سلسلة كشف الغمة، مبحث أول: سر الرجل الثاني في الاسلام.

[أمين محمد سليمان]

المشاركة الأصلية كتبت بواسطة حافظ حسين

اسمح لي يا أمين أقول ليك و الله مداخلتك دي مضحكة
قلت لي عبدالله متبع نفس التكنيك بتاع الشيخ في الكتابة؟
يعني اتنازلت شوية من السرقة؟
بعدين اتباع تكنيك كاتب محدد اصلاً ما سبة و لا جريمة
اي ممكن يضعف النص و كدا لكن أصلاً ما سبة تجي تشتم بيه زول

والله يا حافظ مافي شئ مضحك زي كلامك ده !!
يا زول إنت قريت كلامي الكتبتو ؟!!
أنا قلت اني ما جبت أي شئ من السرقة :
1- لانها ماليه المكان و دايره ليها وقت ...
2- لانو آية الله العلاف بنفسو قال إنو 95% من الكتابة دي ما حقتو !!
عليك الله قبل ما تجي "متمشدق" اقرأ الكلام كويس ....

[صديق عيدروس]

ومادا قالوا عن ابوهريرة ...؟

1/ صاحب البوست نقل ماكتب عن ابي هريرة دون ان يشير الى مصدر المادة المنقولة او مايفيد ان المادة منقولة ، وهدا مخالف لقوانين المنتدى وللمعايير الاخلاقية في اي مكان ، فلمادا نلوم البروف على التنبيه والتأكيد والدفاع عن هدا المبدأ ..!

2/ اعلى ما قالوه في القدح في ابي هريرة هو انه حفظ كل هدا العدد من الاحاديث في هده الفترة وهي تدور بين السنتين والنصف واربعة سنوات والراجح من اقوال اهل العلم انها اربعة سنوات ، مع العلم هناك الكثير واعداد لاتحصى حفظوا اكثر مما حفظ ابو هريرة وفي مدة اقل ، وقد اشرت في مداخلة سابقة للدكتور زاكر من الهند فقد ترك مهنة الطب بعد ان قابل الشيخ احمد ديدات وحفظ القران والسنة وحفظ مع نصوص الاناجيل المتعددة ونصوص ومعتقدات الهندوس ويناظرهم بما كتب من كتبهم ، وله محاضرات مسجلة على (التيبوب ) ارجو مراجعتها

3/ انا بينت في مداخة سابقة ان هدا معروف ومشهور وكثير جدا في هده الامة فهناك كثيرون بعد ابي هريرة حفظوا القران وحفظوا من السنة اكثر مما حفظ ابي هريرة ، وقد ثبت ان النبي صلى اللهى عليه وسلم قد دعا لابي هرير بالحفظ وعدم النسيان

4/ قالوا عن ابي هريرة انه يحب المضيرة او بعض انواع الطعام ... ! وهل في دلك عيب .. ؟ فقد كان النبي صلى الله عليه وسلم يحب بعض الاطعمة وقد روي عنه صلى الله عليه وسلم انه كان يحب الدباء ، فهل يعيبه هدا اويطعن في نبوته ؟؟ ؟

5/ يقولون ان ابا هريرة كان يأكل مع معاوية ويصلى مع على ، وهده من الاكاديب والحكايات السازجة التي لاتنطلي إلا على الجهلة والمغفلين ، فقد كان معاوية بالشام وعلي بالعراق ، وحتى في موقعة صفين لم يكن الامر بهدا اليسر ،لان الجيشين لم يكن يخيمان في موقع واحد يسهل معه الغداء هنا والصلاة هناك ... !

وهدا ايضا يقودنا الى سؤال مهم ، هل كان علي واصحابه ملائة لايأكلون الطعام حتى يضطر ابو هريرة للتنقل بين علي ومعاوية ... ؟

وكلمة اخيرة لهدا المتشيع ومن يستحسنون كلامه ، الله سبحانه وتعالى بينكم وبين ابو هريرة يوم القيامة ، فهو لن يسألكم عن ابو هريرة ولا عن غيره ، فيسألكم عن دينكم ومعتقدكم وممارساتكم ، قال تعالى :
( يوم تأتي كل نفس تجادل عن نفسها وتوفى كل نفس ما عملت وهم لا يظلمون )

[النور يوسف محمد]

المشاركة الأصلية كتبت بواسطة أسعد

يا سعادتو
عن نفسي انا جيت ناطي ليهو لانو (العنوان) فيهو خلل كبير
وطالما انو سؤالي في العنوان يبقى مافي داعي اقعد انتظر اكمال الطرح
اللهم الا الطرح دا يحتوي على فيلم هندي
في الحالة دي بنتظر ينتهي من طرحه
يمكن عسى ولعل يطلع لينا في نهاية الطرح انو ابوهريرة على علاته المبذولة في متن البوست يطلع ثاني رجل في الاسلام!!

