قصة طريفة .. للناس الحلوين ..!!

أبو أماني · 11-07-2009, 07:22 PM

[align=center]//

//

//

//

//[/align]
زمان إنتشرت وظيفة مرموقة في الوسط الوظيفي تكسّب ذهب .. إسمها العرضحالجي .. وهو كاتب يجلس في مكتب صغير محمول في ساحات المحاكم ليكتب للأميين عرضحال يحوي تفاصيل شكواهم ليدخلوا به على قاضي المحكمة للبت في قضيتهم .. كلمة عرضحال كلمة مذدوجة من شقين تم دمجها بالعامية وهي أصلا .. عرض .. حال .. قصتنا عن جد لنا كان يشغل هذه الوظيفة المرموقة آنذاك .. وكان شغوفا بالعلم والمعرفة .. وكان يجالس علية المثقفين في الأمسيات وذات مساء سمع أحدهم يزج أثناء حديثه بكلمة ولا سيما .. فسأل عن المعنى وعرفه تماما .. ولفرط إعجابه بالكلمة الجديدة أصر أن يستخدمها في عمله .. ويزج بها ليستعرض مهاراته اللغوية ولما جاءت أول زبونة كتب لها العرضحال وتحايل حتى زج بالكلمة فيه وكانت المفرده عاجباهو شدييييد .. إذ ختم مقاله بقوله .. أعشم في عدالة محكمتكم حيث إنني إمرأة مسكينة ووحيدة .. لاسيما وزوجي متوفي من سنين .. وعندما سلمها العرضحال طالبها بملغ (25 قرش) أي طرادة في ذاك الزمن وكان قيمة العرضحال عشرة قروش فقط فصاحت المرأة محتجة ليه خمسة وعشرين قرش يا ود أمي أصلك كتبت لي شنو؟ فأشار لكلمة لاسيما في فخر وزهو وتباهي.. الكلمة دي (لاسيما) دي براها بخمسطاشر قرش.. فقالت المرأة مذهولة وشن طعمها الكلمة الغالية دي ؟؟ فقال لها وهو يمسح شاربه في خيلاء .. على اليمين القاضي يقرأ لاسيما دي عيلا يحكم ليك مغمض .. أصلو ما يتلفت جاي ولا جاي ..
فذهبت للقاضي مسرورة وضامنة الحكم لصالحها بفضل (لاسيما) .. وفعلا جاء الحكم في مصلحتها حيث طلع القاضي ما ناقش معنى كلمة لاسيما .. وأنا أقرأ عمود أخطاء كل يوم .. لاحظت تلاشي الأخطاء وظهور مفردات فصحي على شاكلة لاسيما .. والنطاس كبديل للطبيب .. وتذكرت واقعة لا سيما .. لماذا؟؟ بربي لست أدري .. ولكم .. خالص تحياتي ..

تحفة حوا · 11-07-2009, 07:55 PM

هههههههههه

والله يا أبو أماني امبارح دي زوجي جاب سيرة العارضحالجي بي قصة كدا
وشرح لي معنى الوظيفة دي شنو

شفت تخاطر التوارد دا لاسيما وانت زول ظريف كدا ترسم على وجوهنا البسمة

المليجي · 11-07-2009, 10:35 PM

يا صديقي
لاسيما وانت تكتب هذا البوست كنت متخيل نفسك عرضحالجي ومبسوط بالمفردات الجميله دي والله يا ابواماني من قريت اسم الوظيفه دي اتكيفت كدا لما عدلة جلستي وختيت الطاقيه بين حواجبي من الكييف ياخ العرضحالجيه ديل اكتر ناس فاهمه ومتفلسفه في السودان وونستم حلوة احلى حاجه تجي تقول مشكلتك وتسيبو هو بجيه ليك الخطاب براهو من غير تتفلسف ليهو قبال كدا جيت محكمة امدرمان القدام حوش الخليفه كنت موكل اني اطلق زوجة واحد من اقربائي (في داعي اسي للفضايح دي)

واطلع وثيقة الطلاق من المحكمه
شفت التوكيل دا كيف

المهم قريبي دا كان مغترب وانا كنت يادوب في الجامعه وجيت المحكمه قالو لي اكتب طلبك وتعال مشيت للعرضحالجي وقال لي طلبك شنو قلت ليهو داير اطلق عاين فيني كدا قال لي متين كدا عرست وعايز تطلق قلت ليهو القسمه يا حاج قال لي احسن قول العرس غلبني

قلت ليهو انا زول موكل ساي يا حاج جاي انجز مهمه بس ماعندي شغله بيهم يطلقو يعرسو ماشغلتي
يا ابو اماني راجينك تاني تنكت لينا المهن المغبورة دي
كن كما اتمنى لك دوما بخير وراحة بال
مودتي..

