يوميات ليمونه المجنونه

[مها عبدالمنعم]

الجزء الاول يوميات ليمونه المجنونه
مررت علي الديار ديار ليلي..وقبال اتم البيت البت المجنونه صرخت
ليلي منوووووووو؟؟
انا زاتي اتهجمت واتخلعت جنس خلعه مساافه حتي اتنبهت انه ليلي
دي حبيبة الشاعر داك.شنو خلاني اتذكر دا هسه لاحول ولا قوة الا بالله
اوال ماقربت لي كوركت فيها مالك جنيتي تكون مرتي التانيه ان شاءالله
قلت شنو؟مرتك التانيه !!اريتك كان راجل وبتعملا البركه في الحكومه الخلتكم مفلسين حق كباية الشاي ماعندكم قال مره تانيه ..هسه انا دي كان مااخواني ديل عرسو ليك كنت عرست! يافاشل يافاشل ؟
يامره هوي ارعي بقيدك
قيدي ؟شايفني بقره مربوطه في حبل قال قيد
وكمان ليلي قال الله يضلم لياليك عان خلقتو المتل النعامه جسم بلا راس
مالك منطط عويناتك كدي!
قال مرتي التانيه يمرمروك في نار موقده اربعه ايام مرتك التانيه !ياجاهل يازباله
يازوله انتي مجنونه دا شعرساي
ياسلام شعر ساي ومالقيت الا ليلي اشان تذكر شعرها ؟
تلقاها بت خالتك المعولقه الاسمها ليلي ديك قايلني ماعارفاك جريت وراها ابو يدوك ليها مره حتي جيتني!!

[مها عبدالمنعم]

يوم بكي ناس سوسن )
ياليمونه امرقي
في شنو مالكن من الصباح كتلتن منو؟
ماكتلنا ياليمونه الله الكتل بت سوسن الصغيره ضربه بوكسي قبال شويه قالو ارح
جنكن لكعي هسه سوسن دي كان ماتت بتك السجمانه ميسر دي بتجيك جاريه كدي
دا شنو ياليمونه النضم المتل الحنضل دا
لالا بضرب المثل ساي ماياهو الضنا والا غيرو اهامرقت اجراكن
ودخلتن الحوش مسكت البكي ووووووووووب علي يالبنيه الصغيره وجاهله وماشف
تي شي في الدنيا
وووووب علي ياالشاطره وبتجي الاولي
ووووب علي امك السجمانه سوسن ترا ماعندها اولاد غيرك ولادته قليله !!
النسوان ياليمونه اسكتي اتي بتبكي في الشافعه والا بتمغسي لسوسن
الاتنين ترا من يوم حرشت محمد علي ولدي دقاه طامراها ليها وبس دا وكت السده
لمن كترت مرقت لها سوسن هوووي ياليمونه انتي شن جابك البكي دا
جابني الجاب الناس...الوجع
كضابتن لامن تدخلي النار
انا ادخل النار؟ انا ياسوسن الجيت اعزيك في بتك؟
ياسجمانه بركه الماتت اريتك كان لحقتيها انتي زاتك اها
يانسوان هوي امرقن اتبعني قال بت سوسن المعولقه المخولقه

[النور يوسف محمد]

بسم الله الرحمن الرحيم

الجزء الاول ..
يوميات ليمونه المجنونه ..
مررت علي الديار ديار ليلي ..

( يوم بكي ناس سوسن ..
ــ ياليمونه امرقي
ــ في شنو مالكن من الصباح كتلتن منو؟ )

معجب جداً بتنوع الفكرة فى نصوصك ..
تناولك لحراك الحياة اليومى من باب السخرية الرصينة يبعث على التأمل ..
وينتزع منا إبتسامات يشوبها الحذر ..
يعيش معك القارئ أحداث النص ولا يجد صعوبة فى التعرف على شخوصه ..

بساطة الحوار رتقت بالنص وأضفت عليه سحر أخاذ ..

[عادل البراري]

نحن
هنا وها هنا
أيضاً حضور
حتى لا يفوتنا مشهد عتيق
تزملي بالإستمرار

[مها عبدالمنعم]

المشاركة الأصلية كتبت بواسطة النور يوسف محمد

بسم الله الرحمن الرحيم




معجب جداً بتنوع الفكرة فى نصوصك ..
تناولك لحراك الحياة اليومى من باب السخرية الرصينة يبعث على التأمل ..
وينتزع منا إبتسامات يشوبها الحذر ..
يعيش معك القارئ أحداث النص ولا يجد صعوبة فى التعرف على شخوصه ..

