انا الكتلت الشيخ الشريف

مها عبدالمنعم · 22-11-2013, 10:13 AM

يوماتي امرق اصلي الصبح حاضر مع شيخ شريف الشريف في مسجد الشريفاب الراجل بعد الصبح اتعود يقول درس ودروسو كانت من نوع اي والله العرقي سمح بس حرام فياشباب وياشيوخ ابعدو منو قبال يبعدكم الموت المامنو فوت وكمان مره اي والله النسوان سمحات بس كمان كان الواحده مي حلالك اختاها تب بتجر في ذيله النار النار فاانجو النجاة النجاة ...لمن يوم هبشني ليك في لححمي الحي قال ياشباب الجامعه انتو اهلكم رسلوكم للقرايه والاالمباره وفي الاخر سقوط في الجامعه ووفشل في الدنيا وتجو تلومو الحكومه م وفرت لكم وظائف كان نافعين وجايبين درجات علميه سمحه كان علي الاقل اغتربتو والسفر فيهو سبعه فوائد قلت بس يازول ها انا دا متخرج لي عشره سنه وبمرتبة الشرف الاولي وكمان عملت ماجستير ودخلت عشرين معاينه م اشتغلت قال السفر علي الحرام غلطان انا البصلي وراك عمري كلو ومن صبح الليله دي اخر صلاة معاك
وشدة ما اتغظت سمعت الراجل كلامي اشان ما يكون غيبه في ضهرو وبس الجماعه مسكو نص كلامي ومرقوني كافر لازم يحاكوني بحد الرده علي اعتبار اني قلت ماحااصلي وانا كلامي كان مختلف وبدت معركة اثبات الحادي وكفري علي كافة الاصعده
اشاعات وكلام مع ابوي شيخ اللمين ومجالس وناس داخله وناس تهدد بهدر دمي واتلمن علي العطاله والظلم وابوي دا يصدقني والا يكذب الشيخ
يتبع

مها عبدالمنعم · 22-11-2013, 10:25 AM

اول ايام ماكنت برد بس بسمع واتبسم بس لقيت الشغله قلبت جد والناس بقت تتجنبني صحي صحي والغريب ماخليت صلاتي ولا يوم بس بديت اصدق انا ملحد يارب الالحاد دا كدي يعني مابمشي الدين من غير الصلاة مع شيخ شريف الشريف من الشرفاب !
ياناس يا بشر مش الله واحد والنبي محمد هو الخاتم !
الحاجه امي الله يديها العافيه شيخ شريف دا كلامو منزل عندها من يوم قال الولد صبا قعدت تفتش شنو يعني صبا من يوم عرفته كانت تجيب لي كباية الشاي وترميها في الطربيزه وهي تستغفر وزي بسمع حسها المانطق يقول
تكفر بشيخ شريف منو انت يافاشل يا معلق شهاداتك وتتقعد في الضلله
يتبع

سجمان · 22-11-2013, 10:40 AM

اقتباس:

المشاركة الأصلية كتبت بواسطة مها عبدالمنعم

اول ايام ماكنت برد بس بسمع واتبسم بس لقيت الشغله قلبت جد والناس بقت تتجنبني صحي صحي والغريب ماخليت صلاتي ولا يوم بس بديت اصدق انا ملحد يارب الالحاد دا كدي يعني مابمشي الدين من غير الصلاة مع شيخ شريف الشريف من الشرفاب !
ياناس يا بشر مش الله واحد والنبي محمد هو الخاتم !
الحاجه امي الله يديها العافيه شيخ شريف دا كلامو منزل عندها من يوم قال الولد صبا قعدت تفتش شنو يعني صبا من يوم عرفته كانت تجيب لي كباية الشيخ وترميها في الطربيزه وهي تستغفر وزي بسمع حسها المانطق يقول
تكفر بشيخ شريف منو انت يافاشل يا معلق شهاداتك وتتقعد في الضلله
يتبع

