الصوم في كل............................... الديانات

[ام التيمان]

ان الصيام عادة وثنية
موجودة قبل الاسلام

[فتحي مسعد حنفي]

المشاركة الأصلية كتبت بواسطة وجيدة حاتم عباس

[align=center]حسبي الله ونعم الوكيل[/align]


[align=center]حسبي الله ونعم الوكيل[/align]


[align=center]حسبي الله ونعم الوكيل[/align]

مالك بتتحسبني..في زول قال ليك حاجة غلط في أسئلة سألوها وعايزين اجابة عليها وأنا شخصيا مستني الاجابة علي الحتة دي: (الدين المسيحى دين غير إلهى) منو القال الكلام دا ولا المسيح دا زي ما حاول يقول الصابئ الأكبر أنيس منصور انو من نسل مخلوقات جاءت من الفضاء..حاولي دايما ياوجيدة انك تكوني مستعدة للدفاع عن ما تكتبيه وما تقتبسيه خصوصا في الأمور المتعلقة بالدين..

[wageeda]

المشاركة الأصلية كتبت بواسطة فتحي مسعد حنفي

مالك بتتحسبني..في زول قال ليك حاجة غلط في أسئلة سألوها وعايزين اجابة عليها وأنا شخصيا مستني الاجابة علي الحتة دي: (الدين المسيحى دين غير إلهى) منو القال الكلام دا ولا المسيح دا زي ما حاول يقول الصابئ الأكبر أنيس منصور انو من نسل مخلوقات جاءت من الفضاء..حاولي دايما ياوجيدة انك تكوني مستعدة للدفاع عن ما تكتبيه وما تقتبسيه خصوصا في الأمور المتعلقة بالدين..

احسبنا زي ما دائرة ايه رائك ؟؟.
حسبي الله ونعم الوكيل مليار مليون مرة علي كل شئ في الدنيا
وبعدين حكاية المحاماة والهجوم علي طول بقت حاجة مقرفة مع سوء الظن وسوء الفهم
وشئ آخر اذا ارجعت البصر كرتين او نظفت نظارتك جيدا انا اوضحت المصادر التي نقلت منها وهنا بوست للحوار ويسمح للكل ان يضحض ويصحح الاخطاء اذا وجدت وانت كشخص ضليع وملم في امور الدنيا والدين .......يمكنك ان تقوم اعوجاج فكرتي او مانقلته دون اتهمامي بأني غير مستعدة ام فذلك لن تقرره انت
فانا اعتزرت لهم عن ظرف طارئ يمنعني من التواصل والحوار مع العم رأفت والعم قرقاش المحترميين حتي اجد الوقت الذي يناسبني
وثم ثانيا انا استند علي مرجعية كتاب الله القرآن الكريم وقد اوضح وابان كل شئ
فالتشريع الوضعي الذي قام به البشر اذا كان ملك اوقس او كنيسة يخالف ماجاء علي لسان عيسي بن مريم عليه السلام فيما يخص الصوم فهو محرف وهو تشريع غير الهي
والله اعلم
واذا اخطأ كاتب المقال فانا قصدت اثارة النقاش والمقارنة بين الاديان واعي ما اكتب
وعل كل منا ان يدولوا بدلوا ....................
وحاشا ان اقول حسبي الله ونعم الوكيل لكليهما فلهم كل تقدير واجلال
واه حسبي الله ونعم الوكيل

[فتحي مسعد حنفي]

المشاركة الأصلية كتبت بواسطة وجيدة حاتم عباس

احسبنا زي ما دائرة ايه رائك ؟؟.
حسبي الله ونعم الوكيل مليار مليون مرة علي كل شئ في الدنيا
وبعدين حكاية المحاماة والهجوم علي طول بقت حاجة مقرفة مع سوء الظن وسوء الفهم
وشئ آخر اذا ارجعت البصر كرتين او نظفت نظارتك جيدا انا اوضحت المصادر التي نقلت منها وهنا بوست للحوار ويسمح للكل ان يضحض ويصحح الاخطاء اذا وجدت وانت كشخص ضليع وملم في امور الدنيا والدين .......يمكنك ان تقوم اعوجاج فكرتي او مانقلته دون اتهمامي بأني غير مستعدة ام فذلك لن تقرره انت

الظاهر أنا غلطان ودخلت في حتة غلط.
معليش الغلط دا ما حيتكرر..

