اقتباس:
المشاركة الأصلية كتبت بواسطة الجيلى أحمد
الى اللقاء اذآ ياصديقتى ,
الى اللقاء فى عليين ..
|
سلامات يا جيلي القوم وإن شاء الله البركة فيكم،،
تعرف، أنا زي رأفت، جبان جدا مع الحزن وبحاول بشتى الطرق أتجنبو، كنت لا أدخل البوستات التي تتحدث عن معاناة إيمان.
في مرة تداخلت معها في إحدى البوستات وقصدت انو مداخلتي تكون جافة بعض الشئ، عشان أطلعها من دائرة المرض اللعينة دي.
قبل فترة حضرت ليها حلقة بالتلفزيون تحكي تجربتها مع المرض، وأتذكر كيف تحدثت بفخر عن أسرتها، كوركت لسارا فرحا (كفرحتي الطفولية حين أرى شخصا أعرفه بالتلفزيون)، تعالي شوفي البت دي بتكتب معانا بسودانيات، أول ما شافتها قالت لي: حلاتها شوف وشها مدور ولامع كيف؟! أحبطتها بمعلومة مرض إيمان. لكن والله إيمان في الحلقة ديك تشهي الزول المرض.
بعد الحلقة إنتهت، قلت لنفسي: هسع إيمان دي الواحد يعمل معاها شنو؟ نحزن ليها؟ ولّ نفرح بجمال روحا دي؟!
عليك الله يا الجيلي، خليني أهدي ليها كلمات صلاح حاج سعيد وغُنا مصطفى:
كتبت ليك لا بيني بينك ريدة لا قصة غرام
....
وجبينك الضوّاى
حُجا الحبـّوبة فى الزمن السعيد
http://www.youtube.com/watch?v=1s7LPcQTK6w