جئت من بين فخذي امي

[أميرى]

المشاركة الأصلية كتبت بواسطة ماريل

ما طالا انتى قلتى طبيعية فمن الطبيعى ايضا
انو الناس عارفاك جيتى بى وين
بعدين اسمها الضرورة القصوى
وليست الضرورة القسوة
القسوة ياهو كلامك ده
الله يهدانا ويهداك

الراجل قال لي ود أختو المزارع (رجلينو كلها شقوق و حواشات)
عصر لي ضهري ورقد ليو علي بطنو
الولد طلع بي رجلينو و هاك يا عصر
خالو قال ليو يا ولد أملص جزمتك و عصر
الجنا قال ليو دي رجليني يا خال
قام خالو قال ليو سمح ألبس الجزمة و عصر كان كدة

فدحين يا ماريل ألبسي الجزمة و عصري

[قيس شحاتة]

يا جماعة الخير .. أم التيمان دي مافي زول يقول ليها عينك في راسك.
دعوها .. فإنها مأمورة

[البديري]

المشاركة الأصلية كتبت بواسطة ام التيمان

هل تصدق يا فتحى دى اكتر شغلة اتمنية و لايقة علي
لانو شخصيتى متسلطة
بدور دى صاحبتى ربنا اخليها
انا بريدا

شـخصية : هـمـهـا الأكـبــر التقليل من شان الاخرين .. قلما تصادفنا و لا يألفها و لا يرغبها أغلبنا.. فالشـخص الذي يستخف بالاخر هو مغرور

بنفسه .. متكبر عن غيره .. منكر حقيقة ضعفه و حاجته لغيره .. يستمد المستخف طاقته للتمادي في

ممارساته تلك من غروره و اعجابه المفرط بذاته .. مهملا وجود الآخر و ضرورة التفاعل مع امكانيات

المحيط الملم به و أفراده اذ أنه لا يؤمن بإمكانيات أخرى غير ما توحيه له انانيته

قد يكون السبب هو ضعف في تكوين شخصيته .إما من ظروف قاسية عاشها أو تقصير في تربيته...


( غبي من ظن بالناس الغباء )

هذه المقوله تلخص في الواقع مدى غباء المستهزء بعقول الاخرين والمتعالي عليهم وكل ما يفعله اؤلائك

يحقرون انفسهم وهم لا يعلمون

الذي يستخف بالاخر هو متسلط .. عديم الثقة بنفسه

ام التيمان ، راجعى نفسك ، وانتِ ام ومدرسة ٠ الله يشفيك ويشفينا ويهديك ويهدينا٠٠٠

لكِ اجمل المنى٠

[بدور التركي]

المشاركة الأصلية كتبت بواسطة ام التيمان

شكرآ لانثى بملء الخصوبة
تهيئات للحدس الحقيقى
فانجبت فارسآ

الفكرة الكلية السائدة في حضاراتنا حول الجسد فكرة خاطئة
الجسد ليس مجرد شهوة أو تمثال أو شكل
الجسد أكبر وأعظم من كدا
الجسد مراحل
بوابات وعبور
هل بمقدور أي شخص فينا أن يحس بتلك المراحل
أظنها الأم وحدها من تعرف سر وقوة الجسد
والعمل المخصص له
وهي الوحيدة بمقدورها ان تتجاوب معه
وتعتمد عليه

[ام التيمان]

المشاركة الأصلية كتبت بواسطة مرافي

بس الكلام دا لكن التاني داك برررررري منو...!!!!
ممنوع دخول الرجال لغرفة الولادة لخصوصيتها كبيرة خارج الغرفة ماشفتيها يا ام التيمان...
يديك العافية

يا مرافى فى بعض الدول الرجال بحضرو الولادة
لكن فى بلدنا لسة ما وصلنا المستوى الانسانى دا
مودتى

[بدور التركي]

[QUOTE=رأفت ميلاد;448586]برغم أن عملية الولادة من أقسى التجارب التى يمر بها الإنسان .. لكن حال خروج المولود تكون أسعد لحظات المرأة ..[/QUOانت الوحيد اللي فهمت الفكرة
والباقين بس مركزين على كلمة"فخدي"
ونسوا الفكرة
وأجمل لحظة
لحظة الميلاد
لحظة اسطورية
مذهلة

[ام التيمان]

المشاركة الأصلية كتبت بواسطة ماريل

جميل؟؟؟
ده فى تقييمك انت
طيب هل هو بوست مفيد يعنى؟؟
بمعنى الجديد العرفناهو شنو من البوست ده
ياااااااااااااااااااازوله قول كلام غير ده
وما زلت ادعو
الله يهدينا ويهديك

انا البجينى فى بيتى
بحترمو و بقدم ليهو عصير ليمون
اروق دمو

[بدور التركي]

المشاركة الأصلية كتبت بواسطة فتحي مسعد حنفي

هووووي يازول أنا سمسميتي ما بدي منها زول لكن بيني وبينك أنا تعليق ماريل دا كيفني شدييد وبيدل انو الكاتبو معلم كبير..
ياخ أم التيمان دي عندها حاجات بتخليني مرات كدا يتخيل لي انها من معلمات سوق خضار روض الفرج البتلقي المعلمة بتتحكم فيهو بي رجال بي شنباتم وزول بقدر يقول بم مافي..لا وكمان جات بدور وجابت لينا فيها قلع لباسات مع اني البت دي وصيتا ما تباري أم التيمان عشان ما تغتس حجرا..

