غير مأسوف عليه.....

[jezabell]

سواء كنت جود ام رشا.. عشان ماف زول يجي يقول لي حربوية والا بطيخ..

فأنا شخص واحد.. لن يضير سودانيات توقفي عن الكتابة او القراءة.. كما لن يضير الله فجور بعضكم او فسقه..
سأتوقف عن الكتابة او القراءة في هذا المنبر.

كان ممكن اقفل البراوز واتخذ قراري من غير جعجعة وانتهينا.. بس حبيت اطلع النصيحة وكلمة الحق الواقفة لي في حلقي دي..

عبد الجليل سليمان جاب كتاب بحوي الفاظ ما عجبتنا عن طريق النسخ واللصق.. اعترضنا من باب اشاعة الفاحشة وماف داعي لكدا..
وقفوا الناس يدافعوا عن حرية القراءة بدعوى التثقيف وما الى ذلك..
الحصل شنو؟؟؟؟؟؟؟؟؟؟؟؟؟؟؟؟؟؟؟؟؟

نفس الكنا خايفين منه.. وصل الامر ببعض الاعضاء الفرحوا طبعا بالحرية دي لي انهم يكتبوا اي كلام او مصطلحات بذيئة وتافهة نتعفف عند سماعها من شماشة السوق الشعبي.....

بقت معظم البوستات بتدور في نفس المواضيع.. وليتها تسمن او تغني من جوع..

يعني عادي الواحدة تفتح بوست تلقى الناس ماخدة راحتها ومنداحة ع الاخر..
ودي عينة من الاحتجاج على الحريات المصادرة

http://sudanyat.org/vb/showthread.php?t=16001&page=2

لعمري هذا اسفه ما قرأت..

وطبعا دا تسلسل طبيعي للحريات.. والعافية درجات زي ما ذكر البعض مستحسنا هذا التقدم الرائع..

المرحلة الجاية عليكم الله ما تنسوا حرية المشاهدة ايضا.. اوكي؟
كل واحد يجي شايل ليهو فيلم اباحي وينزلوا لينا عشان نتثقف في نهار رمضان..
وما تنزلوا رابط.. اوعوا تعملوا كدا ياااااخ.. لإنه دي مصادرة للحرية بتاعتكم.. نزلوهو عديييييييل كدا وخلوهو يفتح اوتوماتيكلي مع البوست كمان..


وعلى فكرة.. ما حاعمل زي جاليلو او ارشميدس بتاع نظرية الطفو الفرحانين بيها دي.. واصحى بكرة عشان اقول ليكم مرّ عامي الذي هو يومٌ مما تعدون..

يعني بقيف.. عشان اقتنعت بي انه دا الحل الوحيد.. عشان حريتي في القراءة.. وعشان ما اصادر حرية الاخرين في الكتابة..

غايتو الانا واثقة منو.. انه اي راجل هنا بيدافع عن الكلام الفاضي دا بدعوى الحرية، لو جاهو زول بعدين واداهو رابط لي منتدى فيهو نفس نوع الالفاظ دي وقال ليهو بنتك بتكتب هنا.. حيطب ساكت..

اقول قولي هذا واستغفر الله لي ولكم..

[منال]

المشاركة الأصلية كتبت بواسطة جود

بس حبيت اطلع النصيحة وكلمة الحق الواقفة لي في حلقي دي..


مرض.. الله يمرضكم.

وعشان كمان ما برضى اكون حايمة في نص منتدى عبارة عن انداية.. مفتوحة بدعوى الحرية!!!!!!


..

سلامات الامانه العامه

ده شنو ؟

فى السابق بوست ما بيأخد ثانيتين بمش الادارة

الحاصل شنو

نورونا يا مشرفين

[الجيلى أحمد]

سأتوقف عن الكتابة او القراءة في هذا المنبر المتوفي اخلاقيا.. غير مأسوف عليه..

والله ياجود مافى حاجة بتقعدك مع الناس الماعندهم أخلاق ديل,

قرارسليم

[فيصل سعد]

المشاركة الأصلية كتبت بواسطة منال

سلامات الامانه العامه

ده شنو ؟

فى السابق بوست ما بيأخد ثانيتين بمش الادارة

الحاصل شنو

نورونا يا مشرفين

نور الله عقلك و قلبك
بالايمان و المحبة يا منال ..

