ضيف على مائدة سودانيات ...! - 15 - سمراء (لم يكتمل)

[أبو أماني]

أحبائي الأعزاء ..
أحباء سودانيات .. لكم صادق الود والتحايا القلبية .. حقا قد سرني وأثلج صدري عمق صداقتي بكم ذهاء ما يقارب السنة أو يزيد .. قضيتها بينكم في سعادة وحبور .. وأحسست وأنا بينكم وبكم بدفء الأسرة وأحلى وشائج الإخاء والمحبة .. حيث صرتم بالنسبة لي كأفراد أسرتي رحما بل أكثر من ذلك..بحيث أقضي الساعات الطوال في رحابكم المرحة العامرة قبل وأكثر مما أقضيه مع أسرتي .. فلكم الشكر على ما وهبتموني من حب صادق إمتزج في شراييني وصار يغزو القلب ويعمر غرفه الأربع ويهرب ليعود ثانية ليمدني بالحياة .

فكرت مليئا في شكل مستقبل علاقة كل سوداني في سودانيات بالآخر! وهالني أن تكون علاقة صادقة حميمة كهذه عرضة للعيش والعمران طويلا عبر الفضاء الإسفيري والعالم الأثيري ..! وتصورت حياة شخوصها في اللاشئ وفنائهم في اللاشئ ..تماما كما يحدث يوميا بالنسبة لممثلين وممثلات نشاهدهم عبر الشاشات البيضاء والبلورية .. نعايشهم ونعاصرهم ثم يتلاشوا في اللاشئ حقيقي حزت في نفسي هذه الخاطرة .. وفكرت ثانية !..

أضع بين أياديكم عتبة أولي لتجسيد علاقة كل منا بالآخر .. وهو بوستر تتم استضافة عضو فيه ليكون مصدر حوار تعارفي يحكي لنا ما عن له أن يرويه عن نفسه فنزداد قربا منه أكثر وأكثر ومعرفة به وثيقة أكثر .. نعرف موقعه الحالي .. رقم موبايله .. عدد أفراد أسرته .. طموحاته الآنية والمستقبلية .. بعض مشاكله الخاصة التي يمكن الخوض فيها .. والمشاركة في علاجها بعض الجوانب المضيئة من حياته الماضية والتي يحلو له الخوض فيها مع الأحباء .. الخ ..

إن راقت لكم فكرتي هذه فأقترح أن يقوم كل ضيف حل بالبوستر في نهاية حلقته بترشيح من يحل بعده ضيفا على مننتسبي سودانيات .. وهكذا دواليك .. تبقى المعضلة في إختيار عضو الشرف الأول .. وأقترح أيضا أن يقوم صاحب البوستر بإختياره .. درج كبارنا على إختيار كبير القوم ليتولى ضربة البداية في كل مشروع أو عمل .. وحيث أن مجتمع سودانيات يحفل بالكبار شكلا وموضوعا وليس من بينهم من يتفضل على الآخر .. فأسمحوا لي أن أختار أكبر الأعضاء (سنا) .. فليكن ضيف الحلقة الأولى العميد الأستاذ :-

[align=center]خـــالـــد الحــــاج [/align]
مساهمتي الأولي معه المطالبة بنبذة صغيرة عن عميدنا والبطاقة الشخصية وتعريف مختصر ولكم جميعا خالص حبي وإعتزازي وإحترامي ...

[أبو أماني]

الشكر الجزيل للعزيزة همس الشوق على هذه الطلة البهية .. وتمتعنا حقا بضيافتها ..أما الإبنة العزيزة (سمراء) ... فتحمل في تعابير وجهها البشوش الجميل وروحها المرحة الكثير من سحر الشرق!! .. تعالوا معنا .. ننبش في هذه المغارة المكتظة بروائع ونفائس لا حصر لها .. أهلا بسمراء .. ضيفة على المائدة ..

عزيزتي سمراء

حدثينا عن نفسك قليلا كإفتتاحية .. ولنا عودة ... يلا تشششاااووو .. مؤقتا ..

[سمراء]

اقتباس:
المشاركة الأصلية كتبت بواسطة أبو أماني

عزيزتي سمراء

حدثينا عن نفسك قليلا كإفتتاحية .. ولنا عودة ... يلا تشششاااووو .. مؤقتا ..

