خريجو جامعة أسيوط لمزيد من التواصل

[imported_شبارقة]

المشاركة الأصلية كتبت بواسطة Wad Elbeck

[align=center]

هذه اللقطة أخذت فى يناير/1983 ..بتل العمارنة.. إحتفاءً بمقدم دفعتنا لكلية زراعة.. (هاك التِفف دى)
بالمناسبة يا أسامة الصورة تضم الأخ يحى "محسكو"[/align]

[align=justify]صورة جميلة ومعبـّرة يا ود البيك

أنا غايتو تعرفت على 15 من الزملاء الفي الصورة بما فيهم رمضان (جلجل) الأنا متأكد إنو الكتير منكم ما ح يتذكروهو [/align]

[imported_كيشو]

المشاركة الأصلية كتبت بواسطة شبارقة

[align=justify]صورة جميلة ومعبـّرة يا ود البيك

أنا غايتو تعرفت على 15 من الزملاء الفي الصورة بما فيهم رمضان (جلجل) الأنا متأكد إنو الكتير منكم ما ح يتذكروهو [/align]

[align=justify]رمضان بين حاتم سلفاب وود البك، طبعاً رمضان زاد وزنه مستقبلاً، كان حريفاً في تنس الطاولة[/align]

[imported_شبارقة]

المشاركة الأصلية كتبت بواسطة كيشو

[align=justify]رمضان بين حاتم سلفاب وود البك، طبعاً رمضان زاد وزنه مستقبلاً، كان حريفاً في تنس الطاولة[/align]

[align=justify]نعم يا كيشو ... وكلامك مظبوط.

لما كنت برلوم سكنت مع رمضان وأنور محمد عثمان (صيدلة) ومحمد آدم سليمان (علوم) ... وجميعهم كانوا خبرة في أسيوط ... [/align]

[imported_أسامة الكاشف]

المشاركة الأصلية كتبت بواسطة Wad Elbeck

والله يا ود الكاشف .."يا شماتة أبله ظاظا فيك" ..
الأخت جميلة بابكر بت كسلا (دفعتنا) موجودة فعلاً فى الصورة ولكنها تقف فى الوسط بين أمل ولمياء كمال... أما مقدمة البرنامج الفى النص دى هى الأخت عواطف الدفعة القدامكم الفيها ناس على حسب للرسول وعصام محمود..الخ

يعني أنا قاصد شنو
بس أنا ما فهمت إنك قاصد وسط الصورة
يعني أبلة ظاظا اتمقلبت

[imported_أسامة الكاشف]

ومن دفعتنا العزيز الطيب عبد القادر ويحي وكريم الدين
يا جماعة محمد جبارة ده اختفى في ظروف مريبة لعل المانع خير
بعدين الناس البجو بالقطاعي اسم اسم ديل ما معانا
الزول العارف ينبهل
ما تبقى شكارتا دلاكتا
الجملة الفوق دي بقت ذي المكتوبة بي لغة تانية لكن هي مثل دارج عند أهلنا
بمعنى التي تشكر العروس هي التي تولت دلكتها
تلقى متصر هسه مقهي أوع كمان تقروها مقهى (coffee shop)

[imported_محمد الفاتح أبوكنة]

المشاركة الأصلية كتبت بواسطة Kamal Mahjoob

ود البيك ... سلام كتير
والله غير العوض ما عرفت ولا واحد

الف حمدالله على سلامة أبوى الشيخ والأب الروحي والمربي الفاضل والأخ العزيز د.كمال محجوب دوختنا عليك ياراجل لكن سعدنا بطلتك علينا . قبل أيام قلائل ذهبت زيارة باسرتي الى الكاملين لاحدى اخواتي فتذكرتك على الفور وسألتها عن كلكول وأهلها وهى كانت معلمه في كلكول وتذكرت الكمر والحاج طرمبة (فضل الله)والحليلة ود.مرتضى والكسمبر واخونا حسب الرسول يوسف تحياتي لكل الأسايطة بدون فرز.أنا الان في اجازة بالسودان

[imported_محمد الفاتح أبوكنة]

المشاركة الأصلية كتبت بواسطة شبارقة

[align=justify]لا أشك في ذاكرة الجيلي ولا أشك في ذاكرة ود البيك ... لكن جهجهتونا ...

