القناعات مابين المنابت والمآلات...

[رأفت ميلاد]

يقول ابن قتيبة : « إن النصرانية كانت في ربيعة وغسان وبعض قضـاعة »
ويقول اليعقوبي في تنصر « تميم وربيعة وبني تغلب وطيء ومذحج وبهراء وسليخ وتنـوخ
. ويشهد الجاحظ بقوله : « كانت النصرانية قد وجدت سبيلها بين تغلب وشيبان و عبد
القيس وقضاعة وسليخ والعباد وتنوخ ولخم وعاملة وجذام وكثير بن بلحارث بن كعب... »

لعبدالله موسى

[ماجد تاج]

المشاركة الأصلية كتبت بواسطة رأفت ميلاد

لعبدالله موسى

ـ


كيف الحال يا عم رأفت ..

معتصم الطاهر كبير وممكن يقول ليك حوصت احنا لا ..



من المقتبس الانت جبته الواضح أنو النصرانية كانت تعريف للمسيحية أو المقصود بيها المسيحية كديانة ..

لاحظ السياق فيما نقلته ..

ولو راجعت سيرة ورقة بن نوفل فالواضح أنه كان ابراهيمي ـ حنيفي

قامت نصرانيته على انتظاره للنبي الاتي صلى الله عليه وسلّم ..

وفيما يتعلق بالمجادلة بتاعت الفرق بين النصرانية والمسيحية ودلالاتها أجد أن

البين أن المعنى المراد من نصرانية هو المسيحية كدين لا فئة من البشر بعينها ..

كما أن الاوس والخزرج لم يكونوا من اليهود .. ولا كان منهم اليهود

إنما جاورهم اليهود لاعتقادهم أن يثرب هي مدينة النبي القادم لا محالة ..

كانو قبائل أخرى ( بني قينقاع ، وبني النضير ، وبني قريظة اللي جا منهم الجيلي دا )

الاوس والخزرج عرب صرفين وفي عروبة يهود المدينة قول ..

اشارة عبد الله موسى مضللة اكثر منها شارحة ..

لأن القرآن تكلم عن الديانتين مش عن جنس ..

لما قال اليهود يقصد متبعي الديانة اليهودية

وقطعاً ثمة فرق كبير جداً بينهم وبين النصارى متبعي الديانة النصرانية ـ المسيحية ..

وحدة الجنس أو تعدده لم يكن محل تعرض في الايات التي ورد فيها التفريق ..

إنما كان الدين ..

في المسألة ككل فإن بعث الرسل كان ممرحل وكل نبي كمّل رسالة من قبله ..

راجع أقوال المسيح في الانجيل

والرسول صلّى الله عليه وسلّم جاء خاتماً لكل الرسل ..

كان الرسل من قبله موجهين الى أقوام بعينهم لأسباب ورد تفصيلها في القرآن ..

فلما أراد الله عز وجل أن يكمل للناس الدين بعث محمداً صلى الله عليه وسلم بالدين الخاتم ..

لذلك جاءت الاية التي تخاطب كل البشرية :

" الْيَوْمَ أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمُ الإِسْلامَ دِينًا .... الايه "

كلها تشكل رسالة واحدة :

" شَرَعَ لَكُمْ مِنَ الدِّينِ مَا وَصَّىٰ بِهِ نُوحًا وَالَّذِي أَوْحَيْنَا إِلَيْكَ وَمَا وَصَّيْنَا بِهِ إِبْرَاهِيمَ وَمُوسَىٰ وَعِيسَىٰ ۖ أَنْ أَقِيمُوا الدِّينَ وَلَا تَتَفَرَّقُوا فِيهِ ۚ كَبُرَ عَلَى الْمُشْرِكِينَ مَا تَدْعُوهُمْ إِلَيْهِ ۚ اللَّهُ يَجْتَبِي إِلَيْهِ مَنْ يَشَاءُ وَيَهْدِي إِلَيْهِ مَنْ يُنِيبُ "

وقد قال صلى الله عليه وسلم : " .... وَخَيْرُ مَا قُلْتُ أَنَا وَالنَّبِيُّونَ مِنْ قَبْلِي:

لَا إِلَهَ إِلَّا اللَّهُ وَحْدَهُ لَا شَرِيكَ لَهُ، لَهُ المُلْكُ وَلَهُ الحَمْدُ وَهُوَ عَلَى كُلِّ شَيْءٍ قَدِيرٌ )) ..


