اغاني .. واغاني

[الجيلى أحمد]

سلامات ياعمدة,

البرنامج السنة دى لو عرشوهو على آداء السنى ل (زرعوك فى قلبى) بيكون أدى مهمتو..

البنات البغنن ديل أصواتن تعبانة شديد, بالجد حاجة تضرس..

حليلك يااسرار بابكر, وحليل الصوت الزى نسمة العصارى

[عكــود]

سلام يا جيلي،

للشي السمعتو، كلامك صاح.
أصوات البتين السمعتهن، غاية في التعب.

بس بالله، وإنت في طريقك، أقنع لي هارون وأخوهو ديل.

[أمير الأمين]

المشاركة الأصلية كتبت بواسطة عكــود

أصوات البتين السمعتهن، غاية في التعب.

يا اخى تمها وقول "يا حليل الجميلات"

[وهاد ابراهيم محمد]

المشاركة الأصلية كتبت بواسطة الجيلى أحمد

البنات البغنن ديل أصواتن تعبانة شديد, بالجد حاجة تضرس..

حكمة الله لامن قلت ما عجبتني أصواتهم أو يمكن الأغاني المختارة ليهم ما بتناسبهم,
قالو لي أصبري عليهم شوية وأديهم وقت.
أتاريهو الصبر ده صعب خلاص
24 ساعة وإتضرسنا

[قيقراوي]

أصوات البتين السمعتهن، غاية في التعب.
عمك (أكود) همسلف!!

حكمة الله لامن قلت ما عجبتني أصواتهم أو يمكن الأغاني المختارة ليهم ما بتناسبهم,
قالو لي أصبري عليهم شوية وأديهم وقت.
أتاريهو الصبر ده صعب خلاص
24 ساعة وإتضرسنا

وهاد هارسلف

انتو بالضبط كدا قاصدين ياتو بنات؟

- نسرين هندي
- منى مجدي
- زحل عمر
- فاطمة عمر

ام قاصدين (فخيمة)










----------

لو قاصدين (فخيمة) او نسرين صراحة بزعل منكم
دي ما فيها مجاملة .. براكم عارفين!

[قيقراوي]

كتب الصديق ناصر عز الدين (الليندي) بهناك:

الأغنية الأخيرة ( ليه بتسأل ) ادتا ( نسرين هندي ) باداء أكتر من رائع غايتو في همهمات عملتا اضافت بيها حلا للاغنية وبعدين بتسلم العازفين صاح ( كنت اجمل أغنياتي ) مط في مكانو الصاح وتاني الحتة ( كنت داري وكنت دوحي . كنت . كنت داري وكنت دوحي ) شوفتو ( كنت ) البين النقطتين دي خطفا مبالغة اضافة لأنها واثقة من امكانيتها وبعدين ما جعانة غنى زي ( فرفور ) مجرد ما الشباب شالو معاها بتخليهم يكملوا باقي المقطع حقيقي ( نسرين هندي ) اضافة للبرنامج واتطورت كتير

[وهاد ابراهيم محمد]

المشاركة الأصلية كتبت بواسطة قيقراوي

انتو بالضبط كدا قاصدين ياتو بنات؟

- نسرين هندي
- منى مجدي
- زحل عمر
- فاطمة عمر

ام قاصدين (فخيمة)

ازيك يا قيقا

عشان أزعلك من البداية
فهيمة, صوت جميل وما تخت نقطة, لأنه مش أي غنية بتقدر تغنيها
السوتا في أحبك عثمان حسين دي حقو تكفر عنها بدون تردد
بالعربي, لازم تختار ما يوافق صوتها بعناية فائقة
عندها قطعة نفس كده في النص بتضيع لي الأغنية مرة واحدة
وزي ما قال العمدة, بتمها تحايل على الموسيقى.
لغاية هسي لو سألتني بقول ليها إكتفي بـ (مرت الأيام) عشان اجتهدت فيها.

____
بعد الحلقة الأولى أكتر حاجة كانت محيراني
إستحسان الناس لصوت الفاطمة !!
بالله انتو جادين؟!!!

____
الاتنين التانيات ما فيهن صوت يعلق بالذاكرة

____
نسرين هندي زي ما قال صاحبك الليندي, إتطورت
تطور ملحوظ, ويستحق الإشادة.

____
بس برضو لو عمك سرور أتانا بود السني فقط
لكفاه, وكفانا, وزاد.




رمضان كريم عليك يا فتح.

[خال فاطنة]

و الله دي بالغت فيها يا عكود:

من ما بدا الاغنية ب "زرعوك" واخدلو صننننننة كدي،
طوّالي اتكشّمتٓ، وعرفتو منجّض شغلتو.

نفس الإحساس...الصننننة كانت مليانة ثقة ...

