جينالوجيا الدين

أسعد · 31-12-2022, 06:45 PM

باي حال وبهبالة الارهابي الذي فخخ نفسه وفجرها وسط جمع معتقدا انه فعل صوبا يدخله الجنة

ومثله تماما فخخت نفسي بوهمة اريد ان افجرها في عقر دار هذا البوست، ولكن الشيء الايجابي في الموضوع ان هذا البوست لن يدركه احد، وبالتالي لن يتضرر منه احد
وتلك والله نعمة عظيمة...

المهم البوست ده ح يكون فيهو ورجغة كتيرة، لكن في البداية انا عاوز اكشح الزيت بتاع البوست من البداية ولاحقا نجيب العيش ونفتوا وموية الفول والدكوة وموية الجبنة ونعمل الفتة ..
لكن الان انا عاوز اكشح الزيت بتاع البوست

أسعد · 31-12-2022, 07:10 PM

الزيت:
معنى الدين هو السلف او كما جرى في لسان الراندوك "الدينكاوي"...
وهو من الآخر كدة ان "تدين" بكينونتك الى الله جل في سماع...
اي ان وجودك في الحياة الدنيا هو عبارة عن دين استدنته من الخالق وعليك ان تدين به طوال فترة حياتك في هذا الوجود...
علشان كدة "يوم القيامة" هو "يوم الدين" وهو "يوم الحساب" اي هو اليوم اللي رجعت فيهو دينك ولكن الحساب ما ح يكون في الدين نفسه بقدر الحساب على كيفية استشعارك لهذا الدين اثناء فترة وجودك بالحياة الدنيا واللي ممكن نطلق عليه مصطلح "التدين"...
اي ان التدين هو مدى احساسك واستشعارك بدين الله عليك، ودي حاجة صعبة جدا في الحياة الدنيا مع ورطة الايغو والتمثل والتورط في تصديق "الارادة الحرة"...

وكمثال على السريع:
اتخيل انك زول حنفولي وقررت تسلف عدد من المزارعية مبلغ علشان يزرعوا في الموسم ده ووقت الحصاد يبيعوا حصادهم ويرجعوا ليك قروشك...

واحد نكر الدين ده حطب، وقال ما اتسلفت منك ولا تعريفة، ونكرك انت ذاتك... اها دا ياهو الكافر درجة اولى...

الثاني ما نكر انك سلفتو، لكن شاف نفسوا انه المبلغ اللي اديتو ليهو يعتبر حق من حقوقه، لانه زرع واهتم بزرعه وبالتالي الحصاد اللي حصده ده ملكيته ترجع ليهو هو وما عندك عندو تعريفة... اهو ده كافر درجة تانية زي الكافر اللي دخل جنته مع انه مؤمن بربه لكن اخوه قال ليهو كفرت بربك "ودي ح نورجغ فيها باسهاب لاحقا".

التالت بعد الحصاد رجع ليك قروشك لكن من جوة واجعهو القروش الرجعها دي وبشوف انه يستحقها اكتر منك، ودا ياهو المشرك...

الرابع رجع ليك قروشك زي ما هي وهو مبسوط، وده ياهو المسلم...

الخامس من يوم دينتو ولحدي فترة الحصاد هو شايلك في حباب عينيه لانك عملت فيهو جميلة كبيرة، وكل يوم بشكرك ويحمدك ويستشعر دينك عليه... وده ياهو المؤمن.

والشخصيات كتيرة والكتابة بالموبايل متعبة

علشان كدة نكتفي بهذا القدر من الورجغة وننتقل الى النشرة الجوية مع الزميل عبدالفاتح الصباغ

أسعد · 31-12-2022, 07:16 PM

الاشكالة حصلت في لخبطة الدين لمن تم تأطير مفهوم الدين في حتة "اتباع اوامره واجتناب نواهيه"
واصبح الفقيه هو الانسان اللي حافظ ماهية الاوامر والنواهي...
واصبح رجل الدين هو من يأمر بالمعروف وينهي عن المنكر...
واتعرش مفهوم الدين في مستوى ان تفعل كذا ولا تفعل كذا، واتورط الدين في حيض النساء ولحاء الرجال ومكرفونات الجوامع.

