حفاظآ على ميزة التثبيت, ونحو التعميم الخاص..

[imported_الجيلى أحمد]

لماذا يتم تثبيت لبعض المواضيع؟
ليست هنالك أى حوجة لتثبيت أى موضوع ..
هذه الخاصية (خاصية التثبيت ) تفقد المنتدى نكتهه
وهى التميز الجاذب,
كما ان تعليق المواد فى صدر المنتدى , كعلامة على بروزها ,
تسحب من المواضيع نفسها ومن قيمتها ,
فالبوست يتم تقييمه من متنه , ووضعه فى الصدر يجعله يفقد نصف قيمته ,
فلكأنما هى سلعة مختلفة
, بينما ذات المواضيع ,هى ذات ذات السلعة..
نحن لسنا فى سوق ,
واتباع ذات العادات التسوقية الرائجة للكلمة ستقود الى ضمور الوعى ,
فكل كلمة رنانة ستبقى فى الصدر , وكل عنوان أدبى مستهوى من قبل البعض سيكون عاليآ , وكل القيم ستصبح هى عناوين بارزة,

لاتنافر
لاتنافس

كون من الطيبة والتسامح ,
ومن سيدفع الثمن ,
سيدفعه مجلس الاداره الذى سيتلقى الصفعة تلو الاخرى ,
وسيدفعه الوف من الناس الذين لن يقدم لهم الموقع ممارسة ديمقراطية سوية.

من الذى أوكل الى أحدهم رفع العناوين وتثبيتها؟
من الذى يقرر ذلك؟

لماذا لاتترك المواضيع ضمن صراعها الطبيعى؟

[بابكر مخير]

جوجو الجميل،،
قالوا:
شهرن ما عندك فيهو نفقة ما تعد أيامهو،،
مثبت، مزبط، مسبك..
كلها طبيخ يابا ،،
(هويا ما تخدوها بي حساسية، هي جات كدآمش الطبيخ بتسبك والفول بزبط)...
معاك قلبا وقالبا،،
أكان في ميدان التحرير أو في ساحة التغيير


(لاحظت حكاية "جوجو" دي كيتن في أبو دعد)

[imported_بدور التركي]

هسع دا موضوع تفتحو يوم العيد
والناس مشغولة بالضبيحة
انت ناوي تضبح منو

[imported_الجيلى أحمد]

المشاركة الأصلية كتبت بواسطة بدور التركي

انت ناوي تضبح منو

كان قلت ليك ناوى أضبح عمنا مخير , بتصدقى ؟

يابدور فكرة الضبيحة دى عندها علاقة بالتخلف ,
وقمة فى الحيوانية بى شكلها الحالى ..
والناس شكلا نست القيمة الأساسية من فكرة الفداء

ان تضحى بما تحب من أجل حياة أفضل لك وللآخرين..

الفداء قيمة عظيمة
وليست طقوس وصلوات وصعود لجبال ,
الفداء ليس الذبح
بل ذجر النفس وتربيتها على احترام الآخر وتقدير قيم الحرية
والتسامح ...
من يظن أن الفداء هو كبش يذبح
فلقد سلخ عن رسالة نبينا الكريم فكرته

[imported_الجيلى أحمد]

الله لايعتنى بجلود الخراف,
ولكن الضحايا هم المساكين

[imported_الجيلى أحمد]

الأثرياء من أهل المدينة والزائرين, يغزون سوق الناقة
يعطرون انوفهم وثيابهم باللحم الشهى , فى الأوقات العصيبة ,
وهذه أمة
تقبض على الأوقات العصيبة
كقبض المرء على جمر محرق

فأين المفر ..

ربما يسطيب الرب ذلك ..
من يدرى
ربما هو حانق ..


انزلاق امعاء غليظ على جزع شجرة
رائحة شواء
وتعلو التهانى ..
لايسأل أحد من فديتم ؟
ومن يفعل ذلك بنية سديدة
يتلغف جلد أضحيته صبية طيبين
أو تلوكه معدة ديوان الذكاة الشرهة .
فأين المفر؟

[imported_الجيلى أحمد]

لم يتركوا للطيبين مفر سوى السؤال المرهق .


