( ملتقي الفنون ) في زيارة الفنان الكبير ( عبد الرحمن عبد الله ود بارا)

[ناصر يوسف]

بمشيئة الله سنكون ضيوفاً علي الفنان الكبير

عبد الرحمن عبد الله بلوم الغرب ــ ود بارا السبت القادم

وهو يمر بأزمته الصحية الحرجة إذ يعاني من الشلل التام

ملتقي الفنون

جماعة أهلية بدأت كفكرة من قِبَلي وتداعي ليها رهط من الشباب من فناني بلادي

مجرد لمة عفوية ،،، نتلاقي أول سبت من كل شهر قدام المتحف القومي

نختار شخصية من ( كُبارنا ) من المبدعين القدموا للوطن ده أجمل ما أنتجوه من فنون في شتي المجالات

نتسامر ، نتناقش ونختم بتكريم الشخصية المقترحة

نعم ما عندنا قريشات نشتري بيها هدايا قيييييييمة للشخصية المُكرمة ولكن

المعني إنو نكرم الفنان في حياته قبل رحيله ولو بكيس تسالي

والمغزي الآخر هو عمل ترابط للأجيال

جيل اليوم يجلس مع الجيل السبقه ومع جيل الرواد ويقعد يسمع منهم وهم يسمعوه

وبكده نكون عملنا شئ كويس

وفي ذات اللمات ممكن الناس تطلع بعمل فني جديد للناس برضو وارد

بدينا قبل شهور وإتلمينا لمتين بـــــــــــس


اللمة الأولي كانت بيناتنا كجلسة تأسيسية

اللمة التانية إقترحنا في تكريم السيدتين الفضليين

أ. بلقيس عوض ركابي
أ. زينب بليل

أ. بلقيس إعتذرت في آآآآآآآخر لحظة لظروف أسرية طارئة منعت حضورها ولكنها أكدت بإنها معانا قلباً وقالباً وبتشكر شباب الملتقي علي هذه المبادرة والروح الطيبة

أ. زينب بليل حضرت بكامل بهاءها

إتناقشنا وإتسامرنا ودار نقاش جمييييل بينها وبين د. علي محمد سعيد من النُقاد الفنيين الدارسين من جيل اليوم وبينها وبين الجميع وحقيقي كان نقاش مفيد للغاية

في نهاية المطاف ما كان عندنا شئ نهديه ليها غير ( قارورة عِطر)

الدعوة ليكم بإنكم تكونوا معانا السبت القادم

وليه إخترنا السبت ده وهو ما أول سبت في الشهر ؟؟

لأنو لينا زمن ما عملنا أي لقاء بسبب السفر وإرتباطات البعض الآخر هنا في السودان

ربنا يشفي الأستاذ القامة

عبد الرحمن عبد الله

[imported_حسن النضيف]

نسأل الله أن يمن بالشفاء على الفنان عبد الرحمن عبد الله صاحب الصوت الجميل، فكم أشجانا...
والتحية لكم أخي ناصر على المبادرة الرائعة .. يحتاج مبدعونا أن يعلموا أن الشعب يقدر ماقدموه له أكثر من حوجتهم لسواه.
لا يعرف الوفاء إلا أهل الوفاء

[ناصر يوسف]

المشاركة الأصلية كتبت بواسطة حسن النضيف

نسأل الله أن يمن بالشفاء على الفنان عبد الرحمن عبد الله صاحب الصوت الجميل، فكم أشجانا...
والتحية لكم أخي ناصر على المبادرة الرائعة .. يحتاج مبدعونا أن يعلموا أن الشعب يقدر ماقدموه له أكثر من حوجتهم لسواه.
لا يعرف الوفاء إلا أهل الوفاء

نعم يا حسن بالضبط كده

ده المقصود بإنو المبدع يعرف كم إنو الناس مقدرة ما قدمه من إبداع

[معتصم الطاهر]

لماذا لا يشارك منتدى سودانيات معاكم فى هذا النشاط و غيره ؟

الحركة بركة

[ناصر يوسف]

المشاركة الأصلية كتبت بواسطة معتصم الطاهر

لماذا لا يشارك منتدى سودانيات معاكم فى هذا النشاط و غيره ؟

الحركة بركة

أبشر بالخير يا باش

[ناصر يوسف]

لظروف العديد من الشباب تمَّ تأجيل زيارة أستاذنا ود بارا إلي السبت المُقبِل

[ناصر يوسف]

كنا بالأمس في زيارة الفنان الجميل

ود بارا

بلوم الغرب

عبد الرحمن عبد الله

ملتقي الفنون

كنا هناك

كانت زيارة جميلة وتركت أثراً طيباً في نفس الفنان الكبير وفي أسرته

قدمنا له بعض الهدايا البسيطة وأوصلنا له مساهمة مدير شركة مصفاة الخرطوم المهندس/ علي عبد الرحمن المادية في علاجه

وكان إسم جمعية سودانيات حاضِراً أيضاً هناك

شكراً لكل من حضر يوم الأمس وشكراً للذين تفاعلوا مع فيديو البث المباشر الذي وَثقنا فيه هذه الزيارة

إحتفاءاً بفناننا الجميل ود بارا وتكريماً له

[imported_الجيلى أحمد]

المشاركة الأصلية كتبت بواسطة معتصم الطاهر

لماذا لا يشارك منتدى سودانيات معاكم فى هذا النشاط و غيره ؟

الحركة بركة

كان منتدي سودانيات موجود..

ياناصر انتو سمحين ياخ، والبتعملة فيهو دا يفوق أي حد لدعم المبدعين، بالذات الذين دخلوا مناطق حرجة في العمر والصحة..
كنت من المحظوظين الشافو اللقاء بتاعكم مع مبدعنا الجميل لايف.. دي حاجة لاتوصف..

والجميل انك وثقتا ليها.. ثمب أب

[ناصر يوسف]

المشاركة الأصلية كتبت بواسطة الجيلى أحمد

كان منتدي سودانيات موجود..

ياناصر انتو سمحين ياخ، والبتعملة فيهو دا يفوق أي حد لدعم المبدعين، بالذات الذين دخلوا مناطق حرجة في العمر والصحة..
كنت من المحظوظين الشافو اللقاء بتاعكم مع مبدعنا الجميل لايف.. دي حاجة لاتوصف..

والجميل انك وثقتا ليها.. ثمب أب

ده أبسط شئ ممكن إننا نقوم بيه لأجل من أناروا لينا الدرب يا ابشلاليف

درب الإبداع ودروب الفن بشتي ضروبه
وما بقول سلمونا الراية وإنما أشركونا معهم إلتقاط الراية لنُضيئ لهذا الشعب السوداني العظيم بعض الوعي وبعض الإضاءات الحياتية

أشكر ليك متابعتك يوم الأمس ومشاركتك من علي البعد بالمداخلات القيييمة