يا ود الكاشف رأئك شنو في الموضوع ده ؟ [/align]

اخي العزيز شبارقة تحياتي الحارة لك وشكرا لسؤالكم الدائم عني . بخصوص الجهجهة في مقدمة البرنامج أنا عايز أجهجهكم زيادة اظنها مزاهر تربية (احياء) رغم انها تخرجت ونحن برالمه لكن حضرت حفل استقبالنا وخلي كمال محجوب أو مكي يصححني

[imported_الجيلي عبد الله الريح]

المشاركة الأصلية كتبت بواسطة محمد الفاتح أبوكنة

الف حمدالله على سلامة أبوى الشيخ والأب الروحي والمربي الفاضل والأخ العزيز د.كمال محجوب دوختنا عليك ياراجل لكن سعدنا بطلتك علينا . قبل أيام قلائل ذهبت زيارة باسرتي الى الكاملين لاحدى اخواتي فتذكرتك على الفور وسألتها عن كلكول وأهلها وهى كانت معلمه في كلكول وتذكرت الكمر والحاج طرمبة (فضل الله)والحليلة ود.مرتضى والكسمبر واخونا حسب الرسول يوسف تحياتي لكل الأسايطة بدون فرز.أنا الان في اجازة بالسودان

الأخ العزيز .. أبو كنه ... ألف تحية ومرحب بيك ...
وإجازة سعيدة إن شاء الله .. لاني أعلم عمق العلاقة بينك وبين
الاخ كمال ... لاغرو إن جاء ترحيبك معبرا تعبيرا صادقا
بكلمة( أبوي الشيخ) ... فهي تكفي ... الله يديك العافية يا أبوكنه ..
وأحييك ... وأحي أيضا أبوي الشيخ ...

[imported_muntasir hassan]

المشاركة الأصلية كتبت بواسطة شبارقة

[align=justify]صورة جميلة ومعبـّرة يا ود البيك

أنا غايتو تعرفت على 15 من الزملاء الفي الصورة بما فيهم رمضان (جلجل) الأنا متأكد إنو الكتير منكم ما ح يتذكروهو [/align]

يااسامه عشان ماتقول مقهى عرفته يحى امام مجدى ودالبك والصوفى وصالح وعمار بالناسبه ياسامه الاخوان مجدى وكريم ويحى سكنوا معاى فى عمارة عدلى واود ان اذكر موقف رجولى للاخ يحى فقد حاول مهران ان يجنده عشان اجيب ليه اخبار السودانيتن وطه كان يزور الشقه كل مرع يحاول وامكن مره تانيه نحكى عن الاخ يحى

[imported_أسامة الكاشف]

يجي راجل ضكر
وكتيرين رفضوا عرض مهران
(ذي ما في ناس قبلوه ، وفي ناس اتبرعوا براهم قبل ما يجيهم
غايتو أسيوط دي كان فيها جنس محن)
لكن صدق استمتعنا بكل لحظة عشناها في تلك المدينة
وسط هذه الكواكب النيرة
وعلى رأي شبارقة
"يا زمان هل من عودة هل"

[imported_Kamal Mahjoob]

["يا زمان هل من عودة هل"]