احيانا بحس انها عميقة الفكر
بس احيانا ما بتقدر توصل الفكرة بطريقة سهلة
أو ان افكارها تحتاج لأذان واعية!!

والله اعلم

[بدور التركي]

المشاركة الأصلية كتبت بواسطة ماريل

جميل؟؟؟
ده فى تقييمك انت
طيب هل هو بوست مفيد يعنى؟؟
بمعنى الجديد العرفناهو شنو من البوست ده
ياااااااااااااااااااازوله قول كلام غير ده
وما زلت ادعو
الله يهدينا ويهديك

الجديد شديد ومتين
خرج من رحم الأرض
لحظة انبثاق الروح
ومهما حكينا وتكلمنا
لن تنتهي المشاعر والأحاسيس لهذة اللحظة العطية من الله

[ام التيمان]

المشاركة الأصلية كتبت بواسطة البديري

ام التيمان ، راجعى نفسك ، وانتِ ام ومدرسة ٠ الله يشفيك ويشفينا ويهديك ويهدينا٠٠٠

لكِ اجمل المنى٠

البديرى المداخلة الشينة دى ما بتشبهك
و اكيد كتبتها و انت مكره
و انا اعتبرتها ما لي
ما عدا جملة
لك اجمل المنى

و لك مودتى

[بدور التركي]

المشاركة الأصلية كتبت بواسطة ام التيمان

الله اهديك
اين القسوة
عشان كتبت بوست جميل

هههههه
أموت انا في الثقة بالنفس

ازيك يا جميلة

[بدور التركي]

المشاركة الأصلية كتبت بواسطة ماريل

ما طالا انتى قلتى طبيعية فمن الطبيعى ايضا
انو الناس عارفاك جيتى بى وين
بعدين اسمها الضرورة القصوى
وليست الضرورة القسوة
القسوة ياهو كلامك ده
الله يهدانا ويهداك

بس ما عارفين لماذا جئنا
ولماذا نصرخ تلك الصرخة
عندما يقطع الحبل السري
وأسئلة كثير تحتاج لتأمل وأجابات

والأهم
لماذا نخرج من هذا المكان?????

[البديري]

المشاركة الأصلية كتبت بواسطة ام التيمان

البديرى المداخلة الشينة دى ما بتشبهك
و اكيد كتبتها و انت مكره
و انا اعتبرتها ما لي
ما عدا جملة
لك اجمل المنى

و لك مودتى

سلام أم التيمان ،
فعلا كتبتها وانا مُهنداب٠٠


انا لايهمنى البوست بحتوى على شنو ولا المغزى منه شنو٠٠ ولو انو به جانب انسانى يحكى معاناة الانثى لى آلم الولادة ٠٠
ولايهمنى ايضا التعابير والكلمات التى عنوانتى بها بوستيك التى ادهشت وحيرات العديد من الاعضاء والزوار٠٠ فحين اللغة العربية بها كلمات اعمق واكثر جاذبية ، تحفظ الوقار لكل الاطراف ٠٠ المهم
ما آلمنى يا ( اختى ) وعندما اصف او ادعى (أنثى ) ( باختى ) فواجبى ان انبها وان اقف معها اذا غلطت او اذا مرضات ٠٠
فحين تصفين وتدعين نفسك بان شخصيتك مُتسلطة
التسلط ; نوع من الامراض النفسية ٠٠ !! ماذا تريدين ان افعل لكِ ٠٠ اصفق ليك٠٠ ؟؟ !!
*ماقتبستة ; كلام متخصصين ، نفسيين

على العموم ٠٠ آسف ودى آخر مرة ادخل بوست لكِ الا فى حالات فرح او عزاء٠٠ لكِ العتبى حتى ترضى ٠


ودائما الاحترام متواجد بينا٠٠ سلام٠

[ام التيمان]

المشاركة الأصلية كتبت بواسطة أميرى

الراجل قال لي ود أختو المزارع (رجلينو كلها شقوق و حواشات)
عصر لي ضهري ورقد ليو علي بطنو
الولد طلع بي رجلينو و هاك يا عصر
خالو قال ليو يا ولد أملص جزمتك و عصر
الجنا قال ليو دي رجليني يا خال
قام خالو قال ليو سمح ألبس الجزمة و عصر كان كدة

فدحين يا ماريل ألبسي الجزمة و عصري

يا اميرى خليها التعصر سااااى
مافى مشكلة
الضهر مسنود

[ام التيمان]

المشاركة الأصلية كتبت بواسطة قيس الصديق شحاته

يا جماعة الخير .. أم التيمان دي مافي زول يقول ليها عينك في راسك.
دعوها .. فإنها مأمورة

يا قيس
اتخيلت ناقة الرسول
و هى ماشة ساااااى
و نظرات الناس متابعاها
بيقظة و حذر شديدين