مؤكداً وحدة الرسالات



ـ

[معتصم الطاهر]

المشاركة الأصلية كتبت بواسطة عادل عسوم

وعليك السلام يامعتصم
لكن سواك يشكك!
ثم انو...
بعد كل ال(عتّلتو) وجبتو ليك دا وكل السياقات الكتبتها ليك طالما ماشفت فيها أدلة يبقى حأضيف (اقناع معتصم الطاهر) مستحيلاً رابعاً الى مستحيلات العرب وهي الغول والعنقاء والخل والوفي

المشاركة الأصلية كتبت بواسطة عبدالله علي موسى

ال cc وصل يا أستاذ

كنت أتمنى أشوف شبح أجابه للأسئلة الرصيته فوق دي

بما انه دي أسئله جديده ربما ما ظنيت تلقا ليها بحث او رابط تنقله لينا، بعفى ليك تعمل منه رايح

ياخ لو عتلت لى لورى رملة و انا عاوز كيس اسمنت ما حتقنعنى

جيب لى كيس الاسمنت

شنو تقوقل و تجيب

مافى دليل واحد ..

أنا ما ضد رايك .. انا عاوز اعرف بدليل ...مقنع

[عبدالله علي موسى]

المشاركة الأصلية كتبت بواسطة الجيلى أحمد

انت جيت ياكونمار أب شلخة؟

ياخي انته عتيق!!

أنا أفضل سونيل شتي

[عبدالله علي موسى]

المشاركة الأصلية كتبت بواسطة رأفت ميلاد

ما فهمت كلامك ده يا عبدالله وهو مصاحب مداخلتى
قطعاً النصارى براهم واليهود براهم .. اليهود فى الجزيرة العربية معروفين وهم عدد من القبائل الكبيرة أعتقد منهم (الأوس والخزرج) ولهم بواقى حتى الآن فى اليمن .. والنصارى فئة أخرى وكانت تعج بهم مكة ومنهم القس ورقة أبن نوفل .. فبديهى قالت النصارى وقالت اليهود

يا عم رأفت انته يا كورتك الأيام دي مجهجهه يا بتكتب أنصاص اليالي على ذمه عادل عسوم


فوق شبكتني "بشكرك بدون نيه سيئه مبيته" قربته أودي الكلام ده لي فكي يشرحه لي، واليوم مداخلتي بتاعت النصارى ابتدرتها ب"تأكيداً ان النصارى غير اليهود..الخ" لأكن شكلك فهمتها العكس.

معقوله أنا زول عامل فيها مستنير أجي أقول خرابيط زي دي ??


اذا استمرت معاملتك لي بي الشكل ده أنا ح اطالب الاداره ترجع لي صوتي الأديتك ليو في الانتخابات زمان

ولو المقام مقام نقاش جد جد كان اتفندرته في نص البوست وجبته باقي كلام الجاحظ، وعابد الجابر وأنجيل توما وكتب الغنوصين نشوف النصارى مين

[أمين محمد سليمان]

المشاركة الأصلية كتبت بواسطة عبدالله علي موسى

يا عم رأفت انته يا كورتك الأيام دي مجهجهه يا بتكتب أنصاص اليالي على ذمه عادل عسوم

[عادل عسوم]

