محاور

[ناصر يوسف]

المشاركة الأصلية كتبت بواسطة سمراء

والله يا انتيمو انا ذاتى اقف معك فى ذات الشمار !!

ياربى هو مالو ؟
عمل شنو الجنا المطوفش ده ؟

الرسووووووول فيكم لوما وريتونى عمل شنو؟؟

حلاة لِق لِق عشان بقول ليك ،،، أقول ليك نففففففففففس الكلمات عشان يوقفوني أنا ده ظاااااااااتي ؟؟
لا بالله ،،

يا أشرف
عندما قلت العالم بتقدم والأدارة واقفة مكانها
استندت قولي
من موقفها تجاة الموقوف
اسلوب الباند والحذف
اسلوب همجي وغير حضاري
ليه يوقف عضو ويكسروا قلمه

بدور التُركي
كيفن أختي ومبروك المولود كمان يا زوله ،،،
أسمعيني عاوز أقول ليكي حاجه ،،، المسألة ما زي ما إنتي متصوراها
ما قدُر ده والله ،،، زول غِلِط وقال ليه كلام هو ظااااتو مُتبَري منو
وقاموا وقفوه أسبوعين
أهاااااااااااااا ونحن فيهُ شمتانين ،،، وصدقيني بنكتب من اللاب توبات بتاعتنا ونحن داخل شقته الكائنة بالنخيل وهو يضضضضضضضضضضضضضحك

يا زولة وقفة تفوت ولا حد يزعل ويطرشق فيهو عِرق ولا شيتاً تاني

ـــــــــ ملحوظة : إن عترت ليك أيَتُها كلمة من دُرابي الفوق ده بالله عليكي أن تستعيني بصديق لمزيد من الشرح



ثُمَّ إنو ياخي مش قلتي:

يا اشرف
يعني عايز تقنعني
ان الموقوف تم ايقافه لأنه شارك بكلاام غير مقبول?
ما أظن!!

برجع لك برواقة
واقرأ. الميثاق
لأول مرة
ونتناقش بحب وخير

وتيييييييييييب

يا زوله الموضوع بسيييييييييييط والله

أها يا شباب ،،، محور الموقفين محجوز سنة 2012 دي كلها للمدعو مجااازاً

حافظ حسين الشين

لووووووووول

ولو وقفةٌ من وسن

[بدور التركي]

المشاركة الأصلية كتبت بواسطة اشرف السر

بدور ارجعي لمداخلة شليل الفوق دي..

رجعت
وتاني ما راجعة

كلو بوجع القلب

والميثاق ما قريتو
ما مقتنعة بأي قوانين بشرية
فتكم بعافية

[سارة]

الاخت الكريمة بدور
تحياتى والف حمد الله على السلامة

قلتى

اسلوب الباند والحذف
اسلوب همجي وغير حضاري

احترم وجهه نظرك ولكن لموقع سودانيات لوائح وقوانين
وادراة منتخبة وعلى كل عضو الموافقة على القوانين واللوائح
ووجود القوانين واللوائح يعنى بالضرورة ان هناك من عليه تطبيق القانون
انا هنا ليس بصدد التحدث عن ايقاف حافظ ولا عن ماذا فعل
ولكن فقط اسال كيف ستفعل الادارة
اذا قام احد الاعضاء بسب الذات الالهية وشتم المعتقدات مثلا؟؟
كيف ستفعل الادارة اذا حاول البعض ممارسة الجنس على صفحات المنتدى؟؟
كيف يكون وضع الادارة اذا قام البعض بانزال صور تهين وتؤذى البعض
هل من الحرية ان يكون منتدى الحوار مسرحا لما ذكرته ولا تصرف الادارة
بما تبيحه اللوائح هو الافضل
اليس كلمة همجى كتيرة فى حق ادارة ردت لك الاعتبار فى الكثير من المواقف؟؟
انا لا امن ولكن فقط اذكرك

[ناصر يوسف]

المشاركة الأصلية كتبت بواسطة بدور التركي

رجعت
وتاني ما راجعة

كلو بوجع القلب

والميثاق ما قريتو
ما مقتنعة بأي قوانين بشرية
فتكم بعافية

هو بالبساااااااااطه دي يا بدور التركي ؟؟ !!!!
حقيقي مندهش من كلامك ده ،،،
مندهش لأقصي حدود الإندهاش

عاوز أقول ليك حاجه مهمه ،،،

عارفاها شنو ؟؟؟





















مُش علي كيف كيفك

[ابرا]

