الله ياشعب مصر كيف لنا ان نشاركك الفرحة

[جيجي]

وهذا الرحيل الاليم
ورجل الحريات لايستطيع
الله ياخالد
الله ياخالد

[الرضي]

اقتباس:
المشاركة الأصلية كتبت بواسطة جيجي
وهذا الرحيل الاليم
ورجل الحريات لايستطيع
الله ياخالد
الله ياخالد



مبروك لمصر
نسأل الله لعزيزنا خالد المغفرة والرحمة
وليهناء خالد في آخرته فقد عاش ومات مناصراً للحرية والديمقراطية

[مبر محمود]

الله ياشعب مصر كيف لنا ان نشاركك الفرحة

عبر سودانيات سنشارك الجميع يا جيجي .. أهل مصر وغيرهم .. لم لا؟

سنشاركهم ..
أفراحهم، وإنتصاراتهم، إنكساراتهم، وكل إنفعالاتهم بالوجود وبالحياة ..
الحياة تمضي يا جيجي .. بقانونها وبفلسفتها الخاصة .. ولا متحكم فيها غير الله ..

أنتقل خالد من ضفتنا هذه الي الضفةِ الأشهى..
هذا ما أراده الله له !
فدعينا نلتفت لما أراده خالد لسودانيات

[أسعد]

جيجي سلام الله عليكم واحسن الله عزاكم

ياخ الليلة خميسي ضارب وبرنامجي مختسق وموضوعي مستحمي وفوق لي دا عندي أرق

اهن ،،، الاسباب دي كلها بتخليني احطم اغلال حزنكم ، جملكم الله بالصبر في فقدكم

على العموم هي دي سنة الحياة في الخلائق ، وإن كانت كعهدها أتت بغتة وفي غير ميعادها المعتاد

اها وبما إنو خميسي ضارب فعاوز أنقنق شوية وابراكم نقة عشان يبقن عليكم اتنين حزن وملل

والله يعينكم غايتو

استغرب واستهجن اهتمام الناس في مسألة نتائج الثورة المصرية في عملية تنحي مبارك !!

فاذا تنحى مبارك أو لم يتنحى فالثورة المصرية قد اتت اوكلها وخلاص ، لأن مبارك إذا لم يتنحى حاليا فانه لي يجلس طويلا في كرسيه ومصيره التنحي ، قولي لي لماذا؟!

أقول ليك لأنو الثورة المصرية أتت أوكلها بما يفيد

قولي لي اتت اوكلها بما يفيد كيف؟!

يا ستي هذه الثورة المصرية بدلت مفاهيم وغيرت مباديء وصححت أخلاق ، فمن كان يحسب أن سلطة وجاه جمال مبارك واحمد بهجت احتمال تقيهم من نار جهنم في يوم القيامة ، ولكن بعد الثورة تبين أن لا سلطة تحميك ولا جاهٍ يفديك عن غضب الناس إن كنت ظالماً لهم ، ولكن العدل والمساواة بين الناس في إحقاق حقوقهم هي الوسيلة الوحيدة لحمايتك من غضب الناس وبل منحك حبهم ، كما وإن تدافع الناس وموتهم في الشوارع يعمل على تصحيح المباديء والاخلاق بين الناس فالموت وحده أفضل مدرسة لتعليم الاخلاق الحميدة

هذا من جهة ومن جهة أخرى تجدين أن الوضع الاجتماعي قد تبدل تماما بمقدار 180 درجة فاذا ما قارنتيه من ناحية ثقافية فستجدين أن معظم الشباب قد تبدلت احوالهم وتغيرت توجهاتهم ورغباتهم وأمانيهم ، فمن كان احمد عز اسطورته فصيبح شوقي غنيم غدوته ومن كان يعشق تامر حسني فسيتركه ويذهب إلى الملك محمد منير ومن كان يحب كلمات حميد الشاعري فسيحب هشام الجخ ، ومن كان يقرأ لعمرو سعد فستجدينه اصبح يتابع مقالات بلال فضل ، ومن كانت تعشق روبي ستصبح غدوتها الفنانة دينا مسعود ، وهذي لعمري تحول ثقافي وفكري يرتقي بحال البلاد والعباد

وتلك وايم الله اشرف وانبل ثورة تمر على العالم اجمع منذ انطلاق الثورة الفرنسية ، مع إني ما بعرف الثورة الفرنسية حالها ومحتالها ولكن بطبيعة الحال فانها لن تتفوق على الثورة المصرية نبلا وشرفاً في تغيير اوضاع العالم اجمعه

اقول تغيير اوضاع العالم وفي القلب خوف من اختلاف الازمان بين الثورة المصرية والفرنسية ، ففي زماننا هذا لن تترك الثورة المصرية على حالها ، فالكل متجه إليها يريد أن يحوله ا لمصلحته ، فأمل منكم ان تدعو الله معي في ان يقي الله الكنانة من نار الفتنة المحيطة بها ... آميييييييييين