[wageeda]

المشاركة الأصلية كتبت بواسطة ام التيمان

ان الصيام عادة وثنية
موجودة قبل الاسلام

كان الناس علي دين التوحيد من بدء الخليقة ولكن بعد ان ضلوا ارسل الله لهم الرسل للهداية
وقد قد اقرت كل الديانات بوحدانية الله
وقد اوضح كفار قريش بانهم يقدمون القرابيين للالهه لتقربهم الي الله زلفي
نسأل الله الا يزق قلوبنا بعد ان هدانا

[wageeda]

المشاركة الأصلية كتبت بواسطة رأفت ميلاد

الكلام ده موجود وين يا وجيدة .. و47 و50 دى شنو ..

عمو رأفت تحية طيبة
اها رائك شنو تنسي الكلام الفوق دا كلوا وتجئ برواقه تحدثني عن الصيام في الديانه المسيحيه
وتسرد لينا تفاصيلها بدقة وتقارنها بالاردوزكس والكاثوليك والبرستانت و اضيف من عندك اذا نسيت اي قسم آخر يتبع للديانة المسيحية وتعدد عدد ايام صيامهم حتي نلم بمعلومه صحيحه
واعلم ياسيدي الفاضل انا اقر بان الدين المسيحي جاء به المسيح عيسي بن مريم عليه السلام من عند الله سبحانه وتعالي
فهل ياتري في اعتقادك لم يتدخل اي كائن كان يضيف او ينتقص منه شئ ؟؟؟؟...............
فلك ان توضح لي وجهة نظرك ولي ان احترمها حتي وان كانت تخالف ماجاء به خاتم الانبياء والمرسليين محمد صلوات الله عليه وسلامه
انا في انتظارك.............................

[قرقاش]

حبيبنا رافت ...اعتقد ان اسئله وجيده رائعه ...الحقيقه نتمنى ان نعرف برضه حاجه عن صيامكم ..

[بابكر مخير]

المشاركة الأصلية كتبت بواسطة وجيدة حاتم عباس

الصوم

تشكل ظاهرة الصوم ممارسة إنسانية قديمة ارتبطت بأقدم النواميس البشرية ، وسبقت حتى طقوس الصلاة والشعائر التي عرفتها الأديان ،

واأكد مؤرخو الأديان أن الصوم كان يحتل مكاناً هاماً في الممارسات الدينية بدافع النسك والتطهير والحداد والتوسل إلى الله والاعتراف بالقدرة الكلية لله .



فقط سنري طقوس الصوم في اليهودية والمسيحية والاديان الاخري.................

عنوان البوست؛
" الصوم في كل............................... الديانات"
وإضافة ليهو الكلام الفوق دآ..
ودآ!؟
كلهو جمييييييييييييييل..
بث السؤال؟؟؟
الصوم بتاع التانيين.
بخش في العضام كدي؟؟؟

ما ظنيتهو يما
لأنه لو كان!؟
كان باصرو ليهو صرفة

[قرقاش]

تعرف يامخير ...السنه الفاتت فى السعوديه الكهرباء قطعت ساعه .. طلع مفتى فى الاذاعه والتلفزيون قال ليهم ماعليكم صيام ...
السنه دى فى بورسودان الناس دخلت التلاجات ولا حدى عبرهم ..المشكله الدين عندنا رجاله فى حتت منه ..رجاله كده بس ..تعرف معلوات وجيده دى خطيره شديد ..انا مستنيها تدينا ليها كلها جغمه واحده كده ... ماتيلا .. ياوجيده

[wageeda]

[QUOTE=بابكر مخير;268856]عنوان البوست؛
" الصوم في كل............................... الديانات"
وإضافة ليهو الكلام الفوق دآ..
ودآ!؟
كلهو جمييييييييييييييل..
بث السؤال؟؟؟
الصوم بتاع التانيين.
بخش في العضام كدي؟؟؟