أعتقد كباية الشاي مش

حكي طاعم..
وهادي قعدة وكباية الشيخ قدامي

مها عبدالمنعم · 22-11-2013, 10:40 AM

قلت علي الطلاق ما اصلي مع شيخ تاني بعدين اتبسمت علي نفسي
طلاق شنو هو اساسا انا متين عرست
مش اول اشتغل بعدين اعرس اشان اطلق يلا صلاتي دي ماله يارب عملت الهوا دا كلو يلا الله في
صحي الله راضي بالحاصل دا ؟
استغفر الله العظيم اعوذ بالله من الشيطان الرجيم
ومرقت زي عاداتي من يوم علقت شهاداتي اشتغل بياع في دكان اخر النهار امرق لي كم جنيه يكملن اخر النهار هو اساسا مافي زول بصاحب راجل سجمان رمدان ماعنده قروش وعارف الحكومه حيجي يوم تقول ديل شهاداتهم قديمه ما بعاوزينهم ضيعنه عمرنا ولبسنا نضارات وقالو مثقفين تحت تحت بس اخره قعاد ضلله وصبا !
يتبع

مها عبدالمنعم · 22-11-2013, 10:53 AM

سمعت قال شنو عاملين مجلس لي في المشايخ تبع الشيخ شريف الشريف من الشرفاب لحدهم اها قلت هوي يا ولد يكون دي الاستتابه السمعنا بيها اها وبعديها يدوني كم يوم كان ماصليت مع شيخ شريف يفصلوني ويختمو علي ملحد ملحد ومابعيد يرفعو القضيه دي للمحكمه و...لا حولا انا مجلس مافاضي ليهو ولا بقعد مع رجال شالو نص كلامي وخلو التاني
قلت للحاج ابوي يأبوي هوي ناسك ديل لا يتعبو حالن الصلاة دي مابصليها
ياولد جنيت كيف تخالف اوامر الله
ابوي ما انا بصلي قبلي في البيت ؟
لا دي مابتنفع تصلي مع شيخ شريف الشريف من الشريفاب
يا ابوي
ونهرني ياجنا هوي اسكت نكضب الشيخ ونصدق كلامك يا تحضر المجلس ياتشوف لك بيت تاني تسكنو ياعاطل يافاشل منو انت اشان تعارض الشيخ شريف الشريف من الشرفاب !
مرقت الدكان لقاني سيدو صاري وشي
مالك خير ياعم
الخير من وين يجي من يوم خليت الصلاه مع الشيخ شريف الرزق قل امرق شوف مكان تاني اشتغل فيه والا ارجع الصلاة مع الشيخ شريف الشريف من الشرفاب !
يتبع

مها عبدالمنعم · 22-11-2013, 11:06 AM

اقتباس:

المشاركة الأصلية كتبت بواسطة سجمان

أعتقد كباية الشاي مش

حكي طاعم..
وهادي قعدة وكباية الشيخ قدامي

سلامات
صح صح كباية الشاي
اها دي بركات شيخ شريف الشريف من الشرفاب

مها عبدالمنعم · 22-11-2013, 11:19 AM

الناس في الفريق بدت حملة مقاطعه جاده هسي كان تعبن دا عملو في الحله المن الخمسينات مازاد فيها شي حلة فيها تلاته دكاكين والداير يعرس يخطب ليهو شيخ شريف الطهور الا يحضرو شيخ شريف الزكاة يقسمه شيخ شريف العسكر شيخ شريف ال....اخير بدل النقه امش البحر كان جبت لي سمكه والا اتنين
كوركت للولد صاحبي يوسف مرقت امو مالك ياولد ؟
ياخاله...
خلخل ضروسك هوي يا سيف ابعد من ولدي لا تلحقو غضبة شيخ شريف !
ياخاله غضبة شنو شيخ شريف دا انتي قايلاه الله والا شنو!
الله يكسر كرعيك المكعوجات ديل امشي امشي
ومشيت مسافه اسمع صوت يوسف من بعيد قلت هوي طنشو
بس لحقني يضحك قايل اها يا مغضوب عليهم مالك مطنشنا
يا زول فترت امك دي تشبه امي تمام ماشي اصيد لي كم سمكه كمان كان ما تبعتني لعنة شيخ زفت دي
ومع قولة شيخ زفت دي الا وما اسمع ليك صرااااج كف في وشي من عم علي غفير حواشة شيخ شريف كان ماشي ورانا
قلت يا راجل جنيت مالك بسم الله والله كان ماكنت راجل كبير ما اخليك بس امش امش الله يهديك
يهديني يا صابي يا مارق من طوع الشيخ
اتغميت جد جد جدعت السناره والصراقيل وقلت ليوسف علي الحرام يا انا يا شيخ شريف دا في الحله دي
حتعمل شنو يعني !
ح اخليها ليهو وامرق يمكن نلقي لي فريق كافر اسكن فيه مع السلامه واوعا تكلم اهلي كان سالوك وين مشيت !

