حزن السنين

[علاءالدين عبدالله الاحمر]

لو ينتهي الظل
ما كان بقي دم للوريد
شان ينزف وقت ننجرح
تاني وجديد
ما كان بقي الهمس الجميل
عنوان فريد
وما كان بقي الناقوس يرن
ينده علي احساس شريد
انسان مستف في القطارات والسفن
راحل بعيد
انسان سواي
ما بقه بين فوانيس الطريق
وما احتمل يلقاك طريد
للهواجس والمحن
يا هل يظل نفس المكان
مصلوب علي صرخة وليد
ولا المكان يصبح خطر
كم من مكان ارتادنا راح
يفشي سر ريدنا العنيد
وابقي ملاء الانتظار
ابقي ذي قوس المدا
ما تخلي ايدي في التراب
تنبش جثث هذا الذمان
وتمسح علي الشوك بالورد
وتنزف نزيف
آه .. ما انك معاي
نفس الحبيب
زولي البعيد
خليت عنيك
ذي الشوارع الغاصة بالهم والنشيد
ذي حزن السنين
وعشم اللقا
وحلمي المجيد

[suhyta]

حروفُ..تلمس ..موضعاً.. موجعاً..

في الدواخل...وكيف..؟؟

كيف سأُسْمِعُ..صوتَ شجني اليك...؟

الله يا علاء..

[علاءالدين عبدالله الاحمر]

الدنيا كيف تسمع حروفنا لزول حجر
زول مانع الدم في الوريد
ما ينفجر
لا دير يرضي
لا ارضي احساس الضجر
زول ذي لهيب
لا من بعيد
لا جاب هدي لا انتظر
زول دموع وسط احتفال
زول خطر
مابخشي اوجاع السهر
وسبي الحقيقة عن العيون
زول هرب
لزوق صعيب
مشحون اسي
مجبول علي خوض السفر
لا حركو الشوق للديار
لا حبيبة غاشيها النهار
لا بللو دمع الغمام
لا صاحبة مرت فيه لحظة
شرت عليه الاعتزار
ما كان انا الجيتك معي حزم الورد
لا اقتفيت اتر الندي
لا شلته منك كرنفال
حتي الربيع الغي العبير
يوم جانا زار
يا زكرة خليك في الدموع
ما تنسي تتلافي الخيار
ما تبقي احلامك حمم
مدلوقة في ضهر الديار
القال هواك ما بتلحق
خاف الهذيمة المؤلمة
ما خاض غمار
القال غناك ما بتفهم
انسان مريض
ما سمع لحن الوديع
لحظة يغني الليلة سار
الليلة تار مدن الاسي
الشادة ليلنا علي النزيف
الضلة ضلة
والجاي علي الثوار
نبي
وحليف نضار