بساطة الحوار رتقت بالنص وأضفت عليه سحر أخاذ ..

النور يوسف شكرا لمرورك الانيق والذي يسعدني
افتقدتك هناك
كل عام وانت بخير

[مها عبدالمنعم]

المشاركة الأصلية كتبت بواسطة عادل البراري

نحن
هنا وها هنا
أيضاً حضور
حتى لا يفوتنا مشهد عتيق
تزملي بالإستمرار

حبابك عادل هنا وهنا
شكرا كتييييييييييير ليك

[wadosman]

الليمونه دى جنت ولا شنو..؟؟

استمتعنا بحكاوى الليمونه ياخ...شكرا ليك

[مها عبدالمنعم]

المشاركة الأصلية كتبت بواسطة wadosman

الليمونه دى جنت ولا شنو..؟؟

استمتعنا بحكاوى الليمونه ياخ...شكرا ليك

ان شاءالله مستمتع طوالي ياودعثمان
كل سنه وانت بخير

[النور يوسف محمد]

المشاركة الأصلية كتبت بواسطة مها عبدالمنعم

النور يوسف شكرا لمرورك الانيق والذي يسعدني
افتقدتك هناك .. كل عام وانت بخير

متابعة لصيقة وحضور يومى ..
الكتابة على البال ، وبعض الأفكار تراوح مكانها ..

يسعد ايامك ..

[مها عبدالمنعم]

شكلة الشفع في الشارع
وااااااااي
ياشافع مالك بتنبح متل الكلب السعران؟
دقوني علي وسمي
ولاد عوضيه ؟
ايه......واااي يابوي
ياولد اللبوه التاكلك اسكت
وات مالك ماعندك ايدين تدق بن ارح جيب لي توبي دا
واااااااااي
ياولد انطم تتطم بطنك خايب بس شبه ابوك الله ينعل اليوم العرفتو فيهو المفلس المكعكع اريتو كان اداكن شيتن سمحه خوافيين
وتبكو للجهال؟ هسه كان رصعتو فد كف ماكنت بطنك بردت بدل الجعير دا
وولادعوضيه من شافو الباب فتح ولمحو طرف التوب الاسود مافي الا عجاج كرعيهن وهي ياولد اجر اقبض لي الكبير الملولو دا
ودخلت متل تسونامي بيت ناس عوضيه
هووووي ياعوضيه ولادك قلال الادب البلا تربايه ديل لميهن مطلقاهن كدي في الشوارع متل ولاد الحرام
الراجل يازوله استهدي بالله بسم الله في شنو
ات عامل متل خروف الخلا الجيعان كدي ازحف من دربي غادي
ياعوضيه والله ان مامسكتي شفعك ديل الا ارقدن ليك سلطه متل سلطة الاسود المفجخه بكبايه
دحين.. وقبال تتم كلامه المره حلفت لراجله يانرحل من الحله ياتطلقني

[البديري]

متابعة لصيقة وحضور يومى ..

[مها عبدالمنعم]

صندوق السكر
ياولدهوي تعال كلم ناس سعاد وسلمي وسوسن وعلويه اليكلمن الباقيات الليله صرفة الصندوق عندي وقولهن تعالن بدري ماني فاضيه لمحركتن دي واوعاك تتمحرك متل عوايدك قبال انزل الشاي دا تكون جيت صاد
بس يمه ال
ياولد ولا كلمه طيرمجنح ادياتك متل ابوك قال ليلي قال
امي ليلي منو؟
ياولد انا جبت سيرة قشره دي
هوي يابت النسوان ديل بعدين شيالات حال دحين اوعي تجيبي في صينيه وسخانه وان فد نقطه اندفقت من الشاي ماترجي مرقة النسوان
يمه انتي هو صندوق والا مسابقة جمال
يابت هوي امرقي في الساعه دي من تبوب عمتك الدهبايه دا
ياتو توب
يابت طيري من خلقتي
اها كلمتهن
قالو ليك الليله الصرفه ماعندك حقة علويه اشان اخوها كان ميت
يموت حيلن النسون ديل ان ماحجزتها قبال تلاته ادوار هسه الشاي دا اودي وين
بشربو يمه بس ماتلفحي توبك وتمرقي عليك الله
يابت لفحك جان ضهرقولي امين
البت :امين
اميين ياسجمانه ياطيره صحي ولادة الندامه الله بلاني بيكن التلاته انتي واخوك دا والسجمان الله ياخدو ابوكن
مش الشاي دا يمين بالله لا انتو لا النسوان تشربو الواطه دي فيها فايده اخير منكن بندفن فيها..

