صوت لـ (أمير الأمين)

[رأفت ميلاد]

لماذا؟؟

1ـ أمير له مواقف حاسمة وينحاز الى الحق مهما كانت شدة العاصفة .. وله مواقف حاسمة كعضو وكمشرف.

2ـ تجديد فى تجربة سودانيات الديمقراطية حتى لا نقع فى فخ ديمقراطيتنا على أرض الواقع وتتناقل السلطة بين أسماء متكررة وتصير السياسة سلعة وتضيع الحقوق فى المجاملات

3ـ أمير الأمين الأنسب لحفظ الحقوق ومرونة التطبيق .. تجربتى مع القانونيين خضوعهم للوائح والقوانين يجعلهم يمثلون دكتاتورية القضاء التى تنفذ القانون وهم يرون خطأ ما يفعلون

صوتوا لـ أمير الأمين

[حسين عبدالجليل]

سلام ياود حلتنا :

ناس سويسرا ماقالوا ليك العُرف الديمقراطي المُتَفق عليه هو: "الدعاية الإنتخابية تتوقف تماما عندما يبدأ التصويت . "

يعني إلا صاحبي المستنير أبوبكر عباس يقول ليكم "زمرناه لسيدو الحسن!"

بعدين البقارة الجو قبل الخريف عملوا ليك سهر الجداد ولا شنو؟

[رأفت ميلاد]

مكرر

[رأفت ميلاد]

المشاركة الأصلية كتبت بواسطة حسين عبدالجليل

سلام ياود حلتنا :

ناس سويسرا ماقالوا ليك العُرف الديمقراطي المُتَفق عليه هو: "الدعاية الإنتخابية تتوقف تماما عندما يبدأ التصويت . "

يعني إلا صاحبي المستنير أبوبكر عباس يقول ليكم "زمرناه لسيدو الحسن!"

بعدين البقارة الجو قبل الخريف عملوا ليك سهر الجداد ولا شنو؟

عرف شنو يا حبيب .. مسار الإنتخابات لابد يتغير بى فهم .. أنتو ناسكم ناس المناظرات البتقلب النتائج رأساً على عقب .. غايتو نحن هنا ما بنقيفف إلا بعد مما تتثفل .. ما ببتتذكر فى آخر إننخابات الترابى سقط كيف .. موش فى أثناء العملية الإنتخابية وربما فى آخر يوم بشعار (العار العار ياا مستشار)

بصراحة أنا مع ممثل المالك فى معركته مع الرئيس المخلوع لكن ما أعتقد ده يخول ممثل المالك ييلجأ الى صناعة مراكز قوى


لجنة الإنتخابات طلعت رئيسا كانديك وعينت شبارقة .. يعلم الله ويعلم كانديك وشبارقة وعكود ما عندى أى خلاف شخصى مع واحد فيهم .. لكن لا يصح إلا الصحيح ودى كانت أسس معركتى الخسرانة معع لنا ومهند .. ياخ الناس بقت تكره الخق شديد


غايتو حسب معلوماتى شبارقة ما كان رئيس مجلس إدارة سابق ليٌختار فى لجنة الإنتخابات

ثم شبارقة كان غايب تماماً لأكثر من عام عن سودانيات .. يعنى مافى كفاءة فى الناس النشطين فى سودانيات

[حسين عبدالجليل]

المشاركة الأصلية كتبت بواسطة رأفت ميلاد

غايتو حسب معلوماتى شبارقة ما كان رئيس مجلس إدارة سابق ليٌختار فى لجنة الإنتخابات

ثم شبارقة كان غايب تماماً لأكثر من عام عن سودانيات .. يعنى مافى كفاءة فى الناس النشطين فى سودانيات

حسع انت يارافت جبرتني بان اقول انصافا للاخ عكود , بانه قبل تكوين اللجنة اتصل بي هاتفيا و طلب مني ان اكون عضو في لجنة الانتخابات ولكني اعتذرت . ويعلم الله ربما اعتذر له آخرون مثلي .

