عند التعويذة يتصاعد الدخان

[ماريل]

المشاركة الأصلية كتبت بواسطة ام التيمان

سلامات تماضر
اعمل شنو
ماريل دى من ما جات المنتدى شالت نقرة من نقرى
و نصبت لى العداء
و كل بوست اكتبو تدخل فيه تكيل لى السباب
و الهمز و اللمز و السخرية و الكلام الفاضى
و انا اقول افوت ليها
و هى متمادية
الطريقة كيفنها
الشكية لى الله

يا ستى لا نقرك لاحاجة
نهائيا ما بتذكر انى كلت ليك السباب
فما تشتغلى معاى بفكرة(الفيك بدربوا)
واذا كان وحدث فانا امام الاشهاد بعتذر
منك ....
اما كونى ما انقاشك دى مااااااااابوعدك بيها
الا فى حالة وحدة :
تقولى انك ليست كاتبة ولست كاتبة عالمية
عندها تصبحى غير محترفة للكتابة فارفع قلمى
عن كتاباتك..
طالما انك طارحة كتاباتك بفكرة احترافية ساظل
اتناولها كل ما لمست خلل او خطل..
لم ولن اتناولك فى شخصك الكريم فقط
افهمى هذا عندها سيتسع افقنا للحوار
تحياتى يا ستى

[تماضر حمزة]

المشاركة الأصلية كتبت بواسطة ماريل

سوف انظر لكلامك اعلاه بعين الاعتبار واحسن من لغة الحوار
غير انى لا استطيع ان اعدك بترك الحوار معاها بصورة نهائية
لاننا هنا فى منتدى حواااااااااااااااار

ياماريل قطع شك مابتكلم عن الحوار أنا
لأنو حسب قرايتي الفوق دا ماحوار
وبعدين لو عاوزة تسوقيها بالحوار في حتة الايمانيات لاضاءات بناء على تجربتك ف ده غرض نبيل" اذا ثبتنا حتة نجاح تجربتك وكمالية اعتقادك" لكن سواقتك وعرة وخايفة أكون بظلمك وأنا بقول منفرة
( ولو كنت فظاً غليظ القلب لانفضوا من حولك)
يعني غرضك يأتي بالتودّد وحلو الكلام..واللطف كمان
مش زولة مارقة من فترة نقاهة بعد الحبس وكدا
نجيها بي مفاريكنا

أقلّو ندّي الناس فرصة تعيد حساباتها وتقييمها للفات.
عشان كدا أنا دايماً ضد المسح، الناس ترجع وتقرا كتبت شنو
عسى ولعلّ تدرك افلست وين ومتين وليه وفي حق مين.

[سارة]

ماريل سلام
قلت لى محامى؟؟؟ شكرا لحسن الظن
بس انا ممرضة يعنى مهمتى الممارضة
وقع ليك
ردك لام التيمان فى غير محله
وليس به نكهة حوار
اما موضوع صورتك فبصراحة أحبطينى زى ماقال الرشيد
وهذا رايى

[ام التيمان]

يا اخواني
بقدرة قادر بوستي انقلب
لتهديد ارهابى

[ماريل]

المشاركة الأصلية كتبت بواسطة تماضر حمزة

ياماريل قطع شك مابتكلم عن الحوار أنا
لأنو حسب قرايتي الفوق دا ماحوار

حسب قرايتك انتى وليس نيتى او قرايتى

وبعدين لو عاوزة تسوقيها بالحوار في حتة
الايمانيات لاضاءات بناء على تجربتك
ف ده غرض نبيل" اذا ثبتنا حتة نجاح
تجربتك وكمالية اعتقادك"


انااصلا ما بعتقد تجربتى كاملة لكنها ممكن تفيد زول بمر
بى تجربة عشتها قبلوا رغم الاختلاف فى درجة الشك
وبس!!!!!


لكن سواقتك وعرة وخايفة أكون بظلمك وأنا بقول منفرة
( ولو كنت فظاً غليظ القلب لانفضوا من حولك)
يعني غرضك يأتي بالتودّد وحلو الكلام..

يا هناية لكن اللطافة دى الا اشحدا الله ما قسما لى اسو شنو عاد؟؟
كمان
مش زولة مارقة من فترة نقاهة بعد الحبس وكدا
نجيها بي مفاريكنا

أقلّو ندّي الناس فرصة تعيد حساباتها وتقييمها للفات.
عشان كدا أنا دايماً ضد المسح، الناس ترجع وتقرا كتبت شنو
عسى ولعلّ تدرك افلست وين ومتين وليه وفي حق مين.