اوعك تكون قاصدنى انا بس !!!
انت ياديش ماتبته منى ؟

عموما انا زاتى تشااااووووو مؤقتاً

[أبو أماني]

اقتباس:
المشاركة الأصلية كتبت بواسطة سمراء

اوعك تكون قاصدنى انا بس !!!
انت ياديش ماتبته منى ؟

عموما انا زاتى تشااااووووو مؤقتاً

لن أنسى ما حييت ..موقفك السلبي مني المرة الفاتت يا سمراء.. بس برضو من عشمي فيك أدعوك ثانية!! .. وكلي ثقة أن لا يلدغ المؤمن مرتين .. أها قلتي شنو يا .. السمحة وسمراء وذكية ..يا السمهرية يا المن الرجال توزني مية .. أفتكر كسير تلج قدر ده .. أمال الشيخ ما لقتو!! في إنتظار الطلة..يلا.. تشششاااووو وبرضو مؤقت..

[سمراء]

اقتباس:
المشاركة الأصلية كتبت بواسطة أبو أماني

أها قلتي شنو يا .. السمحة وسمراء وذكية .

عاوذة اقراء ..
اقصد عاوذة اكتب ....اكتب ليك ياخ اتا كمان بقولو ليك لا ياابوها ...
غايتو جنس هرشة الله يهون بس



اتا الداير تعرفو ده ماكان بنفع بالرسائل الخاصه ؟
او خلطة بمزااااج فى الاسكلا مع قهوة بى بخوره اللاوى داك

[أبو أماني]

اقتباس:
المشاركة الأصلية كتبت بواسطة سمراء
عاوذة اقراء ..
اقصد عاوذة اكتب ....اكتب ليك ياخ اتا كمان بقولو ليك لا ياابوها ...
غايتو جنس هرشة الله يهون بس



اتا الداير تعرفو ده ماكان بنفع بالرسائل الخاصه ؟
او خلطة بمزااااج فى الاسكلا مع قهوة بى بخوره اللاوى داك



والله يا سمراء ..عرض مغر .. يزلزل ثبات أتخن تخين عامل فيها أبو عرام .. ده عرض يخلي واحد زي بوكو الحبيب تكعيب .. للصباح ما ينوم .. ويخلي واحد زي صاحبي (الليمبي) تمسكو الكاروشة .. وشقيقتها..أم هلا..هلا كمان.. ويفتعل ليو شكلة مع أم العيال (لا هار هاند لا هار ليق) وهاك يا تلفونات!.. سمراء..سمراء..عليك الله إتي جادة في العرض ده؟.. ولا عاوزة تكشكشيني .. وتشوفي مويتي سااااكت؟!! أنا والله ووحاتها هي .. ما أم أماني! .. قصدي (الماهية) .. بضحي ليك بأي شئ وأكون في الموعد مصبغ شعري.. ومهندم ومستحمى ومتريح كمان وكان لي الطقم بستلف حق الليمبي والرهيفة تنقد .. وطظ في أتخن (مفراكة)!!! هو أنا يهمني .. ولا بخاف كمان؟ .. هييييع .. أنا (ذولك) آسمراء! بس إتي في الخاس .. قولي لي ياحبيبتي.. وووين ؟ ومتين ؟ وكيف؟ وليه ..؟.
عليكم الرسول يا أولاد أمي كان قت ليكم سمراء دي توزن 100 راجل ما لي حق؟ هوي يا رجال ما تحمروا لي ماقاصدكم إتو قاصد الفي بالي! وكلكم عارفينو !!!

[سمراء]

اقتباس:
المشاركة الأصلية كتبت بواسطة أبو أماني
اقتباس:
!.. سمراء..سمراء..عليك الله إتي جادة في العرض ده؟..

عليكم الرسول يا أولاد أمي كان قت ليكم سمراء دي توزن 100 راجل ما لي حق؟ هوي يا رجال ما تحمروا لي ماقاصدكم إتو قاصد الفي بالي! وكلكم عارفينو !!!