المشاركة الأصلية كتبت بواسطة بدور التركي

رجعت
وتاني ما راجعة

كلو بوجع القلب

والميثاق ما قريتو
ما مقتنعة بأي قوانين بشرية
فتكم بعافية

قولي كلام غير


زي





دايره اتفرغ للننو



بث ما الننو دا

[رأفت ميلاد]

المشاركة الأصلية كتبت بواسطة سارة


اذا قام احد الاعضاء بسب الذات الالهية وشتم المعتقدات مثلا؟؟

كيف ستفعل الادارة اذا حاول البعض ممارسة الجنس على صفحات المنتدى؟؟
كيف يكون وضع الادارة اذا قام البعض بانزال صور تهين وتؤذى البعض

والله يا سارة حيرتينى .. ياخ التفريق بين الشخصى والعام فى تطبيق اللوائح مهم جداً .. فاللوائح ليس فواصل قاطعة .. بل لها مرونتها .. فهناك فرق بين الرأى والشتم .. وهذه المواضيع تتوخى عدالة دقيقة يختفى فيها تماماً الرأى الشخصى ..

طبعاً أنا ما عارف سبب توقيف حافظ والشمار كاتلنى .. أما عن رأى بدور أزيد عليه .. الحزف والتوقيف يجب أن لا يكون قرار شخص واحد .. يجب عرضه على مجلس ويأخذ نصيبه من الحوار .. أمعاناً فى الشفاية .. كنت أقترحت إنتخاب نواب خارج الأدارة وأعبائها .. يُعرض عليهم القرار بأجماع المجلس للتصويت عليه ..
وعن الأجماع .. يجب أن يمنح الأمين العام ورئيس مجلس الإدارة (فيتو) .. حتى لا يستطيع أحد إغلاق بوست بوجة نظر شخصية كما فعلتى أنتى

[محمد السر]

4 أيام عاشهن صديقنا ونديم ليالينا موقوفاً

ومن لا يملك باسويرداً في اليومين ديل عامل زي من لا يملك قوت يومه





هو قلتو لي يا ناصر إحنا حنقعد نرمي في طعميتنا دي كده تاني كم يوم ..؟

[ناصر يوسف]

المشاركة الأصلية كتبت بواسطة محمد السر

4 أيام عاشهن صديقنا ونديم ليالينا موقوفاً

ومن لا يملك باسويرداً في اليومين ديل عامل زي من لا يملك قوت يومه





هو قلتو لي يا ناصر إحنا حنقعد نرمي في طعميتنا دي كده تاني كم يوم ..؟

حدااااااااشر يوم بلياليهن ،،
عِلا بــــــــــس الطعمية دي بتعمل عمايل ميييي سمحه في بطن الزول
وخثووووووووثاً لو معاها شطة دِنكابه
أسمعني ،،، أقاشي كييييييييف ؟؟؟ ولا ده نخليه لفيصل عباس
لووووووووووول

[سارة]

يا رافت سلام
عليك دينك تورينى انت الفرق بين الشخصى والعام اقصد
ماهو الشى الذى يمكن تصنيفه شخصى وماهو الذى يمكن تصنيفه عام
الظاهر اليومين دى انا بقى عندى حول فى العيون وفى اللوز برضو
مطلعين عيننا واللائحة دى ما بيبن ليك عورتها الا وكت نستعملها؟؟
بوستات تعديل الللائحة بتتعلق بالسنين مافى زول بجيب خبرها
ويوم نطبقها تحرقكم
بس عليكمبكسر الباء وبالمناسبة ليك ولاصحابك


اما موضوع حافظ ياخ خلى يوقفوهو
وقفوا خالد الحاج الله يرحمو ما يقيف حافظ كان وقف
بلا حافظ بلا سجم
انت قول واجعك ما عرفتو هبب شنو وانا لو تموووووووت ما بقول ليك

[ناصر يوسف]

المشاركة الأصلية كتبت بواسطة سارة

يا رافت سلام
عليك دينك تورينى انت الفرق بين الشخصى والعام اقصد
ماهو الشى الذى يمكن تصنيفه شخصى وماهو الذى يمكن تصنيفه عام
الظاهر اليومين دى انا بقى عندى حول فى العيون وفى اللوز برضو
مطلعين عيننا واللائحة دى ما بيبن ليك عورتها الا وكت نستعملها؟؟
بوستات تعديل الللائحة بتتعلق بالسنين مافى زول بجيب خبرها
ويوم نطبقها تحرقكم
بس عليكمبكسر الباء وبالمناسبة ليك ولاصحابك