ما ظنيتهو يما
لأنه لو كان!؟
كان باصرو ليهو صرفة[/QUOT


العزيز العم بابكر مخير
اشرقت الانوار وتهللت اسارير وجهي فرحا بمرورك البهي
بس انت رائك شنووووووووووووووووووووووووووووووووووووووو في صوم الاخوة المسيحيين
فقط انتظر فيض من علمك علنا نضع الامور في نصابها ونحق الحق ونثبر اغوار النفس من خلال حوار جاد ومثمر
ورمضان كريم ربنا يجعلنا من عتقاء هذا الشهر العظيم

[wageeda]

المشاركة الأصلية كتبت بواسطة قرقاش

تعرف يامخير ...السنه الفاتت فى السعوديه الكهرباء قطعت ساعه .. طلع مفتى فى الاذاعه والتلفزيون قال ليهم ماعليكم صيام ...
السنه دى فى بورسودان الناس دخلت التلاجات ولا حدى عبرهم ..المشكله الدين عندنا رجاله فى حتت منه ..رجاله كده بس ..تعرف معلوات وجيده دى خطيره شديد ..انا مستنيها تدينا ليها كلها جغمه واحده كده ... ماتيلا .. ياوجيده

تسلم ياعمو قرقاش
فقط مالدي قطرة في بحر علمكم فقط احاول ان اتطرق لاشياء تميط اللثام ونستفيد منها نحن ام غيرنا

[رأفت ميلاد]

المشاركة الأصلية كتبت بواسطة وجيدة حاتم عباس

عمو رأفت تحية طيبة
اها رائك شنو تنسي الكلام الفوق دا كلوا وتجئ برواقه تحدثني عن الصيام في الديانه المسيحيه
وتسرد لينا تفاصيلها بدقة وتقارنها بالاردوزكس والكاثوليك والبرستانت و اضيف من عندك اذا نسيت اي قسم آخر يتبع للديانة المسيحية وتعدد عدد ايام صيامهم حتي نلم بمعلومه صحيحه
واعلم ياسيدي الفاضل انا اقر بان الدين المسيحي جاء به المسيح عيسي بن مريم عليه السلام من عند الله سبحانه وتعالي
فهل ياتري في اعتقادك لم يتدخل اي كائن كان يضيف او ينتقص منه شئ ؟؟؟؟...............
فلك ان توضح لي وجهة نظرك ولي ان احترمها حتي وان كانت تخالف ماجاء به خاتم الانبياء والمرسليين محمد صلوات الله عليه وسلامه
انا في انتظارك.............................

المشاركة الأصلية كتبت بواسطة قرقاش

حبيبنا رافت ...اعتقد ان اسئله وجيده رائعه ...الحقيقه نتمنى ان نعرف برضه حاجه عن صيامكم ..

يا وجيدة وقرقاش ..والله ما بعرف الناس ديل صيامم كيف .. عموماً البعرفو صيامم الأساسي أتنين .. (الكبير) 40 يوم وهو صيام السيد المسيح فى الجبل والتانى صيام السيدة العذراء .. ما عارفو كم يوم ..لكن خلاف كدة عندهم مليون خاصة الأقباط .. وديل لله يديهم العافية لسة فى العصور الوسطى .. الزول بصوم قدر ما يقدر .. لكن لامن يفطروا ما بياكلوا حاجة فيها روح أو جاية من حيوان .. يعنى لحمة وجبنة وبيض .. بس العجيبة فى صيامات بياكلوا فيها سمك ..

مافى أمر صوم محدد ولكنه فقط أقتداء .. بعرف لى زمان نقادى فى أمدرمان بصوم صيام يونان (يونس) .. التلاتة يوم فى بطن الحوت .. أول يوم بقضيه .. وتانى يوم برقد سلطة وتالت يوم غالباً يجيبوا الإسعاف ..

