تحضير ارواح

imported_ZEIN ABDALLA · 03-03-2016, 09:28 PM

كنت في العاشرة من عمري عندما حضر ابن خالي من كسلا وبدأ يشرح لاخوتي كيفية استحضار
ارواح الموتي. لم اكن معنيآ بالكلام ولكن تتبعته باهتمام واستوعبته تمامآ.
لا استطيع ان اتذكر الآن تفاصيل كيفية عملية تحضير الارواح .. ولكن تبدأ بان تغلق نفسك فى حجرة وتضع اناء
ماء اسفل منضدة وتضع صورة للميت على المنضدة وورقة تكتب فيها اسئلة للميت
وقلم رصاص... ثم تغطي المنضدة بثوب كبير وتبدأ في قراءة كلمات غريبة لا معنى لها.
قررت خوض التجربة واردت ان استحضر روح احد الموتى وان
اسأله عن حاله الآن..... المشكلة التي واجهتني هي الصورة الفوتوغرافية، وهي ضرورية للعملية
ولم اجد للميت اي صورة.

ناصر يوسف · 03-03-2016, 11:52 PM

ارسل ليك صورتي الخايف عليها يا دكتور زين ؟؟

انا غايتو حاجز بنبري هني

قبل وبعد الرحيل .. في الحالتين ياخ انا هنا

سمح ؟

تسمح ايامك يا حبوب

imported_ZEIN ABDALLA · 04-03-2016, 07:50 AM

قمت برسم وجه على ورقة بيضاء وكتبت اسفل الرسم اسم المتوفي وذلك
لاستخدامها بدلآ عن الصورة.
عدت من المدرسة منتصف النهار ولم يكن بالمنزل احد غير والدتي.
بسرعة احضرت (حلة) مليئة بالماء ووضعتها اسفل المنضدة ووضعت
الرسم (الصورة) على المنضدة واغلقت الغرفة (الباب والشبابيك) وبدأت
قراءة الكلام من ورقة.
فجأة ينبعث صوت وضوء من اسفل المنضدة (انفجار صغير) فالقيت
بالورقة واندفعت نحو الباب وخرجت من الغرفة. كانت والدتي في البرندة
خارج الغرفة تجلس في هدوء ولا يبدو انها احست بشيء غير طبيعي.
انتظرت حتى عاد ابن خالي وحكيت له فشل التجربة... قال لي سبب فشل
التجربة هو الصورة لان الذي قمت برسمه هي صورة للشيطان وليس للمتوفي.
ومرت السنوات ثم قابلت شخص سوداني له قوة خارقة وكان يقدم عروضآ باوروبا ومسميآ
نفسه (شمسون السوداني)...
والله يا ناصر الكلام دا جد

imported_الجيلى أحمد · 04-03-2016, 09:09 AM

أها ياعمك..