الجيلى أحمد · 12-07-2009, 12:47 AM

أبو أماني · 12-07-2009, 10:03 AM

اقتباس:

المشاركة الأصلية كتبت بواسطة تحفة حوا

هههههههههه

والله يا أبو أماني امبارح دي زوجي جاب سيرة العارضحالجي بي قصة كدا
وشرح لي معنى الوظيفة دي شنو

شفت تخاطر التوارد دا لاسيما وانت زول ظريف كدا ترسم على وجوهنا البسمة

طبعا أجبرتيني أعترف أني مارستها وأنا في المرحلة الثانوية في إجازة المدرسة وصدقيني يا تحفة كانت قمة المتعة .. وتحس أنك المثقف الوحيد وسط الجماعة ديل .. لكين مادام أب عاج بتاعكم قال بيعرفها .. وأكيد بيكون من أبناء جيلنا .. لابد يكون عنده خبره عملية في المجال كدي أنتي أزنقيه .. شوفي كان ما إعترف ليك .. لاســــيما .. ونحن شباب الزمن داك كنا طموحين وما بنحب الإجازات وقعدت البيت .. لكي خالص تقديري وإعزازي

سارة · 12-07-2009, 10:06 AM

ابو أمانى لا سيما وانت المهم والناس كتير ما تهمنى

حيث أن كذلك أيضا

ضحكت وكم انا فى حوجة الى البكاء لاسيما والجو حار وحار جدا

أبو أماني · 12-07-2009, 10:09 AM

اقتباس:

المشاركة الأصلية كتبت بواسطة المليجي

يا صديقي
لاسيما وانت تكتب هذا البوست كنت متخيل نفسك عرضحالجي ومبسوط بالمفردات الجميله دي والله يا ابواماني من قريت اسم الوظيفه دي اتكيفت كدا لما عدلة جلستي وختيت الطاقيه بين حواجبي من الكييف ياخ العرضحالجيه ديل اكتر ناس فاهمه ومتفلسفه في السودان وونستم حلوة احلى حاجه تجي تقول مشكلتك وتسيبو هو بجيه ليك الخطاب براهو من غير تتفلسف ليهو قبال كدا جيت محكمة امدرمان القدام حوش الخليفه كنت موكل اني اطلق زوجة واحد من اقربائي (في داعي اسي للفضايح دي)

واطلع وثيقة الطلاق من المحكمه
شفت التوكيل دا كيف

المهم قريبي دا كان مغترب وانا كنت يادوب في الجامعه وجيت المحكمه قالو لي اكتب طلبك وتعال مشيت للعرضحالجي وقال لي طلبك شنو قلت ليهو داير اطلق عاين فيني كدا قال لي متين كدا عرست وعايز تطلق قلت ليهو القسمه يا حاج قال لي احسن قول العرس غلبني

قلت ليهو انا زول موكل ساي يا حاج جاي انجز مهمه بس ماعندي شغله بيهم يطلقو يعرسو ماشغلتي
يا ابو اماني راجينك تاني تنكت لينا المهن المغبورة دي
كن كما اتمنى لك دوما بخير وراحة بال
مودتي..

شكرا على مساهمتك القييمة وتعبيراتك الظريفة .. ولا عجب مادمت صفوة .. تعرف يا مليجي كلامك ده أوحى لي بفكرة كل مرة في البوستر ده أتناول لي وظيفة من تلكم الوظائف فلقائي بكم قريبا مع طرفة جديدة ووظيفة قديمة ... لك خالص مودتي.

أبو أماني · 12-07-2009, 10:15 AM

اقتباس:

المشاركة الأصلية كتبت بواسطة الجيلى أحمد

...