توتا مننكن نعنى تريحنى منك ثوانى بس
نانى ما عندى ايتها مزاج لشخصك الكريم

[ماريل]

المشاركة الأصلية كتبت بواسطة سارة

ماريل سلام
قلت لى محامى؟؟؟ شكرا لحسن الظن
بس انا ممرضة يعنى مهمتى الممارضة
وقع ليك
ردك لام التيمان فى غير محله
وليس به نكهة حوار
اما موضوع صورتك فبصراحة أحبطينى زى ماقال الرشيد
وهذا رايى

وانا ما مريضة فشنو اختينى
قلتى لى احبطك موضوع صورتى
الله يجيب العواقب سليمة شكلو
الجاى اكثر احباطا.....


سارة عليك الله ما تتخلى عنى
صحبتك فى هزة وموجوعة ياخ
والله محتاجة لى ممرضة صديقة
ما تشتغلى بى ماريل الهنا دى
ركزى على ماريل اللاقتك

[احمد زين]

المشاركة الأصلية كتبت بواسطة ام التيمان

كتر خيرك يا يحي
ان شاء الله افقدوك فى السمح
و انا شوقى كتير ما ليهو مثيل
التعويذة لطرد الارواح الشريرة

مودتى يا غالى

المشاركة الأصلية كتبت بواسطة ماريل

سجلى عندك
واحد روح شريرة
حضور رغم التعويذة
ولم اتلاشى بفعلها

المشاركة الأصلية كتبت بواسطة ام التيمان

روح شريرة بتاعة الساعة كم
يا بت انتى الملائكة
بالاجنحة ترفرفى فوق رؤوسنا

محبتى

المشاركة الأصلية كتبت بواسطة سارة

شكرا يا امهم شكرن ياخ

والله ماريل دى تانى تجى بهنا الا احرش ليها بابكر عباس

المشاركة الأصلية كتبت بواسطة ام التيمان

عفيت ليها
**
تحياتى سارة

المشاركة الأصلية كتبت بواسطة ماريل

الحنك ده باثر فيك انتى يا ام قلبا رهيف
لكن ماريل دى اخدت مناعة مدى الحياة
من الرهافة

المشاركة الأصلية كتبت بواسطة ماريل

شكرا يمة
عفوك بودينى الجنة

المشاركة الأصلية كتبت بواسطة ام التيمان

يا بتى
عفوى
و رضاى


**
الجنة تحت اقدام الامهات

المشاركة الأصلية كتبت بواسطة ماريل

امااااااااااااااك
مامتى يا مامتى
انتى اسلمتى؟؟

المشاركة الأصلية كتبت بواسطة ماريل

قلب ايه واسود ايه؟؟؟
انا بنقاشك فى مفاهيمك
انت عندك رائ واضح
فى الاسلام وفجاءة قلتى
الجنة تحت اقدام الامهات
انا افتكرت انك بعد بعدتى
شهر عن الضلاليين الهنا
قلبك يكون انشرح للاسلام

المشاركة الأصلية كتبت بواسطة ماريل

يا سارة بطلى دور المصطلح مش الكلام القالتو عن الجنة
ده حديث شريف؟؟
استندت عليهو على اى اساس طالما عندها راى فى
الاسلام من قعروا انا من حقى اسال وبس
يعنى قاعدة تعتبر انو محمد(ص)
نبى فعلا وله فيلسوف قامت جابت
احدى احاديثوا....
وده فتح لى باب حوار مع السيدة ام التيمان
*انتى يا سرورة قررت تبقى محامى؟؟*

ده كلام مؤسف جداً
مؤسف جدا انك تترصد ليك زول وهو بيرد عليك بكل هذه السماحة

[سارة]

المشاركة الأصلية كتبت بواسطة ماريل

وانا ما مريضة فشنو اختينى
قلتى لى احبطك موضوع صورتى
الله يجيب العواقب سليمة شكلو
الجاى اكثر احباطا.....