فى الغالب محبب الصيام للصلاة .. مثلاً لديك مريض وداير تدعو ليه فمحبب الصيام وديل الأنجيليين .. هسة فى فى أوربا منتشرة حاجة إسمها الكنائس الحرة .. حاجة زى الصوفية والمدد .. جنهم ترتيل ورقيص .. عندهم الصيام حرمان للنفس لتهذيبها .. يعنى تلقى الواحد يحرم نفسه من الشيئ الذى يحبه .. وصل بعضهم الصوم من مشاهدة التلفزيون مثلاً ..

أنا غايتو يا وجيدة ما بصوم كلو كلو .. ما لاقى سبب وجيه يقنعنى أقعد جعان ولّ عطشان ..

[شوقي بدري]

الابنه وجيده .. لكى التحيه . كل الشعوب مارست نوع من انواع الصوم . وبعض الناس يصومون عن الكلام . اقتطفت جزءً من كتابات ابراهيم بدرى المنشوره بالانجليزيه فى الوثائق السودانيه فى الثلاثينات ويتطرق فيها للصوم .

قتل البيني رم و البيني نيال

عندما يقرر المسنين في المنطقة قتل البيني رم في منطقتهم أو عندما يتقدم هو بطلب ذلك فان كل المحاربين الذين قام هو بتعميدهم يدعون للحضور فيحضروا في زي الرقص و يطوفون حول منزله و ينشدون الأغاني التي تمجده ثم يدخل المسنين إلى المنزل و يقتلون البيني رم غالباً عن طريق الاختناق حيث يضغط احدهم على القصبة الهوائية و الآخر على انفه و بعد ذلك يغطون جسده بزبدة البقرة المقدسة و يكسرون مفاصله و يقول البعض أن مفاصله تكسر قبل الموت حيث يمدد جسده بقوة و أرجله و أعضاءه التناسلية و السبب في تضمين أعضائه التناسلية لم يعرف بعد و لكن ذلك قد يكون له علاقة بمراسم الخصوبة ( اجوروك).

تعلن وفاته للمحاربين الذين ينوحون ثم يقولون بصوت واحد كلوة " آه" ثم يذبح كبش و يرمى للطيور و يدفن أثناء الليل في سرية و عادة ما يكون ذلك داخل الخور أو في الغابة حتى لا يعلم الناس مكان قبره، يدفن في حفرة عميقة و يكون جالساً على سرير من فروع الانداراب و يوضع أعواد قصب على ظهره مربوطة بالجلد ليظل في و ضع الجلوس و لا يتحرك. و توضع حربة المنديور في يده و رأسها موجه نحو اتجاه أعداء القبيلة ثم يغطى الجسد بحشيش الليي شاطىء النهر ثم يملأ القبر بالتراب. يعتقد انه إذا فتح الأعداء القبر أو غيروا وضع الجسد داخله فان ذلك يتسبب في حدوث مصائب لأهالي المنطقة.

يصوم الجميع عدا الأطفال منذ موته و حتى دفنه و يخرج الجميع من القرية حتى الماشية تقاد من الزرائب قبل حلول فجر اليوم التالي و يبقون تحت الشمس حتى وقت الظهر، كل أنواع الطعام التي تحتاج لطهو في النار مثل اللحم و السمك ترمى خارج القرية و بين وقت وفاته و دفنه تطفأ جميع النيران قي القرية حتى نار البيني رم و يتم حرق الحشائش حول القرية و خارج زرائب الماشية و يعود الماشية و السكان إلى القرية وسط الدخان. إذا حدث ذلك على شاطيء النهر فان السكان و الماشية يمشون خلال الدخان و يخوضون في الماء المرتفعة.
و يذبح كبش أخر و يرمى للطيور . و في اليوم الثالث يذبح كبش ثالث و يرمى نصفه في الغابة لروح الرجل الميت و يسلق النصف الآخر ليأكله الرجال الذين دفنوه ثم يرمى ببعض قطع اللحم و الماء الذي سلق فيه و ال**** و الفحم سراً على البقر . و يتم كل ذلك حتى يتمكن الناس من التخلي عن مسؤولية العناية الروحية بالبني رم الميت و لأنهم قد التزموا بذلك رمزياً عندما وضعوا العقد المصنوع من بيض النعام على عنقه أثناء تنصيبه .
و أخيرا عندما يحين موعد أول موسم حصاد بعد الوفاة ينظم احتفال ضخم و يحضره جميع سكان المنطقة ، و يذبح عدد من الثيران و تعد كميات كبيرة من البيرة و يرقص الناس لعدد من الأيام . و في اليوم الأخير يحلق راس أبناء البني رم و هذا يرمز لانتهاء فترة الحداد و الذي يلتزم به أفراد أسرته فقط و ليس جميع سكان المنطقة . إذا توفى البني رم لأي سبب أخر مثل حادث غرق تخنق شاة و تدفن معه في نفس القبر و تتم جميع الطقوس كما ذكرنا من قبل .
ليس من الضروري دائماً قتل البني رم و يكفي قتل شاة و دفنها معه و لكن طقوس القتل هذه ضرورية في حالة البني نيال و يوجد هناك من يصاحبه فيها . و هنالك دائماً نم يوافق لهذا السبب ؟؟ .