[مها عبدالمنعم]

حنة بت علويه
الباب خبط وليمونه قاعده فوق الراكوبه محننه ومامعاها زول
اهلا اهلا اتفضل
والشافع مادار يدخل كورك ياليمونه
ايوه ياولد داير شنو
قالو ليك حنة بت علويه الليله بعد المغرب وجري قبال تسمعو سمح
ياشافع قلت شنو ياجنا ..الله ينعلك وينعل اهلك الماعلموك دا شنو البلا المطلق في الشوارع دا!
خرتت حنتها بعد يجي ساعتين ونص بعد المغرب بشويه كوركت لها جارتها ليمونه
ايوه
لبستي؟
اها طايره وين كمان!
اجي ياليمونه الليله ماحنة بت علويه؟
بري بري ماعزمتني
كيفن ماعزمتك وشوف عيني دا الشافع دق باب بيتك بعد مرق مني
عاد كيفن مابتقولي كدي مي صاحبتك وراسك خاتاه مع راسه
ماعزمتني ولن ماشه هي شن الحنه البعملوها ليها مي ياها بتها الكبيره الشينه والا واحدتن اخرا
هوووي ياليمونه بدور تتلومي البت عروس وحلااااته وصلاة النبي فيها
بتقولي كدي فيشان العريس ولد عمتك ساي
وخلي الشنه المره البنيه متل القراده تلصق فيك ماتنفك منك مابعرف ود عمتك دا شن عجبو فيها
اجي ياليمونه دا نضم شنو
النضم الصح الا الناس مابدورو،البت فد شيتا يفرزه من اخوانه الصبين مافي متل المسطره التلاتين سنتمتر ديك
خلاصة الحديث ماشه والا ماك ماشه
لالا ماشه النلبس اشوفه
سمح بسراع
يسرع فوقك قطر سريع مايخلي فيك الحته منصرعه كدي
قلت شنو؟ لالا قلتلك سمح!
ودخلتن بيت العرس لقت علويه في وشيها قبال تسلم قالت لها دحين انتي ماعزمتيني لحنة بتك مااااااااالك ؟
بري وحات جناي رسلت الشافع قال كورك لك
سمح اها البنيه شن لزوم الحنه ليها
كيفن مي العاده متل رفاقتها
ايه علا بتك مي صغيره فيشان الخسائر دي كلها دحين العريس شن اداكن مي ياهن المليون ديل والشيله مشتريه نصها براها؟
عاد ياليمونه ادخلي ادخلي اتفضلي شن اقول لك انا
وكوركت في البنات يابنوت هوووووووووي جيبهن لليمونه دي الضيافه بسراع!

[مها عبدالمنعم]

يوميات ليمونه المجنونه
ايام الانتخابات
ياليمونه امرقي قالو نمرق بدري
ياسجمانه بدري نمش ننشحط مانلقي زول جا
بس نحن النقطع الحيل
سمح طيراكي ،عليك النبي هسه خلقنا دي دايره زول يشهد علي سودانيتنا دي
يازوله ارح كدي
ماقلت لك مابنلقي فرقه عليك الله ان الخلق دي
ارح الصف كدي
ويزحن في الصف لامن جا دور ليمونه
اها ادني اورنيك بدور امرق البطاقه المدنيه
ياحاجه الاورنيك ماعندي هنا
كيف ماعندك وانا ازح من صبحت
كان مافاهمه اعمل ليك شنو
مابتسمعي الرادي
مافاهمه ياجاهل انا مواطنه ومشغلاك
مشغله منو؟
انت دا كان ماالمواطنين البدورو يمرقو جنسيه وبطاقه وجواز كنت اشتغلت؟
يازوله طيري من خلقتي دي الناس واقفه
تتطير عيشتك ياراجل يالمامه تقول لي طيري!انا واقفه قدام بيت ابوك
ياوليه انتي بتهيني في بدلتي اللابسه دي واكان مازحفت لوراه قسما تبيتي في الحراسه
وفد كوريكه هوووووووووووووي ياناس شاهدين الشرطه بتهدد فيني
ان ماوديتك الجرايد اكون ماليمونه المجنونه
الرجال قدر ماجروها اشان تمرق ابت تمرق
اخييييييييييرا العسكري قام من محلو قفل الشباك!

[جيجي]

غايتوا ليمونة لذيذة بشكل
وانت الاجمل
وكتابة طعامتها في واقعيتها
تحياتي ياستنا