ياخ دى قصة بيكبوها بووووو بدون تقطير

منتظرنك

imported_أسامة معاوية الطيب · 04-03-2016, 09:29 AM

دكتور زين سلامات
الموضوع دا شيق جدا وكان يستهويني بدرجة كبيرة ومارسته ولكن بطقوس أقل درامية من مشاهدك أعلاه ، وقد كتب القلم الرصاص في إجاباتي التي كنت أسألها مباشرة ، إجابات بعض قريب للحقيقة وبعضها مبهم وبعضها كنت أحس بتأثيري عليه
احكي ليك طرفة مرتبطة بإحدى التجارب
كنا في القضارف لتجهيز أعمال حفل تجاري للفنان صديق أحمد دعنا لأسبوع ثقافي كنا نحضر له في رابطة مروي بجامعة السودان
ذهب زميل لنا قبلنا بأسبوع للتحضير ، وحين وصولنا للقضارف فقدنا أثره تماما (جاتو ملاريا ورقد عند جماعة أهلو وطبعا ماكان في موبايل ولا أي وسيلة تانية) وما عرفنا نعمل شنو ، نمشي من الصباح نفتش ونرجع آخر اليوم لي قطيتنا الشهيرة نخستك
كان معانا قريب لي متابع معانا الموضوع ومهموم بيهو جدا ، كل يوم يجي يسأل ويمشي يفتش بي طريقتو ، ومافي نتيجة
وانا كت لما نرجع البيت المخصص لينا بنفرد في غرفة مظلمة وحارة ومليانة عفش ، عبارة عن مخزن هي ، وباقي الشباب في القطية
كت بستمتع جدا بتجربة التحضير دي
بعد خمستاشر يوم زميلنا طاب وجا السوق وعرف انو اصحابو جو وبيفتشو فيهو ، وقريبي عرف الخبر وجانا طاير في البيت عشان يكلمنا
لما وصل البيت انا كت في مخزني ، وبالشورت بس ، وحر وعرق مبالغة ، وضلام
كلم الشباب بي صوت عالي وانا سمعتو ، وسأل مني قالو ليهو في الأوضة التانية ، وجاني جاري بحماس شديد شايل البشارة
فتح الباب وقال لي يا اسامة لمينا في وليد
انتبهت لي انو زي رجع لي ورا بعد شاف المنظر دا ، زول عريان وماسك قلم رصاص بطريقة غير المعتادة ، على ورقة لا تكاد ترى ، وحر وعرق شديد ، وضلام ، وصمت مطبق ،
لما حسيت بي خوفو
اتلفت عليهو وقتليهو بي ثقة شديدة
عارفو
قال لي عارفو كيف يا زول انا يا دوب لاقيتو وجيت هنا - مع خطوة محترمة للخلف -
عاينت ليهو في عيونو بغضب مفتعل وقتليهو
- طيب وأنا هنا بعمل في شنو ؟
وزولك على اليمين فد جرية جابوهو من قريب الصومعة

دا بوست ممتع وبجيهو بانتظام تاني

ناصر يوسف · 04-03-2016, 10:43 AM

د. زين

طاب يومكم انت وضيوفك هنا

الجيلي

اسااااكه معاوية بالدرب العديل

يا حبوب .. ما تشتغل ببداية مداخلتي الفوق دي ... كانت مجرد مزحة والله

لكن حقيقي الموضوع ده مستهويني شدييييد

فاتتني جلسة تحضير روح واحمد من امراء المهدية قبال كدي

الجلسة كانت في الموردة

والزول الدعاني للجلسة دي ما اداني اسم صاحب المنزل الحتقام عليه الجلسة

مشيت حمت الموردة دي شارع شارع اقلاها القي عربيتو واقفة

وفعلا لقيت عربيتو واقفة جنب كشك بسط الامن الشامل الواقع غرب سوق الموردة

سألتهم يا اخوانا سيد العربية دي قال ليكم ماشي بيت ناس منو

طبعا عاينو لي من فوق لا تحت وانا غباري لاحق رموش العين

حتي اتبرع واحد وقال لي ما عارفنو والله .. لكنو دخل علي الزقاقات دي

انتظرتو جنب العربية لغاية بعد صلاة العشاء

واول ما شافني عيونو ديل حممممممر

قلت ليه انا من العصر بفتش عليك ياخ

ركبنا العربية وحكي لي بإنو الفعل بتاع تحضير الارواح ده واللهو اصلا ما كان مصدقه ..

الليلة حصل حقيقي

ياخي خليتني استرسل في الفاضي

تعال كب الحكاية دي كلللللها هني علي قول الجيلي ياخ

imported_ZEIN ABDALLA · 08-03-2016, 02:26 PM

اقتباس:

المشاركة الأصلية كتبت بواسطة أسامة معاوية الطيب

دكتور زين سلامات
الموضوع دا شيق جدا وكان يستهويني بدرجة كبيرة ومارسته ولكن بطقوس أقل درامية من مشاهدك أعلاه ، وقد كتب القلم الرصاص في إجاباتي التي كنت أسألها مباشرة ، إجابات بعض قريب للحقيقة وبعضها مبهم وبعضها كنت أحس بتأثيري عليه

سلام اسامة
الاطفال تقول ليهم اي كلام يصدقوهو....
والموضوع انا تقريبآ نسيته لولا حدوثه مرة اخرى بعد ١٤ سنة من
الحادثة الاولى.

imported_ZEIN ABDALLA · 08-03-2016, 02:11 PM

اقتباس:

المشاركة الأصلية كتبت بواسطة الجيلى أحمد

أها ياعمك..