[Sana Mursi]

والله يا جيجي رحيل خالد مسخ علينا الدنيا كلو كلو
والله حتى الابتسامه لطفل بقت تطلع مره
وما علينا الا ندعو ليه بالرحمه والغفران
وندعو لي روحنا بالصبر

[أسعد]

نسيت أختم ليك بما يستفاد من هذا الحنك البيش
ما يستفاد انه الثورات لو كانت هدفها فقط إزالة نظام واطاحة ديكتاتور ، فبتكون زي الحطمت اللات وعملت العزى ، فبتشيل صنم وتخت صنم تاني زي ما بحصل عندنا من ساقية جحا في شأن الثورات الحاصلة عندنا

عشان كدة الثورات بتقاس بالتغييرات الغير محسوسة دي كما ورد اعلاه
اسي لو ازيل نظام الانقاذ
فما هو البديل ؟!
طبعا البديل ما بقصد البديل سياساً ولكن بقصد البديل أخلاقياً وثقافياً وفكرياً وفنياً عشان يبدل الوضع الراهن من اخلاق فاسدة معكوسة من النظام الحالي

[جيجي]

الان يا خالد
كأن الله اراد لنا ان نذهب في وداعك ونحن مرفوعي الجباه
وكأن مصر ابت الا ان تسمعك اهازيج الحرية قبل رقادك الابدي هذاا
رحمك الله واحسن اليك يا صديق

[الرشيد اسماعيل محمود]

المشاركة الأصلية كتبت بواسطة وجدي الأسعد الأسعد




اسي لو ازيل نظام الانقاذ
فما هو البديل ؟!
طبعا البديل ما بقصد البديل سياساً ولكن بقصد البديل أخلاقياً وثقافياً وفكرياً وفنياً عشان يبدل الوضع الراهن من اخلاق فاسدة معكوسة من النظام الحالي

البديل الموضوعي ربما موجود ياوجدي..
ولكن الغابة تحجب رؤية الأشجار..
تحجبها تماما..

[tariqosman]

اقتباس:
المشاركة الأصلية كتبت بواسطة جيجي
وهذا الرحيل الاليم
ورجل الحريات لايستطيع
الله ياخالد
الله ياخالد



اليوم افرحي واتركي الحزن جانبا

فلقد فرح خالد وانتصر

[أسعد]

رشيدو ياخ بالجمبة كدة (أنت زول ملعون وممكن تاكلني حنك بقدرتك الابداعية في التعبير) فبلاي راعي لينا الحتة دي..

يازول انت مشكلتك مع الكتابة الدائمة ولا مع قيمة مايكتبه المبدع

الاتنين يا صاحب

انا مشكلتي مع الاتنين القيمة الابداعية والمداومة في انتاجها حتى ولو قلت قيمة المنتج لكن يكون في مداومة موش في حديث بقول (من احب الاعمال إلى الله ادومها وإن قل)

انت قايل لي شنو؟!

عشان لانو الانسان ابن عاداته موش ابن طبيعته

والانتاج الدائم لمبدعينا حا يعتبر عادة والعادة كما هي معلوم لديكم انه ستصبح طبيعة والطبيعة هي البتحدد مصير الانسان

عشان كدة مداومة الانتاج الابداعي سيصبح عادة لدى محمد احمد السوداني وبالتالي طبيعة ثم يصبح مصيراً

أما مبدعينا الاستشهدت بيهم فما عندي فوق كلام ولا ينبغي لي

لكن ثم ماذا بعد ياخ

ياخي نحن اولاد الليلة ياخي

الانقاذ ركبتنا ماسورة وخلتنا صفارتنا تسوي طووووووووووووووووووووط من الفراغ الخلقتو جوانا

وينهم الناس ديل عشان يردموا الفجوة دي؟!

وينهم عشان يصلحه ما افسدته الانقاذ.... لانهم هم الوحيديين البقدرو يصلحوا ... ما يرجوا معارضة تصلح ليهم وما يرجوا ليهم شعب فارغ يصلح ليهم الوضع ويعبد ليهم الطريق عشان يجوا يصلحوا الشعب

المفروض يجوا يصلحوا الشعب ... عشان الشعب يصلح المعارضة ... عشان بعد داك يشيلوا الكيزان

لكن الشعب بقدرة قادر كدة (خلي بالك نحن ما في زمن المعجزات) يجي يغير الحكومة ومن ثم يجوا السادة المثقفين عشان ينظروا للشعب

ياخي احااااااااااااااا

أما بخصوص جغرافية الابداع ... فخليني اقول ليك وجود المبدع داخل بلده أمر مهم وشيء اساسي

بصرف النظر عن مسألة انه بكون عايش تفاصيل احداث حياة محمد احمد

لكن وجوده وسط محمد احمد مهم .... ياخي القراية شيء والمعاشرة شيء تاني

اسي امسك عندك محسن خالد دا ... اهو خلينا نقول البقروا ليهو ملايين ... لكن البعرفوهو ميات ...

