زهرة الغَرَق - الصفحة 59

مبر محمود · 24-09-2012, 04:10 PM

اقتباس:

المشاركة الأصلية كتبت بواسطة بابكر عباس

يا أخي، يا مبر، وحات سيدي الحسن، أنا قدمت لبكري للعضوية بسودانيز؛ عشان أمين دا! معقول نزعلو بعد جانا هنا؟!

لا كان كده معليش! ومرحباً بالبروف، إختصاصي كل شئ، بيننا في سودانيات.

أمين محمد سليمان · 24-09-2012, 04:34 PM

اقتباس:
المشاركة الأصلية كتبت بواسطة بابكر عباس

هل تقصد: لا يحتاج محسن، ان يثبت للناس صحة ما جاء به؟

لا يا بابكر ... قصدت ما كتبته .... محسن يحتاج لان يثبت للناس صحة ما جاء به .... عني أنا يكفيني هذا البوست كاثبات ... لكن عشان يكون معتمد كاكتشاف علمي حقيقي لا بد من دراسات جادة و معتمدة من جهات و مؤسسات علمية متخصصة و معترف بيها و عشان ده يتم محسن بيحتاج متخصصين يعملو تحت إمرتو و تمويل و تفرغ تام ....

أمين محمد سليمان · 24-09-2012, 04:46 PM

بابكر و مبر ... ياخي والله أخجلتو تواضعنا المافي ده

....
و يا مبر ياخي ... الأمر ليس كما تعتقد و لو ما كنت شايف إنو المسالة ببقي فيها عدم إحترام للناس الهنا و الهناك بالدخول في التفاصيل لدخلت من كل الأبواب ....
ياخونا بالجد ايدكم معانا ... نساعد رقبتنا - ما محسن - في نشر الكلام ده و إثباتو و التاكد منو ... و عندي إقتراحات بجيبها لمن القي فرقة إن شاء الله !!

أسعد · 24-09-2012, 05:45 PM

يا سلام يا امين ياخ
دا كلام في السلك
محسن خالد دا بمثابة جهاز كاشف الذهب زي ما قلت ليهو قبل كدة في المنتدى دا
وح نظلم روحنا ونظلم السودان لو خليناهو يكتشف ويحفر الدهب
محسن دا المفروض يكون عندو فريق متخصص زي ما قلت
ومحسن دا يخت ليهم الـ Layout وباقي الفريق يكمل الباقي

يا زول كلامك تش التش
واقتراحي انا دا
اذكر انو كان في اقتراح في سودانيات انو تتعمل حاجة باسم (خالد الحاج)
حاجة كدة ما اتحددت لكن تكون مفيدة ثقافيا او علميا
اها اظن انو دي ممكن نقول (ابو الجنا ولاقا)
تتعمل عبر سودانيات حاجة كدة توفر لمحسن الدعم المادي من اجل توظيف فريق عمل في اكمال مشروعه

وباي زا واي
اصلن المشروع محسن اهداهو لي المرحوم خالد الحاج
موش قلت ليكم ابو الجنا ولاقا؟!

أمين محمد سليمان · 25-09-2012, 12:33 AM

اقتباس:
المشاركة الأصلية كتبت بواسطة وجدي الأسعد الأسعد

محسن خالد دا بمثابة جهاز كاشف الذهب زي ما قلت ليهو قبل كدة في المنتدى دا
وح نظلم روحنا ونظلم السودان لو خليناهو يكتشف ويحفر الدهب
محسن دا المفروض يكون عندو فريق متخصص زي ما قلت
ومحسن دا يخت ليهم الـ Layout وباقي الفريق يكمل الباقي

يا زول كلامك تش التش
واقتراحي انا دا
اذكر انو كان في اقتراح في سودانيات انو تتعمل حاجة باسم (خالد الحاج)
حاجة كدة ما اتحددت لكن تكون مفيدة ثقافيا او علميا
اها اظن انو دي ممكن نقول (ابو الجنا ولاقا)
تتعمل عبر سودانيات حاجة كدة توفر لمحسن الدعم المادي من اجل توظيف فريق عمل في اكمال مشروعه

القول ما قلت يا عم وجدي ...
محسن عمل العليه و زيادة ... الباقي الناس لو مهتمه إنو نودي الشغل ده المرحلة الاهم و اللي هو إثبات هذا الكلام ...
لو البوست ده إنتشر في حتات تانيه أو لو زول بعرف منظمات مهتمة ممكن تشرف و تمول الشغل ده بنكون ماشين في الطريق الصحيح .... الشغل ده شغل للسودان كلو و لو الحكومة دي عندها دم .... عليفة يوم واحد من موارد البلد البعلفو فيها من سنة 89 كافية جدا لتمويل الشغل ده !!