ياخ دى قصة بيكبوها بووووو بدون تقطير

منتظرنك

سلام يا الجيلي
ياخي القصة دي حصلت زماااان وانا شافع صغير عشان كده احداثها ما بقدر اتذكرها كلها لكن لو كنت كبير او واعي شوية لما قمت بتجربة لتحضير
روح ميت ..... واذا لم يحدث الانفجار الصغير لكنت نسيت هذه التجربة. وبعدين انا زول علمي يمكننى ان افسر كثير من الاشياء الغريبة والخارقة
وارجاعها لموجات كهرومغناطيسية وتذبذبها. حسع شوف عادي الزول يتكلم صوت وصورة مع شخص يبعد عنه الاف الاميال وهو كان بمثابة الاستحالة
قبل ٣٠ سنة.
كل العالم من نبات وحيوان وجماد يتكون من وحدة الذرة وجميع الذراتلاي مادة مكونة من الكترونات وبروتونات ونيوترونات، فاذا ارجعنا المواد لاصولها
فسيكون الكون عبارة عن الكترونات وبروتونات ونيوترونات. وسيأتي اليوم الذي يعرف فيه الانسان ما بداخل الالكترونات والبروتنات نفسها.

imported_عبد السلام · 20-03-2016, 05:58 AM

طبعاً بعديها اتعودت على وجودهم معانا وبقينا متصالحين معاهم .. بنسمع اصوات ومرات بكاء شفع ومرات هبوب لكن إطلاقاً ما حصل تلامس معانا أو حتى تصرفات منهم تجاهنا

باب الصالون البنقرأ فيه فاتح على الحوش والحيطة .. باب الشارع إلا تطلع من الصالون وتمشي يسار لحدي نهاية الحوش حتى توصله
أولاد الحلة بعد ما كانوا خايفين بدو يجونا في الشارع ونحاول ندخلهم البيت يابو
أول يوم رضو يدخلوا فيه الصالون لي شقاوتهم كانت الدنيا ليل
قعدوا معانا جوة .. وطق اللمبة طفت .. صاحبي كورك في الجن : ولعوا اللمبة دي ياخ كرهتونا ذاتو
طق اللمبة ولعت

وحاة الله التلاتة اولاد طلعوا جارين من باب الصالون ومن الخلعة اتشعبطوا في الحيطة ونطوا بالشارع بدل يمشوا بالباب

imported_عبد السلام · 20-03-2016, 06:08 AM

عندنا صاحبنا حلبي خواااااااف بخاف من ضلو

بجي يكورك لينا ويتونس معانا في الشجرة برة الشارع لكن دخول نهااااائي ما بفكر فيه

أها بدينا نقنعه حبة حبة لأنه كنا عاوزينو يشرح لينا انجليزي لحدي ما يوم وافق يدخل لكن نصة نهار بس .. بالليل ما معانا

أها التلاتة قاعدين في السرير وقدامنا تربيزة وهو في نصنا بشرح
فجأة كدة سكت وبقى ماسك القلم لي فوق وفاتخ خشمو مترين ويرجف

ونحن نقول ليه مالك يا محمد وهو زي الميت لا قادر يتلفت لا قادر يقفل خشمو ولا حتى يحرك لسانه ذاتو

بقينا نهز فيه يا ود الناس مالك في شنو ؟ بعد تلتلة وتعب أشر لينا بالقلم على كرعينه تحت التربيزة وبالصوت ما قدر يقول أي حاجة غير أآآ أآآ

أها صاحبي دفر التربيزة وعاين لمكان كرعينه يلقى ليك يد صغيرونة ماسكة كراع الحلبي .. طبعاً ولا اتردد مسك اليد وسلاها من تحت السرير
يقوم يطلع لينا أخو صاحبي الصغير

أتاريهو عارف الحلبي خواف وجاء براااحة براحة دخل تحت السرير وقبض كراعه

طبعاً بعد الحادثة ديك تاني نهائي ما جاء بي شارع البيت لكن قطع شك اليوم داك بكون قطع وضوءه

imported_قرقاش · 20-03-2016, 07:02 AM

حتى انت ياعبسلام ...
ح تعمل لينا فيها هتشكوك ..
ــــــــــــــــــــــــــــــــــــــــــــــــــ ــــــــــــــــــــ
بس ماقلته لينا الواطه كانت ناشفه تحت الحلبى ..؟

imported_عبد السلام · 20-03-2016, 09:47 AM

اقتباس:

المشاركة الأصلية كتبت بواسطة قرقاش

بس ماقلته لينا الواطه كانت ناشفه تحت الحلبى ..؟

نان القطع وضوءه شنو ! gap

ناصر يوسف · 20-03-2016, 11:15 AM

اقتباس:

