ضياع الدين-ازيك يا رجل

[imported_ماريل]

صدفة كده لقيت اسم ضياء الدين ضمن الاعضاء الجدد .شدانى الاسم يا ضياء ياخ دخلت (ملفك)فاذا بك صديقنا الشمباتى
الشمباتة زادو نفر حدث مفرح وجميل والاجمل ان الاصدقاء الذين اخذهم الزمان وابعدهم المكان تعود بهم سودانيات
مرحب شديد يا ضياء الدين (فرحانة بيك كل النجوم) بالله برجلك اليسار .....

[imported_ماريل]

ضياع الدين ده يا جماعة شخص لذيذ لذاذة طبعا الزول ده فى شهادة افعالو اسمو ضياع الدين لكن فى شهادة ميلادو اسمو ضياء الدين
المهم ضياع الدين صديقنا الشهير فى شمبات ب(الضئ)كنا احيانا ندغدغ مشاعره التى ارهقت جراء خطبة(الحبيبة)من احد اثرياء العاصمة (السايق لانسر)
فشنو نقوم ب(الكولن):
والضئ بكى
بكى ما بكى
بكاهو حس اللانسرات
بكاو حبيبتو تنخطب
بكاهو يرجى المعجزات





ضياء ياخ مرحب يا ابو الزمُل

[imported_ماريل]

[imported_ماريل]

ما زلت تملك ذاااااااااات القلب الباسم يا صديقى لم تبدلك المنافى يبسم قلبك فتضحك ملء جنبيك ونضحك ملء شفاهنا فقط....
هل مازال العقد يطوقك برغبتك فى الاحتفاء به على طريقتك ..على كل دعنى احتفى بك بذات طريقك واهديك لحنهم الموجع ذاك


http://www.youtube.com/watch?v=-iLoiHAQqH0

[الرشيد اسماعيل محمود]

مرحب بضياء الدين محمد ميرغني، الشمباتي الذي بكّاهو حس اللانسرات
أهلا بيك يا ضياء

[imported_خضر حسين خليل]

مرحب ضيا(ع) (ء) الدين
غايتو يا الشمباتة الدين مجهجه معاكم جنس جهجهة

[imported_ماريل]

المشاركة الأصلية كتبت بواسطة الرشيد اسماعيل محمود

مرحب بضياء الدين محمد ميرغني، الشمباتي الذي بكّاهو حس اللانسرات
أهلا بيك يا ضياء

الرشيد ضياء صاحب (الشِينات الخمسة):
شمباتى
شرامى
شفاتى
شكسبيرى
الاخيرة دى بتعمل لبعض الناس كاروشة لكن مافى منها مفر(شيوعى تائب)
غايتو الزول ده لو سخى لينا اكيد بحدث نقلة على مستوى البورد خصوصا بعد
تجربة الحج الاخيرة.........