صغيرتى تسعد صباحى بأجمل هديه فى عيد الأب ..

الجيلى أحمد · 19-03-2006, 11:45 AM

ليومين لم يسمح لى بدخول تلك الغرفه الصغيره فى الطابق العلوى..
عكفت طفلتى الصغيره خلال هذين اليومين بمساعدة (أم الحيران) فى إعداد
مفاجأه لى..
وكان صباح اليوم أن صحوت وأمامى لوحه غاية فى الروعه..
مساحه ضخمه من الورق مليئه بالالوان والأصباغ (والشخبطات)
فيها قلوب وشمس وقمر ونجوم وعربه ورجل طويل رأسه أضخم
من جسده ويديه يصلان نهاية الورق بشكل عنكبوتى..لوحه مشربكه وعجيبه..

ولكنها أجمل هديه تلقيتها ..

التحيه لكل الآباء فى عيدهم..
ولوالدى السلام والمحبه

haneena · 19-03-2006, 11:57 AM

الجيلي
تحياتي
نعم أعرف إنه شعور جميل جدآ عندما يحتفي بك الأبناء و كل من حولك
ربنا يخلي ليك البنية السكرية وأمها

إلا سؤال
هو دة عيد الأب و لا الأم؟؟

عندنا و في أماكن كثيرة عيد الأم..عيد الأب لسة بدري عليهو
جعل الله كل أيامنا أعياد

عكــود · 19-03-2006, 12:00 PM

الجيلي،

هذه من أجمل الهدايا والله ..
هدية يسكب فيها الصغار كل دواخلهم من حب وتعلّق
والويل لك إذا أهملتها ولم تعلّقها في مكان ظاهر للعيان
لكن لا تتوقّع أن تكون الهدية دايماً رقيقة
فقد ينفثّون عن غضبهم الجميل منك، أيضاً في الورق
وكم إستلمت من أوراق ملوّنة غاضبة
وبها كتابات، مثل "يا بابا أنا زعلانة منّك وما حأقول ليك ليه"
وقد تستلم عريضة شكوى ضد الأم أو الأخ
في كل الحالات يجب أخذ الأمر بكل إهتمام
وإلا .. ستجد رسمة رجل معولق في ورقة مكرفسة موضوعة على مخدتك

بس قلت لي الراجل المرسوم شكلو كيف؟

ربنا يحفظها ويغطيها يا جيلي،

عكـــود

ناصر يوسف · 19-03-2006, 12:04 PM

الجيلي ود عمي الجميل

كل سنه وإنت طيب

وما أحلاها من هدية ذات فكرة ببرائتها الجميله
وما أحلاهم هموا الأطفال حينما يهتمون بك
إنهم يبكونك شد البكاء ولا تملك سوي الإنزواء بعيدا عنهم لكي (تجعر عديييل كده) من الفرح
وعند محياهم تصبح قبلات الدنيا جميعها لا توازيهم حقهم من الحب

الحب لأطفالنا
الحب لطفلتك الحلوة
والحب الأخوي الصادق لك أيها الإنسان الجيلي

عكــود · 19-03-2006, 12:11 PM

اقتباس:

إلا سؤال
هو دة عيد الأب و لا الأم؟؟

حنينة سلام،
حسب معرفتي ده عيد الأب
مش بت الجيلي قالت كده وقدّمت هديتها؟
وطيييييب !

عكــود

الجيلى أحمد · 19-03-2006, 12:33 PM

حنينه
عكودنا
ناصر

يسعد يومكم ولكم المحبه..

حنينه
بطلو حساده وأدونا يوم معاكم فى السنه..

http://www.holidays.net/father/index.htm

Osman Hamad · 19-03-2006, 01:28 PM

اقتباس:

المشاركة الأصلية كتبت بواسطة Elgaily

ورجل طويل رأسه أضخم من جسده ويديه يصلان نهاية الورق بشكل عنكبوتى

دا منو يالله ؟

لكن يبقى لى ذى الشفتو فى فجة

انت متأكد يالجيلى بتك دى ماشافت ابوجقادو

الجيلى أحمد · 19-03-2006, 02:39 PM

اقتباس:

المشاركة الأصلية كتبت بواسطة Osman Hamad

انت متأكد يالجيلى بتك دى ماشافت ابوجقادو

نسعل الله السلامه

عتمان
مشتاقين

وبطل حوامه واقعد فى البيت عشان الناس لمن تتصل تلقاك قاعد..

mamkouna · 20-03-2006, 10:17 AM

كل سنة و إنت طيب يا الجيلي..ربنا يخلي ليك الأمورة و أمها...

رسومات الأطفال فيها الكثير من الصدق و العمق و الشفافية...شٌفت مرة رسوم لأطفال مصابين بالسرطان - حمانا الله و إياكم - بكيت لمن لقيت القاسم المشترك بين كل الصور هو إنو الطفل في مكان..و باقي النجوم و القمر و الناس في مكان آخر...إحساس مرير ...