طلباتك ؟؟

[سمراء]

رشا العزيزة ،
قبل كده قلتى لى كلمة ولسه حبرها مانشف ، انى اتسامى فوق كل الحاجات
واكتل قلبى عن اى شى مايعجبنى ...

يارشا نحن فى مجتمع اسفيرى ، يشبه المجتمع النحنا عائشين فيهو بالظبط !!
يعنى كل الانماط بتلقيها ...
وسودانيات ما المدينة الفاضلة ، وبالتاكيد ذى مافيها الماعجبك ، البعجب كتير ، وكتير شديد
طيب ليه نحكم على الجميلين بسبب عبارة او اتنين ماراكبات فى محلها !!

عرفتك اكبر واكبر بكتير ..
وكلامك مرتب وموزون يارشا ، موش كلام زول زعلان وبضرب من طرف !!
استهدى بالله

[منال]

المشاركة الأصلية كتبت بواسطة فيصل سعد

نور الله عقلك و قلبك
بالايمان و المحبة يا منال ..

طلباتك ؟؟

نور الله عليك يا فيصل سلامات

من المفاجاة لم استوعب الى هذه اللحظه
و قع الفاس فى الراس
و كتر المداخلات

و استعصى طلبى حسب الست مدخلات
ياللحسرة
ولم ينفع تعديل رشا

حبيبه تعالى لحظه نتفاهم
تمش ما بتحل مشكله
وجودك هو المهم لتكتبى رأيك
حزينه يا رشا لما آل اليه الحال


و برضو بصوم عن الكتابه فى الحوار
العفو لله و الرسول
وكل سنة و انتم طيبين
و سوف اعتكف
ابقو طيبين و زنين




فيصل الا نشاور جود كاتبة البوست

[فيصل سعد]

المشاركة الأصلية كتبت بواسطة منال

تور الله عليك يا فيصل سلامات

من المفاجاة لم استوعب الى هذه اللحظه
و قع الفاس فى الراس
و كتر المداخلات

و استعصى طلبى حسب الست مدخلات
ياللحسرة
ولم ينفع تعديل رشا

حبيبه تعالى لحظه نتفاهم
تمش ما بتحل مشكله
وجودك هو المهم لتكتبى رأيك
حزينه يا رشا لما آل اليه الحال


و برضو بصوم عن الكتابه فى الحوار
العفو لله و الرسول
وكل سنة و انتم طيبين
و سوف اعتكف
ابقو طيبين و زنين




فيصل الا نشاور جود كاتبة البوست

العزيزة منال،،

انا من الاول و الى الآن متعامل مع البوست بانه دا رأيها مهما كان جارحا، و رديت
بحسن نية و مودة و محبة، و اصارحك بانني قنعت من حسن ظن الكثير هنا في سودانيات،
و يبقى الاحترام مبذولا و ممدودا للجميع، لن اعدل اي حرف في هذا البوست الا بطلب من
صاحب المداخلة، و هذا البوست سيبقى ما لم يخالف الميثاق و اللائحة ..

لك و للجميع هنا صادق الود
و عميق الاعزاز و المحبة ..

[jezabell]

المشاركة الأصلية كتبت بواسطة فيصل سعد

العزيزة منال،،

انا من الاول و الى الآن متعامل مع البوست بانه دا رأيها مهما كان جارحا، و رديت
بحسن نية و مودة و محبة، و اصارحك بانني قنعت من حسن ظن الكثير هنا في سودانيات،
و يبقى الاحترام مبذولا و ممدودا للجميع، لن اعدل اي حرف في هذا البوست الا بطلب من
صاحب المداخلة، و هذا البوست سيبقى ما لم يخالف الميثاق و اللائحة ..

لك و للجميع هنا صادق الود
و عميق الاعزاز و المحبة ..

احذف يا فيصل احذف ياااخ..
وادعوا لي بالرحمة والمغفرة..

الجيلي فصل.. ابقى شنو انا كمان ..
يمين الله حسن ظنه هو ومنال وسمورة وخلودي وانت فيني خلاني شايفة روحي اصغر من سمسمة حاليا..
دي الصغرة العبرت عنها بي بقيتي ضعيفونة يا الجيلي موش؟

هسي جود زاااااااتا سنّحناها وقبّحناها..
وبما انها زولة ظلامية للدرجة دي.. نمشي ننبش قبر المرحومة رشا ونشيلّها مفراكتها..