صباحاتكم دبلان ياجماعة
بالنسبة لي موضوع اليهودية والنصرانية وعمومية الاسلام ا...ناباعتباري ( سيد اللبن) اقصد سيد البوست ...قررت اسقف علي كدا
ف بالله خلونا نشوف لينا ( قناعات) تانية وكدا
ويارافت ميلاد سعيك مشكور موضوعك دا محسوم اصلا زي ما قال ماجد تاج ...بس الظاهر عشموك ثم جهجهوك ناس عبدالله موسى الطلعوا انهم صوتوا ليك في الانتخابات ( زي ما قال ) لكنهم هنا جو بلا شتتوا ليك كورتك ماعملوا حاجة
العاوز اقولو انا المزعلني الجيلي دا العمل مطنش من موضوع العلاقة بين الجمهوريين والحزب الشيوعي السوداني برغم اني ( احسب ) نفسي اول من فطن وتعرض الى ذلك في المنتديات الحايمة دي...
ماعلينا علي قول عمنا صاحب اغاني واغاني داك ...
ف خلونا نشوف لينا ( قناعات) تاني
ؤ نناقشا*
------
* ( ؤ ) الله يطراك بالخير ياقيقراوي

[الجيلى أحمد]

المشاركة الأصلية كتبت بواسطة عادل عسوم

برغم اني ( احسب ) نفسي اول من فطن وتعرض الى ذلك في المنتديات الحايمة دي

الفطن

_______

عفن يااخى عديل كدا

[عادل عسوم]

المشاركة الأصلية كتبت بواسطة الجيلى أحمد

الفطن

_______

عفن يااخى عديل كدا

قول صباح الخير ياالجيلي ياخ
غايتو عفن اخر مرة سمعتها من مساعد الباص وانا راكب ماشي علي الشمالية
بالمناسبة...
ياخي عاوزك تتوسط تكلم الجماعة تقول ليهم كفاية عليهو بوست ( البنقو ) دا في البانر ومابطال لو ختو لينا بوست دخان الرجال داك العنوانو وووووب او كمان بوست صاحبك بتاع المثلييين

[عبدالله علي موسى]

المشاركة الأصلية كتبت بواسطة ماجد تاج

ـ


اشارة عبد الله موسى مضللة اكثر منها شارحة ..

لأن القرآن تكلم عن الديانتين مش عن جنس ..

لما قال اليهود يقصد متبعي الديانة اليهودية

وقطعاً ثمة فرق كبير جداً بينهم وبين النصارى متبعي الديانة النصرانية ـ المسيحية ..

وحدة الجنس أو تعدده لم يكن محل تعرض في الايات التي ورد فيها التفريق ..

إنما كان الدين ..

الأخ ماجد تحياتي ياخي،

مع إنه ده نقاش من النقاشات التي تطيب لي "ديني/تاريخي" على ذلك ارغب عن الأخذ فيه هنا لأنه ما شايف في روح حوار أو مقدمات حوار.

علقت فوق على اننا نتحدث عن أشياء و كأنها عندنا من المسلمات، دة يقول ليك بني إسرائيل نصارى، و دة يقول ليك اليهود نصارى! هو حتت إنه اليهود هم بني إسرائيل دي ذاته فيها كلام والله في مجلدات كتبت عكف بعض أهلها عشرات السنين ليس لهم هم سوى فهم معضلة من هم بني إسرائيل، والله صحي! بعد دة انتهوا ب-"نعتقد..."، أنا ذاتي من العاكفين ديل إلى الآن وصلته حتت انهم أصلاً ناس ما من الأرض دي ذاته.

ما علينا

طبعاً ما قادر أفهم التضليل وين في كلامي، أنا كل القلتة أن اليهود غير النصارى، و إنته جيت وافقت على ذالك! إذا على الدين والعرق الأنا أصلاً ما فصلتهم، دينناً و عرقاً النصارى غير اليهود، دي ما عايزة شرح أصلاً.

ولو راجعت سيرة ورقة بن نوفل فالواضح أنه كان ابراهيمي ـ حنيفي

قامت نصرانيته على انتظاره للنبي الاتي صلى الله عليه وسلّم ..

صراحة أنا شايف كلامك دة الفيو تضليل، تضليل بحسن نية لعلة،

من بداية كلامك يا ماجد أكلت بينا ملف عجيب إذا شافك جيف جوردن "بطل الفورملا ون" كان يغير . ما بين "ورقة بن نوفل فالواضح أنه كان ابراهيمي ـ حنيفي" و "قامت نصرانيته على انتظاره للنبي الاتي صلى الله عليه وسلّم .." أكلتنا زيندية ساي !!

