راكوبة المجادعات.. النمة والدوباي

[عبد المنعم حضيري]

المشاركة الأصلية كتبت بواسطة سجمان

الكاتلاني حول أعجز وصفها لساني
شوقا المتل مرمي ام وقاية رماني
ما عافيلا البقت شاركاني في شرياني
أنضم في الصلاة بي نمها وتغباني

الكاتلاني عاست عوسا في وجداني
السم النقوع هرس العضام واذاني
ما عافيلا دي الملكت علي جِناني
مزيكة القرب من صوتا ماخدا معاني

[تماضر حمزة]

المشاركة الأصلية كتبت بواسطة عبد المنعم حضيري

الكاتلاني عاست عوسا في وجداني
السم النقوع هرس العضام واذاني
ما عافيلا دي الملكت علي جِناني
مزيكة القرب من صوتا ماخدا معاني

عافيالو الأذية ولو كل يوم ياذاني
ومن جوز العيون أطلق عليّ معاني
شيتاً فيها يخلع ومن منامي حماني
وشيتاً يا لطيف من العلالي رماني

[عبد المنعم حضيري]

المشاركة الأصلية كتبت بواسطة تماضر حمزة

عافيالو الأذية ولو كل يوم ياذاني
ومن جوز العيون أطلق عليّ معاني
شيتاً فيها يخلع ومن منامي حماني
وشيتاً يا لطيف من العلالي رماني

إنبهــت الكــلام ســافر بعيــد خلانـي
وشيطان الشعـر قيّـل وقـال لي كفاني
إن جاتك تماضر قول يا لطيف تلفاني
لا بتقدر تجاري ولا بتقدر تنم من تاني

[تماضر حمزة]

المشاركة الأصلية كتبت بواسطة عبد المنعم حضيري

إنبهــت الكــلام ســافر بعيــد خلانـي
وشيطان الشعـر قيّـل وقـال لي كفاني
إن جاتك تماضر قول يا لطيف تلفاني
لا بتقدر تجاري ولا بتقدر تنم من تاني

خلاس سكت الكلام وانزوت المعاني
لو زيك سكت مين البينضم تاني
مرحب بال ب جر دوبيتو يملا اغاني
ليك صدر المجالس واستلم ديواني

[عبد المنعم حضيري]

المشاركة الأصلية كتبت بواسطة تماضر حمزة

عافيالو الأذية ولو كل يوم ياذاني
ومن جوز العيون أطلق عليّ معاني
شيتاً فيها يخلع ومن منامي حماني
وشيتاً يا لطيف من العلالي رماني

عافيولو الأذيـة لو كان عفـوي يحجاني
ومن جـوز العيـون قطعاً معـاها بعانـي
شيتاً فيها يفرح حتى إن بقت قاصداني
وشيتـاً يـا لطيـف تــوّر علــي جِنانــي

[تماضر حمزة]

المشاركة الأصلية كتبت بواسطة عبد المنعم حضيري

عافيولو الأذيـة لو كان عفـوي يحجاني
ومن جـوز العيـون قطعاً معـاها بعانـي
شيتاً فيها يفرح حتى إن بقت قاصداني
وشيتـاً يـا لطيـف تــوّر علــي جِنانــي

شيتاً يا حضيري للآن تتركني بعاني
البارح مساهر وعيونو كان قاصداني
لو كان المنام ان شاء الله ما يلفاني
أمّا عن الرويح اديتا ليو مجااااني

[عبد المنعم حضيري]

المشاركة الأصلية كتبت بواسطة تماضر حمزة

خلاس سكت الكلام وانزوت المعاني
لو زيك سكت مين البينضم تاني
مرحب بال ب جر دوبيتو يملا اغاني
ليك صدر المجالس واستلم ديواني

أستاذة وكمان شايلة الثقافة معاني
نمك نم جَرَارِقْ ماهو نم سَمَعَاني
البقرا الكلام يديهو ود شوراني
أو يمكن يكون جدك أكيد بطحاني


