بورداب لندن ... لقاء عيد الاضحى المبارك

[Garcia]

الاعزاء بورداب لندن
كل سنة وانتم طيبين وعيد سعيد وربنا يحقق كل الامنيات ..
بمناسبة قدوم عضوة بالمنتدى عزيزة لدينا الى لندن ..
نود منكم ان نحدد يوم نلتقى فيه فى ايام العيد ...
وهذا بمثابة إعلان للتفاكر حول الزمان والمكان ..

عصمت العالم
عبدالباقى الريح
عبدالله وداعة
حنينة
ودالنيل
نبيل
عيسى عثمان
عبدالماجد

وعذرا لو سقط اى اسم سهوا .. والرجاء المراسلة عبر
البريد الداخلى فى المنتدى لمزيد من التفاصيل ..

[haneena]

أنا معاكم يا قارسيا
كل عام و الجميع بخير

أضيف للقائمة .....
أسعد البرير
بابكر مخير
محمد
علي عبدالرحيم
أمين السيد
أمير عمر

و كل من نسينا إسمه/ا

[عصمت العالم]

العزيز الاديب قارسيا..

نحن على اهبة الاستعداد وحالة الاستنفار القصوى... ارجو ارسال التفاصيل عبر الهاتف او البريد الداخلى..

واحب ان اوضح فى القائمه التى اضافتها العزيز حنينه...ان الاخ على عبد الرحين لا يستطيع ان يكون معنا لانه طريح المستشفى اثر جلطه دماغيه..نسال له الشفاء..

عميق الاعزاز

[Garcia]

الاعزاء : حنينة - عصمت
تسلموا للمرور وتأكيد الحضور واضافة بعض الاسماء للقائمة ...
ونتمنى للاخ على ان يقوم بالسلامة ان شاء الله وليتنا نسجل
له زيارة فى اجازة العيد باسم سودانيات ..
وسنتواصل بالتلفون والبريد للتفاصيل الاخرى ...

[haneena]

الأخ الحبيب عصمت
ألف سلامة للأخ على عبدالرحيم
معليش أعذرني..فغيابي الفترة الفاتت بعيدآ عن سودانيات و دخولي المحدود جدآ لم يتح لي الفرصة
للتعرف على ما يحدث
ربنا يشفيه و يرجعه بيته سالم
دعواتنا له
أتفق مع قارسيا على تنسيق للزيارة له

نشوفكم و بيناتنا تليفون

تحياتي للأسر الكريمة

[نبيل عبد الرحيم]

Dear garcia
Its great idea i will call you
happy new year & happy eaid
for every one
Nabeil

[Garcia]

الاخ / نبيل
كل سنة وانت واسرتك الكريمة طيبين وبكل الخير ..
عيد سعيد وربنا يحقق كل الامنيات العذبة ...

[عبدالباقي عبدالحفيظ الريح]

كل عام و الجميع بخير و يحقق امنياتكم

ماذا تم بشأن لقاء العيد يا ناس لندن؟؟

[bayan]

كل سنة وناس لندن بالف خير تامين لامين سعداء
مع احبابهم..
ولك يا قارسيا سنة حلوة مترعة بالنجاح والفلاح

[Garcia]

الاستاذ / عبدالباقى الريح
عيدك سعيد وكل سنة وانت والاسرة الكريمة بكل خير وهناء ..
بالنسبة الى اللقاء امن الغالبية على الفكرة لكن لم يحدد بعد زمان ..
ومكان اللقاء ويبدو ان الناس انشغلت بزحمة العيد ورأس السنة ..
عموما نرحب بأى مقترح منك لهذا اللقاء ..
ودمت بخير وعافية ..

[Garcia]

العزيزة الغالية بيان
كل سنة وانت واحبابك بكل الحب والسعادة ..
وربنا يحقق ليكم كل الامانى ..

[بسمله]

كل سنه و انتو طيبين و حلوين كدا ..
جارسيا انا سمعت انك فنان و عازف ماهر الكلام دا صحى ؟ و الله انا بتكيف للناس الموهوبه دي بشكل .. من زمان ما اتمنيت اعزف غير بيانو و بعد دا ما اجدت الموضوع كويس ..
كل سنه و انتو متلمين على خير
كل سنه و سودانيات اكبر و اعظم ..

[Garcia]

العزيزة بسملة
كل سنة وانت طيبة وربنا يحقق ليك امنياتك ..
منو الاطلق الإشاعة دى وقال ليك انا فنان دة
هل قصده فنان بمعنى مغنى ؟؟؟
دة اكون جقجق ياربى ولا احمد امين
عازف ؟ ايوا لكن لا استطيع ان اقول ماهر
العزف على اى آلة موسيقية يحتاج لمثابرة وموهبة
وصبر طويل والمسألة بالنسبة لى هواية وليس احتراف او
تخصص . ومعظمنا يفتقد حتة الصبر دى مش كدة
مثلا : تلقى الواحد داير إتعلم العزف على آلة فى فترة قصيرة جدا ..
المنتدى ملئ بمواهب وخريجى معهد الموسيقى وسيفيدوك اكثر ..
منى بالطبع فى النصائح .. واخص بالذكر الاخوة الاحباء :
عزيز خطاب وطارق ابوعبيدة ... ولك كل التحية الندية والمودة ..

[خضر عبدالغفور]

[QUOTE=Garcia]الاعزاء بورداب لندن
كل سنة وانتم طيبين وعيد سعيد وربنا يحقق كل الامنيات ..
بمناسبة قدوم عضوة بالمنتدى عزيزة لدينا الى لندن ..
نود منكم ان نحدد يوم نلتقى فيه فى ايام العيد ...
وهذا بمثابة إعلان للتفاكر حول الزمان والمكان ..

عصمت العالم
عبدالباقى الريح
عبدالله وداعة
حنينة
ودالنيل
نبيل
عيسى عثمان
عبدالماجد

وعذرا لو سقط اى اسم سهوا .. والرجاء المراسلة عبر
البريد الداخلى فى المنتدى لمزيد من التفاصيل .. [/QUOTE

[خضر عبدالغفور]

اتمني اللقاء