عفوا سؤال .. هل كبرت خطوات يراعك على المقال .. إستاذي العزيز .. وعذرا إن لم أفهم المغزي .. عموما شكرا على المرور ..

أبو أماني · 12-07-2009, 10:18 AM

سكون المقال القادم عن وظيفة .. كاتب السيرك .. وهو ليس سيركا للأكروبات .. هو دفتر كبير تدون فيه وقائع العمل اليومي.. أكرر أبقوا معنا ...

عادل عسوم · 12-07-2009, 10:48 AM

حبيبنا
ذكرتني ايام الثانوي...
الجماعة يجيبوا لي الجوابات وعاوزين الردود!
-بالله ياعادل زولتي دي كتّابة وأنا مابقدر علي رد كلاما الكبار كبار دة

بالله ظبط لي رد مدنكل كدة عشان أوديهو ليها
وأمسك ليك الجواب وأقراهو...
وطبعا هناك كم سؤال لازم أسألوا لي كل واحد:
1-أنتا زولتك دي بيضا والاّ خدرا؟
2-سمينة والاّ دار تموت بالضعفة؟
3-أهلا مروقين والاّ كُحّيتي؟
وطبعا السؤال الأخير دة بتترتب عليهو الكثير من الألفاظ والمعاني

وبعد كدة أقعد وما أخلي ليك جناس ولا طباق ولا محسنات بديعية ولامعاني قريبة وبعيدة ولا كلمات على شاكلة المزازيني بيها أبو ريم ديك وكدة

أها...مرة واحد صاحبي شبك مع واحدة كتّابة كتابة جد (ودي بالجد كانت أكتر واحدة ردودا بتتور نفسي)

المهم بعد فترة كدة صاحبي دا يوم جاني ليك وشو ينعل قفاهو

-يازول مالك من الصباح؟!
-ياخي أسكت بس

-شنو يا(...) ياخي ورينا الحاصل شنو؟!
-ياخي ماكللللو منك أنتا دا ...تقعد تجيب لينا كلماتك العجيبة دي لامن ودرتنا زاتو

-كدي قول بسم الله ووريني الحاصل؟!
-أمبارح زولتي بعد ما أتونسنا مسافة كدة قامت فجأة قبقبتني ليك وقالت لي أنا متأكدة مليون في المية أنك ماقاعد تكتب الردود البتصلني دي!

فقعدتا أتحلّف ليها واتمحرق ...قامت سألتني ليك وقالت:
-تقدر توريني معنى كلمة (اندياح) يعني شنو؟
-أها قلت ليها شنو؟
-أنا عارف؟

المهم طربقت ليها كدة وفي النهاية وريتا انك القاعد تكتب الردود...
قامت راسا وألف سيف الاّ أعرّفا بيك

شبارقة · 12-07-2009, 11:19 AM

اقتباس:

المشاركة الأصلية كتبت بواسطة عادل عسوم

...
قامت راسا وألف سيف الاّ أعرّفا بيك

[align=justify]دَلْ

[/align]

شبارقة · 12-07-2009, 11:32 AM

اقتباس:

المشاركة الأصلية كتبت بواسطة تحفة حوا

شفت تخاطر التوارد ا

[align=justify]تخاطر التوارد !!!

المصحح يقول : توارد الخواطر [/align]

[align=justify]عندنا واحد صاحبنا زمااان بيعكس أي جملة مكونة من كلمتين (طبعا ً من غير ما يقصد ومن غير ما ينتبه كمان

)... مثلا ً الصحة النفسية يقول ليك : النفس الصحية .... الغرفة التجارية يقول ليك التجارة الغرفية

و توارد خواطر يقول ليك : تخاطر توارد

[/align]

شبارقة · 12-07-2009, 11:56 AM

اقتباس:

المشاركة الأصلية كتبت بواسطة أبو أماني

.. لاســــيما .. ونحن شباب الزمن داك كنا طموحين وما بنحب الإجازات وقعدت البيت ..