طفلتك رسمتك كعملاق ضخم..لأنك كذلك بالنسبة ليها...إنت حاميها و إنت حارسها و أميرها و فارسها..
ربنا يخليك ليها و يخليها ليك..
أشواقي و حبي و قبلاتي ليها..

.

عبد العظيم الطاهر · 20-03-2006, 10:55 AM

اقتباس:

المشاركة الأصلية كتبت بواسطة عكــود

الجيلي،

كل الحالات يجب أخذ الأمر بكل إهتمام
وإلا .. ستجد رسمة رجل معولق في ورقة مكرفسة موضوعة على مخدتك

عكـــود

[align=center]
الجيلي .. ربنا يخليها ليك ويحفظها وتعقب فوقها بالوليد
فشان يمسكك لى صلاة العيد

عكود :-

...... ده إن بقى ما حاربوك ....

ما أحلاهم ..... وإيه الدنيا لولا هم [/align]

الطيب بشير · 20-03-2006, 01:59 PM

اقتباس:

ليومين لم يسمح لى بدخول تلك الغرفه الصغيره فى الطابق العلوى..

و لسّــة ياما يمنعوك من غرف..و تنوم في الكنبة و تضـوووووق الموت يا ملك الموت

سأتخطّى الجيلي هنا
وصـولآ للحبيبة أليشـا
أي بنيّتي
لك التحايا
و رسوماتك الحلوة لبابا ..أكيد عجبتو
بالنسبة للرجل الضخم..يمكن بابا ما عاوز يقدّم ليك تراثنا كلّو في عمرك دة..لكن دة اسمو ودّامبعـلّـو..و هو بعّاتي به شبه كثير من الوالد القاعد قدّامك دة، لا تغضبي بنيّتي فمواجهة الحقيقة تحتاج صبر، أرسمي تاني و ركّزي على النجوم و القمر و الوالدة و صاحباتك و كدة..بتاع فـلاديفستك دة نحن ما عاوزين صورتو يا بنتي..طيّب؟

عيد سعيد

الجيلى أحمد · 20-03-2006, 11:33 PM

اقتباس:

المشاركة الأصلية كتبت بواسطة عكــود

والويل لك إذا أهملتها ولم تعلّقها في مكان ظاهر للعيان

والله ياعكود الغرفه وضلفة الدولاب وباب التلاجه .....
دى كلها رسمات ..وياويلك لو سهيت..
هناك أيضآ واحده فى العربيه ,ربنا يكبرها وتبقى فنانه
وتشكيليه ..

وربنا يحفظ محمد وأخته ويغطيهم ويديهم ويديكم العافيه
تحياتى ..

الجيلى أحمد · 20-03-2006, 11:36 PM

الحبوب ناصر

ليك التحايا..
وربنا يحفظ ليك الأموره الصغيره

الجيلى أحمد · 20-03-2006, 11:43 PM

اقتباس:

المشاركة الأصلية كتبت بواسطة mamkouna

كل سنة و إنت طيب يا الجيلي..ربنا يخلي ليك الأمورة و أمها...

رسومات الأطفال فيها الكثير من الصدق و العمق و الشفافية...شٌفت مرة رسوم لأطفال مصابين بالسرطان - حمانا الله و إياكم - بكيت لمن لقيت القاسم المشترك بين كل الصور هو إنو الطفل في مكان..و باقي النجوم و القمر و الناس في مكان آخر...إحساس مرير ...

طفلتك رسمتك كعملاق ضخم..لأنك كذلك بالنسبة ليها...إنت حاميها و إنت حارسها و أميرها و فارسها..
ربنا يخليك ليها و يخليها ليك..
أشواقي و حبي و قبلاتي ليها..

.

سلامات ياممكونه
كل سنة وإنت طيبه كمان وربنا يحفظ الممكون الصغير..
تأثرت بقصة رسومات الأطفال المصابين بالسرطان ..
(أم الحيران) عملت من قبل فى مركز لعلاج الأطفال (نفسيآ)..
وكنت أرى كيف أن الألوان وطريقة إستخدامها
عند الأطفال وطريقة الرسم تساعدهم فى الإقتراب من مشاكلهم
وتحليلها..
شكرآ كتير لكلماتك الطيبه
ودومى بخير

الجيلى أحمد · 20-03-2006, 11:47 PM

اقتباس:

المشاركة الأصلية كتبت بواسطة عبد العظيم الطاهر

[align=center]
الجيلي .. ربنا يخليها ليك ويحفظها وتعقب فوقها بالوليد
فشان يمسكك لى صلاة العيد
[/align]

عبد العظيم
سلامات ياالمك

غايتو آخر فحص الإسبوع الفات قالو (بنيه)..
دحين الوليد بعد دى..

