*** مصطلحات عامّية سودانية ***

[شبارقة]

[align=justify]وبمناسبة القيزان يا فردة أهديك جزء من قصيدة مشهورة للدكتور / محمد بادي لما كنا طلبة في ثمانينيات القرن الماضي :[/align]

[align=center]مرحاتنا شرابهن يوت ماغبن
شبعانات في الشقل أب شوك ما شبن
الحملن وولدن وربن
حلماتن تقلن..
جرّن..
فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
القرعة آ وليد .. السعن آ بنية
القربة كمان... كبوها المية
المغصة إن كان ضرعاتن خربن

شوفو النعمة السالت فوق قيزان الرملة
ناس البندر لبن الشاي بالعملة[/align]

مع إحتفاظي بحقي في تفسير الكلمات التي لونتها بالأحمر

[همس الشوق]

المشاركة الأصلية كتبت بواسطة شبارقة

[align=justify]سلامات يا حلم الأماسي .... ومنو القال ليك ما سعلنا عنك ... سألنا عليك في المنفى وفي المرفأ وفي جوف السفن ... وسألنا عليك ضلنا المرسوم على رمل المسافة وشاكي من طول الطريق ..وسألنا عليك في الرواكيب الصغيرة وسألنا عليك في الهو وفي الصي وفي الخُشش وفي العتامير وكلهاري كمان ...ولو رجعتي صفحات كتيرة للوراء حتتأكدي من صدق حكاوينا وغناوينا ... ومرحب بيك مرة أخرى وعوداً حميداً إن شاء الله ... وبرجوعك بيتنا نوّر ياما نوّر كلو وزينة ... ويا ريت تكوني جبتي معاك في مخلايتك كلمة كلمتين كدى من كلامنا العامي الحلو [/align]

[align=center]يعني معقول انا مافي كل الاماكن دي

عاد بالغته ............ غاطسه وين انا ؟؟؟؟؟؟؟

أشكرك يا شبارقة ولك التحية والود [/align]

[همس الشوق]

المشاركة الأصلية كتبت بواسطة محمد أبوعاقلة

خوة الكاب الحدها الباب !!!
نبرا منها

[align=center]إنت واحد الناس
خوتك خوة ...................

عارفاك حتموت بالضحك [/align]

[همس الشوق]

المشاركة الأصلية كتبت بواسطة فيصل سعد

اهلا و سهلا اختنا سمية و نرحب بوجودك معنا .. و يا حلم الاماسي مرحبا بعودتك و "العود احمد" هنا و هناك مع انغام ترباس الدافئة .. و يا محمد ابوعاقلة توقيع الجن بتاعنا دا لسة ما انتهي بدل الغناء الفيه باي اغاني لمصطفي او عركي او علي السقيد و فكوا لينا على وجه السرعة و دا آخر اسبوع لينا معاك في السالفة دي

[align=center]اهلين فيصل سعد
والله الشوق شوالات عيش [/align]





محمد يا عاقلة
انت مشكلتك شنو مع الزمن

[منال]

المشاركة الأصلية كتبت بواسطة شبارقة

[align=justify]وبمناسبة القيزان يا فردة أهديك جزء من قصيدة مشهورة للدكتور / محمد بادي لما كنا طلبة في ثمانينيات القرن الماضي :[/align]

[align=center]مرحاتنا: المكان البربطو فيهو الماشية و السعية اكان فى البيت او حوش جنب البيت لما تكون كبيرة بتبقى مزرعة شرابهن: اللبن البعملو منو الرايب او الروب و البعملو منو السمن يوت : يعنى يوم فى لغتنا الريفية فى الشمال الجغرافى ماغبن: اى ضراعتن جفن و اللبن انقطع و دى اشارة لانهن حملات اى الماشية او السعية و كمان بقولو تقيلات
شبعانات في الشقل أب شوك ما شبن
الحملن وولدن وربن
حلماتن تقلن..
جرّن..
فوق سيقانن كبن
اللبن العاتم في ضرعاتن جبّن
المغصة إن كان ضرعاتن خربن
القرعة: الخضار بتاع الفرع و لما يجفف و تشق النص تستعمل فى شرب اللبن و مويات رمضان و حاجات تانية و بالمناسبة هى بتستعمل فى الشمال و الجنوب آ وليد .. السعن: يصنع من جلد السعية و يجفف و يريط فى الراس البكون هو ذاتو شكل الحيوان و يعبا باللبن الرايب وعشان يطلعو منو السمن و الفشطة و فى بعض المرات يحفظو فيهو اللبن آ بنية
القربة: زى السعن تصنع من جلد الحيوان و تحفظ بيها المى فى ضل الضحى البارد كمان... كبوها المية
المغصة إن كان ضرعاتن خربن

شوفو النعمة السالت فوق قيزان الرملة
ناس البندر لبن الشاي بالعملة[/align]

مع إحتفاظي بحقي في تفسير الكلمات التي لونتها بالأحمر

اها الباقى بخلى ليك يا شاب

[أشتر]

المشاركة الأصلية كتبت بواسطة حلم الاماسي

[align=center]إنت واحد الناس
خوتك خوة ...................

عارفاك حتموت بالضحك [/align]

عليك الله فضّلتي فيها شنو !!!! كان تتميا !!!!!
معرفة من متين يا بت عشان تقولي عليها خوة كلاب
هوهوتاااا !!!
نبحتاااا !!!
خربشتاااا !!!

