قال عكـود يومآ:.. (الحنينة) هي أرقّ أوتار الطنبور..

[الطيب بشير]

تقول العرب (الـلّـيم) ..هو أرقّ أنواع الحنين..

إيه الحياة غير ليمك..من حالك أصبح.. حظّي زي لون هضليمك (يعني زي لون شعرك)..

و يا شباب مهما نقاسي..الـلّـيم قاسي قاسي

و كثير من الشعر و الغناء

و جارتنا في طابت إسمها الـلّـيم

كتب لي الرائع عكود ذات لطف

جنـــابو،

إنت عارف في سِـلِـك (وتر) في الطنبور إسمو الحنينة؟

الرابط

و لا نريد أن نرى ناس الجزيرة يحتكروا مصطفى سيدأحمد أو أبا عركي أو الكاشف أو محمد الأمين..مثل ما احتكر آل أبي جهينة محمد وردي ..يستطيع عكود أن يدندن بوتر الحنينة في منتدى البركل..و يشدو بوتر ؟؟؟الأوتار التانية إسمها شنو يا خرابة؟؟..يستطيع أن يجوب بسماحة ابتسامة عمامته كل المنتديات..و هاهو طارق الحســن بيننا يؤكّـد ذلك
كتب عكود أكثر من مرة أنه عاد..و سيعود
لكنه غااااائب في الركايب
و بعد عكود سنتابع البقية
نريدكم هنا
في بيتكم
نحتكم للجمال..و نضمّـد إبداع بعضنا..فـهــلآ؟؟

الطيب بشير الطيب/ ميامي/ فلوريدا الأحـد خمسطاشر أبريل 2007

.

[معتصم الطاهر]

بصراحة يا الطيب

قبال يجى عكود

نطرد السبب الطفّش عكود

بس هو شنو ؟

[خالد الحاج]

[align=center]

[/align]

سلامات يا شباب..
ليتك يا طيب تقول له أننا نفتقده ...هنا ... وفي البركل...
وعكود يا باش ما بيطفش... وما في سبب يطفشو...
أظنها مشغوليات والله أعلم...
في حديث تلفوني قبل يومين نقل لي خبر جميل...
سيكون عكود والأسرة بيننا هذا الصيف إن شاء الله...
ويا عكــــــــــــــود.... ما تجيب لينا النبيشة وأدينا طلة.

[الطيب بشير]

المشاركة الأصلية كتبت بواسطة معتصم الطاهر

بصراحة يا الطيب

قبال يجى عكود

نطرد السبب الطفّش عكود

بس هو شنو ؟

هلا معتصم

دحين (طفّـش) دي هنا بالخليجي؟..ولا بالسوداني؟

ع شان المعنى بيختلف

[الطيب بشير]

في حديث تلفوني قبل يومين نقل لي خبر جميل...سيكون عكود والأسرة بيننا هذا الصيف إن شاء الله...
ويا عكــــــــــــــود.... ما تجيب لينا النبيشة وأدينا طلة.

مرحبتين يا خالد الحاج يا حـبّـــوب
الزول دة في التلفون قال لي زي جلغماية مرة إنو جايي يكتب هنا
المرة الفاتت في البوست بتاعي (أعاد عكود أم عاودني ضلالي)..رجع رضّـانا بي يومين و تاني رجع لي ضلالو القديم هو لي رقبتو..
هسع انت وكتو اليجيك أقبضو من عمامتو (الوقّـة) دي..و أفرح به بنات سودانيات..سجن سجن غرامة غرامة
و بننتظر..

[الطيب بشير]

.

أريـــــــــتــــــك تـبـقـى طـيّــب إنـت....أنا البي كـلّـو هيّن

.