اما موضوع حافظ ياخ خلى يوقفوهو
وقفوا خالد الحاج الله يرحمو ما يقيف حافظ كان وقف
بلا حافظ بلا سجم
انت قول واجعك ما عرفتو هبب شنو وانا لو تموووووووت ما بقول ليك

فندم فندم فندم

أقول ليه أنـــــــــــا ؟؟ أقول ؟؟ أقوووووووووول ؟؟

والله حارقاني ليكم جِنِس حرقه
ياخي واقفه لي في طرف حلقومي ده والله

حولااااااااااااا

ههههههههههههههههه

[سارة]

رافت نسيت اقول ليك حاجة

قلت

الحذف والتوقيف يجب أن لا يكون قرار شخص واحد

الحذف انا صلحتها عشان انت كاتبها بالزين

منو القال ليك الحذف تم فردى ومنو القال ليك التوقيف تم فردى وشنو دليلك
على ذلك..التصرف الفردى الوحيد الذى حصل هو انا سارة اغلقت البوست
الذى تم فيه (سخافات) فانا لا اسميها حوار وحتى لا احذف شى اوقفت فقط
التداخل لفترة حتى تمكن الامين العام او الاخ مشرف منتدى الحوار من اتخاذ
ما يلزم واعتذرت عن تصرفى بس ما ندمانه عليهو العكس مبسوطة وجدن
ما تجى تقول لى الامين العام حذف ولا مشرف الحوار نقل لانه جزء من شغلهم
هنا هو الحذف والقفل والايقاف كان عجبك ولا كان ما عجبك

[لنا جعفر]

ومن لا يملك باسويرداً في اليومين ديل عامل زي من لا يملك قوت يومه

انت يامحمد السر حافظ ده كان عامل ليك شنو؟؟؟
كان قاعد على مراوح قلبك زي ماهو قاعد على مراوحي؟؟؟وكاااااتم نفسي
وممحورني؟؟
انت محوروك وجرّحو سمعتك؟؟؟
غايتو انا البزعلني ويمحورني بيشوف يوم اغبر
وماكنت متخيلة انه دعواتي مستجابة بالسرعة دي
عارف؟؟؟حافظ ده لانه مابينوم متحصن عشان كده طار من قولة أوف
لأ وكلللللو كوم ومناحتو العاملا بهناك كوم براهو
بس كشفت الاحداث يارفيق انه بيخاف من جيلي خوف المووووت
ماجاب سيرة جوجو نهائيييين
فلاحتو فينا أنا واشرف وهيثم ونيبو
انت زاااتك بهناك معانا ياخوي
المهم الزول ده متوعدنا عند عودنو بالويل والثبور وعظائم الامور
فشنووووو...تعالاكا نمشي نشوف لينا تاكيندو ولاجودو ولا ايتها حاجة تحمينا
من غوايل غضبتو....
وآخر قوالة جابوها من موقع الحدث ...قالو انه حافظ الفيل بقى يشلت وهو نايم وبيطرد في الناس الجاية تواسيهو
وانا رفض يرد على تلفوني
ده كل شي للحظة وسنوافيكم بأخر اخبار هسترة حافظ كلما يستجد جديد
حكمة اليوم....الجمرة بتحرق الواقف فيها
------
غايتو الله يدينا سعادة الكُبُر

[اشرف السر]

المشاركة الأصلية كتبت بواسطة لنا جعفر

بس كشفت الاحداث يارفيق انه بيخاف من جيلي خوف المووووت
ماجاب سيرة جوجو نهائيييين

------
غايتو الله يدينا سعادة الكُبُر

حكمة اليوم....الجمرة بتحرق الواقف فيها

[اشرف السر]

المشاركة الأصلية كتبت بواسطة الجيلى أحمد

بدور وأشرف
ومعاكم البنج ذاتو ..

عليكم الله ماتكرهونا البلى ...

ماتقلبو لينا المسألة نكد ..


السلفى موقوف ,
وأنا كزول صاحبو قاعد أتندر عليهو ,

صاحبى وهو مبسوط من الحكاية دى ..

ماتجيبو كثافتنا ...

____________

أنا شخصيآ موقف نفسى اسبوع ..
ولو جيت راجع لقيت الخمج دا
وسيرة خالد الحاج البقت الناس مادايرة تحترما ,
بقطع ليها تانى اسبوع

والفورة مليون..
_________
ودعتكم الله

وانا بلضو
بتندر فيه كزول صاحبي ومحبتنا باسقة نخيلاً وافراً..


لكن قصة غيابك اسبوع دي ما مهضومة
تأبرني...

[اشرف السر]

على لسان صاحب هذا البوست:


انا بس داير ارجع لدقيقة واحدة و بعديها اقيف للابد