سارة عليك الله ما تتخلى عنى
صحبتك فى هزة وموجوعة ياخ
والله محتاجة لى ممرضة صديقة
ما تشتغلى بى ماريل الهنا دى
ركزى على ماريل اللاقتك

عشان ماريل القابلتها بقول ليك وبالفم المليان
انتى مخطئة فى حق ام التيمان
حاوريها ناقشيها فى ما تكتب
لكن لا تفرضى عليها ما تعتقد
انا ما دايرة اقول لاحمد زين كلامك سليم مية فى المية
لانى اعرف انه ام التيمان فى مرات كثيرة ردودها تكون السبب
لكن استقصادك ليها كان واضح يا هاجر

[ام التيمان]

يا سارة التجانى الماحى
مش قريبة من بيتكم

[ماريل]

الناس الهنا العاصراها الحنية وما عارفا تباصر الحنان كيف
انتو متعاطفين مع موقف محدد انا ما معنية بيهو كتير
لكن عشان ما تكسبى يا ست اميرة تعاطف مافى محلوا
او اكسب انا رائ مافى محلوا برضك بقيف هنا ولمن
تفتحى بوست عايزة فيهوا نقاش جادى حول الدين اهمزينى
بجيك طايرة حتى لو من التجانى الماحى.........

[ماريل]

المشاركة الأصلية كتبت بواسطة سارة

عشان ماريل القابلتها بقول ليك وبالفم المليان
انتى مخطئة فى حق ام التيمان
حاوريها ناقشيها فى ما تكتب
لكن لا تفرضى عليها ما تعتقد

يا سارة شككتينى فى روحى
امشى جيبى لى الفرضان الانا فرضتوا
وتعالى هو انا لسه ما لحقت قلت شئ
بلا القى البحر كسر ....

[سارة]

قلب ايه واسود ايه؟؟؟
انا بنقاشك فى مفاهيمك
انت عندك رائ واضح
فى الاسلام وفجاءة قلتى
الجنة تحت اقدام الامهات
انا افتكرت انك بعد بعدتى
شهر عن الضلاليين الهنا
قلبك يكون انشرح للاسلام

ماريل سلام
اعلاه مداخلتك
لو انا فهمتها صاح انت استنكرتى على ام التيمان استعمال
لفظ الجنة تحت اقدام الامهات وحسب كلامك انه حديث شريف
وتابعتى فى مداخلتك استغرابك ان كان استعمالها لهذا الحديث كما كتبتى
يعتبر انشراح قلبها للاسلام(دى مداخلتك يا دكتورة هاجر).
اولا وحسب ردودك التى تلت المداخلات قلتى انك جاية تحاوريها فى
الخطل الذى تكتبه خاصة فيما يتعلق بالاسلام
اولا وين الحديث الشريف؟؟؟ هل الجنة تحت اقدام الامهات حديث شريف؟؟؟
وحتى لوثبت انه حديث شريف صحيح هل لا يحق لام التيمان استعماله والاستدلال
به حتى وان كانت كتاباتها مجحفة فى الدين؟؟؟
من قال لك ان ام التيمان لم ينشرح قلبها للاسلام؟؟ ولنفترض ان ام التيمان
غير مسلمة او حتى غير مؤمنه هل تمنع من الاستدلال بالاحاديث ان صحت
او الايات استدلال موجب؟؟
حتى لو افترضنا انتى جاية تحاوريها فى استعمالها واستدلالها بما تقدم
فانا ارى ان استعمالها للحديث المزعوم كان ايجابيا يعنى لم تسىء فيه

لو انت غرضك حوار
الكرة فى ملعبك

سارة

[تماضر حمزة]

سلامات سكان البوست الكريم

ماريل، الغريبة انّك قلتي دا منبر حوار
مابعرف مزاجك عاكس معاي ليه
عموماً، رأيي قلتو بعديهو مزاجك يقفل يفتح ماحيغيرو.

تحياتي،

[Ishraga Hamid]

اقتباس:
المشاركة الأصلية كتبت بواسطة تماضر حمزه

أقلّو ندّي الناس فرصة تعيد حساباتها وتقييمها للفات.
عشان كدا أنا دايماً ضد المسح، الناس ترجع وتقرا كتبت شنو
عسى ولعلّ تدرك افلست وين ومتين وليه وفي حق مين.



مداخلة حكيمة وقوية

وسلام ام التيمان وماريل وتمرا وسارة والجميع

[همس الشوق]

سلامات يا زات البنفسج
وألف حمدا على السلامة


ويا ماريل يا صديقة
بصراحه انت غلطانه في حق ام التيمان

واذا سلمنا جدلا انك عايزه تغيري مسار أم التيمان
فدا ما الأسلوب الممكن نقدر نغير بيهو أي إنسان
إسلوبك مهاجم جداً ولا يليق بالإصلاح

وكلامي من باب
أنصر أخاك ظالما أو مظلوماً