أنتـ وملامح الحرفــ

[nezam aldeen]

وفي البعيد . . تنحني . .
تمسك الطرف الأسفل . .
وترفعه إلى ألأعلى . .

تخلع شمسي جلبابها . .

لتستر الأرض ماانكشف من جسدها . .
وأبيت والرغبة تحتل عواصمي . .
قبله بقليل . .
قبل ان يصل طرف الثوب إلى صدرها . .
تبتسم . .
وتخرج من عينها تلك الفتاة . .
تتجه نحوي . .
والأصائل حضور . . والطيور تعاكسها تجاهي . .
وبيننا البحر . .
أقرأ ملامحها شعرا . .
وأكتب وصفها قصيد ونشيد . .
والسماء تغني بها . . بصوت كمان . .
الحان زفة القمر للمكان الفرح عريسا . .
تقترب فتتضح ملامحها رويدا . .
ليتضح تشكيل حرفي . .
الضفة الأخرى خطوتها المميمتة . .
تتوقف عندها فاأتوقف مشدوها فيها . .
وأشيائي مثلي . .
مشدوهة فيها . .
يسيل لعاب قلمي ويبلل الورقة . .
فتمتعض . .
افوق إثرها . .
اربت عليها . . عزرا عزيزتي . .
فما ذال صغيرا . .
أعزريه حتى إذا تبول نائما . .
تبتسم . .
أرفع رأسي . .
و . .
شمسي خلعت جلبابها . .
وفتاتي أزابها الخجل . .

[Amin Bushari]

محي الدين حبابك تاني يا حبيب
وجميل ما كتبت يبدو أن الذين بشرونا بمقدمك قد صدقوا

[nezam aldeen]

اقتباس:
المشاركة الأصلية كتبت بواسطة Amin Bushari
محي الدين حبابك تاني يا حبيب
وجميل ما كتبت يبدو أن الذين بشرونا بمقدمك قد صدقوا

امين ياحبيب
ياخ صدقتك الحروف القرأءة بعد ان احبتك
انت ذمان كنت بقول
الحرف بيقرا الذول
ويتجمل عشانو
أتارييييييهو في حضرتك
الحروف سمممحة وظريفة
ياخ أشكرك
بحجم النيل لامن يفيض

[طارق الحسن محمد]

المشاركة الأصلية كتبت بواسطة محي الدين عوض نمر

وفي البعيد . . تنحني . .
تمسك الطرف الأسفل . .
وترفعه إلى ألأعلى . .

تخلع شمسي جلبابها . .

لتستر الأرض ماانكشف من جسدها . .
وأبيت والرغبة تحتل عواصمي . .
قبله بقليل . .
قبل ان يصل طرف الثوب إلى صدرها . .
تبتسم . .
وتخرج من عينها تلك الفتاة . .
تتجه نحوي . .
والأصائل حضور . . والطيور تعاكسها تجاهي . .
وبيننا البحر . .
أقرأ ملامحها شعرا . .
وأكتب وصفها قصيد ونشيد . .
والسماء تغني بها . . بصوت كمان . .
الحان زفة القمر للمكان الفرح عريسا . .
تقترب فتتضح ملامحها رويدا . .
ليتضح تشكيل حرفي . .
الضفة الأخرى خطوتها المميمتة . .
تتوقف عندها فاأتوقف مشدوها فيها . .
وأشيائي مثلي . .
مشدوهة فيها . .
يسيل لعاب قلمي ويبلل الورقة . .
فتمتعض . .
افوق إثرها . .
اربت عليها . . عزرا عزيزتي . .
فما ذال صغيرا . .
أعزريه حتى إذا تبول نائما . .
تبتسم . .
أرفع رأسي . .
و . .
شمسي خلعت جلبابها . .
وفتاتي أزابها الخجل . .

محى الدين حبابك الف والله
واسع ات يمسكوك ماياتو وجع
نص ولا توقيع ؟
ياخى كله حار
مودتى وبعدها
احترامى الكبير لقمك
ناصع الطعم والبيان

ارقد عافية

[nezam aldeen]

اقتباس:
المشاركة الأصلية كتبت بواسطة طارق الحسن محمد
محى الدين حبابك الف والله
واسع ات يمسكوك ماياتو وجع
نص ولا توقيع ؟
ياخى كله حار
مودتى وبعدها
احترامى الكبير لقمك
ناصع الطعم والبيان

ارقد عافية

يااااااااااااااااااطارق ياحبيب
الالوجع الفي التوقيع الجابو محي الدين الفاتح
لامن قال
أتطلع لأمرة نخلة
ياخ إنت عارف دي ذااااتها الحروف الواقفة شماعة في دفار اللغة
وإتنشلت أخطاءها المطبعية

أشكرك لحدي مالعين تنادي الغين في سطر
((( عينيك بشوفن في غناااااي ))

[ابوفراس عوض الكريم]

نص مميز.. في إنتظار المذيد
كل الود..

[سمراء]

محى الدين
عشرق لى كلامك النصيحه
وبقيت اتاوق بين كل حرف والتانى عشان اقدر اشوف مدخل
بس لقيت نسيجو متين
مديت يدى ختفت لى كلمة ، وكم معنى
وبقيت احلم
واسرح بى خيال شاعر
ولحد هنا
حقو نقيف
عشان عسل الكلام طامح
ومابقدر على القحه

انا لله ياخ من نضمك السمح ده ....!!

[أشتر]

محيو ... أو محيك البدري ...
في حاجات كدا لدرجة ما هي واضحة لمن ما تقدر تشوفا ...
عارفن شنو ؟؟؟
الحاجات البترسخ في راسك بفرضية إنها مغطاة ولما تلقاها مكشوفة ما بتقدر تعاين ليها ... مرتين وطوالي تقول أكيد كًشفت عفوا ...
هن شنو تحديدا ما بقول ليك ... لكن ممكن تحرك ساكنا ...
ربنا ختّ لينا الغرائز دي عشان تحرك الساكن ...
يا أزعجها الشيطان ... يا تبتبناها باليقين ...
وووووو
توقيعك حلو

بس طالما دخلت ليك هنا ولقيت (العويجة ) العويجة دي تصغير عوجة واللي هي ...
خلي بالك من الزينات المعلقة في سقف حرفك ...
والذالات التي اعتذرت على غير عادتها ...
وشكرا على نبش المغتغت فينا ...

[nezam aldeen]

اقتباس:
المشاركة الأصلية كتبت بواسطة سمراء
محى الدين
عشرق لى كلامك النصيحه
وبقيت اتاوق بين كل حرف والتانى عشان اقدر اشوف مدخل
بس لقيت نسيجو متين
مديت يدى ختفت لى كلمة ، وكم معنى
وبقيت احلم
واسرح بى خيال شاعر
ولحد هنا
حقو نقيف
عشان عسل الكلام طامح
ومابقدر على القحه

انا لله ياخ من نضمك السمح ده ....!!



كر علي يايمة
انتي تقحي ؟؟؟
نمرق نحنا بالعطسة

ياخ أقيفي وتاني أقيفي
وداير اهدييييييييييك هدية
موش النسيج عجبك خلاص
لا محلات النالة لاسعد قشرة
تخفيض لي ماف القيمة عديل كدة
على كل الحروف السويسرية
والتواتل الشعرية
المنقولة والمنسوخة والفقرية


وهااااااااااااااااك مترين من غنا
فصليهم ذي ماتفصليهم

إن شاء الله تفصلهم ليك وضاحة بي الترزي ابو السيد

ياخ انتي تستاهلي ياخ

[nezam aldeen]

اقتباس:
المشاركة الأصلية كتبت بواسطة ابوفراس عوض الكريم
نص مميز.. في إنتظار المذيد
كل الود..



ياخ قبال ارد ليك :
دا يعلقو عليهو يقولو شنو
سيفي أنا خشب فلا تتعجبي !!
أني أحارب بالحروف وبالرؤى
ومن الدخان صنعت كل مشاهدي
شيدت للحب الأنيق معابدآ
وسقطت مقتولآ أمام معابدي

[بله محمد الفاضل]

المشاركة الأصلية كتبت بواسطة محي الدين عوض نمر

وفي البعيد . . تنحني . .
تمسك الطرف الأسفل . .
وترفعه إلى الأعلى . .

تخلع شمسي جلبابها . .

لتستر الأرض ما انكشف من جسدها . .
وأبيت والرغبة تحتل عواصمي . .
قبله بقليل . .
قبل أن يصل طرف الثوب إلى صدرها . .
تبتسم . .
وتخرج من عينها تلك الفتاة . .
تتجه نحوي . .
والأصائل حضور . . والطيور تعاكسها تجاهي . .
وبيننا البحر . .
أقرأ ملامحها شعرا . .
وأكتب وصفها قصيد ونشيد . .
والسماء تغني بها . . بصوت كمان . .
ألحان زفة القمر للمكان الفرح عريسا . .
تقترب فتتضح ملامحها رويدا . .
ليتضح تشكيل حرفي . .
الضفة الأخرى خطوتها المميتة . .
تتوقف عندها فأتوقف مشدوها فيها . .
وأشيائي مثلي . .
مشدوهة فيها . .
يسيل لعاب قلمي ويبلل الورقة . .
فتمتعض . .
أفوق إثرها . .
أربت عليها . . عذرا عزيزتي . .
فما زال صغيرا . .
أعذريه حتى إذا تبول نائما . .
تبتسم . .
أرفع رأسي . .
و . .
شمسي خلعت جلبابها . .
وفتاتي أذابها الخجل . .

هلا بك ود نمر
وهلا بحرفك الذي يغتغت المرامي
بحرفنة
يربت عليها المزاج


هلا بك

محبتي

[nezam aldeen]

المشاركة الأصلية كتبت بواسطة بله محمد الفاضل

هلا بك ود نمر
وهلا بحرفك الذي يغتغت المرامي
بحرفنة
يربت عليها المزاج


هلا بك

محبتي

والضفة الأخرى أثر دربها ،،
هل غياب إحساسي عن الوعي ماأذهبها ؟
ام هل كانت تريد مني غير النظر ؟
‏
‏
‏،
‏
بلة
غيمة راحلة
بعد تصب تروي البلد
‏

حبي الكامل غير منزوع الشكر
شكرا للحضور