من أفدى أنا يارب؟

[imported_الجيلى أحمد]

ضحكة طفل

وأب فقير , كومة ديونه أكبر من أن يذيد
عليها شهقة...

والناس طيبين والدنيا حلواااااا
والعيد مبارك
آناس

[الرشيد اسماعيل محمود]

شنو يا جادين..
شايفك بديت بالتثبيت وقلبت خرفان وجلود أضاحي..
أركز علي حاجة واحدة..
ولّا البوست حلّة عزّابة "قطر قام"
المهم:
كل عام وإنت بخير يا علي..
أمنيات متحققة وحلام تسعي في مناكب الواقع..
قلت لي كيف كيف..؟

[imported_الجيلى أحمد]

المشاركة الأصلية كتبت بواسطة الرشيد اسماعيل محمود

شنو يا جادين..
شايفك بديت بالتثبيت وقلبت خرفان وجلود أضاحي..
أركز علي حاجة واحدة..
ولّا البوست حلّة عزّابة "قطر قام"
المهم:
كل عام وإنت بخير يا علي..
أمنيات متحققة وحلام تسعي في مناكب الواقع..
قلت لي كيف كيف..؟

الرشيد يااخى
صديقنا الذى كان فى الدمازين
كيفنك والخرطوم؟


الفكرة الانسانية دى دايمآ قاعدة على الحافة وليس من شئ يدفعها نحو الهاوية سوى حرصنا عليها (من أقوال على )
غايتو كان دورتها كويس , بتلقاها نفس الفكرة ,
والله ماتفرق معاك زاوية ..ياها فكرة الانسان المجرى ذاتا

[imported_الجيلى أحمد]

المشاركة الأصلية كتبت بواسطة الرشيد اسماعيل محمود

ولّا البوست حلّة عزّابة

شايفك مبسوط

[imported_الجيلى أحمد]

كل سنة والخروف بخير ,
يارشيد
هسه منو الضحية عليك االله؟




وبعدين يافردة أركز ليك على رأى
جادين ولاَ على؟

[imported_الجيلى أحمد]

أمنيات متحققة وحلام تسعي في مناكب الواقع

كل ماأشوف كلمة مناكب دى بتخيل كمية بتاعت خيوط وعناكب ,

هسه الله فى العيد السعيد دا ماأداك كلمة تانية غير مناكب دى؟

[الرشيد اسماعيل محمود]

المشاركة الأصلية كتبت بواسطة الجيلى أحمد

الرشيد يااخى
صديقنا الذى كان فى الدمازين
كيفنك والخرطوم؟

بل قل:
كيفنك والدمازين..
نتقاسم ذات الغربة والابتعاد عن الأمكنة التي يرقص عند إحداثياتها القلب..
ثمّ:
بخصوص التثبيت، بوافقك طبعاً في ما ذهبت إليه..
لكن برضو أنا شايف إنّو التثبيت بيضر بالبوست أكتر مما يفيد..
لأنّو حركة البوستات وقفزها لأعلي بفعل التداخل، واحدة من وسائل ملاحظة الناس ليها..
لكن المثبّت حين التداخل يظل ثابتاً في مكانه، فيضيّق الفرصة علي نفسه من أن يُلاحظ.
المهم:
رأيي إنّو التثبيت يقتصر علي البوستات العامّة زي المواجبات الإجتماعية والأفراح الجماعية، والنداءات الإنسانيّة المختلفة.

ثمّ:
عيدك سعيد يا سفيان.

[الرشيد اسماعيل محمود]

المشاركة الأصلية كتبت بواسطة الجيلى أحمد

كل ماأشوف كلمة مناكب دى بتخيل كمية بتاعت خيوط وعناكب ,

دي تبقي مشكلتك براك..
خيالك دة ما يودّيك إلّا للعناكب..!!
يازول مشكلتك دي حلّها غادي غادي..

مبسوط شديد..
منتظر الجيران يضبحو وينادوني..