ولا السعران أنا ... ولا الفتران ...
وغايتو حكايتي بين أمرين ... أحلاهما شين !!!!! *


يا بت دي خوة الكُتّاب ... البتدخل بالباب ...
فهمتي ولا نقفل الباب ... الباب البجيب الريح ...

[أشتر]

المشاركة الأصلية كتبت بواسطة حلم الاماسي

محمد يا عاقلة
انت مشكلتك شنو مع الزمن

ما عندي !!!!

[أشتر]

المشاركة الأصلية كتبت بواسطة منال

اها الباقى بخلى ليك يا شاب

في رأيي ما خليتي حاجة ... دا لو فهمت حاجة !!!!
لكن مرحاتنا قلتي المكان البربطو فيو الماشية ودي ما صاح ...
والشقل نوع من الشدر ودي عملتي منها نايمة

[همس الشوق]

المشاركة الأصلية كتبت بواسطة محمد أبوعاقلة

عليك الله فضّلتي فيها شنو !!!! كان تتميا !!!!!
معرفة من متين يا بت عشان تقولي عليها خوة كلاب
هوهوتاااا !!!
نبحتاااا !!!
خربشتاااا !!!

ولا السعران أنا ... ولا الفتران ...
وغايتو حكايتي بين أمرين ... أحلاهما شين !!!!! *


يا بت دي خوة الكُتّاب ... البتدخل بالباب ...
فهمتي ولا نقفل الباب ... الباب البجيب الريح ...

[align=center]
العفو يا محمد عمري ما فكرته في اللفظ دا
انا خليتك لي خيالك
ولقيت خيالك .......... أسكت بس


وتاني اسفة لو كنت تعديت الحدود .... بس انا معرفة المنتديات بعتز بيها لانها عرفتني على ناس افخر بهم ..
وسامحني غلطان بعتذر






أقفل الباب
ولا اقول ليك .... أعملها حيطة [/align]

[أشتر]

المشاركة الأصلية كتبت بواسطة حلم الاماسي

[align=center]
العفو يا محمد عمري ما فكرته في اللفظ دا
انا خليتك لي خيالك
ولقيت خيالك واطه بس ... أسكت بس
وتاني اسفة لو كنت تعديت الحدود .... بس انا معرفة المنتديات بعتز بيها لانها عرفتني على ناس افخر بهم ..
وسامحني غلطان بعتذر

أقفل الباب
ولا اقول ليك .... أعملها حيطة [/align]

بهناك قالو ليكم افتحن البيبان والطاقة ... تجي هنا تعمليها حيطة ...
حيطة ................ الليلة قبل بكرة ...

[شبارقة]

المشاركة الأصلية كتبت بواسطة شبارقة

[align=justify]لما كنا طلبة في ثمانينيات القرن الماضي [/align]

المشاركة الأصلية كتبت بواسطة منال

اها الباقى بخلى ليك يا شاب

[align=justify]إنتي قاصده منو بالظبط يا منال ؟ غايتو أكان أنا بتكوني رفعتي لي معنوياتي وخليتيني أشعر بزهو و نضار الشباب وليس هناك حاجة لأخبره بما فعل المشيب علماً بأنو ود أبو عاقلة وفيصل وأنا والخال خالد كمان أولاد حفرة واحدة [/align]

[منال]

المشاركة الأصلية كتبت بواسطة شبارقة

[align=justify]إنتي قاصده منو بالظبط يا منال ؟ غايتو أكان أنا بتكوني رفعتي لي معنوياتي ورجعتيني لثمانينيات القرن الماضي علماً بأنو ود أبو عاقلة وفيصل وأنا والخال خالد كمان أولاد حفرة واحدة [/align]

اااااى يا شبارقة قاصداك و الله و عارفة الشباب قلب ما عمر و تشكر للمعلومة و كان لرفع المعنويات بجيب الونش لناس كدا عاملينى اخخخخخخخخخخخخخخ تاخخخخخخخخخ

وشيخ الحناكيش شغال لينا كتير ... اصبر لى بجيب خبرو بس فكنى منو بالصاح و الغلط ادينا المعنى الصحيح فيما سبق و هو خلى ينكش فى السحارة لمن تلدغو

[منال]

المشاركة الأصلية كتبت بواسطة محمد أبوعاقلة

بهناك قالو ليكم افتحن البيبان والطاقة ... تجي هنا تعمليها حيطة ...
حيطة ................ الليلة قبل بكرة ...

محمد يا ود امى مالك كاربة كدا فاتحين شبابيك الهمبريب كمان و برضو الحيطة بتلبو منها اكان فى الليل و لا نسطت نهار

[أشتر]

المشاركة الأصلية كتبت بواسطة شبارقة

[align=justify]علماً بأنو ود أبو عاقلة وفيصل وأنا والخال خالد كمان أولاد حفرة واحدة [/align]

قال حفرة قال ...
منال ... الزول دا ما ياكل راسك !!!!!!!!!!!!

[أشتر]

المشاركة الأصلية كتبت بواسطة منال

محمد يا ود امى مالك كاربة كدا فاتحين شبابيك الهمبريب كمان و برضو الحيطة بتلبو منها اكان فى الليل و لا نسطت نهار

بى شبابيكم دي !!! لا حسينا بهمبريب ولا قعدنا في عناقريب ...
وما تسمعي تولوب دي ...
فصاحة نت ساي !!!
في العتمة او نصّت نهار ..