مها عبدالمنعم · 22-11-2013, 12:05 PM

مرقت واول يوم ماعرفت امشي وين والا منو ممكن يكون مامعتقد في انه الشيخ شريف ايده واصله اتذكرت رفعت صاحبنا خمسه سنه ما شفتو بس ياهو كان في وما حصل عليه امر الله
سافرت من دربي ميمم علي جيهات مدني ونزلت البيت ياهو زاتو بس التقول ما ساكنو زول
دقيت الباب جاتني حاجه طيبه الزمن ماقصر فيها الشيب والعكاز سلمت وهي في نفس طيبته الزمان دخلتني والتقول عرفتني بس ماعرفتني ...بعد الشاي المنعنع سالتها يا خاله رفعت في البلد والا هاجر
قاعد اشتغل محل ابوهو انت ماك صاحبو المن علي جيهات شيخ شريف ؟
اي
سمح ادخل لجوه بجي متاخر كمان كان مشيت السوق بتلقي قاعد
لا لا برجاه فتران كان مافيها غلبه بنوم
ياولدي مافي غلبه البيت ترا فاضي بدور اليسكن فيهو بعد الناس رحلو وفاتوه !

مها عبدالمنعم · 22-11-2013, 12:15 PM

يمين بالله الدنيا نورت عدييييل في وشي اشتغلت مع رفعت بعد رحب بي وهو يضحك علي مصائب حلتنا
رجعت اقوم الصباح احصل الصبح في الجامع القريب من بيتهم لا درس صباحي لا حاج يحكم
سالت يوم الشيخ عن الصبا الحكوموني بيه اتبسم قال لي يا زول امسك في ربك فرد عوجه بتجيك مافي ومافي زول بقول لزول كافر ساي زولكم دا سامعين بقصصو بس الناس المطلعنو في راسهم
سنتين في امان الله وقلت نرجع نوري اهلي حالي
يومي الختيت كراعي اسمع الكوراع
اوروروك ود حاج اللمين الكتل شيخ شريف الشريف رجع !
كتل شنو ؟بس الناس ماصدقو واكضب !جريت قلت الناس جنت جد يكتلوني بشباشبم يمكن

أبو جعفر · 22-11-2013, 03:33 PM

ما شاء الله ربنا يغطي عليك

اشرف السر · 22-11-2013, 08:12 PM

شغل جيد يا مها
على مستوى الفكرة ومعالجتك ليها في النص..

ملحوظة:

اقتباس:

المشاركة الأصلية كتبت بواسطة مها عبدالمنعم

كتل شنو ؟بس الناس ماصدقو واكضب !جريت قلت الناس جنت جد يكتلوني بشباشبم يمكن

أكان دي ما كلفتة... الكلفتة تكون كيفن؟

النور يوسف محمد · 22-11-2013, 11:47 PM

سرد ممتع وخيال جامح
ومن على ذروة الاحداث ننتظر الهطول

تحياتى

مها عبدالمنعم · 23-11-2013, 12:24 PM

اقتباس:

المشاركة الأصلية كتبت بواسطة أبو جعفر

ما شاء الله ربنا يغطي عليك

سلامات عمنا ابو جعفر
وربنا يحفظك سالما غانما منعما مكرما
شكرا سيدي

مها عبدالمنعم · 23-11-2013, 12:29 PM

اقتباس:

المشاركة الأصلية كتبت بواسطة اشرف السر

شغل جيد يا مها
على مستوى الفكرة ومعالجتك ليها في النص..