أبوبكر عباس · 25-09-2012, 03:20 AM

اقتباس:

المشاركة الأصلية كتبت بواسطة أمين محمد سليمان

محسن عمل العليه و زيادة ... الباقي الناس لو مهتمه إنو نودي الشغل ده المرحلة الاهم و اللي هو إثبات هذا الكلام ...
لو البوست ده إنتشر في حتات تانيه أو لو زول بعرف منظمات مهتمة ممكن تشرف و تمول الشغل ده بنكون ماشين في الطريق الصحيح .... الشغل ده شغل للسودان كلو و لو الحكومة دي عندها دم .... عليفة يوم واحد من موارد البلد البعلفو فيها من سنة 89 كافية جدا لتمويل الشغل ده !!

سلامات يا أمين،
عليك الله، كدي أكتب لي الحاجات الإنت طلعت بيها من البوست وداير تثبتها، في شكل نقاط، يمكن نقدر نساعد في إيجاد تمويل.

طارق صديق كانديك · 25-09-2012, 04:39 AM

سلامات يادكتور بابكر

هل تعتقد أن جهد محسن خالد في هذا المبحث لا يستحق الاهتمام به ومحاولة توفير بيئة ايجابية تدعم الفكرة التي (فهمتها أنت) من هذا البوست.؟

أبوبكر عباس · 25-09-2012, 07:22 AM

اقتباس:

المشاركة الأصلية كتبت بواسطة طارق صديق كانديك

هل تعتقد أن جهد محسن خالد في هذا المبحث لا يستحق الاهتمام به ومحاولة توفير بيئة ايجابية تدعم الفكرة التي (فهمتها أنت) من هذا البوست.؟

أنا، حتى الآن، لا أستطيع إقناع أي جهة تمويل لتبني هذا "المبحث". حساب المغامرة (Risk) في انو كلام محسن دا، يكون خطرفة عباقرة ساكت، عالية جدا.
صحي يا طارق، ناس زي محسن دا، ممكن يحدثوا تغيير كبير في مسيرة البشرية، لكن نحن الماديين ديل، بنمسك في وسائلنا المٌختبرة قوي خالص لحدي ما نجبرو يردم جزء من المهوى البيناتنا في الفهم، وبعد داك ممكن نتحمل المغامرة في الصرف عليها.

أمين محمد سليمان · 25-09-2012, 09:19 PM

اقتباس:
المشاركة الأصلية كتبت بواسطة بابكر عباس

سلامات يا أمين،
عليك الله، كدي أكتب لي الحاجات الإنت طلعت بيها من البوست وداير تثبتها، في شكل نقاط، يمكن نقدر نساعد في إيجاد تمويل.

يا عم بابكر ...
محسن في هذا البوست جاء بكلام عن بدء الخلق و مكان نزول سيدنا ادم و وجود المدن السودانية و قتل قابيل لهابيل و ارتباط القتل ده فيما بعد بالوثنيات و الديانات الوثنية و أشياء أخري لا تقل أهمية تاهت من الذاكرة ... جاء محسن بكلام لم يسبقة عليه أحد من العالمين و جاب معاهو شواهد في البوست ده نفسو .... شواهد ممكن نتفق و نختلف معاها لكنها بالتاكيد فيها sense و منطق واضح ....وعشان ننتقل من مرحلة الكلام و الشواهد البي الصور في منتدي لا يطلع عليه إلا عدد محدود من الناس لمرحلة البحث العلمي المعترف بيه في المؤسسات العلمية .... الزول ده محتاج يتفرغ تماما و لسنين عددا و بميزانية كبيرة و بمساعدة علماء متخصصين ... الكلام ده عشان يحصل لا بد من إنو جهة ما تقتنع أو to sense الكلام ده عشان تخت جهد و قروش و وقت .... و دي الحته اللي بفتكر اننا نسعي فيها ....
وضح لي من مداخلاتك الفاتت انك skeptical و ممكن يكون كلام محسن ده كلو ما راكب ليك في راسك ... و ده كلام جميل و مفهوم ... لكن حقو تعرف إنو في ناس هنا شالو كلام محسن ده و دوروهو اسابيع و إقتنعو بصحة ما فيه من خلاصات و إضافات مش لينا نحن في السودان الشقيق لكن للبشرية دي كلها .... خت ايدك في أيدنا و فتش معانا جهة مانحة عشان الكلام يبقي بالوسائل المختبرة الاتكلمت عنها دي !!