[عبد المنعم حضيري]

في صوت جديد لنج وما بعرف الناس لسه وما عارف يصوت لي منو أجي معاك واصوت لأمير على ضمانتك يا عم رأفت

تحياتي

[جيجي]

ديمقراطية ناس اللواري والرايات دي شنو يا انتيمو
هسة فرقك شنومن الحصل قبل كدا
انا بتمنىانه كل زول هنا يكون مسوؤل من صوته امام نفسه اول
وانه درجة الوعي تتخطى جنس المزايدات دي
واالتجربة الفاتت كانت درس قاتل قتلت اهلهاقبل الاخرين
من اجل ديمقراطية رائعة ومعافاة
تخطو البوست دا وصوتو دون اي تاثير من احد
فقط كن انت واجعل من تريد

[وهاد ابراهيم محمد]

المشاركة الأصلية كتبت بواسطة رأفت ميلاد

غايتو حسب معلوماتى شبارقة ما كان رئيس مجلس إدارة سابق ليٌختار فى لجنة الإنتخابات

ثم شبارقة كان غايب تماماً لأكثر من عام عن سودانيات .. يعنى مافى كفاءة فى الناس النشطين فى سودانيات

يا عم رأفت حلو الناس تكون موضوعية، ومنك ما بننتظر الا الكلام الموزون ومضبوط
لما ما نكون متأكدين من معلومة محددة ما حلو نجي نلقيها على عواهنا كده بما يفتح آلاف الابواب لشكوك ما ليها داعي وظنون تنهش في ألباب الناس الممكن تاخد بكلامك ده وتبصم عليهو كمان
بكون الأفضل تتوجه الأسئلة مباشرة
في بوست اتفتح للتنوير بعمل لجنة الانتخابات وتم ذكر انه شبارقة حل مخل كانديك في رئاستها.. مش كان يكون أفيد لو خليت اعتراضاتك هناك والناس اتناقشت وطلعت بالمفيد؟
-----

بعدين انت ليه خاتي أمير الأمين في مواجهة كانديك؟
في مرشح تالت اسمه الرشيد وما قانوني وليه تجربة اشراف
ومواقف واضحة وحقانية في البورد ده!!!

-----
كل زول متوفر في المنبر ده بكون عارف منو البخدمه كويس وعن تجربة طالما التلاتة ليهم تجاربهم قدامنا
الما متوفر في المنبر حقو ما نديهو صورة ناقصة أو مبنية على تشككات كان يمكن التحقق منها منذ بدء تخلقها.

وكن بخير.

[عبد المنعم حضيري]

الأخوات الفاضلات جيجي ووهاد

أتمنى أن لا تكون مداخلتي السابقة سبباً في ترك إنطباع سيئ يوحي بعدم الجدية .... فالمسألة الإنتخابية لا تقبل إلا الجدية ..... ولكن ...أمرنا لله .... نكشف لكم قصدنا.

أولاً أنا لا يحق لي التصويت لأني لسه ما كملت السقف المحدد لعدد المداخلات التي تخولني التصويت.
تانياً (عم) رأفت دا دقسني في البوست حق ود عثمان وخلاني رحبت بالراجل وطلع الزول قديم وصاحب أعلى رقم من المشاركات في المنتدى ...أها ...قلت إنسدا فيهو وأدقسو كمان وكنت دايرو يجي يقول لي أيوا على ضمانتي صوت وبعدين أكشف ليهو السر.... صحيح أني إستقليت الوضع ولكن بحسن نية

أكرر إعتذاري

[عادل عسوم]

اتفق مع راي الزملاء حسين وجيجي ووهاد
اخ رافت ارجو شاكرا ان يتسع صدرك لما قالوا
تقديري

[جيجي]

الاخ عبد المنعم
تجية طيبة
ابدا والله ا لم تكن مداخلتك مدعاة لمداخلتي تلك
بس زعلانة من انتيمي الانا بالنسبة لي كان من قمم الاستنارة في المنبر دا
ونحن خضنا تجربة مريرة قبل كدا كان الاجدر ان ينأ عنها هذا الوسط المستنير
وكان هذا الرجل الجميل من اوائل الذين وقفوا ضد ماحدث ومن المتضررين منها شخصيا
لذلك ان يفتح بابا للثغرات جديد_ طبعا لم اقصد القانونية او اللائحية_ كان في تقديري غير موفقا وبعيدا عما نربو له
التلاتة مرشحين من الاخوة المشهود لهم في خدمة هذا المنبر ولكل مواقفه الجديرة بالاحترام والتقدير
والتى لا تثمن بثمن
ولكننا نريدها نزيهة خالية من جميع الثغرات والنزعات ليس كمثلها تجربة قبل علها تمحو بعض مما وقر في النفس