جاااااااااااااده جدادة مدغلبة ياخ ....
ياسلااااااااام البعجبنى فيك انك عاقل وبتعرف مصلحتك ..يلا ياخ مواعيدنا الليلة ، فى الاسكلا وكدة ...الساعهة 6 اياااااااااك ماتجى وتشرنى ..
اسع جارية اتكشب والبس عشان انتظرك ...
يلا كده اتفقنا ...موش ؟

[طارق الحسن محمد]

امانا
ما وقع راجل

[همس الشوق]

والله يا سمراء ..عرض مغر .. يزلزل ثبات أتخن تخين عامل فيها أبو عرام .. ده عرض يخلي واحد زي بوكو الحبيب تكعيب .. للصباح ما ينوم .. ويخلي واحد زي صاحبي (الليمبي) تمسكو الكاروشة .. وشقيقتها..أم هلا..هلا كمان.. ويفتعل ليو شكلة مع أم العيال (لا هار هاند لا هار ليق) وهاك يا تلفونات!.. سمراء..سمراء..عليك الله إتي جادة في العرض ده؟.. ولا عاوزة تكشكشيني .. وتشوفي مويتي سااااكت؟!! أنا والله ووحاتها هي .. ما أم أماني! .. قصدي (الماهية) .. بضحي ليك بأي شئ وأكون في الموعد مصبغ شعري.. ومهندم ومستحمى ومتريح كمان وكان لي الطقم بستلف حق الليمبي والرهيفة تنقد .. وطظ في أتخن (مفراكة)!!! هو أنا يهمني .. ولا بخاف كمان؟ .. هييييع .. أنا (ذولك) آسمراء! بس إتي في الخاس .. قولي لي ياحبيبتي.. وووين ؟ ومتين ؟ وكيف؟ وليه ..؟.
عليكم الرسول يا أولاد أمي كان قت ليكم سمراء دي توزن 100 راجل ما لي حق؟ هوي يا رجال ما تحمروا لي ماقاصدكم إتو قاصد الفي بالي! وكلكم عارفينو !!!

تسبغ شنو
وتلبس شنو

احم احم احم

نحن هنا

[Amin Bushari]

انا غايتو منتظر
اوع تزووووووووووغي بس
الليلة والليلة باظات ابو رجيلة
يلا ابقي مارقه بس خلينا ننداح في الاسئلة بس
دي فرصة تاني ما بتتلقي والله
شكرا ابو أماني

[زول الله]

ابو اماني كيفنك ياخ وعساك فاين
حقو الليلة يدوك دبورتين ومقص على الشرك دا
جبتها في التمنيات ياحريف
ألف وبايظا جوكر
الليييييلة يا سمراء ... انعدلي كويس
جاييك











اقول قولي هذا واستغفر الله لي .................

[سمراء]

اهاااااااااااااا !!
من خلال الحيثيات التى تمت ، حيث تمت المقايضة بين ان آتى هنا ...
او آتى هناك ...اى الاسكلا ..واخترت الاسكلا ، وذهبت فى الموعد المحدد وطلبت القهوة المااخمج ،
وحيث انك لم تحضر ...وشريتنى ...
عليه " تخم وتصر " لانو ده اتفاق جنتلمان مع جنتل ووومن

وعلى المضرر اللجوء لمجلس ادارة سودانيات
ولا عزاء للشمشارين

خميت وصريت ولا لسع

يلا ....جاااااااااااااااااو

[أبو أماني]

اقتباس:
المشاركة الأصلية كتبت بواسطة سمراء
جاااااااااااااده جدادة مدغلبة ياخ ....
ياسلااااااااام البعجبنى فيك انك عاقل وبتعرف مصلحتك ..يلا ياخ مواعيدنا الليلة ، فى الاسكلا وكدة ...الساعهة 6 اياااااااااك ماتجى وتشرنى ..
اسع جارية اتكشب والبس عشان انتظرك ...
يلا كده اتفقنا ...موش ؟