لكن اتخيل معاي مثلا لو محسن موجود في الخرطوم اشيء منتديات ثقافية واشي سمنارات وأشي محاضرات وعيييييك من نقل حي للابداع .... ياخي اتخيل بس انه يكون قاعد مع ست شاي وفجاءة الونسة دورت وقام محسن استلم النقاش ... ياخي اكيد الكانو قاعدين مع ست الشاي ح يمشوا وتكون مفاهيمهم اتغيرت ونظرتهم للاشياء اتبدلت ...

لكن بالطريقة دي ياهو محسن خالد ماشي فوق درب الطيب صالح ... لمن يتلحس يبكوه الاغراب وفي السودان لا بواكي له ...

بعدين وجود المبدعين داخل بلدهم مهم جداً يا صاحب

وخليني اضرب ليك مثل بين بلدين مصر ولبنان

لبنان لا تقل عن مصر شيء في الناحية الابداعية على النطاق المعرفي والثقافي ، ولكن مبدعين لبنان مهاجرين ومبدعي مصر مقيمين فيها ... ياخي لا يمكن تلقى ليك مفكر او كاتب مصري واحد عايش برة مصر

دي الفرق الوحيد بين مصر ولبنان ... عشان كدة بتلقى مصر عملت المظاهرة وشالت الطاغية وفي نفس الوقت اعادت ترتيب اوضاعها وعاشت في ديمقراطية جميلة على الرغم من المحن البتحيط بيها .... لكن تعال شوف لبنان ... اكتر من خمسين سنة عايشة في حروب وخلافات سياسية متواصلة

وعشان ادلل ليك اكتر ... في مقبلات الايام ح تشوف الفرق بين ثورة مصر وثورة تونس في ايهم اعاد ترتيب اوراقه على احسن ما يكون

وأما من ناحية في سلبية لدى مبدعينا

فدي راقدة تبيّ وهبطرش وعلى قفا من يشيل

ياخي فرق بين التغيير الحاصل علي الشباب في السودان والتغيير الحاصل علي الشباب في مصر

فرق كبييييييييييير يا صاحبي

أي نعم بتلقى شباب ماشين يحضرو ليالي شعرية لشعراء عظام أو حفلات غنائية لعقد الجلاد

لكن العبرة بي شنو يا صاحبي؟!

العبرة بالنتائج

النتائج انه المرقوا من الليالي الشعرية أو الحفلات الغنائية لعقد الجلاد مرقوا وهم مبسوطين أنه استمتعوا وعبوا روحهم بجمال الحفل ... وبس !!

بينما على الضفة الأخرى في مصر ... البكونوا مرقوا من شعر هشام الجخ أو ايمان البكري

بكونوا اتعبوا فول من تأملهم في احوال قهرهم

وكذلك قس على قراءة مقالات بلال فضل أو علاء الاسواني أو الخ الخ من شباب كتاب ومفكرين احرار

الفرق يا صاحبي انه هناك في مصر في ابداع مواكب للاحداث

لكننا عندنا نحن هو اجترار لحاجات قديمة

وفي دي بتفرق ياخ

قلت لي المسألة محددة بيد الشعب

لكن يا صاحبي زي ما بقولوا الشعب جماعة والعقل الجمعي يعتبر عقل اطفال

ما بعرف صليحه من عدوه

عشان كدة السادة المبدعين مفروض يوعوا الشعب في الأول وبعدين يخلوهو يحدد

بعدين يا صاحبي أنا ما حصرت الابداع المصري في الجماعة ديل

انت شايفني مسمي روحي خبير في القضايا المصرية

ياخ ديل العرفتهم ...

بعدين النت دا ... في السودان ولا جايبين خبره اللهم إلا من فيس بوك حيث مساء الخير وصباح الخير وشاتينق وجكيس

الناس في السودان عندكم هناك ما جايبة خبر لمسألة المنتديات دي (وانا هنا بتكلم الغالب من الشعب السوداني)

اما ناس قرفنا وشرارة ديل وعيهم ما جابوهو من المبدعين

جابهو من الظلم الحاصل عليهم ياخ

الظلم هو العلمهم

[أسعد]

ياخي نفسي اطلع في مظاهرة واقول:
الشعب يريد تغيير المثقف

ياما غيرنا حكومات وبدلنا انظمة
لكن كدي خلينا مرة واحدة نغير المثقفين والمبدعين (بوضع اليد)

يمكن يحصل تغيير في السودان ياخ