كدي شوف شوف الإقتباس دة...طازج "مافي في قوقل" من مقدمة ديوان اميه إبن ابي السلط و دي مقدمة محققة تحقيق جد جد خليتني أفتشه بي أليل دة بس عشان أتأكد قبلي ما اغالط ساي




تحياتي

[عبدالله علي موسى]

المشاركة الأصلية كتبت بواسطة عادل عسوم

صباحاتكم دبلان ياجماعة
بالنسبة لي موضوع اليهودية والنصرانية وعمومية الاسلام ا...ناباعتباري ( سيد اللبن) اقصد سيد البوست ...قررت اسقف علي كدا
ف بالله خلونا نشوف لينا ( قناعات) تانية وكدا
ويارافت ميلاد سعيك مشكور موضوعك دا محسوم اصلا زي ما قال ماجد تاج ...بس الظاهر عشموك ثم جهجهوك ناس عبدالله موسى الطلعوا انهم صوتوا ليك في الانتخابات ( زي ما قال ) لكنهم هنا جو بلا شتتوا ليك كورتك ماعملوا حاجة
العاوز اقولو انا المزعلني الجيلي دا العمل مطنش من موضوع العلاقة بين الجمهوريين والحزب الشيوعي السوداني برغم اني ( احسب ) نفسي اول من فطن وتعرض الى ذلك في المنتديات الحايمة دي...
ماعلينا علي قول عمنا صاحب اغاني واغاني داك ...
ف خلونا نشوف لينا ( قناعات) تاني
ؤ نناقشا*
------
* ( ؤ ) الله يطراك بالخير ياقيقراوي

جيف غوردن داك عرفناو... يا قول الحاردلو

مكتبته الاسكندرية النزلته هنا دي والله لا اخلاها إلا الخرخرة الزمان حقت البيلي ديك

[ماجد تاج]

المشاركة الأصلية كتبت بواسطة عبدالله علي موسى

الأخ ماجد تحياتي ياخي،

مع إنه ده نقاش من النقاشات التي تطيب لي "ديني/تاريخي" على ذلك ارغب عن الأخذ فيه هنا لأنه ما شايف في روح حوار أو مقدمات حوار.

علقت فوق على اننا نتحدث عن أشياء و كأنها عندنا من المسلمات، دة يقول ليك بني إسرائيل نصارى، و دة يقول ليك اليهود نصارى! هو حتت إنه اليهود هم بني إسرائيل دي ذاته فيها كلام والله في مجلدات كتبت عكف بعض أهلها عشرات السنين ليس لهم هم سوى فهم معضلة من هم بني إسرائيل، والله صحي! بعد دة انتهوا ب-"نعتقد..."، أنا ذاتي من العاكفين ديل إلى الآن وصلته حتت انهم أصلاً ناس ما من الأرض دي ذاته.

ما علينا

طبعاً ما قادر أفهم التضليل وين في كلامي، أنا كل القلتة أن اليهود غير النصارى، و إنته جيت وافقت على ذالك! إذا على الدين والعرق الأنا أصلاً ما فصلتهم، دينناً و عرقاً النصارى غير اليهود، دي ما عايزة شرح أصلاً.




صراحة أنا شايف كلامك دة الفيو تضليل، تضليل بحسن نية لعلة،

من بداية كلامك يا ماجد أكلت بينا ملف عجيب إذا شافك جيف جوردن "بطل الفورملا ون" كان يغير . ما بين "ورقة بن نوفل فالواضح أنه كان ابراهيمي ـ حنيفي" و "قامت نصرانيته على انتظاره للنبي الاتي صلى الله عليه وسلّم .." أكلتنا زيندية ساي !!

كدي شوف شوف الإقتباس دة...طازج "مافي في قوقل" من مقدمة ديوان اميه إبن ابي السلط و دي مقدمة محققة تحقيق جد جد خليتني أفتشه بي أليل دة بس عشان أتأكد قبلي ما اغالط ساي




تحياتي

ـ


اهلا ياعبد الله ...

حساسيتك عينة يا رجل ..