[align=justify] ... أنا غايتو كنت بشتغل مراسلة في الدوائر الحكومية (جيب شاي - جيب مويه - شيل الملف ده وجيب الملف داك) في إجازات المرحلة الإبتدائية والثانوي العام (ولنا مواقف مضحكة وأخرى محرجة مع مع تلك المهنة )... ولما دخلنا الثانوي إترقينا شوية (وترفعنا عن تلك الوظيفة

) وبقينا نشتغل كتبة (نكتب الخطابات والمراسلات والتقارير...إلخ ..) .... وتلك الوظائف التي كنا نقوم بها ونحن طلبة أكسبتنا الكثير من المزايا منها الإعتماد على النفس والشجاعة الأدبية وحسن الأدب في التعامل مع الصغير والكبير ومع المدير والغفير ومع الموظفين والموظفات ... وآآآآآخ أنا من الموظفات وكيدهن

[/align]

[align=justify]ملحوظة : هسه أولادنا هنا في الغربة (في إجازاتهم المدرسية) ما قاعدين يعملوا أي حاجة ولا عارفين أي حاجة

(طلعوا كييت

)[/align]

عادل عسوم · 12-07-2009, 02:09 PM

اقتباس:

المشاركة الأصلية كتبت بواسطة شبارقة

[align=justify]دَلْ

[/align]

غايتو يوم بتلدغ

مرافي · 12-07-2009, 05:42 PM

الاخ ابواماني

تحيات نضرات كنضارة مواضيعك الجميلة

والله عاااد انا زعلانة منك جنس زعل...ياكافي البلا جيتكم القهوة قلت سلااام زول عبرني مافي

ماقدر مقام القهوة ولا شنو ؟؟ولا القهوة بي (الابونيه) مأظن واحد (حينقش) الكلمة دي الا

المعتقين زازيت ليك بي عند القهوة ما عبرتني فاتح لي فتح ...طارق بن زياد ما فتحو!!!!!

حسع وحيث انه وبما انه.ايضاً كذلك...بل ولا سيما وحقيقة....

(وحقيقة دي بتاعتا لكيزان) البوست للحلوين فنحن مع الحلويييين ....ولا هنا برضو في

عزيييل؟؟؟؟

جميل المنى لك وسيير سييير يا.....

هووووووي النقوم جارية الكلام دخل الحوووووش

وتشااااااااااو

11-07-2009, 07:22 PM	#[1]
أبو أماني :: كــاتب نشــط::	قصة طريفة .. للناس الحلوين ..!! [align=center]// // // // //[/align] زمان إنتشرت وظيفة مرموقة في الوسط الوظيفي تكسّب ذهب .. إسمها العرضحالجي .. وهو كاتب يجلس في مكتب صغير محمول في ساحات المحاكم ليكتب للأميين عرضحال يحوي تفاصيل شكواهم ليدخلوا به على قاضي المحكمة للبت في قضيتهم .. كلمة عرضحال كلمة مذدوجة من شقين تم دمجها بالعامية وهي أصلا .. عرض .. حال .. قصتنا عن جد لنا كان يشغل هذه الوظيفة المرموقة آنذاك .. وكان شغوفا بالعلم والمعرفة .. وكان يجالس علية المثقفين في الأمسيات وذات مساء سمع أحدهم يزج أثناء حديثه بكلمة ولا سيما .. فسأل عن المعنى وعرفه تماما .. ولفرط إعجابه بالكلمة الجديدة أصر أن يستخدمها في عمله .. ويزج بها ليستعرض مهاراته اللغوية ولما جاءت أول زبونة كتب لها العرضحال وتحايل حتى زج بالكلمة فيه وكانت المفرده عاجباهو شدييييد .. إذ ختم مقاله بقوله .. أعشم في عدالة محكمتكم حيث إنني إمرأة مسكينة ووحيدة .. لاسيما وزوجي متوفي من سنين .. وعندما سلمها العرضحال طالبها بملغ (25 قرش) أي طرادة في ذاك الزمن وكان قيمة العرضحال عشرة قروش فقط فصاحت المرأة محتجة ليه خمسة وعشرين قرش يا ود أمي أصلك كتبت لي شنو؟ فأشار لكلمة لاسيما في فخر وزهو وتباهي.. الكلمة دي (لاسيما) دي براها بخمسطاشر قرش.. فقالت المرأة مذهولة وشن طعمها الكلمة الغالية دي ؟؟ فقال لها وهو يمسح شاربه في خيلاء .. على اليمين القاضي يقرأ لاسيما دي عيلا يحكم ليك مغمض .. أصلو ما يتلفت جاي ولا جاي .. فذهبت للقاضي مسرورة وضامنة الحكم لصالحها بفضل (لاسيما) .. وفعلا جاء الحكم في مصلحتها حيث طلع القاضي ما ناقش معنى كلمة لاسيما .. وأنا أقرأ عمود أخطاء كل يوم .. لاحظت تلاشي الأخطاء وظهور مفردات فصحي على شاكلة لاسيما .. والنطاس كبديل للطبيب .. وتذكرت واقعة لا سيما .. لماذا؟؟ بربي لست أدري .. ولكم .. خالص تحياتي ..
أبو أماني :: كــاتب نشــط::	التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون

11-07-2009, 07:55 PM	#[2]
تحفة حوا :: كــاتب نشــط::	هههههههههه والله يا أبو أماني امبارح دي زوجي جاب سيرة العارضحالجي بي قصة كدا وشرح لي معنى الوظيفة دي شنو شفت تخاطر التوارد دا لاسيما وانت زول ظريف كدا ترسم على وجوهنا البسمة
تحفة حوا :: كــاتب نشــط::

11-07-2009, 10:35 PM	#[3]
المليجي :: كــاتب نشــط::	يا صديقي لاسيما وانت تكتب هذا البوست كنت متخيل نفسك عرضحالجي ومبسوط بالمفردات الجميله دي والله يا ابواماني من قريت اسم الوظيفه دي اتكيفت كدا لما عدلة جلستي وختيت الطاقيه بين حواجبي من الكييف ياخ العرضحالجيه ديل اكتر ناس فاهمه ومتفلسفه في السودان وونستم حلوة احلى حاجه تجي تقول مشكلتك وتسيبو هو بجيه ليك الخطاب براهو من غير تتفلسف ليهو قبال كدا جيت محكمة امدرمان القدام حوش الخليفه كنت موكل اني اطلق زوجة واحد من اقربائي (في داعي اسي للفضايح دي) واطلع وثيقة الطلاق من المحكمه شفت التوكيل دا كيف المهم قريبي دا كان مغترب وانا كنت يادوب في الجامعه وجيت المحكمه قالو لي اكتب طلبك وتعال مشيت للعرضحالجي وقال لي طلبك شنو قلت ليهو داير اطلق عاين فيني كدا قال لي متين كدا عرست وعايز تطلق قلت ليهو القسمه يا حاج قال لي احسن قول العرس غلبني قلت ليهو انا زول موكل ساي يا حاج جاي انجز مهمه بس ماعندي شغله بيهم يطلقو يعرسو ماشغلتي يا ابو اماني راجينك تاني تنكت لينا المهن المغبورة دي كن كما اتمنى لك دوما بخير وراحة بال مودتي..
المليجي :: كــاتب نشــط::	التوقيع: يـا واضـحة عـيونك خــشت دوني حـــــبال الـصـــــــدفة لمت كـــل مســـاحة الــكلمة وهبشت فيني الحتة النضفة (الهادي ابوبكر)

12-07-2009, 12:47 AM	#[4]
الجيلى أحمد :: كــاتب نشــط::	...
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

12-07-2009, 10:06 AM	#[6]
سارة :: كــاتب نشــط::	ابو أمانى لا سيما وانت المهم والناس كتير ما تهمنى حيث أن كذلك أيضا ضحكت وكم انا فى حوجة الى البكاء لاسيما والجو حار وحار جدا
سارة :: كــاتب نشــط::	التوقيع: تـجـــاربنا بـالـحيـــاة تــألـــمنـا.... ولــكنــها بــلا شــك تــعلــمنـا لك الرحمة ياخالد ولنا صبرا جميلا

