اقتباس:
المشاركة الأصلية كتبت بواسطة عكــود
سلام يا ود عثمان ويسعد صباحك وصباح حميد وصباح ود النصري.
قبل سنتين تلاتة بديت أمارس رياضة المشي يوميّاً، باخد لفّتين تلاتة حول حديقة كبيرة في الرويس. إشتريت ام بي ثري عشان إتونّسبو في المشي. أدّيتو الزوول (حي الدنيا ده) عشان يسجّل لي فيهو بعض الأغاني والمحاضرات. أها، أوّل شي سجّلو كان ست الدار بت أحمد وما كنت سامعها.
النتيجة:
1- ما سمعت باقي الشي السجّلو العوض، أشيل وأرجّع في ست الدار واسمع
2- لفّات الحديقة زادَن من التلاتة
3- تحسّن ملحوظ في اللياقة والمزاج العام
4- تخلّص من كيلوجرامات زايدة بمعدّل أسرع
5- العوض زاد في نظري درجتين
شفت الفوائد دي؟
وبعد ده ود النصري يقول داير إعتزل، الغناء حرام!
|
الحبيب عكود...
تحاايا و سلااام كتير
غايتو حكاايه ست الدار و تلغرافات حميد تجبرك ان تستمع و تنصت اليها
صاغرا لانها حكاايه لا تخرج من الواقع و هى كذلك و عشان كدا كان لازم تزيد
اللفات عشان تتم الاغنيه و الحكاايه كلها...
طبعا ما دايرا قول تكون عجبتك لمه اللحمه و الخرفان الخمسه و العمده و الجمااعه
و الاكل بالدور...ياخى حميد دا مجنون عديل كدا...!!!
ود النصرى طبعا رجع عن قراره باعتزال الفن و طبعا كل الحكاايه زعله
لم تستمر طويلا و خااصه بعد تدخل الكثيرون من ابناء المنطقه و من اصدقائه..
تسلم...
