قيمة الشاي عند أهلنا في شمال السودان...

أبو الحُسين · 01-10-2006, 10:13 AM

إخوتي الكرام...

نهاركم سعيد... وكل سنة وانتو طيبين وتصوموا وتفطرو على خير...

الخلاني أكتب الكلام دا... هُو ريدة أهلنا في الشمال للشاي بأنواعه الشاي الأحمر (دم الدكاترة!!) والشاي باللبن العادي والشاي باللبن المقَنَّن...
وفي مثل كدي يقولوهو الجماعة عن حب الشايقي للشاي... يقول الشايقي فيهو (كان شاياً أحمر تسعي (9) بس... وكان بي لبن أسْكُت كُب!!!)...
حقيقي إخوتي الكرام الشاي عندو منزلة كبيرة خلااااااااااس عند أهل الشمال وبالذات المزارعية منهم... فهم يشربوهو الصباح وبعد الفطور ونصصصصصصصصصت نهار يشربوهو برضو... وأهم شئ شاي المغربيي (وإنت جايي من تمرين الكورة تشم ريحة القُنَّانة دي مارقي من أي تُكُل "مطبخ" في البلد!!!)... وكمان في ناس يشربوهو بالليل بعد العشي أها شُفتولْكُم محبة أكتر من دي للشاي!!!
هذه الأبيات القديمة من تراث الشايقية أنقلها لكم وهي تعبر عن محبة أحدهم الشديييييييييييد للشاي... يقول فيها...

أنا يا وَلُوف ريدتك علي فَتَقَت زرارة...

وكُلْما تطلع شمِس زايِد حِسارة...

أنا بُصري كِيف يا سكَّر الريف أبْ دُبارة...

البَزيل الغُمة نشَّاط الكسالة...

الصباح كفَتِيرو مشْدود لا فزارة...

وماهُو قاسي علي البُدان قِسى للفَقَارة...

وماب يصاحبُو أبْ كُرْهَة خدَّام الزبالة...

إلا واحداً راقدي عِنْ دُكانو بالة...

والرِفوف ملياني لا عِنْد الضُلاَّلة...

شُفتو غلاوة الشاي زمان كانت كيف... ماهُو أي واحد يقدر يشربو... اللهم إلا يكون قدام بيتو راقدي بالة (بالة الخيش)... كناية على تمرو الكتييييييييييير أو رفوفو ملياني لا عِنْد الضُلاَّلة (السقف)... يعني تاجراً ليهو ضُل...

أما ناس الفقَارة (المساكين)... خدامين الزبالة ديل بس يشمو بس!!!

أمااااااااني يا الشاي كُنْت غاليلَك غلاء...

أترككم في أمان الله وبجيكم صاد لو ربنا حيانا...

ولكم جميعاً مودتي قواسيب قواسيب...

أبو الحســــــــين...

mohamed hemaid · 01-10-2006, 08:32 PM

عمي ابو الحسين..
وين انت ايميلاتك تتطاير وانت ما باين؟؟
رمضان كريم وكل سنة وانت طيب..
السنة دي ان شاء الله الحجاج معاكم بي هناك
قول ربك يسهل..

اقتباس:

وأهم شئ شاي المغربيي (وإنت جايي من تمرين الكورة تشم ريحة القُنَّانة دي مارقي من أي تُكُل "مطبخ" في البلد!!!)...

يا حليلنا منو الزي دا..
وهاك ديل..
الشاي شفاء وللشاربنو هنية
مو خدمة عوين الا الزمن حرية..

الشاي شفاء وانا بريدو
الزول يقول لا لا ويمد ايدو..

الحريم قومتن عند السحور
شايلات المريق الصافي حر
عند اهلنا بتلقا مدخور
ياكلو فيهو وحالن مستور

الحريم قومتن عند العشيي
وقصدهن طالبات عطيي
عندو لبنا في السعيي
ريحتو في الشاي كيف زكيي
فيهو خيرا ما متلو شي
والمكضبننا كدي اليسوي

رحمة الله عليه جدي حماد..

حميد..

01-10-2006, 10:13 AM	#[1]
أبو الحُسين :: كــاتب نشــط::	قيمة الشاي عند أهلنا في شمال السودان... إخوتي الكرام... نهاركم سعيد... وكل سنة وانتو طيبين وتصوموا وتفطرو على خير... الخلاني أكتب الكلام دا... هُو ريدة أهلنا في الشمال للشاي بأنواعه الشاي الأحمر (دم الدكاترة!!) والشاي باللبن العادي والشاي باللبن المقَنَّن... وفي مثل كدي يقولوهو الجماعة عن حب الشايقي للشاي... يقول الشايقي فيهو (كان شاياً أحمر تسعي (9) بس... وكان بي لبن أسْكُت كُب!!!)... حقيقي إخوتي الكرام الشاي عندو منزلة كبيرة خلااااااااااس عند أهل الشمال وبالذات المزارعية منهم... فهم يشربوهو الصباح وبعد الفطور ونصصصصصصصصصت نهار يشربوهو برضو... وأهم شئ شاي المغربيي (وإنت جايي من تمرين الكورة تشم ريحة القُنَّانة دي مارقي من أي تُكُل "مطبخ" في البلد!!!)... وكمان في ناس يشربوهو بالليل بعد العشي أها شُفتولْكُم محبة أكتر من دي للشاي!!! هذه الأبيات القديمة من تراث الشايقية أنقلها لكم وهي تعبر عن محبة أحدهم الشديييييييييييد للشاي... يقول فيها... أنا يا وَلُوف ريدتك علي فَتَقَت زرارة... وكُلْما تطلع شمِس زايِد حِسارة... أنا بُصري كِيف يا سكَّر الريف أبْ دُبارة... البَزيل الغُمة نشَّاط الكسالة... الصباح كفَتِيرو مشْدود لا فزارة... وماهُو قاسي علي البُدان قِسى للفَقَارة... وماب يصاحبُو أبْ كُرْهَة خدَّام الزبالة... إلا واحداً راقدي عِنْ دُكانو بالة... والرِفوف ملياني لا عِنْد الضُلاَّلة... شُفتو غلاوة الشاي زمان كانت كيف... ماهُو أي واحد يقدر يشربو... اللهم إلا يكون قدام بيتو راقدي بالة (بالة الخيش)... كناية على تمرو الكتييييييييييير أو رفوفو ملياني لا عِنْد الضُلاَّلة (السقف)... يعني تاجراً ليهو ضُل... أما ناس الفقَارة (المساكين)... خدامين الزبالة ديل بس يشمو بس!!! أمااااااااني يا الشاي كُنْت غاليلَك غلاء... أترككم في أمان الله وبجيكم صاد لو ربنا حيانا... ولكم جميعاً مودتي قواسيب قواسيب... أبو الحســــــــين...
أبو الحُسين :: كــاتب نشــط::	التوقيع: وَتولّني يَا وَليّ يَا عليّ بالولاية وَالرعاية وَالعناية وَالسلامة بمزيد إِيرادِ إِسعادِ إِمدادِ ذلكَ خير ذلكَ من فضل الله.