أثارتك كلمة تضليل أكثر مما أثارتك صحة المعلومة من خطأها ..



ماااا علينا .. طيب مين قال أن الحنيفية يراد بها النصرانية الوارد الاشارة اليها في مقتبسك أعلاه ..

جيف جوردن واللا زول قباله ؟

على كل أنا ما من المكابرين في الحق ..

قد ( قد يكون التبس علي فخلطت في الامر ) لذلك لن أجادل هنا الا بالتي هي أحسن ، ح أتأكد من مصدر غيرك ..

لكن فقط للاستفادة : مين قال قبل كدا أن الحنيفية يراد بها النصرانية ..

لأنه حسب ما ورد في مقتبسك الكلام دا أنا ما أول من قاله ..



ـ

[عبدالله علي موسى]

المشاركة الأصلية كتبت بواسطة عادل عسوم

قول صباح الخير ياالجيلي ياخ
غايتو عفن اخر مرة سمعتها من مساعد الباص وانا راكب ماشي علي الشمالية
بالمناسبة...
ياخي عاوزك تتوسط تكلم الجماعة تقول ليهم كفاية عليهو بوست ( البنقو ) دا في البانر ومابطال لو ختو لينا بوست دخان الرجال داك العنوانو وووووب او كمان بوست صاحبك بتاع المثلييين

أيضاً يضاف لقائمة الكلام " المغطغط وفاضى وخمج"


حكمة اليوم

...

عمك أبو العلاء المعري دخل على مجلس المرتضى ببغداد، أعمى طبعاً، عثر برجل رجل فقال من هذا الكلب ؟ أجاب أبو العلاء "الكلب من ما يعرف للكلب سبعين إسما" سأله المرتضى فعدهم، أقسم عليه أن يبقى في ضيافته حيناً من الزمان و أكرمه.

...

هدة إنته فاتح ليك مالات مايلة أوي !! أهو جبنة ليك فيها "content" ما بطال و ما من غوغل أبو الرخا دة! و حقت أبو العلاء دي لوجه الله.

عليك الله ما تذلنا أكتر من كدة!! والله جيناك هنا بس لغرض التسلية و جابت ليها بالمرة إماطة اذا "معرفي" عن الطريق

تحياتي

[عبدالله علي موسى]

المشاركة الأصلية كتبت بواسطة ماجد تاج

ـ


اهلا ياعبد الله ...

حساسيتك عينة يا رجل ..

أثارتك كلمة تضليل أكثر مما أثارتك صحة المعلومة من خطأها ..



ماااا علينا .. طيب مين قال أن الحنيفية يراد بها النصرانية الوارد الاشارة اليها في مقتبسك أعلاه ..

جيف جوردن واللا زول قباله ؟

على كل أنا ما من المكابرين في الحق ..

قد ( قد يكون التبس علي فخلطت في الامر ) لذلك لن أجادل هنا الا بالتي هي أحسن ، ح أتأكد من مصدر غيرك ..

لكن فقط للاستفادة : مين قال قبل كدا أن الحنيفية يراد بها النصرانية ..

لأنه حسب ما ورد في مقتبسك الكلام دا أنا ما أول من قاله ..



ـ

سلامات يا ماجد

اديك النصيحة، عندي حساسية عاليه التردد أحيانناً بتدخلني في حرج إجتماعي عديل ضد "المغالطات المنطقية"

الإستغراب ببساطة من انك فجأة تقرر إنه مداخلتي "مضللة" في حين إنه مداخلتي فيها كلام محدود جداً و إنته جيت ضمنياً وافقت عليه و دي هينة مدام اننا متفقين.

أقول ليك بصراحة شفته إسمي قريت الكلام كويس، مع احترامي للنقاش الأغلاط في النقاش ده عموماً كتيرة لماً بقى لي حوار طرشان، كان الواحد قعد يطلع الأغلاط بتعب، بقراء كلام عمك رأفت لأنه مختصر و موضوعي و عمك مجيه امور.

الحساسيه من جنس الملفات بتاعت دخلتك بأنه ورقة حنيفي إذاً هو نصراني و يبدا حوار يتبني من هنا عن موضوع حساس جداً في الأديان. كونك ما بتكابر دي خصلة حميدة، الأخطاء واردة.