مبر محمود · 30-09-2012, 12:39 PM

سلام يا أمين وبابكر، وتقبّلوا تحيات محسن أيضاً
الأن ونحن بنقلب في البوست دا، خطر على بالنا نسأل بابكر عبّاس، على ضوء سؤاله لأمين دا:

اقتباس:

عليك الله، كدي أكتب لي الحاجات الإنت طلعت بيها من البوست وداير تثبتها، في شكل نقاط، يمكن نقدر نساعد في إيجاد تمويل.

برغبتنا في معرفة ما "جهجه باكاته" في مرحلة من تاريخ البوست وخلّاهو يوجه كلامو أدناه لحسبو:

اقتباس:

المشاركة الأصلية كتبت بواسطة بابكر عباس

و الله يا حسبو أي زول البوست دا ما جهجه باكاتو بكون زول ساكت و لّ خايف زيك

ويا حبذا في شكل نقاط أيضاً. والخوف مرفوع!

ناصر يوسف · 30-09-2012, 03:03 PM

اقتباس:

المشاركة الأصلية كتبت بواسطة أمين محمد سليمان

سلام للجميع و تحيات طيبات ...
محسن خالد رجلا أتاه الله علما فبذله للناس، لم يبخل و لم يضن بشرحه و بيانه حتي لمخالفيه، السؤال : ماذا فعلنا نحن بعلمه المبذول هذا ؟
محسن يحتاج فريق عامل و تمويل عاجل لاثبات هذه الأكتشافات و الفتوحات الربانية... أقول هذا الكلام و أنا لا أعلم رأي محسن فيه و لكني أظن - و ليس كل الظن إثم - بان ما جاء به محسن في هذا المكان ما هو إلا فتحا ربانيا بالدرب العديل فأين نحن من نشر هذا الكلام و محاولة دفعه للامام ؟

أخي أمين
مرحب بيك في سودانيات وأبقي داخل أكتر كمان وكمان

أحييك بكل ما تفضلت وجئت به عبر هذه المداخلة يا أخي
ولكن ،، البقنع بابكر عباس المشاتر شنو في كونو رأيو ورأيك ما واحد ؟؟
وكل الآراء تمشي وفق معطيات صاحب الرأي برؤيتو هو لا برؤية الآخرين ؟؟

بله محمد الفاضل · 30-09-2012, 03:42 PM

سلامٌ ومحبة

هزني الشوقُ إليك هزا
فبت كدرويشٍ في معبدِهِ (معبد الشوق)
لوجودك يا صاحب
مساحات نرتادها فتسمو أرواحنا
وإن لم نمسك بأطرافِ رياحها
ونحلق إلى أبعادها المبذولة
أن عُد يا صاحب
فأمكنتك يباب

شكراً لك أمين على التنبيه إلى هذا الدرب المهم الذي تستحقه رؤى/فتوحات/نظريات... صاحبنا المحسن..
أتمنى أن يتحول هذا الأمر إلى أمر عملي وتُقطف ثماره

تحياتي واحترامي

أبوبكر عباس · 01-10-2012, 05:13 PM

اقتباس:

المشاركة الأصلية كتبت بواسطة مبر محمود

الأن ونحن بنقلب في البوست دا، خطر على بالنا نسأل بابكر عبّاس، على ضوء سؤاله لأمين دا:

برغبتنا في معرفة ما "جهجه باكاته" في مرحلة من تاريخ البوست وخلّاهو يوجه كلامو أدناه لحسبو:

ويا حبذا في شكل نقاط أيضاً. والخوف مرفوع!

