و..... بدت تنقط

[زول الله]

.
.
.
.
.
.
.
.
.
.
الراحل المقيم مصطفى سيد احمد على خشبة مسرح قاعة الصداقة يردد الرمية الشهيرة من الواسوووق أبت تطلع .....
ثم يبدأ المطلع الأول
يامطر عز الحريييييق
يامصابيح الطرييييق
والجمهور يردد بحماس.. يامطر عز الحرييييق
وفجأة يوقف الموسيقى وترتسم إبتسامة ساخرة على وجهه وهو ينظر الى باب الصالة.
ويقول: أهي بدت تنقط
وعندما يحس بزلزال الجمهور الذي بدأ في الاحتجاج على اولئك الشرذمة والرباطة الواقفين في الباب يقوم يوجه كلمة واحدة للجمهور "حنواصل" وينزل برااهو من المسرح في تصرف حكيم ويمشي ليهم بي كرعينو ويرافقهم في اعتقاله الأخير الذي غادر بعده السودان الى الابد.
---
ويبدو ان بشائر الخيرات - ما الكتاب الصغيروني داك - بعد رجوعنا الى حظيرة الخليج قد بدأت في الهطول بـ 4مليار دولار كـ وديعة سعودية في حسابنا.

فـ هل حنقدر نوعد التحالف ونقول ليهو "حنواصل" ؟؟؟؟
وهل ممكن نقول انها بدت تنقط؟؟؟؟؟









اقول قولي هذا واستغفرالله لي..........................

[عبد المنعم حضيري]

رحم الله صديق الزيبق قائد الكتيبة العسكرية السودانية التي شاركت في دحر عدوان العراق الأول على الكويت ... الذي أرسى دعائم الإخوة بيننا والأشقاء في الكويت وأرسى دعائم الإنضباط العسكري وسط جنوده وعكس الروح السودانية السمحة التي لا تنتظر الجزاء .....
كافأ أمير الكويت هذه القوة بعد إنتهاء مهمتها بأن أعطى كل فرد فيها ظرفاً به مبلغ من المال والهدايا كمكافأة وهم في أرض المطار مغادرين إلى السودان وبعد أن فرغ من ذلك تقدم القائد صديق الزيبق إلى جنوده قائلاً صفا .... إنتباه .... أرضاً ظرف ...معتدل مارش ليسير الجنود إلى طائرتهم تاركين الظروف على أرض مطار الكويت...

[ود الخير]

زول الله أخبار زي دي لو ما عملت ليها مقدمة زي العملتها دي ! عادي ممكن يقوم زول يروح فيها !

منع طيارة الرئيس من عبور الاجواء !

الرئيس لن يشارك في اجتماعات شنو كدا ما عارف!

بالله شوف كنا وين ! وبقينا وين !

قلت لي كم مليار ؟؟ غايتو البشير لو ما فاز في الانتخابات دي ناس السعودية حا ياكلوها ،،،، واللا الرئيس القادم حا ينتهج نهج الانقاذ؟؟


غايتو يا زول الله دي اول مره تظبط معاي

اشجع المريخ ينغلب اشجع ساحل العاج تطير اتمنى ريال مدريد يغلب يتطقطق عادي !

غايتو مع الانقاذ دي شكلها كدا ماشه من أحسن لاحسن .

شكراً زول الله للاخبار السارة