[بابكر مخير]

سألت العروس الحلوة
تشربي شنو؟
ترددت وبخجل لاهو متصنع ولامفتعل.
أيوو حاجة
طيب أبوك ما بيشرب عشان نجيب ليهو حاجة يشربها؟
كان سؤالي التاني ليها ونحن في طريقنا لشراء "حاجة باردة".
ردت وببراءة الطفولة مضاف لها ذكاء الشوايقة وعفوية أبوها:
أبوي بيشرب موية دايماً لمن يأكل شطة ........
إنتهى
يا ابوالبشير أخاف أنو عكود يكون شرب موية كتير بعد ما أكل شطة كتيرة ولخبتت ليهو بطنو ويكون دا سبب غيابو، غير كدا ما شايف ليهو عذر
المهم الشمار حيكون عندك فك طلاسمو في خلال العشر يوم الجايات لمن أرجع الإمارات وبعون الله أركب الصعاب وأتوجه الي غرب الامارات في البحث الجاد عن عكود والشطة البتشرب موية كتير
حبي وإعجابي بزهرة عكود الحلوة الحبيبة

ولك يا دفعة همسة(أمبارح كان في فكرة عقد جمعية عمومية < لمرافيت > ضباط الشرطة المفصوليين تعسفيا ولكن لأسباب أجل أم لغى الله أعلم)
المحبة والمودة

[أبوجهينة]

أبو بشير الطيب
صباح الخير يا جنابو

و لا نريد أن نرى ناس الجزيرة يحتكروا مصطفى سيدأحمد أو أبا عركي أو الكاشف أو محمد الأمين..مثل ما احتكر آل أبي جهينة محمد وردي

لا تنسى إنو أنا برضو بالفرع التاني محتكر مصطفى سيد أحمد.

نجي للطنبور أو الربابة

هناك وتر في الربابة إسمه ( المسيكينة ) و هو الذي يلامسه أصبع الخنصر و هو أشد الأوتار ( شداً ) عند دوزنته مع بقية الأوتار.

غياب العكود هنا كالربابة التي ينقصها وتر ... فيأتي دِفْق الصوت كصوت دون رجْع ..
نفتقدك يا عكود

[الطيب بشير]

مرحبتين يا كومندان يا دكتور يا صاحب
و الله بنية عكود "سـت أبوها"..سيرتها العطرة نافسـت عكود أكثر من مرة..و كل من يأتي من تالا عمو عكود لازم يكون طيب..اليجاور السعيد يسعد..و ما تنسى (سعيد الدنيا يدّي قريرو طلّـة)..فما بالك بأهلها..

المشاركة الأصلية كتبت بواسطة Babiker Mukhayer

[color=#CC0000]ولك يا دفعة همسة(أمبارح كان في فكرة عقد جمعية عمومية < لمرافيت > ضباط الشرطة المفصوليين تعسفيا ولكن لأسباب أجل أم لغى الله أعلم)

بالنسبة للبوليص يا سعادتك
و الله نشد من أزركم
و نقف من خلفكم
و نريد أن نعرف "تعليماتنا"
لكن للتوضيح، و حتى لا يلتبس على البعض..أنا قدّمت استقالتي..و تمّ قبولها .. و سافرت في اللوتري بتاع أمريكا..يعني "في الحـتّـة دي " ما مظلوم أبدآ..يجمعني الهم العام مع شرفاء أعزاء مثلكم..لا حدود لدعمي لهم..لكن لا شيء شخصي البتّـة..نحن اترفتنا من التلفزيون شفاهة و سفاهة من الطيب مصطفى قريب الإنقلابي!!
تمنياتي لكم بكل التوفيق..
و أنا منتظر "ثابت" لأي تعليمات
.

[يسرا مصطفي]

في ريحة جروف بي هني
ياربي جايي من وين ؟؟
وكمان ريحة طمبور؟؟
يابي هني في ؟؟

[الجيلى أحمد]

اللوترابى, ودالشيخ , راجل ميامى..

عكود زولآ سمح بالحيل,
وكلامو عن الحنينه فى بكانو
والإتنين نسمة ودعاش فى هذه الدار

بنسأل منو كتير والله,

ياها عوايدك ياأبوالبشير


ودالحاج
دا والله خبر جميل
وكلنا حانجى بى هناك..
أدينى التفاصيل وحاأكون معاكم طيران..