المشاركة الأصلية كتبت بواسطة عبد السلام

نان القطع وضوءه شنو ! gap

ههههههههه

تكون موية الوضوء ياخ

ههههههه

غايتو عن نفسي انا ما قاعد اخاف زي صاحبك ده

عندي موقف حصل لي سنة 1996 كأس العالم في بورتسودان وكانت اووووول مرة ازور فيها بورتسودان وحكاوي الجن وكدايس بورتسودان ماليه الراس

كان معاي صاحبي التاج .. نزلني في بيت خالو المهجور في ركن سلبونا المقابل للمخازن الفاصلة بين سلبونا وهدل ..
خلاني هناك ومشي الثورة

قعدت في البيت براااااي في عز السخانة وطبعا موية مااااافي

أزمة الموية في بورتسودان كانت في اوجها

بعد ما الواطاة مغربت ..

انا قاعد في الحوش

صاحبي التاج حاول انو يخوفني

جاني ناطي من راس الحمام وهو بيصدر اصوات

هووووو فوووو شيخ فلنطيييييخ

وانا راااااقد في عنقريبي وقلت ليهو

تعال يا سجم بطل عوارة وامش علي جيرانكم ديل شوف لينا فنجان موية ان شاء الله نقضي بيه حاجتنا ياخ

طبعا التاج من شدة ما اتخلع لامن قعد في الارض وقال لي

والله قلت اخوفك .. لقيتك انت الخوفتني .. يا زول هه .. انت اصلا ما بتخاف ؟؟

ههههههه

03-03-2016, 09:28 PM	#[1]
imported_ZEIN ABDALLA :: كــاتب نشــط::	تحضير ارواح كنت في العاشرة من عمري عندما حضر ابن خالي من كسلا وبدأ يشرح لاخوتي كيفية استحضار ارواح الموتي. لم اكن معنيآ بالكلام ولكن تتبعته باهتمام واستوعبته تمامآ. لا استطيع ان اتذكر الآن تفاصيل كيفية عملية تحضير الارواح .. ولكن تبدأ بان تغلق نفسك فى حجرة وتضع اناء ماء اسفل منضدة وتضع صورة للميت على المنضدة وورقة تكتب فيها اسئلة للميت وقلم رصاص... ثم تغطي المنضدة بثوب كبير وتبدأ في قراءة كلمات غريبة لا معنى لها. قررت خوض التجربة واردت ان استحضر روح احد الموتى وان اسأله عن حاله الآن..... المشكلة التي واجهتني هي الصورة الفوتوغرافية، وهي ضرورية للعملية ولم اجد للميت اي صورة.
imported_ZEIN ABDALLA :: كــاتب نشــط::

03-03-2016, 11:52 PM	#[2]
ناصر يوسف :: كــاتب نشــط::	ارسل ليك صورتي الخايف عليها يا دكتور زين ؟؟ انا غايتو حاجز بنبري هني قبل وبعد الرحيل .. في الحالتين ياخ انا هنا سمح ؟ تسمح ايامك يا حبوب
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

04-03-2016, 07:50 AM	#[3]
imported_ZEIN ABDALLA :: كــاتب نشــط::	قمت برسم وجه على ورقة بيضاء وكتبت اسفل الرسم اسم المتوفي وذلك لاستخدامها بدلآ عن الصورة. عدت من المدرسة منتصف النهار ولم يكن بالمنزل احد غير والدتي. بسرعة احضرت (حلة) مليئة بالماء ووضعتها اسفل المنضدة ووضعت الرسم (الصورة) على المنضدة واغلقت الغرفة (الباب والشبابيك) وبدأت قراءة الكلام من ورقة. فجأة ينبعث صوت وضوء من اسفل المنضدة (انفجار صغير) فالقيت بالورقة واندفعت نحو الباب وخرجت من الغرفة. كانت والدتي في البرندة خارج الغرفة تجلس في هدوء ولا يبدو انها احست بشيء غير طبيعي. انتظرت حتى عاد ابن خالي وحكيت له فشل التجربة... قال لي سبب فشل التجربة هو الصورة لان الذي قمت برسمه هي صورة للشيطان وليس للمتوفي. ومرت السنوات ثم قابلت شخص سوداني له قوة خارقة وكان يقدم عروضآ باوروبا ومسميآ نفسه (شمسون السوداني)... والله يا ناصر الكلام دا جد
imported_ZEIN ABDALLA :: كــاتب نشــط::