12-07-2009, 10:18 AM	#[9]
أبو أماني :: كــاتب نشــط::	أبقوا .. معنا ... ! سكون المقال القادم عن وظيفة .. كاتب السيرك .. وهو ليس سيركا للأكروبات .. هو دفتر كبير تدون فيه وقائع العمل اليومي.. أكرر أبقوا معنا ...
أبو أماني :: كــاتب نشــط::	التوقيع: اللهم أرحمه وأغفر له .. يشرفني أن رجلا مثله في ذمة الله قال عني يوما :- ... ولا يفوتني أن أعلن فرحتي بقلم تريان يا أبا أماني... أنت إضافة لسودانيات مبهجة ولا شك . رحمة الله عليك وإنا لفقدك لمحزونون

12-07-2009, 10:48 AM	#[10]
عادل عسوم :: كــاتب نشــط::	حبيبنا ذكرتني ايام الثانوي... الجماعة يجيبوا لي الجوابات وعاوزين الردود! -بالله ياعادل زولتي دي كتّابة وأنا مابقدر علي رد كلاما الكبار كبار دة بالله ظبط لي رد مدنكل كدة عشان أوديهو ليها وأمسك ليك الجواب وأقراهو... وطبعا هناك كم سؤال لازم أسألوا لي كل واحد: 1-أنتا زولتك دي بيضا والاّ خدرا؟ 2-سمينة والاّ دار تموت بالضعفة؟ 3-أهلا مروقين والاّ كُحّيتي؟ وطبعا السؤال الأخير دة بتترتب عليهو الكثير من الألفاظ والمعاني وبعد كدة أقعد وما أخلي ليك جناس ولا طباق ولا محسنات بديعية ولامعاني قريبة وبعيدة ولا كلمات على شاكلة المزازيني بيها أبو ريم ديك وكدة أها...مرة واحد صاحبي شبك مع واحدة كتّابة كتابة جد (ودي بالجد كانت أكتر واحدة ردودا بتتور نفسي) المهم بعد فترة كدة صاحبي دا يوم جاني ليك وشو ينعل قفاهو -يازول مالك من الصباح؟! -ياخي أسكت بس -شنو يا(...) ياخي ورينا الحاصل شنو؟! -ياخي ماكللللو منك أنتا دا ...تقعد تجيب لينا كلماتك العجيبة دي لامن ودرتنا زاتو -كدي قول بسم الله ووريني الحاصل؟! -أمبارح زولتي بعد ما أتونسنا مسافة كدة قامت فجأة قبقبتني ليك وقالت لي أنا متأكدة مليون في المية أنك ماقاعد تكتب الردود البتصلني دي! فقعدتا أتحلّف ليها واتمحرق ...قامت سألتني ليك وقالت: -تقدر توريني معنى كلمة (اندياح) يعني شنو؟ -أها قلت ليها شنو؟ -أنا عارف؟ المهم طربقت ليها كدة وفي النهاية وريتا انك القاعد تكتب الردود... قامت راسا وألف سيف الاّ أعرّفا بيك
عادل عسوم :: كــاتب نشــط::	التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)

12-07-2009, 05:42 PM	#[15]
مرافي :: كــاتب نشــط::	الاخ ابواماني تحيات نضرات كنضارة مواضيعك الجميلة والله عاااد انا زعلانة منك جنس زعل...ياكافي البلا جيتكم القهوة قلت سلااام زول عبرني مافي ماقدر مقام القهوة ولا شنو ؟؟ولا القهوة بي (الابونيه) مأظن واحد (حينقش) الكلمة دي الا المعتقين زازيت ليك بي عند القهوة ما عبرتني فاتح لي فتح ...طارق بن زياد ما فتحو!!!!! حسع وحيث انه وبما انه.ايضاً كذلك...بل ولا سيما وحقيقة.... (وحقيقة دي بتاعتا لكيزان) البوست للحلوين فنحن مع الحلويييين ....ولا هنا برضو في عزيييل؟؟؟؟ جميل المنى لك وسيير سييير يا..... هووووووي النقوم جارية الكلام دخل الحوووووش وتشااااااااااو
مرافي :: كــاتب نشــط::	التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ ومَهْدُ المرءِ في أَيدي الروَاقي كنعش المرءِ بينَ النائحات وما سَلِمَ الوليدُ من اشْتكاء فهل يخلو المعمَّرُ من أَذاة ؟ أحمد شوقي [/frame]