عشان نفك غبينتنا
*عشان نفك غبينتنا،، ،،،*
الحصل في مؤتمر باريس ده،،، ما تم الا بي دم الشهداء،،
اليوم ده يومهم،،،،
اتحلت ديون السودان،،، الا بس الدين ألفي رقبتنا،، ،، ما بتحل الا بي حق الشهداء،،،،
كان فرحنا و نططنا،،، و نظرنا،، و فكرنا في روحنا،،،، ده ما العشم،، ولا ده الاتفاق،،، عشان تمشي في طريق وعر،،، و صعب و المشوار طويل،، و الدنيا مضلمه،،، بتلاقي الحفر،،، بتلاقي الزول البقلع حقك،،، بتلاقي الحرامي،،،
في ناس ماتت،،، و بي دمها الباقيين كملوا المشوار،،،،
في ناس اتغدر بيهم،،،، و اتماسكوا الشباب،، لمواصلة الكفاح،،،
الثوره الناجحه،،، فيها موت و تضحيات،،، للغير ،،، للأجيال الجايه تبني السودان،،،
الثوره العظيمة الخالده،،، مافيها انانيه ولا حقي و لا حق حزبي،،،، فيها حق الوطن و التراب،،،،
مانغش روحنا كتير،،، كان ما جبنا حق الشهداء،،، نحن و الجبن،، وجهين لعملة اسمها الخيانه،،،،
اتسدت ديون السودان،،، من غير السودانيين،،، ماقصروا،، نقول ليكم بالبلدي كده كتر خيركم،،، نجاملكم في السمح،،،
كان دايريننا،،، ننجح و نواصل ثورتنا،،،، مع القروش ادونا فهم،، ادونا ناس منكم تساعدنا،،،، نبني بلدنا،،
الدين معلق في رقابنا،،، نحن ناس الحاره اسياد البلد،، عشان نغني و نرقص و نعرض فوق الداره،،، ونتباطن مع بعض،،، ويبرد حشى الأمات، و يرقدوا الشهداء في قبورهم،،، مرتاحين،،، قدامنا سطر واحد بس،،،،
*القصاص،،، دم الشهيد دمي*
نحقق السطر ده،،، وبعد نكتب،،، أعظم ثوره في تاريخ البشريه،،،،
ثورة تدرس،،،،
ثورة تكون عنوان،،
ثورة للتاريخ و للتوثيق،،،
*الامضاء:- دم الشهيد دمي*
الليله باريس تشبه مدن السودان،،، في عاداتها الجميله و اصيله،، في بيت عرس،، ،، في بيت طهور،،
دور الكشف،،،، و زغردة كنداكه ،،،
العين مفتحه و عارفين الدفع منو،،، و الزاغ منو، والكشف الماسكو منو،،
الماجملنا في باريس،،،،
راحت عليهو،،،
يا الماشي لي باريس،،، جيب لي معاك عريس،،،
شرطا يكون لبيس،،
و من هيئة التدريس،،،
لكن نحن بنقول،،
*من هيئة التتريس*،،، ،
*و سااااااااافر،،،،*
*د. علي الشيخ*
*الحنين*
*امدرمان*
*١٧ مايو ٢٠٢١*
|