أسعد · 31-12-2022, 07:21 PM

بينما في حقيقة الامر ان تلك الاوامر والنواهي هي مجرد ادوات ارسلها الله مع رسله لكي تعين الانسان على ان يكون واعيا بحقيقة وجوده في هذه الحياة الدنيا عبارة عن سلف ودين لله رب العالمين وما يتورط في عقيدة وجوده في هذه الحياة الدنيا تمثل كينونته، لان ورطة احساسه بكينونته بمعزل عن وعيه بدينه لله ح تخليه كافرا او في احسن الافتراضات ح يكون مشركا...
فحياته ونسكه ومماته لله رب العالمين...

أسعد · 31-12-2022, 07:30 PM

لو تأملنا بنوع من التبصر في جميع العبادات ح نلقاها في الاصل هي عبارة عن ادوات تساعد الانسان ان يستشعر حقيقة دينه لله، وان يتدين بهذا الدين...
والعبادات ليس هي الغاية، بل هي وسيلة علشان تجعلك واعيا بحقيقة انك قدر شنو متورط في دنيتك ومتنكر لدينك...
علشان كدة مثلا بنلقى الرسول صلى الله عليه وسلم كان يقول لبلال "ارحنا بها يا بلال"...
او مثلا الحديث النبوي بتاع النهر اللي تغتسل فيه خمس مرات وما ح يكون فيك وسخ، وهو دليل على ان الصلاة وسيلة لتطهيرك من وسخ "الايغو" اللي غصبا عنك ح تتوسخ بيهو في الحياة الدنيا...

او مثلا لماذا يتميز شهر رمضان بالروحانية، لان الصيام يطهر جسدك وهو وسيلة عظيمة لاشعال شعلة "الروح" بداخلك...
ولاحقا ح نورجغ عن ماهية الروح التي نفخها الله في ادم، ونورجغ ورجغة كتيرة عن كل عبادة ونوضح كيف انها وسيلة وليست غاية....

أسعد · 31-12-2022, 07:47 PM

وحكاية ادراكنا لحقيقة ان العبادات وسائل وليست غايات في حد ذاتها ح تخلينا نعيد ممارستها بشكل اكثر احترافية مما جرت عليه العادة...
يعني مثلا ممكن الواحد تلقاهو الصلوات الخمس في المسجد، لكن في حقيقة الامر هو متورط في "ايغو" الحياة الدنيا من رأسه لاخمس اصبعه لدرجة ان دنياه حاضرة في صلاته زي ما جرت في القصة الفكاهية العظيمة بتاعة الحاج متذكر في الرادي:
قال الحاج متذكر مرة من المراير كان ماشي السوق علشان يشتري تيراب، وكان قاشر العمة والجلبية مكوة سيف والمركوب نمر والريحة واخر قيافة...
المهم قال لمن دخل السوق واشترى تيرابه كانت وقت صلاة الظهر، المهم لمن اقاموا الصلاة الناس شافوا القشرة دي فحلفوا ستين يمين الا يأمهم الحاج متذكر...
اها قام الحاج متذكر تكل تيرابه قدام عينه واتقدم في المصلاية وقال لهم استوووووا وقام كبر تكبيرة الاحرام...
اها في الركعة الاولى نضف واطتو وحرتها محرات سمح خلاص
في الركعة التانية قال دنقد واطتو وتيييرب تيراب جددددد....
في الركعة التالتة رش المبيدات والوطة خرفت خريفا جد...
في الركعة الرابعة قال العيش ده قام اخضر خضار جد...
في الركعة الخامسة قال حصد حصد جد والواطة كبت عيش جد...
قال واحد من المصلين قال لي سبحان الله مافي، الظاهر كل واحد عندو مشروع في راسو على الهواء مباشرتننننن