04-03-2016, 09:09 AM	#[4]
imported_الجيلى أحمد :: كــاتب نشــط::	أها ياعمك.. ياخ دى قصة بيكبوها بووووو بدون تقطير منتظرنك
imported_الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just apart of it We have got to fill full the book Won't you help to sing- these songs of freedom Cause all I ever have Redemption songs

04-03-2016, 09:29 AM	#[5]
imported_أسامة معاوية الطيب :: كــاتب نشــط::	دكتور زين سلامات الموضوع دا شيق جدا وكان يستهويني بدرجة كبيرة ومارسته ولكن بطقوس أقل درامية من مشاهدك أعلاه ، وقد كتب القلم الرصاص في إجاباتي التي كنت أسألها مباشرة ، إجابات بعض قريب للحقيقة وبعضها مبهم وبعضها كنت أحس بتأثيري عليه احكي ليك طرفة مرتبطة بإحدى التجارب كنا في القضارف لتجهيز أعمال حفل تجاري للفنان صديق أحمد دعنا لأسبوع ثقافي كنا نحضر له في رابطة مروي بجامعة السودان ذهب زميل لنا قبلنا بأسبوع للتحضير ، وحين وصولنا للقضارف فقدنا أثره تماما (جاتو ملاريا ورقد عند جماعة أهلو وطبعا ماكان في موبايل ولا أي وسيلة تانية) وما عرفنا نعمل شنو ، نمشي من الصباح نفتش ونرجع آخر اليوم لي قطيتنا الشهيرة نخستك كان معانا قريب لي متابع معانا الموضوع ومهموم بيهو جدا ، كل يوم يجي يسأل ويمشي يفتش بي طريقتو ، ومافي نتيجة وانا كت لما نرجع البيت المخصص لينا بنفرد في غرفة مظلمة وحارة ومليانة عفش ، عبارة عن مخزن هي ، وباقي الشباب في القطية كت بستمتع جدا بتجربة التحضير دي بعد خمستاشر يوم زميلنا طاب وجا السوق وعرف انو اصحابو جو وبيفتشو فيهو ، وقريبي عرف الخبر وجانا طاير في البيت عشان يكلمنا لما وصل البيت انا كت في مخزني ، وبالشورت بس ، وحر وعرق مبالغة ، وضلام كلم الشباب بي صوت عالي وانا سمعتو ، وسأل مني قالو ليهو في الأوضة التانية ، وجاني جاري بحماس شديد شايل البشارة فتح الباب وقال لي يا اسامة لمينا في وليد انتبهت لي انو زي رجع لي ورا بعد شاف المنظر دا ، زول عريان وماسك قلم رصاص بطريقة غير المعتادة ، على ورقة لا تكاد ترى ، وحر وعرق شديد ، وضلام ، وصمت مطبق ، لما حسيت بي خوفو اتلفت عليهو وقتليهو بي ثقة شديدة عارفو قال لي عارفو كيف يا زول انا يا دوب لاقيتو وجيت هنا - مع خطوة محترمة للخلف - عاينت ليهو في عيونو بغضب مفتعل وقتليهو - طيب وأنا هنا بعمل في شنو ؟ وزولك على اليمين فد جرية جابوهو من قريب الصومعة دا بوست ممتع وبجيهو بانتظام تاني
imported_أسامة معاوية الطيب :: كــاتب نشــط::

04-03-2016, 10:43 AM	#[6]
ناصر يوسف :: كــاتب نشــط::	د. زين طاب يومكم انت وضيوفك هنا الجيلي اسااااكه معاوية بالدرب العديل يا حبوب .. ما تشتغل ببداية مداخلتي الفوق دي ... كانت مجرد مزحة والله لكن حقيقي الموضوع ده مستهويني شدييييد فاتتني جلسة تحضير روح واحمد من امراء المهدية قبال كدي الجلسة كانت في الموردة والزول الدعاني للجلسة دي ما اداني اسم صاحب المنزل الحتقام عليه الجلسة مشيت حمت الموردة دي شارع شارع اقلاها القي عربيتو واقفة وفعلا لقيت عربيتو واقفة جنب كشك بسط الامن الشامل الواقع غرب سوق الموردة سألتهم يا اخوانا سيد العربية دي قال ليكم ماشي بيت ناس منو طبعا عاينو لي من فوق لا تحت وانا غباري لاحق رموش العين حتي اتبرع واحد وقال لي ما عارفنو والله .. لكنو دخل علي الزقاقات دي انتظرتو جنب العربية لغاية بعد صلاة العشاء واول ما شافني عيونو ديل حممممممر قلت ليه انا من العصر بفتش عليك ياخ ركبنا العربية وحكي لي بإنو الفعل بتاع تحضير الارواح ده واللهو اصلا ما كان مصدقه .. الليلة حصل حقيقي ياخي خليتني استرسل في الفاضي تعال كب الحكاية دي كلللللها هني علي قول الجيلي ياخ
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