[كيشو]

المشاركة الأصلية كتبت بواسطة عبد المنعم حضيري

الأخوات الفاضلات جيجي ووهاد

أتمنى أن لا تكون مداخلتي السابقة سبباً في ترك إنطباع سيئ يوحي بعدم الجدية .... فالمسألة الإنتخابية لا تقبل إلا الجدية ..... ولكن ...أمرنا لله .... نكشف لكم قصدنا.

أولاً أنا لا يحق لي التصويت لأني لسه ما كملت السقف المحدد لعدد المداخلات التي تخولني التصويت.
تانياً (عم) رأفت دا دقسني في البوست حق ود عثمان وخلاني رحبت بالراجل وطلع الزول قديم وصاحب أعلى رقم من المشاركات في المنتدى ...أها ...قلت إنسدا فيهو وأدقسو كمان وكنت دايرو يجي يقول لي أيوا على ضمانتي صوت وبعدين أكشف ليهو السر.... صحيح أني إستقليت الوضع ولكن بحسن نية

أكرر إعتذاري

أخ عبد المنعم
شكراً على اعتذارك الجميل
لكن لو شاورتني كنت حأقول ليك انتظر لامن تنتقم من عمنا رأفت
المرشحين التلاتة ديل تدي أي فيهم وانت مغمض، كلهم قمم، وتلقاهم ضغطوا عليهم عشان يوافقو على الترشح
ومرحب بيك في سودانيات

[عكــود]

المشاركة الأصلية كتبت بواسطة رأفت ميلاد

عرف شنو يا حبيب .. مسار الإنتخابات لابد يتغير بى فهم .. أنتو ناسكم ناس المناظرات البتقلب النتائج رأساً على عقب .. غايتو نحن هنا ما بنقيفف إلا بعد مما تتثفل .. ما ببتتذكر فى آخر إننخابات الترابى سقط كيف .. موش فى أثناء العملية الإنتخابية وربما فى آخر يوم بشعار (العار العار ياا مستشار)

بصراحة أنا مع ممثل المالك فى معركته مع الرئيس المخلوع لكن ما أعتقد ده يخول ممثل المالك ييلجأ الى صناعة مراكز قوى


لجنة الإنتخابات طلعت رئيسا كانديك وعينت شبارقة .. يعلم الله ويعلم كانديك وشبارقة وعكود ما عندى أى خلاف شخصى مع واحد فيهم .. لكن لا يصح إلا الصحيح ودى كانت أسس معركتى الخسرانة معع لنا ومهند .. ياخ الناس بقت تكره الخق شديد


غايتو حسب معلوماتى شبارقة ما كان رئيس مجلس إدارة سابق ليٌختار فى لجنة الإنتخابات

ثم شبارقة كان غايب تماماً لأكثر من عام عن سودانيات .. يعنى مافى كفاءة فى الناس النشطين فى سودانيات

سلام يا رأفت،

لو كنت تعرف عنت الوصول لهذه الترشيحات وعدد المحادثات التي أجريتها بخصوصها ونسبة الإعتذارات، ما كنت كتبت ما كتبت. فما كان الأمر سهلاً كما تتصوّر، وذلك إنطبق أيضاً على إختيار البديل لكانديك.

فعلاً شبارقة ما كان رئيس مجلس إدارة سابق، لكن اللائحة تقول:

على أن تكون الأولوية في اختيارالأسماء لرؤساء مجلس الادارة والأمناء العامين السابقين .

أمّا إتّهامك لي باللجوء إلى صنع مراكز قوى، فلا تعليق لدي عليه سوى أنّي سأقوم بإضافته إلى كَم الإتهامات -المجّانية- التي طالتني هذه الأيّام، فهل من مزيد؟

أتّفق تماماً مع الرؤية الواعية لجيجي ووهاد لهذا البوست، الذي أراه، ليس غير موفّق فحسب، بل فيه إعادة تدوير لمثالب رفضناها.

