أغاني .. و أغاني .. 2011

[آيات]

تفوق الشباب على البنات فقد كانت الوان القمصان زاهية وجذابة .. فرفور وقدور..أنموذجاً (أوعكم تقولو قدور ماشباب)
الأول مشترك في أجمل بدلة ( عوض إحمودي وطه سليمان)
ثم عصام 8/10
التوب الأول ريماز ميرغني ..ليموني جميل بأحمر إنجليزي وقد إستعادت رونقها .. ذكرتني بأيامها الأولى في نجوم الغد لما غنت للبلابل (البيسأل مابتوه ).وحتى أدائها في قمة روعة
توب منار المركز الأخير..لكن الغناء والتسريحة غطوا على التوب
أفراح .. كل يوم ..كحلي شكل جديد متعاقعدة مع نادي الهلال ولاشنو ياكانديك
لكن في زول كان رايح لي روحة شديد ة.. أشيل وأتلفت في الأستديو ..هههه عاملين ديكورهم العادي ده

[بله محمد الفاضل]

ربنا يسامحك يا جيجي
مسلسلات
إنا لله يا اخي
ربنا ابتلاني بمسلسل واحد (وادي الذئاب)
ومتابع (إيزل) نص كرت، يعني حضرتو ما حضرتو ما مشكلة
يا اخي المسلسلات دي شغلة تجيب... أقوليك شنو نان...

يا آيات ما يصير
يعني دايرين نعتمد عليك تفكينا في الصقيعة، معقولة بس
حضور ما بحضر
والله بصراحة زهجان منها من السنة الفاتت
بقت لي (مكرورة، ما تحمر لي يا محسن خالد) وما فيها إضافة
ودي بصراحة ما بتخليني أقدر استمر في مشاهدة أغاني أو أي شيء تاني
وأنا عارف حيتقال شنو وحيغنو كيفن...الخ
إلا كان نتفرج ساكت ونقفل الصوت
كدا كويس يعني
عليك الله اتصلحي معانا يا آيات



قيقا يا فردة
حدثا عليك الله يا اخي
دبل جي دي رمضان دا شكلو كدا
والله أعلم
يكون أثر معاها
زي ما مأثر مع أخوك...

[آيات]

المشاركة الأصلية كتبت بواسطة سارة

سلامات يا ايات
يعنى كتلتونا بالوصف
الفيدوهات وين

نمووووت كمد يعنى

هههههههه يعني وما كتلتينا بالضحك
الفيديوهات؟؟.. بس وداعة الليلة غايب
اهلاً سارة

[سارة]

ملطوش من الجميل الحبيب عبد الوهاب سيمبا شوفوا الروعة

http://www.youtube.com/watch?v=HHXmr...layer_embedded

[نبراس السيد الدمرداش]

http://www.youtube.com/watch?v=6D_zx...&feature=share




http://www.youtube.com/watch?v=Gnw5u...&feature=share




http://www.youtube.com/watch?v=i9kdp...&feature=share




http://www.youtube.com/watch?v=cabV4...&feature=share




http://www.youtube.com/watch?v=hUL4i...&feature=share

من حبيبنا عبد الله وداعه

[قيقراوي]

المشاركة الأصلية كتبت بواسطة سارة

نمووووت كمد يعنى

الحياة تجارب ..
جربي .. المافي شنو هو!؟

جربي تقبلي الراي الاخر ياخ او زي ما قال عكود

[سارة]

المشاركة الأصلية كتبت بواسطة قيقراوي

الحياة تجارب ..
جربي .. المافي شنو هو!؟

جربي تقبلي الراي الاخر ياخ او زي ما قال عكود

لوووب

عكود دا قولاتو كترن الليامات ديل
قال شنو؟؟؟

[قيقراوي]

المشاركة الأصلية كتبت بواسطة نبراس السيد الدمرداش

من حبيبنا عبد الله وداعه [/COLOR]

نيبو يا اصلية

لقيتك كدا يا فردة

تعيشي و تجيبي




------

يا عكود كان هم غررو .. نحن ذاتنا غررنا المجاسفات من جاي و جاي
المافي شنو!؟

[قيقراوي]

المشاركة الأصلية كتبت بواسطة سارة

لوووب

عكود دا قولاتو كترن الليامات ديل
قال شنو؟؟؟

المشاركة الأصلية كتبت بواسطة عكــود

يا كانديك، ياخي تقبُّل الرأي الآخر ده حااار بالحيل،
دحين باصر قولي ده و أبلعو

[محمد فرح]

كلامات


كلامات - د. كمال عبد القادر

الخميس, 04 آب/أغسطس 2011 14:25

احد معارفي في بلاد الغربه ضبط اولاده وهم يشاهدون قناة تلفزيونية تبث افلاماً "ما تمام" فقام الرجل باعطائهم دروساً في الاخلاق وقرر حرمانهم من مشاهدة التلفزيون بعد الساعة عشرة مساء. بعد مده سافر الاولاد مع امهما للسودان في اجازة واتصل الوالد تلفونياً وبعد استفساره عن الصحة والاحوال قال للام "انتي القناة الكانو بتفرجوا فيها اولاد الكلب ديل رقمها كم؟".
الذين حاولو منع بث برنامج "اغاني واغاني" ثم نجحوا في تحويل زمن البث إلى الحادية عشر مساء، هل كان ذلك لان البرنامج "ما تمام" ام لانهم يريدون التفرغ بعد صلاة التراويح وبعد نوم الاولاد لمشاهده البرنامج بمزاااج

[أمير الأمين]

المشاركة الأصلية كتبت بواسطة بله محمد الفاضل

إلا كان نتفرج ساكت ونقفل الصوت

طيب مالو .. برضو متعة !!
اوعا تكون ممنوع من الصرف ..بس!!(ناس الحكومة يعنى)
سلامات بله

[طارق جبريل]

سلام يا ناس
اها جيناكم من بهناك
غايتو صباح دي كان ما غنت كفاية عليها الوجنات
انعل ابو كدة ذاتو ياخي

[قيقراوي]

المشاركة الأصلية كتبت بواسطة طارق جبريل

سلام يا ناس
اها جيناكم من بهناك
غايتو صباح دي كان ما غنت كفاية عليها الوجنات
انعل ابو كدة ذاتو ياخي

حباب المغاربي الجميل

اتوحشناك بزاف بزاف يا ذوق

لووووووووب
شوية شوية ياخ!
رمضان يا عمك!!

[الزوول]

....
مواصلة لحلقة الأمس عن الفنان إبراهيم عوض
ظهر اليوم شريف الفحيل لابس الروب بتاع النوم البيلبسوه الباشوات في الأفلام المصرية القديمة
زمن مجلي .. اوف تون ..طلع بره سلم الموسيقى
كعب عدبل كدى
البركة في فرفور المنجد
....

[الزوول]

....
طه سليمان الضُرس (بضم الضاد) وحبيبي جنني وغير حالي
بالاشتراك مع حسن إبراهيم عوض الضَرس (بفتح الضاد)