين محمد سليمان · 29-10-2012, 11:05 PM

إتكئت علي باب المنزل، في القلب خوف كبير و في شفتي السفلي (سَفِّة) أكبر، لم يفلح خدرها في أن يطغي علي هذا الخوف .
لم انتظر طويلا ، سيارة يابانية عادية و كوزستانيان عاديان بشكلهم المألوف ...
- أستاذ حمد ؟
- و عليكم السلام ...
ركبت في السيارة، و عندما تحركت نظرت لاري ما قد تكون اخر نظرة لمنزلنا الكائن، كثافة غبار السيارة المسرعة حجب الرؤية و غطي ملامح المنزل .

29-10-2012, 02:37 PM	#[1]
imported_أمين محمد سليمان :: كــاتب نشــط::	يحدث الان في سودانستان ...... قصص و حكاوي !! أولا : سودانستان دولة متخيلة، لا وجود لها إلا في الخيال المريض لكاتب هذه السطور !! ثانيا : كاتب هذه السطور غير مسؤل عن أي تشابه في شخوص أو أحداث أي من هذه القصص و الحكاوي .
imported_أمين محمد سليمان :: كــاتب نشــط::	التوقيع: ربما لو لم يكن هذا الجدار .. ما عرفنا قيمة الضوء الطليق !!

29-10-2012, 02:57 PM	#[5]
imported_أمين محمد سليمان :: كــاتب نشــط::	المظاهرات التي اجتاحت البلاد طيلة الأشهر الماضية اصابتها بشلل شامل ، فهل ينجح قرار الرئيس باعفاء الوزراء و كل شاغلي المناصب الدستورية في إمتصاص غضب الشعب ؟ كنت أفكر في إجابة لهذا السؤال و أنا أرقد جثة هامدة بعد يوم مضن من التظاهر انتهي باصابتي بحجر طائش شج راسي و طبع علامة كعلامة النصر في جبهتي العريضة . الجرح الغائر لم يكن أكثر ما يؤلمني في تلك اللحظة، بل كان الربو اللعين، فكمية ما إستنشقت من الغاز المسيل للدموع كانت تكفي لقتل خنزير بري كبير الحجم . استباحت إسرائيل سماء البلاد و ارضها، فخرج السودانيستانيون زرافاتا و وحدانا ينادون بسقوط النظام . ضاقت الشوارع بالمتظاهرين، الحكومة جربت كل السبل ترغيبا و ترهيبا لكنها لم تفلح في وقف المد الثوري و لا في كسر عزيمة الناس و تثبيط همتها العالية فالغضب كان عارما و التراجع قبل إسقاط النظام لم يكن من الخيارات .
imported_أمين محمد سليمان :: كــاتب نشــط::	التوقيع: ربما لو لم يكن هذا الجدار .. ما عرفنا قيمة الضوء الطليق !!

29-10-2012, 03:06 PM	#[6]
imported_أمين محمد سليمان :: كــاتب نشــط::	استقبلت قرار الرئيس باعفاء الوزراء و كل شاغلي المناصب الدستورية بمشاعر متناقضة ظللت أتقلب بينها حتي جاء النوم بكل سلطانه. استيقظت علي رنين الهاتف، و بصوت غطي النوم ملامحه : الو .... - الو .... ، ممكن أكلم أستاذ حمد ؟ - حمد معاك .. - ياخي أنا أسف جدا لو صحيتك من النوم ، معاك عبدالله شيخ الدين من مكتب الرئيس ... عايزنك حالا في القصر الجمهوري !! و بصوت شبه نائم أجبته : - النمرة غلط يا أخونا .... - ياخي إنت مش حمد عبدالله حمد، شغال في محلية كرري و كنت قبلها في بلاغات الكهرباء امدرمان و ساكن الثورة الحاره واحد وعشرين ؟ - أيوه نعم - إذن النمره ما غلط ، و دايرنك في القصر الجمهوري حالا ، أجهز سريع، بنرسل ليك عربيه تسوقك ... وقفت ( إنا لله و إنا إليه راجعون ) كالغصة في حلقي و أبت الكلمات أن تخرج ... - الو .... - آي معاك ... معاك .. - بالله أجهز سريع ، العربيه بتكون معاك في أقل من ساعة ....
imported_أمين محمد سليمان :: كــاتب نشــط::	التوقيع: ربما لو لم يكن هذا الجدار .. ما عرفنا قيمة الضوء الطليق !!