أبقى طيب.

[شبارقة]

المشاركة الأصلية كتبت بواسطة رأفت ميلاد

لجنة الإنتخابات طلعت رئيسا كانديك وعينت شبارقة ..


غايتو حسب معلوماتى شبارقة ما كان رئيس مجلس إدارة سابق ليٌختار فى لجنة الإنتخابات

ثم شبارقة كان غايب تماماً لأكثر من عام عن سودانيات .. يعنى مافى كفاءة فى الناس النشطين فى سودانيات

صباح الخيرات أستاذ رأفت

أولا ً : البوست بتاعك (رغم مخالفته الأدبية لمجريات التصويت) فهو يتحدث عن التصويت لشخص ما .. شنو الدخـّل شبارقة في الموضوع ؟ !!

ثانيا ً : تقول لجنة الإنتخابات طلـّعت رئيسها كانديك ودخـّلت شبارقة (إنتهى)... وكأنو كانديك إرتكب مخالفة وتم على إسرها إعفاؤه ... علما ً بأنه كـُتب وبالخط العريض أنه تم خروج الأخ كانديك من لجنة الإنتخابات لأنه أصبح ضمن المرشحين لأحد منصبي الأمانة العامة .. ولذا إستوجب خروجه من لجنة الإنتخابات إستنادا ً على مبادئ النـزاهة والشفافية والوضوح.

ثالثا ً : نعم معلوماتك صحيحة شبارقة لم يكن رئيس مجلس إدارة سابق ولكنه كان عضو مجلس إدارة سابق لدورتين متتاليتين نجحتا في إدارة المنبر حتى الوصول بسلام لميس الإنتخابات السابقة وتسليم رأية الإدارة لمن كنا نتعشم في أن يتعهدوها بالرعاية والإهتمام والصلاح والفلاح والنجاح (وأنت أحدهم) ولكن ...

رابعا ً : تقول شبارقة كان غائبا ً تماما ً لأكثر من عام وهذه معلومة غير صحيحة .. نعم كنت غائبا ً ( عدة شهور ولم تكن عاما ً) .. وبعدين هو شبارقة براهو الكان غائب ؟!!
وبالمناسبة كنت متواجدا ً ولكنني لم أكن مشاركاً ولدي أسبابي التي كانت تمنعني عن ذلك .

خامسا ً : بالتأكيد توجد كفاءات كثيرة في سودانيات تتفوق بجدارة على شبارقة... ولكن كما أشار الأخ حسين عبد الجليل لعل هذه الكفاءات إعتذرت عن التكليف.. ولذلك لما طـُلب من شبارقة لم يعتذر .. وليعلم الجميع أنه لم يعتذر شبارقة عن أي تكليف أو مهمة كلف بها من قبل سودانيات وذلك رغم إنشغالي الشديد وعدم تفرغي واللهاث وراء كسب لقمة العيش (كغيري) وطبيعة عملي التي تمتد لحوالي 10 ساعات يومياً عدا الإلتزامات العائلية والإجتماعية المرهقة في ديار الغربة.

أشكر الأخ حسين عبد الجليل والأخت وهاد على تفضلهما بإقتباس الجزئية المشاترة في هذا البوست والرد عليها.

أستاذنا رأفت كما أشهدت الجميع بأنه ليس هناك أي خلاف شخصي فيما بينك وبيني فأنا بدوري أشهد الله وأشهد الجميع بأن ليس لدى أي خلاف شخصي مع الأستاذ رأفت بل بالعكس فأجمل مداخلاتي وأطرفها وأحلاها كانت مع الأستاذ رأفت مثل : جدادة شبارقة .. وديك أم الحسن البعوعي .. وقصة التونسية وغيرها.

أعتذر عن الإطالة وشكرا ً لكم.

[شبارقة]

بسبب إستغراقي في كتابة مداخلتي لم أنتبه لمداخلة الأخ عكود .. فله الشكر أيضا ً على الرد على ما أثاره الأخ رأفت بخصوصي