تعرف يا مبر، نبوة محسن دي، ينقسم فوقها الناس لخمس أقسام (في شكل نقاط):
- الصديقيين والمحبيين، وديل زي المادح وبله ووجدي وبعض الجكس واهل الله.
- الصديقيين "بنوتة"، وديل زي ناس أمين ومحمد قرشي.
- الكفار بحسم، وديل زي ناس حسبو وشهاب كرار.
- "الباكاتم مجهجه لمحدودية معرفتم" زي حلاتي كدا
- ناس قريعتي راحت، وديل مريحين بالم، ولو محسن نزل ليهم مائدة من السماء، بضربوها ويفرتقوا ساكت.
أها، حسادة مني، وعشان أكبر كومي أو أزيد معرفتي، بقوم أشتغل ليك، في جهجه مواقف الكومين الأساسيين (أمين وحسبو). وممكن تقرأ أسئلتي (المتناقضة ظاهريا) لأمين وحسبو بلسان فيصل القاسم.

اقتباس:

المشاركة الأصلية كتبت بواسطة ناصر يوسف

ولكن ،، البقنع بابكر عباس المشاتر شنو في كونو رأيو ورأيك ما واحد ؟؟ l

شكرا ناصر

ناصر يوسف · 02-10-2012, 11:50 PM

اقتباس:

المشاركة الأصلية كتبت بواسطة بابكر عباس

شكرا ناصر

خايف أقول ليك عفواً والله
فشنو ،،،
شكراً ليك إنتَ ده ياخ
ثُمَ ياخي نعتذر عن كلمة مشاتر يا الحبيب

محسن خالد · 06-10-2012, 07:33 PM

يا سلالام
زارتنا البركة يا بروف أمين
وألف مرحب بيك في هذا البوست وفي سودانيات كمان
كتّر خيرك يا عزيزي على المودة
التي أدعو الله أن يجزيك منها ما لا قِبَل لي به
مشتاقين يا رجل

الحب أجزله وعميم السلام لصديقي وأخوي بلّه الكريم والسمح

ألف مرحب بالعزيز أسامة بابكر، حبابك في سودانيات، مشتاقين يا رجل ووينك قاطع المرقة؟

الرشيد وقيقراوي والجيلي وهيثم طه وفيصل والزول وسارة
الشوق يسوِّي هيلتو، وود البتولا في قليلتو، عذركم ومحبتكم هي ما أؤمّل وما ينفعني هنا ويوم الدين، أما مشتاقين وعفوكم

طارق كانديك وسماح وأشرف أحبكم لامن تقولوا الرووب.
سناء مرسي ياختي وينك؟ ليك وحشات لا تنفد

بابكر عبّاس لك الود وللمادح مُبر، أريتو حالكم زين
التحايا لأصدقائي وأصدقاء هذا البوست جميعهم

24-09-2012, 04:34 PM	#[872]
أمين محمد سليمان :: كــاتب نشــط::	اقتباس: المشاركة الأصلية كتبت بواسطة بابكر عباس هل تقصد: لا يحتاج محسن، ان يثبت للناس صحة ما جاء به؟ لا يا بابكر ... قصدت ما كتبته .... محسن يحتاج لان يثبت للناس صحة ما جاء به .... عني أنا يكفيني هذا البوست كاثبات ... لكن عشان يكون معتمد كاكتشاف علمي حقيقي لا بد من دراسات جادة و معتمدة من جهات و مؤسسات علمية متخصصة و معترف بيها و عشان ده يتم محسن بيحتاج متخصصين يعملو تحت إمرتو و تمويل و تفرغ تام ....
أمين محمد سليمان :: كــاتب نشــط::	التوقيع: ربما لو لم يكن هذا الجدار .. ما عرفنا قيمة الضوء الطليق !!

24-09-2012, 04:46 PM	#[873]
أمين محمد سليمان :: كــاتب نشــط::	بابكر و مبر ... ياخي والله أخجلتو تواضعنا المافي ده .... و يا مبر ياخي ... الأمر ليس كما تعتقد و لو ما كنت شايف إنو المسالة ببقي فيها عدم إحترام للناس الهنا و الهناك بالدخول في التفاصيل لدخلت من كل الأبواب .... ياخونا بالجد ايدكم معانا ... نساعد رقبتنا - ما محسن - في نشر الكلام ده و إثباتو و التاكد منو ... و عندي إقتراحات بجيبها لمن القي فرقة إن شاء الله !!
أمين محمد سليمان :: كــاتب نشــط::	التوقيع: ربما لو لم يكن هذا الجدار .. ما عرفنا قيمة الضوء الطليق !!

