داا شنو

[نسايم]

المشاركة الأصلية كتبت بواسطة محمد أبوعاقلة

لسه باقي على الإلفة كم محطة !!!

وبعدين اعملي ليك زلط لى قطرك دا عشان يوصلنا بأي طريقة ...

الالفة مابي المحطاااات
بتجي متى ماتجي
القطر مبمش في زلط

[bayan]

وما تشتغلي بالكماسرة المفتحين
القالو مفتشين

:
والله يا ابو عاقلة الا اسع المفتش يلبس
الكبك ابو شلاخات ويخش الدافوري الحار دا
لما ما تعرفو تقولو شنو وانت ورافت
وتبقى عليكم قصة كركدي وما عرفتا ليه D

لكن بري سواق القطر زينة وحالف ما يدلينا
يمشى في البلاط والجبال والحديد
والحبال وما يقع
صلاتي على موحمد..
دا الجيل الجديد الما عنده حديدة ما يقرب...

[نسايم]

دى حملة شملت الجميع بمسلمات قد تكون فى الكثير يشمل البعض الضئيل فى هذا الإسفير الواسع . ما كتتبه يمثل رأى معارض لهذه الرؤيا . وأتطابق معكى تمامآ فى رفض الصفوة التى لا تتطابق مع رأى الشارع ولكنى أجدك فى نقدك للإسفير كأنك تطالبين به صفوة بممارسات خاصة .
انا مافهمت حتة صفوة بي مواصفات خاصة
ولسة بتشدد انو عاوزة اوجه الناس واعمل وصي

[نسايم]

المشاركة الأصلية كتبت بواسطة bayan

:
والله يا ابو عاقلة الا اسع المفتش يلبس
الكبك ابو شلاخات ويخش الدافوري الحار دا
لما ما تعرفو تقولو شنو وانت ورافت
وتبقى عليكم قصة كركدي وما عرفتا ليه D

لكن بري سواق القطر زينة وحالف ما يدلينا
يمشى في البلاط والجبال والحديد
والحبال وما يقع
صلاتي على موحمد..
دا الجيل الجديد الما عنده حديدة ما يقرب...

والله يا دكتورة انتى عسل
وتسلمى لي
بس عارفة محمد ابو عاقلة دااا شكلو زي ما قال على روحو شطاااااااااح
بس برضو سؤالو عن الالفة والمحطاااات كان في مكانو
لانو زي ما انتى عارفة بدون الفة مابنفتح القلب لي المعرفة
بقيييييت زيو شطاااااحة

[نسايم]

المشاركة الأصلية كتبت بواسطة bayan

دا شنو؟؟؟؟

انت يا نسايم كتبتي شنو غير القريتو انا؟
كتابتك يبدو فيها غور وسطح فاتو على خالتك

ما تخلي الرجالة تعمل ليك "انتمديشن"
ويمشوك في خطهم...

تعرفي انا زمان قلت اي زول عايز يفتح بوست يكون عامل كونتراكت
مع وداعية شوافة توريك ماشي وين..
لانه ممكن بوست بتاع
يا عصافير الجنة
تدور فيه شكلة كبيرة...

كدي دا اول امتحان سايبري ليك..
والقطر فيهو مفتش يا شباب

انتي موووش جنبي
مابيقدرو يعملو اي حاجة
لكن عارفة جد عاوزة لي وداعية لانو البوست دا اتفرع واتقسم
واتكوم
بس برضو انتى جنبي مابتجينى عوجة ابقي قريبة يا دكتورة

[عمر مجذوب خطيب]

نسايم - لم ادخل عالم المنتديات الا قبل ستة اشهر فقط - وان كنت ادخلها متصفحا وقارئا- اذهلني واحبطني تطاول البعض ولا منطقيته وروحه العدائية وعدم تهذيبه - وكذا ادعاء فريق اخر يحدثك عن العولمة وحقوق الانسان بلغة مصطنعة وشلاقة مفتعلة - الاحترام وليس غيره هو المخرج - احترام النفس اولا والاخر ثانيا والمعرفة ثالثا والتجارب رابعا - لكن اسألك وبقية المتداخلين من هم رواد المنتديات او غالبتهم اليسوا هم خريجي اركان النقاش وصحف الحائط الجامعية
مودتي

[نسايم]

هنا نعود للتطابق وهو دولة القانون وهى التى تنظم المسار . نهتم باللوائح والقوانين ونعتنى بتطبيقها بعيآ من النقد المباشر لأسلوب وهفوات البشر وتعميمها على الكل .




عارف انا مابحب سياسة جمال عبد الناصر وعندي عليها كتير من التحفظات لكن
عجبنى لما اعترف بي الهزيمة واستقال كتير من المشككين قالو هو عارف انو شعبو ما برضي بغير عبد الناصر فكان هو زكي ولعبها صاح
مين في الحكام العرب بيقدر يخطو خطوة زي دي
ومين بيقدر ينتقد حكومة او قانون سن
دي حقيقة
بس النقطة اللي ناقشتها انا ما النقد ووجوده في حكوماتنا لكن ناقشنا وجود القوانييين وهل هي ضرورية
اعتقد انو دي مافيها نقاش لانو انا ذكرت قبل كدا من غير القوانيين نكون كأننا نعيش في غابة
لذلك لابد من القواييين

[نسايم]

المشاركة الأصلية كتبت بواسطة bayan

تحكمي عقلك دائما.. قلبك في هذه المنتديات تخلي بعيد
لانه حيكسر من اقرب الاقربين سايبريا

في ناس كدا لله شريرة..
طيعهم كدا.. يكونو مصاحبنك ذي العجب
ولكن تجي اي لحظة طعنة من الخلف ما بيفوتوها
الايام الفاتت بجدية بفكر
في نظرية حسن موسى
الاعدقاء
هنا يا حبيبتي لا يوجد ثوابت
الدنيا الحقيقة...
دا عالم الشاشة الغشاشة واهم من يظن ان الاشياء هي الاشياء..

يلا خلينا نشوف حتصلي لشنو
مودتي واعجابي

دكتورة
الرسول الحبيب صلي الله عليه وسلم بيقول بما معناه الارواح جنود مجندة ما تعارف منها اتفق ومتنافر اختلف
واسي انا رسلت ليك وعرفت لانو روحي سكنت لي روحك
وانا صوفية يا دكتورة وبعتبر انو الحب والصفا هم اساس الحياة
والنيتو نضيفة ابدا ما بخسر ما سمعتى اهلنا بيقولو النية زاملة سيدها
اعجابك علي عينى وفوق راي ومودتك في قلبي ليهخا مكانة

[رأفت ميلاد]

المشاركة الأصلية كتبت بواسطة نسايم

.
انا مافهمت حتة صفوة بي مواصفات خاصة
ولسة بتشدد انو عاوزة اوجه الناس واعمل وصي

سلام يا نسايم
إنتى ليه مصرة تعمليها شكلة .
كلامك وصايا والوصايا مرفوضة والحرية حلوة . حلاوة مولد البحب السمسمية يمشى لى ناس السمسمية وناس الحموصية براهم أنا غايتو بحب البليلة . وكل واحد ياكل على الجنب البريحو . أما النشالين عكود قاااعد ومافى داعى لى خفراء ومصلحين .

المشاركة الأصلية كتبت بواسطة نسايم

عارف انا مابحب سياسة جمال عبد الناصر وعندي عليها كتير من التحفظات لكن
عجبنى لما اعترف بي الهزيمة واستقال كتير من المشككين قالو هو عارف انو شعبو ما برضي بغير عبد الناصر فكان هو زكي ولعبها صاح
مين في الحكام العرب بيقدر يخطو خطوة زي دي
ومين بيقدر ينتقد حكومة او قانون سن
دي حقيقة
بس النقطة اللي ناقشتها انا ما النقد ووجوده في حكوماتنا لكن ناقشنا وجود القوانييين وهل هي ضرورية
اعتقد انو دي مافيها نقاش لانو انا ذكرت قبل كدا من غير القوانيين نكون كأننا نعيش في غابة
لذلك لابد من القواييين

هسة الجاب عبد الناصر شنو ؟
أنا زاتى ما بحبو وما بحب الشيوعين ولا الكيزان وبإختصار ما بحب الشموليين كلهم . القانون يعنى العدل . يعنى يطبق علىّ القانون وأنا راضى مهما كانت قسوة التطبيق . المهم فى الأول أوافق عليه وبعدين أغلط على كيفى .

أها كدا لا كبار ولا حاجة . والكمسارى أقصد المفتش بتاعك زاااتو ما بخوفنا ممكن نسافر مسطحين .. كالعادة نحن دايمآ مسطحين .

الموضوع أبسط من ما تتصورى
أها لقيتنى كيف

[أشتر]

المشاركة الأصلية كتبت بواسطة رأفت ميلاد

المهم فى الأول أوافق عليه وبعدين أغلط على كيفى .

لا ... هنا بصراحة ... استوب

راجع المادة اربعمية واحد واربعين من قانون العقوبات لسنة كم ما عارف ...

وبعدين انا لو لقيت المادة ستمية واربعطاشر مناسبة معاي ... بغلط مافي مشكلة
كلها شهر واطلع تاني ...
لا يا ود ستمية اتنين وخمسين لايقه عليك ... تمام
نخش في الغلط ...

المشاركة الأصلية كتبت بواسطة رأفت ميلاد

أها لقيتنى كيف

وخاب ظني .. خاب ظني
وما بقي في العمر شي
افتكرتك ح تجيب كدايسك الاديداس الأصلية
وخاب ظني ...
البسطح والبملح والبلمح دي كلهن واحد
وبرضو اخترتك حبيبي*
الواحد ما بعرف الوان الايام شنو !!!*

[أشتر]

المشاركة الأصلية كتبت بواسطة رأفت ميلاد

هسة الجاب عبد الناصر شنو ؟

كلمتك قبل كدا قلت يا زول الزولة دي عارفه أي حاجة ... ما صدقتوني
ما تستغرب تزرع لينا كم لغم ونحن ماشين في سكّتا ...
وسكة الزول البعيد ...

[أشتر]

المشاركة الأصلية كتبت بواسطة نسايم

وانا صوفية يا دكتورة

قبل كدا سمعت استاذنا ابراهيم الصلحي قال لينا الصوفية دي هي الأخرت السودان والسودانيين ما كلهم لكن السواد الأعظم والممكن يعملو حاجة .. لارتباطا بالزهد الغير مبرر والأصبح عائق في نمو الابداع عندنا ...

[أشتر]

المشاركة الأصلية كتبت بواسطة عمر مجذوب خطيب

وكذا ادعاء فريق اخر يحدثك عن العولمة وحقوق الانسان بلغة مصطنعة وشلاقة مفتعلة - الاحترام وليس غيره هو المخرج

ازيك يا عمر مجذوب ...
ما تتوقف كتير في الحاجات الفارغة جدا جدا ...
الذين يتجاذبون اطراف الحديث لغاية ما شرّطو كلو ... خليك منهم
هم في وادي والواقع في وادي .. وهم زاتم واقعين في وادي
طبعاً غير ذي زرع ..

[أشتر]

المشاركة الأصلية كتبت بواسطة نسايم

لكن عارفة جد عاوزة لي وداعية لانو البوست دا اتفرع واتقسم
واتكوم

مافي غيرك وداعية ... فرعتو وقسمتو وكومتو
ونحن نشتري على عمانا ...
بعدين شوفي ليك حيطة جديدة اتكلي عليها
واختي الرملة ما تقعي المكان الهش

[أشتر]

المشاركة الأصلية كتبت بواسطة نسايم

الالفة مابي المحطاااات
بتجي متى ماتجي

المشاركة الأصلية كتبت بواسطة نسايم

بس برضو سؤالو عن الالفة والمحطاااات كان في مكانو

وتاني وتاني وتاني
الجهجهة ولا صمّت الخشم*