ملحوظة:

أكان دي ما كلفتة... الكلفتة تكون كيفن؟

سلامات اشرف
شكرا ..
من امس عندي صداع من القصه دي

اجي اعاين ليها اقول استوب هنا
امرق منها الراجل دا قاعد في راسي لسه

بس يا انا يا شيخ شريف الشريف من الشرفاب دا

مها عبدالمنعم · 23-11-2013, 12:31 PM

اقتباس:

المشاركة الأصلية كتبت بواسطة النور يوسف محمد

سرد ممتع وخيال جامح
ومن على ذروة الاحداث ننتظر الهطول

تحياتى

سلامات استاذنا
شكرا حيث انا في محنه حقيقيه مع هذا الرجل بعد جريته المهم الله يستر وكدا
بالنسبه لبسم الله الرحمن الرحيم التي اعتدت علي بدء كلامك بها
وينه ؟

22-11-2013, 10:13 AM	#[1]
مها عبدالمنعم :: كــاتب نشــط::	انا الكتلت الشيخ الشريف يوماتي امرق اصلي الصبح حاضر مع شيخ شريف الشريف في مسجد الشريفاب الراجل بعد الصبح اتعود يقول درس ودروسو كانت من نوع اي والله العرقي سمح بس حرام فياشباب وياشيوخ ابعدو منو قبال يبعدكم الموت المامنو فوت وكمان مره اي والله النسوان سمحات بس كمان كان الواحده مي حلالك اختاها تب بتجر في ذيله النار النار فاانجو النجاة النجاة ...لمن يوم هبشني ليك في لححمي الحي قال ياشباب الجامعه انتو اهلكم رسلوكم للقرايه والاالمباره وفي الاخر سقوط في الجامعه ووفشل في الدنيا وتجو تلومو الحكومه م وفرت لكم وظائف كان نافعين وجايبين درجات علميه سمحه كان علي الاقل اغتربتو والسفر فيهو سبعه فوائد قلت بس يازول ها انا دا متخرج لي عشره سنه وبمرتبة الشرف الاولي وكمان عملت ماجستير ودخلت عشرين معاينه م اشتغلت قال السفر علي الحرام غلطان انا البصلي وراك عمري كلو ومن صبح الليله دي اخر صلاة معاك وشدة ما اتغظت سمعت الراجل كلامي اشان ما يكون غيبه في ضهرو وبس الجماعه مسكو نص كلامي ومرقوني كافر لازم يحاكوني بحد الرده علي اعتبار اني قلت ماحااصلي وانا كلامي كان مختلف وبدت معركة اثبات الحادي وكفري علي كافة الاصعده اشاعات وكلام مع ابوي شيخ اللمين ومجالس وناس داخله وناس تهدد بهدر دمي واتلمن علي العطاله والظلم وابوي دا يصدقني والا يكذب الشيخ يتبع التعديل الأخير تم بواسطة مها عبدالمنعم ; 22-11-2013 الساعة 10:16 AM.
مها عبدالمنعم :: كــاتب نشــط::

22-11-2013, 10:25 AM	#[2]
مها عبدالمنعم :: كــاتب نشــط::	اول ايام ماكنت برد بس بسمع واتبسم بس لقيت الشغله قلبت جد والناس بقت تتجنبني صحي صحي والغريب ماخليت صلاتي ولا يوم بس بديت اصدق انا ملحد يارب الالحاد دا كدي يعني مابمشي الدين من غير الصلاة مع شيخ شريف الشريف من الشرفاب ! ياناس يا بشر مش الله واحد والنبي محمد هو الخاتم ! الحاجه امي الله يديها العافيه شيخ شريف دا كلامو منزل عندها من يوم قال الولد صبا قعدت تفتش شنو يعني صبا من يوم عرفته كانت تجيب لي كباية الشاي وترميها في الطربيزه وهي تستغفر وزي بسمع حسها المانطق يقول تكفر بشيخ شريف منو انت يافاشل يا معلق شهاداتك وتتقعد في الضلله يتبع التعديل الأخير تم بواسطة مها عبدالمنعم ; 22-11-2013 الساعة 10:42 AM.
مها عبدالمنعم :: كــاتب نشــط::