24-09-2012, 05:45 PM	#[874]
أسعد :: كــاتب نشــط::	يا سلام يا امين ياخ دا كلام في السلك محسن خالد دا بمثابة جهاز كاشف الذهب زي ما قلت ليهو قبل كدة في المنتدى دا وح نظلم روحنا ونظلم السودان لو خليناهو يكتشف ويحفر الدهب محسن دا المفروض يكون عندو فريق متخصص زي ما قلت ومحسن دا يخت ليهم الـ Layout وباقي الفريق يكمل الباقي يا زول كلامك تش التش واقتراحي انا دا اذكر انو كان في اقتراح في سودانيات انو تتعمل حاجة باسم (خالد الحاج) حاجة كدة ما اتحددت لكن تكون مفيدة ثقافيا او علميا اها اظن انو دي ممكن نقول (ابو الجنا ولاقا) تتعمل عبر سودانيات حاجة كدة توفر لمحسن الدعم المادي من اجل توظيف فريق عمل في اكمال مشروعه وباي زا واي اصلن المشروع محسن اهداهو لي المرحوم خالد الحاج موش قلت ليكم ابو الجنا ولاقا؟!
أسعد :: كــاتب نشــط::

25-09-2012, 12:33 AM	#[875]
أمين محمد سليمان :: كــاتب نشــط::	اقتباس: المشاركة الأصلية كتبت بواسطة وجدي الأسعد الأسعد محسن خالد دا بمثابة جهاز كاشف الذهب زي ما قلت ليهو قبل كدة في المنتدى دا وح نظلم روحنا ونظلم السودان لو خليناهو يكتشف ويحفر الدهب محسن دا المفروض يكون عندو فريق متخصص زي ما قلت ومحسن دا يخت ليهم الـ Layout وباقي الفريق يكمل الباقي يا زول كلامك تش التش واقتراحي انا دا اذكر انو كان في اقتراح في سودانيات انو تتعمل حاجة باسم (خالد الحاج) حاجة كدة ما اتحددت لكن تكون مفيدة ثقافيا او علميا اها اظن انو دي ممكن نقول (ابو الجنا ولاقا) تتعمل عبر سودانيات حاجة كدة توفر لمحسن الدعم المادي من اجل توظيف فريق عمل في اكمال مشروعه القول ما قلت يا عم وجدي ... محسن عمل العليه و زيادة ... الباقي الناس لو مهتمه إنو نودي الشغل ده المرحلة الاهم و اللي هو إثبات هذا الكلام ... لو البوست ده إنتشر في حتات تانيه أو لو زول بعرف منظمات مهتمة ممكن تشرف و تمول الشغل ده بنكون ماشين في الطريق الصحيح .... الشغل ده شغل للسودان كلو و لو الحكومة دي عندها دم .... عليفة يوم واحد من موارد البلد البعلفو فيها من سنة 89 كافية جدا لتمويل الشغل ده !!
أمين محمد سليمان :: كــاتب نشــط::	التوقيع: ربما لو لم يكن هذا الجدار .. ما عرفنا قيمة الضوء الطليق !!

25-09-2012, 04:39 AM	#[877]
طارق صديق كانديك :: كــاتب نشــط::	سلامات يادكتور بابكر هل تعتقد أن جهد محسن خالد في هذا المبحث لا يستحق الاهتمام به ومحاولة توفير بيئة ايجابية تدعم الفكرة التي (فهمتها أنت) من هذا البوست.؟
طارق صديق كانديك :: كــاتب نشــط::	التوقيع: الشمس زهرتنا التي انسكبت على جسد الجنوب وأنت زهرتنا التي انسكبت على أرواحنا فادفع شراعك صوبنا كي لا تضيع .. ! وافرد جناحك في قوافلنا اذا اشتد الصقيع واحذر بكاء الراكعين الساجدين لديك إن الله في فرح الجموع الفيتوري .. !!