جرارق: جمع جَرِّق وهو المتدرب صاحب الخبرات الكبيرة

[تماضر حمزة]

الأخير دا ما بقدر أقتبسو وارد
جني وجن شكيير الروح

لكن مراحب

[عبد المنعم حضيري]

المشاركة الأصلية كتبت بواسطة تماضر حمزة

الأخير دا ما بقدر أقتبسو وارد
جني وجن شكيير الروح

لكن مراحب

ما شكرتـــك شكــرت فيـــك القـــول
والنم الجميـل الأصلو خاتــي القــول
الشعر المقفى لو كان صدر من زول
يبقى علي شكرو ومن زعلو ما مسئول

مع صادق تحياتي وفعلاً أعجبني نمك لذلك شبهتك بود شوراني وكمان نسبتك للبطاحين اصحاب النميم الجميل

[ود فداسي]

جلست فوق طقم الجلوس عديله وموهطه
خلت كل زول مزوزو عيونو منططه
القوام اللادن والكفل البلوزتو مزبطه
لجمت حروفي وصبحت شواطيني مربطه

[فيصل سعد]

المشاركة الأصلية كتبت بواسطة ود فداسي

جلست فوق طقم الجلوس عديله وموهطه
خلت كل زول مزوزو عيونو منططه
القوام اللادن والكفل البلوزتو مزبطه
لجمت حروفي وصبحت شواطيني مربطه

شواطينك يا الحبيب عاد بتربطن لامتين
يا كافي البلاء أسبوع تمام ام اسبوعين
الوصف الوصفتوا انساه و اقطع سيرتو
خلي البلوزة و طقم الجلوس لحيرتو

[فيصل سعد]

المشاركة الأصلية كتبت بواسطة تماضر حمزة

شيتاً يا حضيري للآن تتركني بعاني
البارح مساهر وعيونو كان قاصداني
لو كان المنام ان شاء الله ما يلفاني
أمّا عن الرويح اديتا ليو مجااااني

مرحب بالاميرة الشاعرة و كلامك التحنان
و السهر عيونك اكيد كتر اللوعة و الخفقان
محظوظ الشغل بالك و لقى روحك بالمجان
ان شاء الله سعدك يدوم ريدة و اطمئنان

[فيصل سعد]

المشاركة الأصلية كتبت بواسطة عبد المنعم حضيري

ما شكرتـــك شكــرت فيـــك القـــول
والنم الجميـل الأصلو خاتــي القــول
الشعر المقفى لو كان صدر من زول
يبقى علي شكرو ومن زعلو ما مسئول

يا حضيري جر النم بدون تشرح و لا توضيح
و ماك محتاج تبرر خلي المعنى حر و صريح
بت حمزه تستاهل النضمي البيقلب الريح
و تستاهل الغناء الدوباي نم و غزل و مديح

[عبد المنعم حضيري]

المشاركة الأصلية كتبت بواسطة فيصل سعد

يا حضيري جر النم بدون تشرح و لا توضيح
و ماك محتاج تبرر خلي المعنى حر و صريح
بت حمزه تستاهل النضمي البيقلب الريح
و تستاهل الغناء الدوباي نم و غزل و مديح

بت حمزة إبتدت يا صاحبي بالتلميح
هي القالت وقولا يلزمني بالتوضيح
ود سعد اللزوم قولك بشوفو صحيح
البت بتنـــا وسدينــا البجيـب الريـح

[عبده سعد]

خلونى أنفتش بيت وأحاول التانى
ومن 2010 مصبر الجوانى
ومالو الزول جانا زى فرفرة سجمانى
ولع فينا نار حرقت مصرانى

وتانى قليبنا بتق فيهو جوه وحيح
ومن ناسنا الزمان ناس مهب الريح
لا حفظوها ذكرى لا جادو بى تصريح
خلونا قليبنا جنا لاعقل لا نصيح