22-11-2013, 10:40 AM	#[4]
مها عبدالمنعم :: كــاتب نشــط::	قلت علي الطلاق ما اصلي مع شيخ تاني بعدين اتبسمت علي نفسي طلاق شنو هو اساسا انا متين عرست مش اول اشتغل بعدين اعرس اشان اطلق يلا صلاتي دي ماله يارب عملت الهوا دا كلو يلا الله في صحي الله راضي بالحاصل دا ؟ استغفر الله العظيم اعوذ بالله من الشيطان الرجيم ومرقت زي عاداتي من يوم علقت شهاداتي اشتغل بياع في دكان اخر النهار امرق لي كم جنيه يكملن اخر النهار هو اساسا مافي زول بصاحب راجل سجمان رمدان ماعنده قروش وعارف الحكومه حيجي يوم تقول ديل شهاداتهم قديمه ما بعاوزينهم ضيعنه عمرنا ولبسنا نضارات وقالو مثقفين تحت تحت بس اخره قعاد ضلله وصبا ! يتبع
مها عبدالمنعم :: كــاتب نشــط::

22-11-2013, 10:53 AM	#[5]
مها عبدالمنعم :: كــاتب نشــط::	سمعت قال شنو عاملين مجلس لي في المشايخ تبع الشيخ شريف الشريف من الشرفاب لحدهم اها قلت هوي يا ولد يكون دي الاستتابه السمعنا بيها اها وبعديها يدوني كم يوم كان ماصليت مع شيخ شريف يفصلوني ويختمو علي ملحد ملحد ومابعيد يرفعو القضيه دي للمحكمه و...لا حولا انا مجلس مافاضي ليهو ولا بقعد مع رجال شالو نص كلامي وخلو التاني قلت للحاج ابوي يأبوي هوي ناسك ديل لا يتعبو حالن الصلاة دي مابصليها ياولد جنيت كيف تخالف اوامر الله ابوي ما انا بصلي قبلي في البيت ؟ لا دي مابتنفع تصلي مع شيخ شريف الشريف من الشريفاب يا ابوي ونهرني ياجنا هوي اسكت نكضب الشيخ ونصدق كلامك يا تحضر المجلس ياتشوف لك بيت تاني تسكنو ياعاطل يافاشل منو انت اشان تعارض الشيخ شريف الشريف من الشرفاب ! مرقت الدكان لقاني سيدو صاري وشي مالك خير ياعم الخير من وين يجي من يوم خليت الصلاه مع الشيخ شريف الرزق قل امرق شوف مكان تاني اشتغل فيه والا ارجع الصلاة مع الشيخ شريف الشريف من الشرفاب ! يتبع
مها عبدالمنعم :: كــاتب نشــط::