ود أبو كنة ... تحياتي لك ... افتقدتك كثيراً ... وشكرا لك عن السؤال ، إنها ظروف تلك التي غيبتني عمن أحبهم جميعا بلا استثناء في هذا المكان الذي يأوينا ، الأيام بما فيها من حلو ومر تمضي ولكن هنالك مر قد لا تستطيع أن " تبلعه" ... فراق أحد ممن لك معه ذكريات العمر وهو لا يشبه الآخرين ... عموما ... كيفك يا حاج طرمبة ... ولي عتب عليك ألا تذهب لزيارة أهلي في البيت فهم جميعا موجودين في تلك الفترة .... المرة الجاية ... لك كل الود
الجيلي الرائع : ود أبو كنة هذا من الذين تربوا لفترة قصيرة في كلكول لذلك جاء بهذه الروعة وهذا الجنون الجميل ، فوالده رحمه الله كان قاضيا بالكاملين لفترة وكذلك كان أحد أساتذتي وشيخي في الثانوي الشيخ محمد أحمد أبو كنة وكان يسكن الكاملين ولديه بقرة آثر أن تسكن في كلكول ويأتي لزيارتها يوميا لما في كلكول من خضرة وماء ووجه حسن ...
ود الكاشف : والله الكبر بقي ظاهر حتى في تعبيراتك ، بتجيب لكلامالقديم دة من وين؟ ويا زمان هل من عودة هل دي حقت جدك الكاشف، فعلا أتمنى أن لو يرجع الزمان لسافرت على الفور وعلى متن الباخرة 10 رمضان الله يرحمها ... نسيت ... أحسن الله عزاكم في مهران

[imported_Wad Elbeck]

المشاركة الأصلية كتبت بواسطة Wad Elbeck

[align=center]

هذه اللقطة أخذت فى يناير/1983 ..بتل العمارنة.. إحتفاءً بمقدم دفعتنا لكلية زراعة.. (هاك التِفف دى)
بالمناسبة يا أسامة الصورة تضم الأخ يحى "محسكو"[/align]

عموم الأسايطه سلام ...
للتذكير بالأسماء:
الوقوف من يمين الصورة: صلاح محمد أحمد، عبدالمنعم جاويش، محمد سيدأحمد، رمضان، حاتم سلفاب، مجدى جادالكريم، سليمان؟؟، أسامة عوض، الطيب عبدالقادر، على عبدالغنى (درس معنا السنة الأولى ثم تحول للدراسة بروسيا)...
الصف الثانى "نصف وقوف" من يمين الصورة: يحى عثمان صالح، ثم مصطفى مركز..
الجلوس من يمين الصورة: مكى الصوفى، عبدالمنعم أحمد إسماعيل، محمد موسى الناير، صالح عبدالرحمن، كريم الدين، عمار عباس، ثم أحمد محمد عبدالرحمن..
الصف الأمامى من يمين الصورة: محمد عبدالله جبارة (حارس المرمى)، ثم برعى محمد دفع الله...
تخريمه: من مدة وأنا أبحث عن أى أخبار من الأخ صلاح محمد أحمد.. بالله عليكم لو فى أى واحدعارف عنه خبر يقول لينا..

[imported_الجيلي عبد الله الريح]

[grade="00008B FF6347 008000 4B0082 FF1493"]
كل عام وأنتم بخير ...
وندعو الله أن يحفظنا جميعا من كل شر ...
ويجنب سوداننا الفتن والمحن ... ونأمل لعموم السودان.. الاستقرار والامن.. والطمأنينة وتمام العافية في ذكرى استقلال البلاد ...[/grade]

[imported_أسامة الكاشف]

غايتو يا أسايطة راس السنة بتاعكم قوي
من الصباح أجي أتاوق ما في زول نقر كيبوردو أبداً
المسهركم شنو
ناس أوروبا وأمريكا ديل سببهم كعروف
الحسانية ديل مساهرين في البر ولا شنو

[imported_Wad Elbeck]

المشاركة الأصلية كتبت بواسطة أسامة الكاشف

غايتو يا أسايطة راس السنة بتاعكم قوي
من الصباح أجي أتاوق ما في زول نقر كيبوردو أبداً
المسهركم شنو
ناس أوروبا وأمريكا ديل سببهم كعروف
الحسانية ديل مساهرين في البر ولا شنو

حليل زمن السهر يا أسامه..
غايتو لما جات السنه الجديدة... أخوك كان فى سابع حلمه..
لكن بالتأكيد ناس شيخ كندا حفلتهم قالوا شغالة صبّاحى ..لما ناس اللجنة الشعبيه جابوا بتاعين الطوارئ حتى إتفرقوا...