بلا شغل بلا بطيخ..

[الطيب بشير]

المشاركة الأصلية كتبت بواسطة يسرا مصطفي

في ريحة جروف بي هني
ياربي جايي من وين ؟؟
وكمان ريحة طمبور؟؟
يابي هني في ؟؟

تحـســبوا لعــب؟؟

هـلا هلا بالأخــت يسرا مصطفي

جروف..و (حروف)..نغم..دوبيت..و قرّاصــة ذاتو عندنا

مرحب بيك لا داخل

هل أتاك حديث آل عـكــود؟؟

.

[الطيب بشير]

المشاركة الأصلية كتبت بواسطة Elgaily

اللوترابى, ودالشيخ , راجل ميامى..
عكود زولآ سمح بالحيل,
وكلامو عن الحنينه فى بكانو
والإتنين نسمة ودعاش فى هذه الدار

بنسأل منو كتير والله,

ياها عوايدك ياأبوالبشير

حباب جيلي القوم
تحية و شوق يا مطموس
صح لسانك .. حنينة ..إنسان بماكينة ملاك ..
أحيانآ أجدها too good to be true
و عكود لا يقل عنها ..عنك ..روعة ..
لا يحجب بسمة عن أحد
نريدهما معآ
معنا .. في سودانيات ..
حنينة موجودة .. و عكود غايب
وحشتنا كتاباتو ..
أشعار آل عكود ..
ود بادي ..
مناكفاته لي/ لك..
حتى حمار التيمان وحشنا يا شيخ الجيلي ..
دفننا راسنا في الرمال فترة كافية
قلنا سودانيات لا تحتمل فتح كل الملفات ذاك الوقت ..الأزمة
و الحمد لله ..نحن الآن أفضل..
عكود ..ما ا ا ا ا ا مبسوط ..
عاوزين نراضيهو
بالضغط العاطفي
بالتنازلات
I don't know
قولوا إنتو؟
تسلم يا الجيلي

.

[الطيب بشير]

المشاركة الأصلية كتبت بواسطة أبوجهينة

أبو بشير الطيب
صباح الخير يا جنابو



لا تنسى إنو أنا برضو بالفرع التاني محتكر مصطفى سيد أحمد.

نجي للطنبور أو الربابة

هناك وتر في الربابة إسمه ( المسيكينة ) و هو الذي يلامسه أصبع الخنصر و هو أشد الأوتار ( شداً ) عند دوزنته مع بقية الأوتار.

غياب العكود هنا كالربابة التي ينقصها وتر ... فيأتي دِفْق الصوت كصوت دون رجْع ..
نفتقدك يا عكود

أبو جهينة يا غالي ..لومك علي ..و على جهلي التقني
دنكلت لك مداخلة غليدة ..بإقتباسات و ألوااااان ..و بعثتها ..لكني لم أجدها هنا!!
قلت لي في وتر في الربابة إسمه ( المسيكينة ) ؟
دة أكيد جميل ..المساكين ديل أهم ناس
تحياتي ياغالي ..و ما قلت لي أمين وين؟ معاكم بالمملكة لسع؟


.

[أبوذر بابكر]

وحبابين "طيب القوم"

ود أبواتى لحاقين بعيد

تعرف عجبتنى "جيلى القوم" الفوق دى
طوالى قلت أجيرها لسعادتكم

ومعاها كمان "القيام لكم"

وفعلا والله يا ابو البشير أنا مما جيت صاد للحلة النديانة دى
ما شايف اخونا عكود

شريكى فى "جب" الإسم

ياخى أهلنا ديل ذاتن ناس عجيبين
يعنى ما لقو إلا يسمونا على "كنية"

طيب كان يسوها "جُندب" عديل

ما علينا

خلينا فى سؤالنا عن عكود

وكان لميت فيهو أغريهو السلام والتحايا

بعد ما تشيل إنت منها ما يكفيك ويزيد