31-12-2022, 06:45 PM	#[1]
أسعد :: كــاتب نشــط::	جينالوجيا الدين باي حال وبهبالة الارهابي الذي فخخ نفسه وفجرها وسط جمع معتقدا انه فعل صوبا يدخله الجنة ومثله تماما فخخت نفسي بوهمة اريد ان افجرها في عقر دار هذا البوست، ولكن الشيء الايجابي في الموضوع ان هذا البوست لن يدركه احد، وبالتالي لن يتضرر منه احد وتلك والله نعمة عظيمة... المهم البوست ده ح يكون فيهو ورجغة كتيرة، لكن في البداية انا عاوز اكشح الزيت بتاع البوست من البداية ولاحقا نجيب العيش ونفتوا وموية الفول والدكوة وموية الجبنة ونعمل الفتة .. لكن الان انا عاوز اكشح الزيت بتاع البوست
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

31-12-2022, 07:10 PM	#[2]
أسعد :: كــاتب نشــط::	الزيت: معنى الدين هو السلف او كما جرى في لسان الراندوك "الدينكاوي"... وهو من الآخر كدة ان "تدين" بكينونتك الى الله جل في سماع... اي ان وجودك في الحياة الدنيا هو عبارة عن دين استدنته من الخالق وعليك ان تدين به طوال فترة حياتك في هذا الوجود... علشان كدة "يوم القيامة" هو "يوم الدين" وهو "يوم الحساب" اي هو اليوم اللي رجعت فيهو دينك ولكن الحساب ما ح يكون في الدين نفسه بقدر الحساب على كيفية استشعارك لهذا الدين اثناء فترة وجودك بالحياة الدنيا واللي ممكن نطلق عليه مصطلح "التدين"... اي ان التدين هو مدى احساسك واستشعارك بدين الله عليك، ودي حاجة صعبة جدا في الحياة الدنيا مع ورطة الايغو والتمثل والتورط في تصديق "الارادة الحرة"... وكمثال على السريع: اتخيل انك زول حنفولي وقررت تسلف عدد من المزارعية مبلغ علشان يزرعوا في الموسم ده ووقت الحصاد يبيعوا حصادهم ويرجعوا ليك قروشك... واحد نكر الدين ده حطب، وقال ما اتسلفت منك ولا تعريفة، ونكرك انت ذاتك... اها دا ياهو الكافر درجة اولى... الثاني ما نكر انك سلفتو، لكن شاف نفسوا انه المبلغ اللي اديتو ليهو يعتبر حق من حقوقه، لانه زرع واهتم بزرعه وبالتالي الحصاد اللي حصده ده ملكيته ترجع ليهو هو وما عندك عندو تعريفة... اهو ده كافر درجة تانية زي الكافر اللي دخل جنته مع انه مؤمن بربه لكن اخوه قال ليهو كفرت بربك "ودي ح نورجغ فيها باسهاب لاحقا". التالت بعد الحصاد رجع ليك قروشك لكن من جوة واجعهو القروش الرجعها دي وبشوف انه يستحقها اكتر منك، ودا ياهو المشرك... الرابع رجع ليك قروشك زي ما هي وهو مبسوط، وده ياهو المسلم... الخامس من يوم دينتو ولحدي فترة الحصاد هو شايلك في حباب عينيه لانك عملت فيهو جميلة كبيرة، وكل يوم بشكرك ويحمدك ويستشعر دينك عليه... وده ياهو المؤمن. والشخصيات كتيرة والكتابة بالموبايل متعبة علشان كدة نكتفي بهذا القدر من الورجغة وننتقل الى النشرة الجوية مع الزميل عبدالفاتح الصباغ
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

31-12-2022, 07:16 PM	#[3]
أسعد :: كــاتب نشــط::	الاشكالة حصلت في لخبطة الدين لمن تم تأطير مفهوم الدين في حتة "اتباع اوامره واجتناب نواهيه" واصبح الفقيه هو الانسان اللي حافظ ماهية الاوامر والنواهي... واصبح رجل الدين هو من يأمر بالمعروف وينهي عن المنكر... واتعرش مفهوم الدين في مستوى ان تفعل كذا ولا تفعل كذا، واتورط الدين في حيض النساء ولحاء الرجال ومكرفونات الجوامع.
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