19-03-2006, 11:45 AM	#[1]
الجيلى أحمد :: كــاتب نشــط::	صغيرتى تسعد صباحى بأجمل هديه فى عيد الأب .. ليومين لم يسمح لى بدخول تلك الغرفه الصغيره فى الطابق العلوى.. عكفت طفلتى الصغيره خلال هذين اليومين بمساعدة (أم الحيران) فى إعداد مفاجأه لى.. وكان صباح اليوم أن صحوت وأمامى لوحه غاية فى الروعه.. مساحه ضخمه من الورق مليئه بالالوان والأصباغ (والشخبطات) فيها قلوب وشمس وقمر ونجوم وعربه ورجل طويل رأسه أضخم من جسده ويديه يصلان نهاية الورق بشكل عنكبوتى..لوحه مشربكه وعجيبه.. ولكنها أجمل هديه تلقيتها .. التحيه لكل الآباء فى عيدهم.. ولوالدى السلام والمحبه
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

19-03-2006, 11:57 AM	#[2]
haneena :: كــاتب نشــط::	الجيلي تحياتي نعم أعرف إنه شعور جميل جدآ عندما يحتفي بك الأبناء و كل من حولك ربنا يخلي ليك البنية السكرية وأمها إلا سؤال هو دة عيد الأب و لا الأم؟؟ عندنا و في أماكن كثيرة عيد الأم..عيد الأب لسة بدري عليهو جعل الله كل أيامنا أعياد
haneena :: كــاتب نشــط::	التوقيع: Life is all about choices

19-03-2006, 12:00 PM	#[3]
عكــود Administrator	الجيلي، هذه من أجمل الهدايا والله .. هدية يسكب فيها الصغار كل دواخلهم من حب وتعلّق والويل لك إذا أهملتها ولم تعلّقها في مكان ظاهر للعيان لكن لا تتوقّع أن تكون الهدية دايماً رقيقة فقد ينفثّون عن غضبهم الجميل منك، أيضاً في الورق وكم إستلمت من أوراق ملوّنة غاضبة وبها كتابات، مثل "يا بابا أنا زعلانة منّك وما حأقول ليك ليه" وقد تستلم عريضة شكوى ضد الأم أو الأخ في كل الحالات يجب أخذ الأمر بكل إهتمام وإلا .. ستجد رسمة رجل معولق في ورقة مكرفسة موضوعة على مخدتك بس قلت لي الراجل المرسوم شكلو كيف؟ ربنا يحفظها ويغطيها يا جيلي، عكـــود
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

19-03-2006, 12:04 PM	#[4]
ناصر يوسف :: كــاتب نشــط::	الجيلي ود عمي الجميل كل سنه وإنت طيب وما أحلاها من هدية ذات فكرة ببرائتها الجميله وما أحلاهم هموا الأطفال حينما يهتمون بك إنهم يبكونك شد البكاء ولا تملك سوي الإنزواء بعيدا عنهم لكي (تجعر عديييل كده) من الفرح وعند محياهم تصبح قبلات الدنيا جميعها لا توازيهم حقهم من الحب الحب لأطفالنا الحب لطفلتك الحلوة والحب الأخوي الصادق لك أيها الإنسان الجيلي
ناصر يوسف :: كــاتب نشــط::	التوقيع: ما بال أمتنا العبوس قد ضل راعيها الجَلَوس .. الجُلوس زي الأم ما ظلت تعوس يدها تفتش عن ملاليم الفلوس والمال يمشيها الهويني بين جلباب المجوس من التيوس النجوس

19-03-2006, 12:33 PM	#[6]
الجيلى أحمد :: كــاتب نشــط::	حنينه عكودنا ناصر يسعد يومكم ولكم المحبه.. حنينه بطلو حساده وأدونا يوم معاكم فى السنه.. http://www.holidays.net/father/index.htm
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

20-03-2006, 10:17 AM	#[9]
mamkouna :: كــاتب نشــط::	كل سنة و إنت طيب يا الجيلي..ربنا يخلي ليك الأمورة و أمها... رسومات الأطفال فيها الكثير من الصدق و العمق و الشفافية...شٌفت مرة رسوم لأطفال مصابين بالسرطان - حمانا الله و إياكم - بكيت لمن لقيت القاسم المشترك بين كل الصور هو إنو الطفل في مكان..و باقي النجوم و القمر و الناس في مكان آخر...إحساس مرير ... طفلتك رسمتك كعملاق ضخم..لأنك كذلك بالنسبة ليها...إنت حاميها و إنت حارسها و أميرها و فارسها.. ربنا يخليك ليها و يخليها ليك.. أشواقي و حبي و قبلاتي ليها.. .
mamkouna :: كــاتب نشــط::	التوقيع: ممكوووووووووووووووونة...و...صاااااااااااابرة!!!!

20-03-2006, 11:36 PM	#[13]
الجيلى أحمد :: كــاتب نشــط::	الحبوب ناصر ليك التحايا.. وربنا يحفظ ليك الأموره الصغيره
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري