خريجو جامعة أسيوط لمزيد من التواصل

[imported_rabab mahamoud]

المشاركة الأصلية كتبت بواسطة مكي محمد الحسن

السلام عليكم يا صعايده
مرحباً بالأخ الصعيدي محمد سيد أحمد ود البيك
وان شاء الله معانا دائماً وما تنقطع

طبعاً يا كباشي يا أخوي ...
كدي في الاول نديك الغلوتية دي ..
مرارة خروفكم غلبت مرارة خروفنا ..تقدر مرارة خروفنا تغلب مرارة خروفكم ..زي ما مرارة خروف السودان غلبت مرارة خروفنا وخروفكم؟

طبعاً المرارة دي نحنا بنأكل فيها الكبدة مع البصل وقطعتين من الكرشة الرهيفة الطبقات
وحرمنا المصون كريمة في عيزومة الناس ليها علي الرغم من تحضيرها للمرارة بإخلاص فهي لا تقربها ولا حتي الكمونية ..
أها اليوم بعد صلاة العيد شدينا الرحال الي المزرعة وهي علي بعد 20 كيلو متر من مدينتنا.. نظام قلنا نذبح برانا وكدة ورفضنا الذهاب الي محلات ( حلال ) لانه سوف يأتينا بالخرفان مجهزة ومعها فقط (الكبدة) يعني من غير (كرشة) يوم الخميس القادم ان شاء الله وكنا ثلاثه سودانيين ونود شراء 5 خرفان ...وجدنا بعض من الاخوة المسلمين من باكستان وبنقلاديش وليبيا وجنسيات أخري ..زحمه يوم الحشر ومعظمهم يريدون زبح أبقار وماعز ونحنا في انتظار ان يأتي دورنا منذ الساعة 11 ظهراً الي الساعة 6 مساء والحكاية ما دايرة تنتهي عندنا.. قام صاحب المزرعة قال لينا بعد البقرة دي ما حا اذبح تاني .. انتوا تجوا بكرة ..طبعاً زعلنا وخرجنا من المزرعة وذهبنا الي بيوتنا ..اها يا أخوي لقيت المدام منتظرة ..
- الخروف وينوا ؟
- الراجل قال بكره
- يعني ما في مراره ؟
- وإنتي مالك بيها المرارة؟
- هي ما ناس فلانه وفلانه قلت ليهم تجوني باكر بتلقوني محضراها ليكم..
قلت ليها طوالي تمشوا علي كمبيوتري ده وتفتحوا سودانيات صفحة الاسايطة بتلقوا أخونا كباشي محضر ليكم طبق ناقصاهوا الشطة بالليمون والدكوة وقال ليكم شيتوا علي النار ..

يا كباشي يا أخوي عندك زيادة مرارة ولا نمشي نذبح خروف تاني؟؟

للجميع عيد سعيد ان شاء الله

عموم أهلنا الاسايطه كل عام وانتم بألف خير ومتجمعين انشاالله في بيت الله--أخوي مكي مرارتك وشيتك سىخ وصاج +الكمونيه على بس رسل سريع شىلهم قبل مايبردوا وبالهنا لكل المغتربين المالاقيين ضباحين-

[imported_مكي محمد الحسن]

المشاركة الأصلية كتبت بواسطة rabab mahamoud

عموم أهلنا الاسايطه كل عام وانتم بألف خير ومتجمعين انشاالله في بيت الله--أخوي مكي مرارتك وشيتك سىخ وصاج +الكمونيه على بس رسل سريع شىلهم قبل مايبردوا وبالهنا لكل المغتربين المالاقيين ضباحين-

الاخت رباب محمود
عيدك انت والاسرة مبارك وسعيد
وشكراً جزيلاً علي (المراة والشية السيخ وصاج والكمونية ) عيزومتك وصلت تب...
لكن الأطباق دي دايره ليها ( شربوت ) لزوم الهضم وكده ..
ياربي البيتبرع يرسلوا لينا منو؟؟؟؟؟؟؟

[imported_ابوريم]

الاسايطة الكرام في كل بقاع الارض
سلام
عيدكم مبارك
وربنا يحقق الاماني
وتقبلواالتهاني بالعيد من الاخوة الاسايطة بالسودان والسعودية:
ابراهيم منصور.تربية(ربك)
ناصرابوشوك.تجارة(امدرمان)
ابراهيم عباس.تربية(الرياض)
عفيف الطيب.تربية(الطائف)
محمدعيسى.تجارة(رهيدالبردي)
اديبة الحواتي.تربية(امدرمان)
الصادق يونس.تربية(الحاج يوسف)
عبدرالرحمن محمدموسى.تربية(الدمام)
نوال تاج السر.تربية(الرياض)
فتح الرحمن بابكر.تربية(الرياض)


_____________
الف ترحيبة وتحية لود البيك ورباب محمود وان شاء الله دايما متواصلين
_______________
مكي بي فصاحتك دي كلها وغالبك تضبح؟

[imported_مكي محمد الحسن]

المشاركة الأصلية كتبت بواسطة ابوريم

الاسايطة الكرام في كل بقاع الارض
سلام
عيدكم مبارك
وربنا يحقق الاماني
وتقبلواالتهاني بالعيد من الاخوة الاسايطة بالسودان والسعودية:
ابراهيم منصور.تربية(ربك)
ناصرابوشوك.تجارة(امدرمان)
ابراهيم عباس.تربية(الرياض)
عفيف الطيب.تربية(الطائف)
محمدعيسى.تجارة(رهيدالبردي)
اديبة الحواتي.تربية(امدرمان)
الصادق يونس.تربية(الحاج يوسف)
عبدرالرحمن محمدموسى.تربية(الدمام)
نوال تاج السر.تربية(الرياض)
فتح الرحمن بابكر.تربية(الرياض)


_____________
الف ترحيبة وتحية لود البيك ورباب محمود وان شاء الله دايما متواصلين
_______________
مكي بي فصاحتك دي كلها وغالبك تضبح؟

السلام عليكم يا صعايده
عيد سعيد علي جميع الأسايطة..
الأخت رباب محمود نسيت أسألك ..انت رباب ( زراعة ؟)

ابوريم عيد سعيد وكل عام وانتم بخير انت والاسرة

قلت لي:

مكي بي فصاحتك دي كلها وغالبك تضبح؟

القصة ما قصة اذبح ..بمعني انحر ( الخروف ) من رقبته بي سكينة..
ولكن هنا يمكنك القيام بالذبح بعدما تختار الخروف في داخل غرفة مدفاة
نسبة للبرد القارص ( 21- مئوية تحت الصفر ) ..ولا يسمح لك صاحب المزرعة
بعمليتي ( سلخ الجلد ) و ( تقطيع اللحم والعظم ) والتي تتم بالمنشار الكهربائي
وذلك لمبدأ السلامة .. ومع ذلك (أعترف) فأنا لا أعرف الذبح ..
ولكن القصة بانه صاحب المزرعة لديه الكثير من الابقار والماعز ( التيوس )
يريد بيعها فوجد في الغالبية من الحضور من يرغبها ...فداهمنا الليل حيث
مكثنا هنالك الي ما بعد الساعة 6 مساء ( المغرب عندنا 4:20 ) وعلي ذلك
قرر صاحب المزرعة بأن لا يقوم بأي بيع الا يوم الغد ...ونسبة لانشغالنا بأعمالنا
في اليوم التالي لم نتمكن من تحقيق ( الأضحية ) والله يقبل النيه ...
هذه الصورة من المزرعة والتي تبعد حوالي 20 كيلو متراً عن المدينة ..



وكان ما مصدق أسأل الاخ هاشم محجوب ..عن زمان لما جبنا الخروف
في القاهرة و ( كرفسنا ) ليك في حمام الشقة في دقائق ..ولا من شاف ولا من دري ؟!

أسع ( الشربوت ) عليك رسلوا بطل لولوه ..إن شاء الله مجفف!

[imported_ابوريم]

ميكي الجميل
كل سنة وانت طيب
بشاغل فيك ساكت
ربنا يغطيكم من شرور البرد
اما الاضحية انما الاعمال بالنيات وربنا يتقبل

[imported_محمد ود الطيب]

المشاركة الأصلية كتبت بواسطة مكي محمد الحسن

السلام عليكم يا صعايده
عيد سعيد علي جميع الأسايطة..
الأخت رباب محمود نسيت أسألك ..انت رباب ( زراعة ؟)

ابوريم عيد سعيد وكل عام وانتم بخير انت والاسرة

قلت لي:


القصة ما قصة اذبح ..بمعني انحر ( الخروف ) من رقبته بي سكينة..
ولكن هنا يمكنك القيام بالذبح بعدما تختار الخروف في داخل غرفة مدفاة
نسبة للبرد القارص ( 21- مئوية تحت الصفر ) ..ولا يسمح لك صاحب المزرعة
بعمليتي ( سلخ الجلد ) و ( تقطيع اللحم والعظم ) والتي تتم بالمنشار الكهربائي
وذلك لمبدأ السلامة .. ومع ذلك (أعترف) فأنا لا أعرف الذبح ..
ولكن القصة بانه صاحب المزرعة لديه الكثير من الابقار والماعز ( التيوس )
يريد بيعها فوجد في الغالبية من الحضور من يرغبها ...فداهمنا الليل حيث
مكثنا هنالك الي ما بعد الساعة 6 مساء ( المغرب عندنا 4:20 ) وعلي ذلك
قرر صاحب المزرعة بأن لا يقوم بأي بيع الا يوم الغد ...ونسبة لانشغالنا بأعمالنا
في اليوم التالي لم نتمكن من تحقيق ( الأضحية ) والله يقبل النيه ...
هذه الصورة من المزرعة والتي تبعد حوالي 20 كيلو متراً عن المدينة ..



وكان ما مصدق أسأل الاخ هاشم محجوب ..عن زمان لما جبنا الخروف
في القاهرة و ( كرفسنا ) ليك في حمام الشقة في دقائق ..ولا من شاف ولا من دري ؟!

أسع ( الشربوت ) عليك رسلوا بطل لولوه ..إن شاء الله مجفف!

مكوك والله دي فكرة رهيبة اوع يسمعو بيها بتاعين الويسكي

[imported_Wad Elbeck]

المشاركة الأصلية كتبت بواسطة محمد ود الطيب

مكوك والله دي فكرة رهيبة اوع يسمعو بيها بتاعين الويسكي

الاخوان عصام عليش, مكى وابوريم شكراً جزيل على الترحيبات وان شاء الله دائماً متواصلين.
اختنا رحاب محمود اهلاً وسهلاً بيك.

يا مكى لو كنت فى مكانك بعد شرة الخروف الطويله دى, كان زعله بس جبت لى خروف بأى طريقه وضبحتو ليك قدّام البيت وكمان أدفّق ليهم الكرشه تحت أقرب شجره وأرمى ليهم المصران أبو كبيره فى نص الزلط (عشان يآمنوا ذاتو)

[imported_الزوول]

السلام عليكم
مرحب بكل الشباب الجدد
وأقبلوا هذه التهنئة المتأخرة ، كذلك الترحيب المتأخر بأخونا ود البيك
ومتابعين...
.............

.............

[imported_muntasir hassan]

المشاركة الأصلية كتبت بواسطة ابوريم

الاسايطة الكرام في كل بقاع الارض
سلام
عيدكم مبارك
وربنا يحقق الاماني
وتقبلواالتهاني بالعيد من الاخوة الاسايطة بالسودان والسعودية:
ابراهيم منصور.تربية(ربك)
ناصرابوشوك.تجارة(امدرمان)
ابراهيم عباس.تربية(الرياض)
عفيف الطيب.تربية(الطائف)
محمدعيسى.تجارة(رهيدالبردي)
اديبة الحواتي.تربية(امدرمان)
الصادق يونس.تربية(الحاج يوسف)
عبدرالرحمن محمدموسى.تربية(الدمام)
نوال تاج السر.تربية(الرياض)
فتح الرحمن بابكر.تربية(الرياض)