التحيه
شوقى

[wageeda]

العملاق الرجل الموسوعة عمنا شوقي البدري
الف مليون مرحبا بك حللت اهلا ونزلت سهلا
ورمضان كريم وياريت يطيب لك المقام وتوضح لنا اكثر فيما نحن فيه مختلفون
وتفنط جل اخطائي وتبين بغزير علمك حقائق قد نجهلها
وانت في حضرة جلالك يطيب الجلوس
وقد سررت بأناخة بعيرك في واحة الصوم وتقبل الله منا ومنك وجعلنا من عتقاء الشهر المبارك

وقنب عافية

[wageeda]

المشاركة الأصلية كتبت بواسطة رأفت ميلاد

يا وجيدة وقرقاش ..والله ما بعرف الناس ديل صيامم كيف .. عموماً البعرفو صيامم الأساسي أتنين .. (الكبير) 40 يوم وهو صيام السيد المسيح فى الجبل والتانى صيام السيدة العذراء .. ما عارفو كم يوم ..لكن خلاف كدة عندهم مليون خاصة الأقباط .. وديل لله يديهم العافية لسة فى العصور الوسطى .. الزول بصوم قدر ما يقدر .. لكن لامن يفطروا ما بياكلوا حاجة فيها روح أو جاية من حيوان .. يعنى لحمة وجبنة وبيض .. بس العجيبة فى صيامات بياكلوا فيها سمك ..

مافى أمر صوم محدد ولكنه فقط أقتداء .. بعرف لى زمان نقادى فى أمدرمان بصوم صيام يونان (يونس) .. التلاتة يوم فى بطن الحوت .. أول يوم بقضيه .. وتانى يوم برقد سلطة وتالت يوم غالباً يجيبوا الإسعاف ..

فى الغالب محبب الصيام للصلاة .. مثلاً لديك مريض وداير تدعو ليه فمحبب الصيام وديل الأنجيليين .. هسة فى فى أوربا منتشرة حاجة إسمها الكنائس الحرة .. حاجة زى الصوفية والمدد .. جنهم ترتيل ورقيص .. عندهم الصيام حرمان للنفس لتهذيبها .. يعنى تلقى الواحد يحرم نفسه من الشيئ الذى يحبه .. وصل بعضهم الصوم من مشاهدة التلفزيون مثلاً ..

أنا غايتو يا وجيدة ما بصوم كلو كلو .. ما لاقى سبب وجيه يقنعنى أقعد جعان ولّ عطشان ..

ذكرتني بقصة هارون الرشيد مع ابي نواس عندما همزه فسأله لما فعلت ذلك
فقال ابي نواس له خلتك بثينه فكان هو (العذر الذي اقبح من الذنب)
هلكتني اعتل واقوقل ونفسي انقطع وتقول لي مابصوم ؟؟؟؟؟؟؟؟؟؟؟؟؟؟؟؟؟؟؟؟؟؟ لا 40 و50
في شأن شنو مالك مابتصوم تسفسف السنة كلها طيب الجسم مادائر عمرة وبعدين خليك من الاديان اثبت الطب ان الصيام مفيد للصحة والوصفة السحرية لاستعادة الشباب والحيويه والتخلص من السموم
وقنب عافيه