غايتو اول مرة اتنازل عن مبادئي.. ما عارفة اقتنع بموضوع الحرية بتاعكم دا والا كيف؟؟؟

تعالوا نصوّت طيب.. وانا بعوم مع الاغلبية بعد كدا..

اما الجيلي دا فلو سوا كوم براهو بتكوم معاهو غايتو

[عبداللطيف النقر]

[align=right]الى جود -- هذا يوم ينفع الصادقون صدقهم ---

لا تعتذرى لاحد فما قلتيه هو الحقيقة والتى يدفن بعض الناس رؤسهم فى الرمال ليستخبوا منها -- والبعض الاخر يعارضها بالحاح -- وبألحاد -- تتقاضى الادارة عنه -- ومنهم من يتكلم عن الله كأنه يتكلم عن جاره فى العباسية والا الديم الله اعلم -- والبعض يتكلم عن الفجور علنا والمصيبة انه غير فاجر ولكن كل مافيه فجور يعجبه -- زى حكاية الزول معاكم معاكم عليكم عليكم -- اما صاحبنا ناقل موضوع النفزواوى - ما كان له ان يغضب كل هذا الغضب فناقل الكفر كافر -- الم يسمع صاحبنا بعصور انحطاط الادب -- وهو الاديب المتمكن -- لينكت لنا من ( قعر ) رفوف الادب هذا الكتاب المخزىء

والحق يقال اول مرة فى حياتى اسمع بقاض اسمه النفزواوى او بامير فى تونس يهتم بهذا النوع من الادب -- فعندك السيرة والصحابة والتابعين ومن تبعهم باحسان الى يوم الدين --

ونخضع الامر لاستفتاء فمن يعرف بالنفزاوى قبل اليوم فليرفع يده -- فالظاهر اخونا لم تعجبه الا كلمة قاضى الانكحة --[/align]

[فيصل سعد]

[align=center]اي زول جاي البوست دا شايل فتايل زيت
نرجوه ان يستبدلها بورود و ازهار، او كما
قال النور يوما، اميننا العام، حكيمنا و نبراسنا
عندما تدلهم الخطوب و تزداد الدروب عتمة،

له و لكم صادق التحايا ، السلام عليكم
و الى اللقاء في محفل آخر ..[/align]

[جانيت]

المشاركة الأصلية كتبت بواسطة فيصل سعد

[align=center]اي زول جاي البوست دا شايل فتايل زيت
نرجوه ان يستبدلها بورود و ازهار، او كما
قال النور يوما، اميننا العام، حكيمنا و نبراسنا
عندما تدلهم الخطوب و تزداد الدروب عتمة،

له و لكم صادق التحايا ، السلام عليكم
و الى اللقاء في محفل آخر ..[/align]

ياريتهم كلهم زيك


مهما وصل بيها الحال في البيعدلو الحال


دمت بخير يافيصل

[منال]

المشاركة الأصلية كتبت بواسطة فيصل سعد

[align=center]اي زول جاي البوست دا شايل فتايل زيت
نرجوه ان يستبدلها بورود و ازهار، او كما
قال النور يوما، اميننا العام، حكيمنا و نبراسنا
عندما تدلهم الخطوب و تزداد الدروب عتمة،

له و لكم صادق التحايا ، السلام عليكم
و الى اللقاء في محفل آخر ..[/align]

سوقنى معاك يا حمام
فيصل النور قال ده طرفى منو
اها فى دى معاهو
زول اعتذر يقولو ليه اعتذرت



جيجى يامشرع الامل الفسيح تعالى فى المدائن الواسعه
ودعتك الله

رشا حاتم
رجعى لينا حروفنا البقت ملكنا هنا
وانسى
و تبقى الذكره
راجين جياتك

[منال]

المشاركة الأصلية كتبت بواسطة جود

سأتوقف عن الكتابة او القراءة في هذا المنبر المتوفي اخلاقيا.. غير مأسوف عليه..

؟؟؟؟؟؟

[منال]

المشاركة الأصلية كتبت بواسطة جود

يعني عادي الواحدة تفتح بوست تلقى الناس ماخدة راحتها ومنداحة ع الاخر..
ودي عينة من الاحتجاج على الحريات المصادرة

http://sudanyat.org/vb/showthread.php?t=16001&page=2

.

...............................

[منال]

المشاركة الأصلية كتبت بواسطة جود

والفهم الحديث يستوجب الرجل الديوث..

............................