الى أخانا الذى عثمان بشرى وأخانا اللذيذ صلاح الأمين

[محمد ديكور]

Monday at 09:54 ·
الى اخانا الذى ...........عثمان بشرى
واخانا اللذيذ صلاح الامين وناس

اللقيا فاتحة خير
اللقيا مابس السلام والقلده
والحال والاهل طيبين
وكيف ناس البلد
اللقيا كيف ما المويه تهبش راس طفل
يشهق عليك ينترعك
واللقيا سر العارفين العاشقين
الاوفياء
لما العيون تنلاقى بالدس فى الحنين
تتضارى بى توب الخجل
تهبش طرف عينك تزوغ تتلم تتضاير
تفوت وتعود تكاويك من جديد بالشوف
ياحنين
اللقيا
كيف

[بله محمد الفاضل]

اللقيا فاتحة خير
اللقيا مابس السلام والقلده
والحال والاهل طيبين
وكيف ناس البلد
اللقيا كيف ما المويه تهبش راس طفل
يشهق عليك ينترعك
واللقيا سر العارفين العاشقين
الاوفياء
لما العيون تنلاقى بالدس فى الحنين
تتضارى بى توب الخجل
تهبش طرف عينك تزوغ تتلم تتضاير
تفوت وتعود تكاويك من جديد بالشوف
ياحنين
اللقيا
كيف

الله الله
تشكر والله يا محمد
على هذا الكلام الوثاب
وأفانينه في الحنين وإعلاء اللقيا
كفن سوداني صميم لا أظن أن أحداً يشاركنا إياه
بكل هذه العمتات التي مهما كانت قوتها فإنها لا تكتم النفس
بل تجعله نباضاً بالعافية...


.....
ينترعك: أظنك تقصد ينتزعك.
تنلاقى: لأن ما بعدها (تتضارى) فإنها تكون تتلاقى أو تكون تتضارى تنضارى
للانسجام


تحياتي عبرك لود البشرى صاحبنا جهير الروح والخطى...

[فتحي مسعد حنفي]

هسة ياديكور أخاك الذي دا نديهو صفة من عندنا ولا كيف؟؟؟نقول مثلا الذي بناه الجاك ولا كيف

[محمد ديكور]

بله عليك السلام والاحترام
شكرا كتر الله الخير فيك واصلو كتير أنِى بنقصد يزيدو كتره على العلى ،وشكرا على ملاحظاتك لكن كل ما حمرتهو اعلاه فهو مقصود ،فى العاميه شديد اللتنا بنكتب ينترعك وننلاقو باكر وكدى يعنى عامى على فصيح وتسلم ياشفيف

[محمد ديكور]

استاذى وملاذى فتحى مسعد حنفى اشواق كميات
وتيه اتاكا
اخانا الذى عثمان بشرى بناهو الجاك مثلا ممكن نضيفها للقاموس بتاع الذى ليس تحته
كيفك انت وصحتك عساك كما اتمناك
دمت معافى

[يحي عثمان عيسي]

اقتباس:
المشاركة الأصلية كتبت بواسطة محمد ديكور
بله عليك السلام والاحترام
شكرا كتر الله الخير فيك واصلو كتير أنِى بنقصد يزيدو كتره على العلى ،وشكرا على ملاحظاتك لكن كل ما حمرتهو اعلاه فهو مقصود ،فى العاميه شديد اللتنا بنكتب ينترعك وننلاقو باكر وكدى يعنى عامى على فصيح وتسلم ياشفيف



ونمن يلمي الفصيح والعامي يتطلع حاجه زي دي في غاية الروعة
تحياتي المترعات محمد

[فتحي مسعد حنفي]

المشاركة الأصلية كتبت بواسطة محمد ديكور

استاذى وملاذى فتحى مسعد حنفى اشواق كميات
وتيه اتاكا
اخانا الذى عثمان بشرى بناهو الجاك مثلا ممكن نضيفها للقاموس بتاع الذى ليس تحته
كيفك انت وصحتك عساك كما اتمناك
دمت معافى

دائما كما عهدناك كلماتك بلسم تشفي العليل وعبرك أرسل تحياتي لكل من تحب ياجميل الدواخل.البرة ما عندي بيهو شغلة..

[محمد ديكور]

يحيى عثمان عليك السلام
سعيد جدا وشاكر ليك المرور انشاء الله مانجيك فى شين

[محمد ديكور]

المشاركة الأصلية كتبت بواسطة فتحي مسعد حنفي

دائما كما عهدناك كلماتك بلسم تشفي العليل وعبرك أرسل تحياتي لكل من تحب ياجميل الدواخل.البرة ما عندي بيهو شغلة..

شكرا جميلا استاذى الجليل فتحى مسغد وكلامك دا بيرمى الطاقيه يعنى الراس دا بيكبر عليها.
سلمت ودمت

[عكــود]

اللقيا كيف ما المويه تهبش راس طفل
يشهق عليك ينترعك

سلام يا محمد ديكور،

قرّبت أقوم أعرِض ساعة قريت الفوق ده!
يسلم خيالك ياخ.

ثمّ، مشتاقين ولا تطوّل الغيبات، الله يرضى عليك.

[عبد الله ضوينا]

سلام ديكور ...وبقية المتداخلين
...........................................
واللقيا سر العارفين العاشقين
الاوفياء
لما العيون تنلاقى بالدس فى الحنين
تتضارى بى توب الخجل
تهبش طرف عينك تزوغ تتلم تتضاير
تفوت وتعود تكاويك من جديد بالشوف
ياحنين



الناس ديل ناقصين ؟
ضمرة وين

[محمد ديكور]

المشاركة الأصلية كتبت بواسطة عكــود

سلام يا محمد ديكور،

قرّبت أقوم أعرِض ساعة قريت الفوق ده!
يسلم خيالك ياخ.

ثمّ، مشتاقين ولا تطوّل الغيبات، الله يرضى عليك.

الشوق يا صديقى عكود من هنا لاعندك والغيبات مامقصودات لكن المعايش والانترنت مابنلاقو نحاول جهدنا انت كيفنك والعيال عساك بخير اتمناك طيب دايما وبجيك بى دروبا اخرى

[محمد ديكور]

المشاركة الأصلية كتبت بواسطة عبد الله ضوينا

سلام ديكور ...وبقية المتداخلين
...........................................
واللقيا سر العارفين العاشقين
الاوفياء
لما العيون تنلاقى بالدس فى الحنين
تتضارى بى توب الخجل
تهبش طرف عينك تزوغ تتلم تتضاير
تفوت وتعود تكاويك من جديد بالشوف
ياحنين



الناس ديل ناقصين ؟
ضمرة وين

يا ضوينا الجميل سلامى ليك
ضمره وين ياضوينا الزول الجميل وانت كيفنك فعلا اللمه ناقصه عزيزنا ضمره وياريتو معانا دايما .
سلمت ودمت بخير

[محمد ديكور]

حصل قابلتو زوله خاتفة لونين لونها بين الدهب واللهب زى التمره وحر الجمره بتدخل تمرق وتعرك روحك زى البروه ومابتستنى تعيرك نظره تقيد الجمره وتاطاء تثكل وتسال من الحمره تكون الجمره ولا التمره وتسال تانى تكون مفتكره خاتفة لونين لون الدهب واللهب اريتك سالمه وانشاء الله اللون لون زينب آبنيه مابسوى شى طب دى بنيه تقابلك صدفه شوف هن سوت ؟؟؟؟؟؟؟؟؟؟؟؟؟؟؟؟؟

[محمد ديكور]

هذه البنت يالها من لون