20-03-2016, 05:58 AM	#[9]
imported_عبد السلام :: كــاتب نشــط::	طبعاً بعديها اتعودت على وجودهم معانا وبقينا متصالحين معاهم .. بنسمع اصوات ومرات بكاء شفع ومرات هبوب لكن إطلاقاً ما حصل تلامس معانا أو حتى تصرفات منهم تجاهنا باب الصالون البنقرأ فيه فاتح على الحوش والحيطة .. باب الشارع إلا تطلع من الصالون وتمشي يسار لحدي نهاية الحوش حتى توصله أولاد الحلة بعد ما كانوا خايفين بدو يجونا في الشارع ونحاول ندخلهم البيت يابو أول يوم رضو يدخلوا فيه الصالون لي شقاوتهم كانت الدنيا ليل قعدوا معانا جوة .. وطق اللمبة طفت .. صاحبي كورك في الجن : ولعوا اللمبة دي ياخ كرهتونا ذاتو طق اللمبة ولعت وحاة الله التلاتة اولاد طلعوا جارين من باب الصالون ومن الخلعة اتشعبطوا في الحيطة ونطوا بالشارع بدل يمشوا بالباب
imported_عبد السلام :: كــاتب نشــط::

20-03-2016, 06:08 AM	#[10]
imported_عبد السلام :: كــاتب نشــط::	عندنا صاحبنا حلبي خواااااااف بخاف من ضلو بجي يكورك لينا ويتونس معانا في الشجرة برة الشارع لكن دخول نهااااائي ما بفكر فيه أها بدينا نقنعه حبة حبة لأنه كنا عاوزينو يشرح لينا انجليزي لحدي ما يوم وافق يدخل لكن نصة نهار بس .. بالليل ما معانا أها التلاتة قاعدين في السرير وقدامنا تربيزة وهو في نصنا بشرح فجأة كدة سكت وبقى ماسك القلم لي فوق وفاتخ خشمو مترين ويرجف ونحن نقول ليه مالك يا محمد وهو زي الميت لا قادر يتلفت لا قادر يقفل خشمو ولا حتى يحرك لسانه ذاتو بقينا نهز فيه يا ود الناس مالك في شنو ؟ بعد تلتلة وتعب أشر لينا بالقلم على كرعينه تحت التربيزة وبالصوت ما قدر يقول أي حاجة غير أآآ أآآ أها صاحبي دفر التربيزة وعاين لمكان كرعينه يلقى ليك يد صغيرونة ماسكة كراع الحلبي .. طبعاً ولا اتردد مسك اليد وسلاها من تحت السرير يقوم يطلع لينا أخو صاحبي الصغير أتاريهو عارف الحلبي خواف وجاء براااحة براحة دخل تحت السرير وقبض كراعه طبعاً بعد الحادثة ديك تاني نهائي ما جاء بي شارع البيت لكن قطع شك اليوم داك بكون قطع وضوءه
imported_عبد السلام :: كــاتب نشــط::

20-03-2016, 07:02 AM	#[11]
imported_قرقاش :: كــاتب نشــط::	حتى انت ياعبسلام ... ح تعمل لينا فيها هتشكوك .. ــــــــــــــــــــــــــــــــــــــــــــــــــ ــــــــــــــــــــ بس ماقلته لينا الواطه كانت ناشفه تحت الحلبى ..؟
imported_قرقاش :: كــاتب نشــط::	التوقيع: انته رايك شنو ...؟؟ قرقاش *(وما من كاتبٍ إلا سيفنى/ ويبقى الدهرُ ما كتبت يداه / ولا تكتب بكفّك غير شيء / يسرُّك في القيامةِ أن تراه).*