بس زعلتني في دي:

(يجيك صوت فهيمة وكأنك بتعاين من خلال قزاز ضارباهو رطوبة).

البت دي غناية يا عكود...الوحيدة البتحس بصوتها فيهو ميزة و نكهة في الاستديو

كان ما خايفك تقصر أجلي في البورد كان إتلفظتا

[قيقراوي]

ازيك يا صفوة

فهيمة في "أحبك أحبك" جلتا مرتين مما تعدون على الاقل .. لكن قلنا ندغمسا ؤ كدي
المافي شنو .. ضمير ما عندنا

غايتو عذبت العازفين



مشتاقين والله

تصوموا وتفطروا على خير

لكن فاطمة عمر ظلمتيها

انا غايتو من اغلان حنة الشمس المشرقة كاسرة ضلعة في عصب سمعي

http://www.youtube.com/watch?v=qM0fQ...ature=youtu.be

[أمير الأمين]

شايف الناس نست معاذ
باداؤه الضعيف لم يترك اثر عند المستمع
ومحاولة مجاراة جده ابن البادية اكبر كتير
من قدراته.. كذلك الموسيقى طغت على صوته
بشكل باين كما فعلت من قبل مع السنى
مقارنة مع "سبنا قيقا" صاحبة الصوت القوى
مع بعض التقطيع البسيط ويبدو انها تحتاج الى
"تمارين تنفس"
طبعا محاولة إحلالها محل احدى الحميلات فى غير مكانه

[خال فاطنة]

شايف الناس نست معاذ

كيفك يا حبوب؟

هسي المسكين دا مدردقو للعالم الما بترحم دي ذنبو شنو؟

و الله يا أمير ذكرتني لمن الأستاذ ينسى ليهو طالب ما يجلدو في لستة المهرجلين، و يقوم واحد كدى مقرّم يقول ليهو يا أستاذ دا ما اتجلد

[عكــود]

سلام خالا،

اهو قيقا ذات نفسو، مرق الذمة في دغمسة فهيمة.

صوتها ماهو كعب، لكنو ماهو قوي ومليان.
يعني حقو تختار الاغاني البتناسبها.

يا قيقا انا فعلاً قاصد فهيمة ونسرين؛ ديل ياهن السمعتهن.
دحين الحقنا بتسجيل اغنية فاطمة، عشان نفتي فيها كمان. بس لو كان هي زولة دعاية حنة الشمس المشرقة، صراحة حأكون متحيّز، لأنو حال ضلعة عصب السمع، سيم سيم.

[عكــود]

المشاركة الأصلية كتبت بواسطة خال فاطنة

كيفك يا حبوب؟

هسي المسكين دا مدردقو للعالم الما بترحم دي ذنبو شنو؟

و الله يا أمير ذكرتني لمن الأستاذ ينسى ليهو طالب ما يجلدو في لستة المهرجلين، و يقوم واحد كدى مقرّم يقول ليهو يا أستاذ دا ما اتجلد

قوية دي والله!

[أمير الأمين]

المشاركة الأصلية كتبت بواسطة خال فاطنة

كيفك يا حبوب؟

هسي المسكين دا مدردقو للعالم الما بترحم دي ذنبو شنو؟

و الله يا أمير ذكرتني لمن الأستاذ ينسى ليهو طالب ما يجلدو في لستة المهرجلين، و يقوم واحد كدى مقرّم يقول ليهو يا أستاذ دا ما اتجلد

رمضان كريم يا خالها
زعلة من غياب الجماعة طبعا
بنحاول نهد فى البنيان من كل جانب

[قيقراوي]

http://www.youtube.com/watch?v=k4Jd6...ature=youtu.be

احساسا عالي جدا يا عكود

عن طارق صديق كانديك، انه قال:
الصديق الأديب عبدالغني كرم الله كتب:

أعجبت بحلقة اليوم، بعد أن أنكرت عيناي، وأذناي الشاشة العام الماضي، أحب مصطفى السني، ونسرين، حتى الفاطمة، التي تغنت بعثمان حسين، فرضت على مزاجي طربا، وتعجبت من قدرة أساريرها، بين الحزن العظيم، ونضارة البهجة، كان وجهها، وبالأدق أسارير أعصابها قادرة، في ومض سريع، الانتقال بين حزن كربلائي عميق، وبهجة أنيسة، تجري على وجهها حالات الأغانية، وكأنها ظل غصن، تلاعبت به الريح، رياح اللحن والأداء، أيد سبأ، للجسد لغة تعبيرية غريبة، أظنه يترفق باللغة، واللحن، والغناء، كي تعينه على لغته الغامضة، وقدراته العجيبة.


* بالفوشيا

رواه قيقاراوي