منتدي الحوار ــ سودانيات ــ إلي متي هذا الركود

[ناصر يوسف]

منتدي الحوار ــ سودانيات ــ إلي متي هذا الركود

هل سيجيئ يوماً ما و يعود المنبر كما كان ؟؟

الإجابة بكل تأكيد

لا

و لكن ،،،

ربما بمزيد من التواصل من بعض الأعضاء يمكننا المحافظة علي هذا البراح الهام

أدخل قل كلمة واحدة فقط في الأسبوع و أخرج قد تفي هذه الكلمة في حق المنبر

مجرد كلمة أو جملة واحدة فقط ستكفي

قل السلام عليكم ، أو (سلام ) فقط لا غير

الحادبين علي هذا المنبر قد يفعلونها الآن ، اليوم ، أو يوم الغد ، أو فلنقل حتي نهاية الأسبوع القادم فضلاً و ليس أمراً أدخلوا جميعكم و أكتبوا مجرد كلمة واحدة فقط

رحم الله الأخ الحبيب خالد الحاج الحسن بواسع رحمته

[عكــود]

سلام ناصر وأسعد الله صباحك.

[ناصر يوسف]

المشاركة الأصلية كتبت بواسطة عكــود

سلام ناصر وأسعد الله صباحك.

تحياتي يا عمدة نعلك طيب

[ناصر يوسف]

طيب اللذين شاهدوا البوست 95

فلنقول 90 منهم ما أعضاء
5 فقط أعضاء
عدد المتداخلين 1 فقط و هو العمدة عكود

الأربعة ديل فيهم 1 مُكجن ناصر يوسف السنيح و لديح ده
1 فيهم مُكجِن العمدة عكود بعمته السمحة دي
1 منهم روحه دي محرقاه و ما عنده أيتها اخلاق يدخل و يكتب من جرًّاء تداعيات الحرب اللعينة دي

أهاااااا باقي من الحِسبَة دي كلللللها نفر وااااااحد بس

أهااااااااا يا إنت يا البتعاين لينا من الرقراق ما تدخل تقول أيتها حاجة ياخ ، إن شاء الله تقول لي

تبببببببببببباً لك بالتنقليزي

و لا أقول ليك حاجة ما تدخل ظاتو ياخ ، أنا مع النزوح المُر ده عرفت كيفن براااااااااااي أونس روحي دي

[ناصر يوسف]

في مقام الونسة مع النفس وكده

جيت راجع من مصر علي امدرمان و منها غشيت بورتسودان في عز الحراية و ضقت فيها الويل لأكتر من أسبوعين
هربت منها و جيت راجع امدرمان ، ضربتني الملاريا اللعينة في امدرمان ، أربعة أيام يا زوووووووووول لوووو قدرت تقوم بس عشان تدخل الحمام أو عشان تصلي

من يوم أمس شعرت بنفسي خلااااص الولد نظام بقي كوييييس و طاب من الملاريا اللعينة دي و كده

أهاااااااااااااااا الليلة من الصباح إتحمست و إتهندمت و قلت يلا بطلع دلع ياولد و أبقي مارق نلعو في طلعتك دي نصيبك من الرزق يجيك و يلاقيك فوق دربك ده

الساعة الأولي مرت بسلام و كذلك الثانية و حتي الساعة الخامسة مرت و أنا متماااااسك لغاية ما شعرت برجليني ديل ما شايلاتني ،،، قلت يلا يا ولد أرجع بيت أختك سرييييييع في شان هي الوحيدة البتهتم بيك

بعد معاناة و صَبُر قدرت أرجع البيت و علي أققققققرب سرير وقعت عليه برررررردُلُب هااااااااامد و كأنو الملاريا أخدت ليها مرقة مشوار سغنتووووتي كده من جسم العبد لله و رجعت تاني

شئ عصائر ، شئ مواصلة في حبوب الملاريا و أهو

الله يطولك يا رووووووح

[بابكر مخير]

المشاركة الأصلية كتبت بواسطة ناصر يوسف

في مقام الونسة مع النفس وكده

نصوري الحبيب، سلامتك وشرك مقسم علي الدقشم "وما أكترهم أيامنا دي"...
يابا يكونوا طاقينك عين ناس الفيسبوك، ونشاطك ما شاء الله..
إتا نان قايل "منعم" عبد المنعم الطيب وأنا لمن فتحنا بوستاتنا دي ليييه، ما الياهو ونسة مع النفس، إن جوو زباين، أهلاً وسهلاً وأصلهو المكجينين ديل بي طرفنا ما بيحوموا..
يابا والله متابع نشاطاتك في مقابلاتك وضيوفك الظريفين، أنا طبعا معجب جدا بالشابة (والا السيدة) البتمثل منهو كدآ تحرير، يعني أنا العاجبني فيها أنها فعلن إسم على مسمى تحرير في الفكر وتحرير في النشاط وبرضك في سيدة "جوطة" والحقيقة أغلبهن ما شاء الله عليهن.. بيني وما بينك، صنف راجل في المسرح السوداني ما قدر السيدات والشابات، يعني أغلبهم الشباب ديل ما بيحفظوا التكست ولا بيعرفوا لمن تغلبهم يخرجوا عن النص بي حرفنة ويلحقوا، تلقى الواحد يتجهم ويتاتي..
يلا يابا، زحمتك وإتا براك ما عافية..
ربنا يشفيك وترجع بي نشاطك لي نشاطاتك

[ناصر يوسف]

الليلة و انا متسكع في شوارع امدرمان الثورة الحارة العاشرة لاقتني لافتة مخبز مكتوب فيها

مخبز الرغيف بالشطة
للخبز الفااااااخر

ااااي و الله

[بابكر مخير]

المشاركة الأصلية كتبت بواسطة ناصر يوسف

الليلة و انا متسكع في شوارع امدرمان الثورة الحارة العاشرة لاقتني لافتة مخبز مكتوب فيها

مخبز الرغيف بالشطة
للخبز الفااااااخر

ااااي و الله

الحبيب بعد هجرة الكتيرين لي بلادن كُتر، وأكيد كل زول يجيب معاهو حاجة من وين هاجر، فأكيد حتشوف العجب العجاب من أمور شتى.. رغيف بالشطة وجبنة بلاأفوكادو وعصير فلافل وملاح كريم كرملة وعصيدة "تفاح"..

[ناصر يوسف]

المشاركة الأصلية كتبت بواسطة بابكر مخير

الحبيب بعد هجرة الكتيرين لي بلادن كُتر، وأكيد كل زول يجيب معاهو حاجة من وين هاجر، فأكيد حتشوف العجب العجاب من أمور شتى.. رغيف بالشطة وجبنة بلاأفوكادو وعصير فلافل وملاح كريم كرملة وعصيدة "تفاح"..

ههههههههههههههههههههه