يا سيدي شيخو تعصباً منه جعل كل شعراء الجاهلية هذا يهودي و هذا نصراني، فذكر جملة من الاسباب إستند عليها لقول أن أمية نصراني منها أنه كان من الحنفاء والحنيفية في الجاهلية يراد بها النصرانية، و هذا فعلاً لم يقل به أحد و تفنيده لا يحتاج الكثير لذلك يقول المحقق ذالك في سياق أن شيخو أتى بشئ لم يسبقه عليه أحد.....غالباً إنته التاني


تحياتي

[عادل عسوم]

المشاركة الأصلية كتبت بواسطة عبدالله علي موسى

أيضاً يضاف لقائمة الكلام " المغطغط وفاضى وخمج"


حكمة اليوم

...

عمك أبو العلاء المعري دخل على مجلس المرتضى ببغداد، أعمى طبعاً، عثر برجل رجل فقال من هذا الكلب ؟ أجاب أبو العلاء "الكلب من ما يعرف للكلب سبعين إسما" سأله المرتضى فعدهم، أقسم عليه أن يبقى في ضيافته حيناً من الزمان و أكرمه.

...

هدة إنته فاتح ليك مالات مايلة أوي !! أهو جبنة ليك فيها "content" ما بطال و ما من غوغل أبو الرخا دة! و حقت أبو العلاء دي لوجه الله.

عليك الله ما تذلنا أكتر من كدة!! والله جيناك هنا بس لغرض التسلية و جابت ليها بالمرة إماطة اذا "معرفي" عن الطريق

تحياتي

لا بأس ياعبدالله موسى
طالما بقيت (عاكف) ووصلت مرحلة انو بني اسرائيل ديل ما من الأرض حقتنا دي زاتا يبقى فعلاً جيتنا للتسلية فقط

والله في مجلدات كتبت عكف بعض أهلها عشرات السنين ليس لهم هم سوى فهم معضلة من هم بني إسرائيل، والله صحي! بعد دة انتهوا ب-"نعتقد..."، أنا ذاتي من العاكفين ديل إلى الآن وصلته حتت انهم أصلاً ناس ما من الأرض دي ذاته.

بالنسبة لي فاني لي مرجعية وهي آيات القرآن الكريم وال(صحيح) من سنة المصطفى صلوات الله وسلامه عليه ثم ان تطلب الأمر فلا بأس من الاستشهاد بشئ مما ورد في الكتب السماوية السابقة ان لم أتبين في الايراد شبهة...
فالله أمرني بأن لاتكون لي الخِيَرة من أمري ان اختار ورسوله!
لقد كان المناط أسئلة من رأفت ميلاد عن عمومية الرسالات من عدم ذلك فكان ردي الذي لا تراه أو تتبينه وهو متاح ومبذول لمن يروم نقاشاً (لا من يأتي للنزهة)
لا أريد اعادة ما كتبته سابقاً فهو كائن و(ثاوي) لمن يرغب في المعرفة أو الاستنارة...
ثق بأن اختلاف الرأي عندي لا يفسد للوداد قضية طالما الأمر أمر نقاش وبيان للناس...
ولكني أنصحك بأن تراجع مقولة الخليل ابن أحمد رحمه الله اذ يقول عن معادن الرجال:
الرجال أربعة
رجلٌ يدري ويدري أنه يدري فذلك عالم فاسألوه
ورجلٌ يدري ولا يدري أنه يدري فذلك ناس فذكروه
ورجلٌ لا يدري ويدري أنه لا يدري فذلك مسترشد فارشدوه
ورجلٌ لا يدري ولا يدري أنه لا يدري فذلك جاهل فارفضوه*
...
ودعك من أمثلة ال(كلاب) اذ المرء ان ساق القول على عواهنه فانه لا مناص عائدٌ اليه ومصيبه!
تحياتي
ــــــــــــــــــــ
أراك تكتب (ذلك) باضافة الف بعد الذال وذلك لايصح...أرجو تعديلها في مداخلتك أعلاه