29-10-2012, 04:05 PM	#[8]
imported_أمين محمد سليمان :: كــاتب نشــط::	كميات الادرينالين التي رحشها قلبي طغت علي كمية الدم الجاري في العروق ، و وجدتني ونفسي الأماره بكل قبيح تصرخ في وجهي ساخرة : "سجمك يا حمد ... ناس الأمن جاينك بالدرب !!" "رئاسة الجمهورية ... ؟!! رئاسة جمهورية شنو كمان البتضرب ليك !! " "ياخي إنت أشهر زول بتعرفو خلف الله بتاع اللجان الشعبية، تقول لي رئاسة الجمهورية ؟!!" لا أعرف كيف دخلت الحمام و كيف اغلقت الباب، لا أذكر مشهد خلعي لملابسي، و لا اتخاذي لوضع الجنين الذي وجدت نفسي عليه و أنا أقبع تحت صنبور المياة. و بدون أي من علامات الرحمة أو بوادر الشفقة، واصلت نفسي (اللئيمه) تحميلي مسؤلية ما أنا فيه من ضيق يزداد بمرور الزمن : "رئاسة الجمهورية ... و مرسلين ليك عربية ؟!!" "جاينك ناس الامن يا ككو ... و هسي إنت بتستحمي و ماشي ليهم بكرعينك الحا يعلقوك بيها في المراوح ... ياخي كم مره أنا كلمتك أبعد من سكة السياسه دي .... مالك إنت و مال المظاهرات و مال الكركبه مع الحكومه ؟ هسي غير راسك الفتحو ليك في المظاهرات و عيونك الحا يقلعوها ليك ناس الأمن ديل حا تستفيد شنو ؟" سخرية نفسي كانت أشد مضاضة من إحساس الخوف الذي كان قد وصل العظام .
imported_أمين محمد سليمان :: كــاتب نشــط::	التوقيع: ربما لو لم يكن هذا الجدار .. ما عرفنا قيمة الضوء الطليق !!

29-10-2012, 04:51 PM	#[10]
imported_أسعد :: كــاتب نشــط::	لوووووووول سودانستان دي وقعت لي في جرح كدي خليني النشوف خيالي نسيتو وين واجي اديك بعض القصص الخيالية المقتبسة من الواقع gap
imported_أسعد :: كــاتب نشــط::

29-10-2012, 07:30 PM	#[11]
imported_محمد مصطفي :: كــاتب نشــط::	البوست ده مرح شديد لكن غايتو صادرت فيهو خيالنا وبقيينا نحاول نتخيل في رئاسة الجمهورية دايرة منك شنو غير انو الاماني حلوة شديد ... مع حال الناس الما فيها زول قال بغم هذا وسنحتفظ برد آخر في الزمان والمكان المناسب . . تحياتي
imported_محمد مصطفي :: كــاتب نشــط::	التوقيع: أتوق لينابيع شعر ، تتهيأ مفردات الحب فيها للتحليق بعيدا داخل احلامي أشواق يضحك الفجر لها وتضمها مدائن الفرح اشراق ضرار ستبقي في قلوبنا ابداً يا خال

29-10-2012, 09:19 PM	#[13]
imported_مها عبدالمنعم :: كــاتب نشــط::	[SIZE="5"][/SIZEكنت وكت اتصال مكتب رئاسة الجمهوريه قاعده في القصر الجمهوري !وجاني ليك مدير مكتب رئاسة السياده دا براه نتطط عيوني من شدة الخوف داير شنو كمان من السواقين لمن يجيهن بكرعينو بس قال لي انت واقف ليه امش وين مافي زول مرق من الرئاسه اشان نوصلو ومنعتو استخدام العربات لغير مسولئات الدوله و...قبال اتم صرخ تمش هسسسسسسسسسسه ظرف ساعه تكون جبت واحد اسمو احمدعبدالله حمد في الحاره واحد وعشرين شغال في بلاغات الكهربا جيبو وتعال سريع مالك متنح كدي؟
imported_مها عبدالمنعم :: كــاتب نشــط::

29-10-2012, 09:22 PM	#[14]
imported_مها عبدالمنعم :: كــاتب نشــط::	ااااسف اول لاقتحام النص بس فكرتك جميله ياخ
imported_مها عبدالمنعم :: كــاتب نشــط::

29-10-2012, 11:05 PM	#[15]
imported_أمين محمد سليمان :: كــاتب نشــط::	إتكئت علي باب المنزل، في القلب خوف كبير و في شفتي السفلي (سَفِّة) أكبر، لم يفلح خدرها في أن يطغي علي هذا الخوف . لم انتظر طويلا ، سيارة يابانية عادية و كوزستانيان عاديان بشكلهم المألوف ... - أستاذ حمد ؟ - و عليكم السلام ... ركبت في السيارة، و عندما تحركت نظرت لاري ما قد تكون اخر نظرة لمنزلنا الكائن، كثافة غبار السيارة المسرعة حجب الرؤية و غطي ملامح المنزل .
imported_أمين محمد سليمان :: كــاتب نشــط::	التوقيع: ربما لو لم يكن هذا الجدار .. ما عرفنا قيمة الضوء الطليق !!