22-11-2013, 11:19 AM	#[7]
مها عبدالمنعم :: كــاتب نشــط::	الناس في الفريق بدت حملة مقاطعه جاده هسي كان تعبن دا عملو في الحله المن الخمسينات مازاد فيها شي حلة فيها تلاته دكاكين والداير يعرس يخطب ليهو شيخ شريف الطهور الا يحضرو شيخ شريف الزكاة يقسمه شيخ شريف العسكر شيخ شريف ال....اخير بدل النقه امش البحر كان جبت لي سمكه والا اتنين كوركت للولد صاحبي يوسف مرقت امو مالك ياولد ؟ ياخاله... خلخل ضروسك هوي يا سيف ابعد من ولدي لا تلحقو غضبة شيخ شريف ! ياخاله غضبة شنو شيخ شريف دا انتي قايلاه الله والا شنو! الله يكسر كرعيك المكعوجات ديل امشي امشي ومشيت مسافه اسمع صوت يوسف من بعيد قلت هوي طنشو بس لحقني يضحك قايل اها يا مغضوب عليهم مالك مطنشنا يا زول فترت امك دي تشبه امي تمام ماشي اصيد لي كم سمكه كمان كان ما تبعتني لعنة شيخ زفت دي ومع قولة شيخ زفت دي الا وما اسمع ليك صرااااج كف في وشي من عم علي غفير حواشة شيخ شريف كان ماشي ورانا قلت يا راجل جنيت مالك بسم الله والله كان ماكنت راجل كبير ما اخليك بس امش امش الله يهديك يهديني يا صابي يا مارق من طوع الشيخ اتغميت جد جد جدعت السناره والصراقيل وقلت ليوسف علي الحرام يا انا يا شيخ شريف دا في الحله دي حتعمل شنو يعني ! ح اخليها ليهو وامرق يمكن نلقي لي فريق كافر اسكن فيه مع السلامه واوعا تكلم اهلي كان سالوك وين مشيت !
مها عبدالمنعم :: كــاتب نشــط::

22-11-2013, 12:05 PM	#[8]
مها عبدالمنعم :: كــاتب نشــط::	مرقت واول يوم ماعرفت امشي وين والا منو ممكن يكون مامعتقد في انه الشيخ شريف ايده واصله اتذكرت رفعت صاحبنا خمسه سنه ما شفتو بس ياهو كان في وما حصل عليه امر الله سافرت من دربي ميمم علي جيهات مدني ونزلت البيت ياهو زاتو بس التقول ما ساكنو زول دقيت الباب جاتني حاجه طيبه الزمن ماقصر فيها الشيب والعكاز سلمت وهي في نفس طيبته الزمان دخلتني والتقول عرفتني بس ماعرفتني ...بعد الشاي المنعنع سالتها يا خاله رفعت في البلد والا هاجر قاعد اشتغل محل ابوهو انت ماك صاحبو المن علي جيهات شيخ شريف ؟ اي سمح ادخل لجوه بجي متاخر كمان كان مشيت السوق بتلقي قاعد لا لا برجاه فتران كان مافيها غلبه بنوم ياولدي مافي غلبه البيت ترا فاضي بدور اليسكن فيهو بعد الناس رحلو وفاتوه !
مها عبدالمنعم :: كــاتب نشــط::

22-11-2013, 12:15 PM	#[9]
مها عبدالمنعم :: كــاتب نشــط::	يمين بالله الدنيا نورت عدييييل في وشي اشتغلت مع رفعت بعد رحب بي وهو يضحك علي مصائب حلتنا رجعت اقوم الصباح احصل الصبح في الجامع القريب من بيتهم لا درس صباحي لا حاج يحكم سالت يوم الشيخ عن الصبا الحكوموني بيه اتبسم قال لي يا زول امسك في ربك فرد عوجه بتجيك مافي ومافي زول بقول لزول كافر ساي زولكم دا سامعين بقصصو بس الناس المطلعنو في راسهم سنتين في امان الله وقلت نرجع نوري اهلي حالي يومي الختيت كراعي اسمع الكوراع اوروروك ود حاج اللمين الكتل شيخ شريف الشريف رجع ! كتل شنو ؟بس الناس ماصدقو واكضب !جريت قلت الناس جنت جد يكتلوني بشباشبم يمكن
مها عبدالمنعم :: كــاتب نشــط::

22-11-2013, 03:33 PM	#[10]
أبو جعفر :: كــاتب نشــط::	ما شاء الله ربنا يغطي عليك
أبو جعفر :: كــاتب نشــط::

22-11-2013, 11:47 PM	#[12]
النور يوسف محمد :: كــاتب نشــط::	سرد ممتع وخيال جامح ومن على ذروة الاحداث ننتظر الهطول تحياتى
النور يوسف محمد :: كــاتب نشــط::