بسم الله الرحمن الرحيم

سلام يا وجدى
( ياخى أعفينى من أسعد ده ، أعتبرنى ليس من عملائكم الكرام ياخ )

العنوان أنا تطرقت له فى مداخلتى الأولى ،
وأصلاً العناوين التراثية دى عندى معاها حساسية ..

يا وجدى خش اليوتيوب شوف كمْ الفيديوهات التى تتناول هذه الشبهات ..
ولدينا الكثير الذى كنا نود أن نقوله ، ولكن كما ترى فإن النقاش أخذ ابعاد أخرى ،
وتحول الى ساحات عصية ..
ليس هناك فى تقديرى ما يمنع من التداخل ، وأنا لم أقل غير ذلك ،

ثم وينك ..

[أمين محمد سليمان]

المشاركة الأصلية كتبت بواسطة أسامة بابكر

مع احترامي الكامل للبروف ولكن لا ارى في هذه الاقتباسات التي اوردها اي سرقة ... وحتى الان ارى بان الاخ عبد الله برئ مما تقولون ...

يا عم أسامة ... الاقتباسات دي ما كانت لبيان السرقة ... السرقة ما دايره بيان و كابشرات ... هو نفسو - بعد البل - قال المقتبس في في كتابتو 95% ... و مرة تانية - برضها بعد البل - قال لو لقيتني كاتب أكتر من 15% لومني !!
كل كلمة جابها في بحثو المزعوم مسروقة بضبانتها و بغير ضبنانتها !!

[صديق عيدروس]

المشاركة الأصلية كتبت بواسطة حافظ حسين

ههههههههههههههههههههه
احب ابو دا منطق يا خي
حد علمي يا ماجد تاج عبدالله موسي دا ما ضرب مصدركم دا باربجي, لو في ضرب بالكلمة و الحجة انتو مالكم صغار و لا أمييين ما تدافعوا عن مصدركم المضروب دا و لا خلاص العقول اتقفلت؟

ياريت لو كانت منطق وحجة ..!

هل يعيب ابوهريرة انه يحب طعاما معينا .. ؟
هل في حفظ ابو هريرة لهدا العدد من الاحاديث في اربعة سنوات مشكلة ... ؟
فقد دعى له النبي صلى الله عليه وسلم بالحفظ ، اضافة الى ان كثير من هده الاحاديث لم يرويها مباشرة عن النبي وانما عن بعض الصحابة

والحمد لله ليس ابوهريرة وحده في هده الامة من حباه الله بهده الميزة والقدرة ،فهناك كثيرون حفظوا اكثر مما حفظ ابو هريرة وفي مدة اقل ، والى اليوم لدينا امثال هؤلاء

اما حكاية ان ابو هريرة يتغدى مع معاوية ويصلى مع علي ، فانا شايف من العيب ان تقال هنا حتى لاتسيئ للموجودين



تم تعديل المداخلة من قبل الأمين العام لمخالفتها ضوابط الكتابة بالمنتدى

[كيشو]

المشاركة الأصلية كتبت بواسطة النور يوسف محمد

بسم الله الرحمن الرحيم

سلام يا وجدى
( ياخى أعفينى من أسعد ده ، أعتبرنى ليس من عملائكم الكرام ياخ )
.

يا حبيبنا
والله إبداااع
ياخ كامل تأييدي
والله يا وجدي اسمك دا كان حاولت تغيرو أيام جنابو دا كان شفنا العجب
وكمان أيدناهو

[أبو جعفر]

المشاركة الأصلية كتبت بواسطة ماجد تاج

لأنه السؤال الجوهري في قصة عبد الله موسى دي هو :

ما الذي يريد أن يصل اليه عبد الله من خلال مهاجمته لأبو هريرة رضي الله عنه ؟

هب أنه أثبت أن الرجل كان كذّاباً والعياذ بالله ما الذي يؤدي اليه ذلك ؟.

العودة لأصول الإسلام الحقيقية

سلام كتير

[النور يوسف محمد]

المشاركة الأصلية كتبت بواسطة كيشو

يا حبيبنا
والله إبداااع
ياخ كامل تأييدي
والله يا وجدي اسمك دا كان حاولت تغيرو أيام جنابو دا كان شفنا العجب
وكمان أيدناهو

سم الله الرحمن الرحيم

والله حقو الواحد مادام ضمنت تأييدك إقوم إقدم إستئناف
هو أصلو لو قدمو فى الزمن داك ، يمين شهادة ميلاد موثقة ما تشفع لو ..

ثم والله مشتاقين يا كيشو ،

[أمين محمد سليمان]

نقطة نظام يا اخوانا !!!

عشان القصة ما تبقي محن و مهاترات و عداءات و بلات كل الناس في غني عنها بالذات في هذا المكان .
أرجو اننا كلنا نتناقش بهدوء بدون كلام قبيح و استفزازات .
عني أنا :
1- باعتذر للاخ عبدالله علي كلامي الفارغ و المستفز، و بالنسبة لكلمو الفارغ معاي ما عايز منو إعتذار لاني ما رفعتو من محلو، بس إذا تكرم و إعتذر لاختنا آمال نكن له من الشاكرين و لصنيعه من الممنونين .