31-12-2022, 07:21 PM	#[4]
أسعد :: كــاتب نشــط::	بينما في حقيقة الامر ان تلك الاوامر والنواهي هي مجرد ادوات ارسلها الله مع رسله لكي تعين الانسان على ان يكون واعيا بحقيقة وجوده في هذه الحياة الدنيا عبارة عن سلف ودين لله رب العالمين وما يتورط في عقيدة وجوده في هذه الحياة الدنيا تمثل كينونته، لان ورطة احساسه بكينونته بمعزل عن وعيه بدينه لله ح تخليه كافرا او في احسن الافتراضات ح يكون مشركا... فحياته ونسكه ومماته لله رب العالمين...
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

31-12-2022, 07:30 PM	#[5]
أسعد :: كــاتب نشــط::	لو تأملنا بنوع من التبصر في جميع العبادات ح نلقاها في الاصل هي عبارة عن ادوات تساعد الانسان ان يستشعر حقيقة دينه لله، وان يتدين بهذا الدين... والعبادات ليس هي الغاية، بل هي وسيلة علشان تجعلك واعيا بحقيقة انك قدر شنو متورط في دنيتك ومتنكر لدينك... علشان كدة مثلا بنلقى الرسول صلى الله عليه وسلم كان يقول لبلال "ارحنا بها يا بلال"... او مثلا الحديث النبوي بتاع النهر اللي تغتسل فيه خمس مرات وما ح يكون فيك وسخ، وهو دليل على ان الصلاة وسيلة لتطهيرك من وسخ "الايغو" اللي غصبا عنك ح تتوسخ بيهو في الحياة الدنيا... او مثلا لماذا يتميز شهر رمضان بالروحانية، لان الصيام يطهر جسدك وهو وسيلة عظيمة لاشعال شعلة "الروح" بداخلك... ولاحقا ح نورجغ عن ماهية الروح التي نفخها الله في ادم، ونورجغ ورجغة كتيرة عن كل عبادة ونوضح كيف انها وسيلة وليست غاية....
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي

31-12-2022, 07:47 PM	#[6]
أسعد :: كــاتب نشــط::	وحكاية ادراكنا لحقيقة ان العبادات وسائل وليست غايات في حد ذاتها ح تخلينا نعيد ممارستها بشكل اكثر احترافية مما جرت عليه العادة... يعني مثلا ممكن الواحد تلقاهو الصلوات الخمس في المسجد، لكن في حقيقة الامر هو متورط في "ايغو" الحياة الدنيا من رأسه لاخمس اصبعه لدرجة ان دنياه حاضرة في صلاته زي ما جرت في القصة الفكاهية العظيمة بتاعة الحاج متذكر في الرادي: قال الحاج متذكر مرة من المراير كان ماشي السوق علشان يشتري تيراب، وكان قاشر العمة والجلبية مكوة سيف والمركوب نمر والريحة واخر قيافة... المهم قال لمن دخل السوق واشترى تيرابه كانت وقت صلاة الظهر، المهم لمن اقاموا الصلاة الناس شافوا القشرة دي فحلفوا ستين يمين الا يأمهم الحاج متذكر... اها قام الحاج متذكر تكل تيرابه قدام عينه واتقدم في المصلاية وقال لهم استوووووا وقام كبر تكبيرة الاحرام... اها في الركعة الاولى نضف واطتو وحرتها محرات سمح خلاص في الركعة التانية قال دنقد واطتو وتيييرب تيراب جددددد.... في الركعة التالتة رش المبيدات والوطة خرفت خريفا جد... في الركعة الرابعة قال العيش ده قام اخضر خضار جد... في الركعة الخامسة قال حصد حصد جد والواطة كبت عيش جد... قال واحد من المصلين قال لي سبحان الله مافي، الظاهر كل واحد عندو مشروع في راسو على الهواء مباشرتننننن
أسعد :: كــاتب نشــط::	التوقيع: وأي كنت من الخلائق، إما أن تبدو كما أنت، وإما أن تكون كما تبدو. مولانا جلال الدين الرومي