_____________
الف ترحيبة وتحية لود البيك ورباب محمود وان شاء الله دايما متواصلين
_______________
مكي بي فصاحتك دي كلها وغالبك تضبح؟

[Imported_كباشي]

المشاركة الأصلية كتبت بواسطة مكي محمد الحسن

[align=justify]مكي كل سنة و إنت و شهد وأم شهد طيبين
يازول أمش علي أهلك من الصقطة دي ما قصرت في سنتك الاعمال بالنيات وهو خروفاً في التلج دا دحين بكون فيه دم خلي لحم .[/align]

[imported_عبدالله عبداللطيف]

الإخوه الأسايطه جميعا
سلامات وكل عام وأنتم بخير
السنة الجاية مجتمعين كده على صعيد عرفات
طولنا من المشاركة ولكن متابعة جيده
ترحيب حار بأخونا د. عصام عليش وأذكره جيدا وقد قابلته في أسيوط لما كنا برالمه ( والله زمن ) بالمناسبة يادكتور اذا كان يطلق على عهدنا عصر الديناصورات فماذا يطلق على عصركم ؟ لك مني كل التحايا .
الأخت رباب محمود والأخ ود البيك مرحبا بكم نورتوا المنتدى وكل عام وأنتم بخير .
أخونا أسامه الكاشف تحية وكل سنة وأنت طيب والأسرة الكريمة .. في مداخلة سابقة جبت سيرة أخونا صلاح تكونة بالله ما تشوف لينا طريقة اتصال بيه وأكون من الشاكرين والله من زمن أنا بفتش لي طريقة اتصال بيه وما لاقي .
تحياتي لكم جميعا وكل عام وأنتم بخير .

[imported_القاسم اسماعيل محمد طاهر]

الاسايطة جميعا
كل سنة وانتو طيبين وليكم وحشه

[imported_أسامة الكاشف]

الأسايطة الأعزاء
تحايا وأشواق
ألف مرحب بي ود البك وإن شاء الله يطيب ليه المقام
(طبعاً الدفعة الورانا)
عصام عليش أخونا عبد المجيد الطريفي بالخرطوم وهو متابع البوست

العزيز عبد الله السعودي تكونا بمدينة صلالة وسأحاول الحصول على وسيلة أتصال به

[imported_د.عصام الدين عليش]

المشاركة الأصلية كتبت بواسطة عبدالله عبداللطيف

الإخوه الأسايطه جميعا

ترحيب حار بأخونا د. عصام عليش وأذكره جيدا وقد قابلته في أسيوط لما كنا برالمه ( والله زمن ) بالمناسبة يادكتور اذا كان يطلق على عهدنا عصر الديناصورات فماذا يطلق على .
تحياتي لكم جميعا وكل عام وأنتم بخير .

[align=justify]الاخ عبد الله عبد العزيز عبد الله عبد اللطيف
السلام عليكم ورحمة الله وبركاته
سعدت بوجود واشكرك لهذا الترحيب الحار . اخي العزيز الكتوف إتلاحقت وانصهر البرنسات مع الاطباق ومع الفدائين طبعا ديل أسماء كل دفع البرالمة منذ العام الدراسي 77/78 وإنت ماوريتني لما كنت برلوم سموكم شنو؟؟
لك الف تحية وألى لقاء [/align]

[imported_د.عصام الدين عليش]

[QUOTE=أسامة الكاشف;121415]
عصام عليش أخونا عبد المجيد الطريفي بالخرطوم وهو متابع البوست

QUOTE]

[align=justify]الاخ إسامة الكاشف
السلام عليكم ورحمة الله وبركاته
ارجوا ان تبلغ تحياتي للاخ العزيز عبد المجيد الطريفي اللذي تربطني به ذكريات لاتنسى
لك الف تحية وإلى لقاء [/align]