2- أنا اتهمت عبدالله بانو سرق مبحثو زي ما ياهو، و طالما البينة علي من ادعي : أنا ملزم باثبات هذا الكلام و هذا ما ساقوم به إن شاء الله ...

يا اخوانا الداير يتكلم عن موضوع أبوهريرة يتكلم و الداير يتكلم عن موضوع سرقة البحث يتكلم ... فقط نرجو إنو الكلام يكون بهدوء و نبعد من المهاترات و الاستفزازات و الشتائم الما بتودي مكان، إحتراما لرقبتنا و للمحل ده !!

[عبدالله علي موسى]

يا شباب الشكر كله للافاضل بابكر عباس وحافظ حسين والنور ومهند الخطيب وطارق كانديك للتعقل والرزانه وسط المعمعه العجيبه دي! ويا النور كلامك ده يشرفني جدا وارتديه وِسام وهذا من طيب أصلك أنا اشكرك جداً علا كلامك الطيب يا طيب وربنا يجعلنا عند حسن ظن اللجميع

المشاركة الأصلية كتبت بواسطة أمين محمد سليمان

يا عم أسامة ... الاقتباسات دي ما كانت لبيان السرقة ... السرقة ما دايره بيان و كابشرات ... هو نفسو - بعد البل - قال المقتبس في في كتابتو 95% ... و مرة تانية - برضها بعد البل - قال لو لقيتني كاتب أكتر من 15% لومني !!
كل كلمة جابها في بحثو المزعوم مسروقة بضبانتها و بغير ضبنانتها !!

احتراماً للرجاال الفوق ديل لن اعلق ولا ازال في انتظار البينه.

[عبدالله علي موسى]

أنا اعتذر لآمال ؟
يا ناس ده ما الختا ########؟؟؟؟؟؟؟؟؟؟؟
انته الكلام هنا، في انتظار البينه!!!

المشاركة الأصلية كتبت بواسطة أمين محمد سليمان

نقطة نظام يا اخوانا !!!

عشان القصة ما تبقي محن و مهاترات و عداءات و بلات كل الناس في غني عنها بالذات في هذا المكان .
أرجو اننا كلنا نتناقش بهدوء بدون كلام قبيح و استفزازات .
عني أنا :
1- باعتذر للاخ عبدالله علي كلامي الفارغ و المستفز، و بالنسبة لكلمو الفارغ معاي ما عايز منو إعتذار لاني ما رفعتو من محلو، بس إذا تكرم و إعتذر لاختنا آمال نكن له من الشاكرين و لصنيعه من الممنونين .

2- أنا اتهمت عبدالله بانو سرق مبحثو زي ما ياهو، و طالما البينة علي من ادعي : أنا ملزم باثبات هذا الكلام و هذا ما ساقوم به إن شاء الله ...

يا اخوانا الداير يتكلم عن موضوع أبوهريرة يتكلم و الداير يتكلم عن موضوع سرقة البحث يتكلم ... فقط نرجو إنو الكلام يكون بهدوء و نبعد من المهاترات و الاستفزازات و الشتائم الما بتودي مكان، إحتراما لرقبتنا و للمحل ده !!

تم تعديل المداخلة من قبل الأمين العام لمخالفتها ضوابط الكتابة بالمنتدى.

[طارق صديق كانديك]

الأخ عبدالله مساء الخير

هذاالحديث الذي وجهته للأخ أمين فيه تعدي شخصي واساءة غير مقبولة، تعدت كتاباته لتطال شخصه، وهو أمر يسئ اليك قبل أن يسئ للاخ أمين سليمان.


أتمنى حذفها والاعتزار عنها.

[سارة]

اخى عبد الله سلامات واريتك طيب
يا اخوى صلى على النبى وبرد نفسك شوية
امين اعتذر ليك وانت ما ملزم تعتذر لو انت ما عايز بس كمان
ترد بشتائم ما جميلة يا اخى الكريم
كدى الله يرضى عليك تجاوز قليلا وخلينا فى الموضوع المهم
اتهاماتك للصحابى الجليل ابو هريرة صحيح اننى لا اعرف عنه
الكثير لكن وحات الخوة شغالة قوقلة وبحوث وتفتيش يعنى انا زاتى
ما بسكت بس قلت نسمع كلامك للنهاية
ولو ساعدتنا بالنفس البارد نكون ممنونيين اها قلت شنو

[أمين عام سودانيات]

السيد / عبد الله علي موسى والسادة المتحاورون .... تحية طيبة ...

أرجو من الجميع بمحبة رفد الحوار بالحجة والمنطق والابتعاد عن شخصنة الأمور وماينتهي اليه هذا الفعل من سباب وشتم لايليق بنا جميعنا ..

[طارق صديق كانديك]

الأخ عبدالله ليتك باشرت في اكمال مبحثك، فأنت بمثل هذه الردود تجعل من البوست لايقدم فكرتك ولا يسمح للذين يرون خلافها من دحضها إن كان الحق هو ضالتك من هذا الحوار.