بالله من ما قريت الكلام الفوق ده يجي ستة مرات حيتين وقع لي!.. وتعالوا شوفوا الجقلبة واللخبتة.. أجي أكورك لفاطنة بتي .. أقول يا .. سم..ممم فاطنة ..أجي مارق من (العوضة) تقابلني أم أماني داخلة أحس ليك بقلبي نزل من القفص الصدري وإنضم لناس الكرشة والمصارين في الطابق التحتاني! ويسوي في البت بت بت.. تعاين لي عين غريبة كدي أسمعه قال (شححح)!أقول كاشفاني يا ربي؟! غايتو اتشدع وأقرر أدخل الحمام آخذ لي ُدش بعد مداولات بيني وبين نفسي إستمرت سبعة يوم !!..وفي الحمام أنسى نفسي وأنسى مريخيتي الصارخة وأترنم بصوت عال منشرح (هلا لي هلالو ظهر بان لي..الليلة) ..أمرق من الحمام مويتي تنقط بكسرة لأغنية من جيلنا..أوب سوري قصدي من جيل ناس (الليمبي)!..(القـُـربه يحنن وبعده يجنن .. وديع وحينين .. شغل بالي) ..سنة يا سمارا؟.
غايتو أخوكم..إتحفحف وإتقندف..وفي الكوافير وقف في الصف!.. لبس ليو شارلستون وحزام عرض مقاس الكف..ودبابة صلاح الدين وختَ نعلاتو فوق الرف وحتى المشية غيّير فوقها وإتكلف..وستة (شااااارب)! زولك في باب الأسكلا.. (دوت)! وقف !! واقف أنا .. مشرور هنا .. زي المسيح مصلوب سنة.. زي طيرة في نص المطر .. وزي زول مسافر وبشووووية قام فاتو القطر!!.
ويخخخخخسسسسي عليك ياسمراء .. ستة فاتت وسبعة جات وتمانية وراها ولمان تسعة تمت قلت أديك فرصة لحدي حداشر إطناشر كان ماجيتي الساعة واحدي بفوت البيت .. ولأني واثق من دقة مواعيدك .. لما أذان الفجر قال الله وأكبر حتى يادوووب أنا قنعت تب!!..صليت الصبح حاضر في جماعة .. وقلت في سري برضو ربنا عوضني خيروعوّض خسارتي في الدنيا بربح في الآخرة .. وتاني عليك الله يا سمورتي لما يكون في موعد بيناتنا تعالي سوقيني من خشم البيت .. ما تخافي من أم أماني أنا زماااان ضبحت ليها الكديسة.. بس الحق لله بعد ضبحتها قالت لي بكل برود.. عليك الله كديستك الضبحتها دي ما تخليها لينا هيني شيلها معاك أرميها في الشارع وتعال ..نضف الواطا من الدم وتعال أطلع (أرقد)!!ومن ديك وهاك يا رقـــده!.. يلا.. تشششاااوو تضحكي بلا سنون زي فتحي مسعد إنشاء الله ..

[أبو أماني]

اقتباس:
المشاركة الأصلية كتبت بواسطة طارق الحسن محمد

امانا

ما وقع راجل

تلقاك أسع دي حاسدني عليها .. يا راصد .. لاكين يسمك.. دي وقعة للناس القيافة بث!اسع دي ينط لي الليمبي ويقول القيافة دي غيروها ولا شنو؟ شكرا على الطلة

[أبو أماني]

اقتباس:
المشاركة الأصلية كتبت بواسطة همس الشوق
تسبغ شنو
وتلبس شنو

احم احم احم

نحن هنا



لا يا هموستي ما تفهميني غلت ..طبعا نحن متفقين من زمااان .. إنتي الحاجب وكل بنات حواء عين..والعين لا تعلو الحاجب.. وطبعا يا أحلى البنات وده كلام أنا بقولو قدام أم أماني ظاااطها..(بس أكون عامل سنة)! بكسر السين .. طبعا نحن متفقين أي بت ما تتحمل (وسامتي) وما تقدر تقاوم أو تكتم مشاعرها نحوي أنا لازم أطيب خاترها وأديها كلمتين حلوين..(رفع معدنيات وكده)! الله..! هموسة مش قلنا غيرة ما معانا ختيبك شخصية عامة وسوبرستار في المجتمعات المخملية وياما بعدين حتشوفيني زي وردة يانعة نضرة عطرها فواح .. والفراش حولها يقول يا غربتي أوعي تفكري في الحبوب المهدئة والكلام الفارغ ده.. أرقدي عافية يمه ..على فكرة (عاوز لي قدوم)! أأأأي أنا عارف نحن في مرحلة الختوبة وكده بس ما قصدي الفي بالك !.. قصدي القدوم حق النجار جاركم .. أصلو أمبارح أم أماني قعدت فوق البمبر لحقتو أمات طه! ومسخت على القهوة الكان دار تعملها!!..أأأل إيه؟ آآآل ريجيم آآآآل !!.. وزي مابتقول سمراء.. اللللللول...