25-09-2012, 09:19 PM	#[879]
أمين محمد سليمان :: كــاتب نشــط::	اقتباس: المشاركة الأصلية كتبت بواسطة بابكر عباس سلامات يا أمين، عليك الله، كدي أكتب لي الحاجات الإنت طلعت بيها من البوست وداير تثبتها، في شكل نقاط، يمكن نقدر نساعد في إيجاد تمويل. يا عم بابكر ... محسن في هذا البوست جاء بكلام عن بدء الخلق و مكان نزول سيدنا ادم و وجود المدن السودانية و قتل قابيل لهابيل و ارتباط القتل ده فيما بعد بالوثنيات و الديانات الوثنية و أشياء أخري لا تقل أهمية تاهت من الذاكرة ... جاء محسن بكلام لم يسبقة عليه أحد من العالمين و جاب معاهو شواهد في البوست ده نفسو .... شواهد ممكن نتفق و نختلف معاها لكنها بالتاكيد فيها sense و منطق واضح ....وعشان ننتقل من مرحلة الكلام و الشواهد البي الصور في منتدي لا يطلع عليه إلا عدد محدود من الناس لمرحلة البحث العلمي المعترف بيه في المؤسسات العلمية .... الزول ده محتاج يتفرغ تماما و لسنين عددا و بميزانية كبيرة و بمساعدة علماء متخصصين ... الكلام ده عشان يحصل لا بد من إنو جهة ما تقتنع أو to sense الكلام ده عشان تخت جهد و قروش و وقت .... و دي الحته اللي بفتكر اننا نسعي فيها .... وضح لي من مداخلاتك الفاتت انك skeptical و ممكن يكون كلام محسن ده كلو ما راكب ليك في راسك ... و ده كلام جميل و مفهوم ... لكن حقو تعرف إنو في ناس هنا شالو كلام محسن ده و دوروهو اسابيع و إقتنعو بصحة ما فيه من خلاصات و إضافات مش لينا نحن في السودان الشقيق لكن للبشرية دي كلها .... خت ايدك في أيدنا و فتش معانا جهة مانحة عشان الكلام يبقي بالوسائل المختبرة الاتكلمت عنها دي !!
أمين محمد سليمان :: كــاتب نشــط::	التوقيع: ربما لو لم يكن هذا الجدار .. ما عرفنا قيمة الضوء الطليق !!

30-09-2012, 03:42 PM	#[882]
بله محمد الفاضل :: كــاتب نشــط::	سلامٌ ومحبة هزني الشوقُ إليك هزا فبت كدرويشٍ في معبدِهِ (معبد الشوق) لوجودك يا صاحب مساحات نرتادها فتسمو أرواحنا وإن لم نمسك بأطرافِ رياحها ونحلق إلى أبعادها المبذولة أن عُد يا صاحب فأمكنتك يباب شكراً لك أمين على التنبيه إلى هذا الدرب المهم الذي تستحقه رؤى/فتوحات/نظريات... صاحبنا المحسن.. أتمنى أن يتحول هذا الأمر إلى أمر عملي وتُقطف ثماره تحياتي واحترامي
بله محمد الفاضل :: كــاتب نشــط::	التوقيع: [align=center]الراجِلُ في غمامةٍ هارِبةْ[/align]

06-10-2012, 07:33 PM	#[885]
محسن خالد :: كــاتب نشــط::	يا سلالام زارتنا البركة يا بروف أمين وألف مرحب بيك في هذا البوست وفي سودانيات كمان كتّر خيرك يا عزيزي على المودة التي أدعو الله أن يجزيك منها ما لا قِبَل لي به مشتاقين يا رجل الحب أجزله وعميم السلام لصديقي وأخوي بلّه الكريم والسمح ألف مرحب بالعزيز أسامة بابكر، حبابك في سودانيات، مشتاقين يا رجل ووينك قاطع المرقة؟ الرشيد وقيقراوي والجيلي وهيثم طه وفيصل والزول وسارة الشوق يسوِّي هيلتو، وود البتولا في قليلتو، عذركم ومحبتكم هي ما أؤمّل وما ينفعني هنا ويوم الدين، أما مشتاقين وعفوكم طارق كانديك وسماح وأشرف أحبكم لامن تقولوا الرووب. سناء مرسي ياختي وينك؟ ليك وحشات لا تنفد بابكر عبّاس لك الود وللمادح مُبر، أريتو حالكم زين التحايا لأصدقائي وأصدقاء هذا البوست جميعهم
محسن خالد :: كــاتب نشــط::