يابو أماني من الحب ما قتل

imported_فتحي مسعد حنفي · 19-12-2009, 05:05 PM

في قطيعة موبايلية مع أم أماني حاولت فيها قدر المستطاع أن أزرع بذور الانشقاق بينها وبين بعلها ولكني أصبت بالفشل فهذه المرأة العظيمة المخدوعة في النصيب الذي قسمه لها ألله تعشق هذا الرجل الشين وتحلف انه كان في يوم من الأيام يملك شعر سبيبي تقرقد بعوامل التعرية حسب تعبيرها..وأنه أوسم رجل التقت به..شوفو حكمة الله بتسوي شنو

أخبرتني ان هذا الملعون يحكي لها كل ما يدور بيننا من مناكفات وقالت انه يحبني حب شديد فأجبتها بأن من الحب ما قتل وأنا راجل عندي عيال عايز أربيهم ومستغني عن حب أبو أماني ومخليهو ليها ولي أولاده..والغريبة لم تصدق ان أول مرة ألتقي فيها به كانت في نفس اليوم الذي التقيتها فيه..والتقيت فيه أيضا لأول مرة بحبيبنا شليل والسيدة حرمه..
عموما ما تخاف يابو أماني المدام في أيدي أمينة وود أمينة مشرف علي الأمور..

19-12-2009, 09:54 PM

صاحبك يا خواجة اتحنكش علي باقي عمرو وبقى ما بفرق بين الويكة والويكاب
اظن الخبر وصلك

imported_فتحي مسعد حنفي · 19-12-2009, 10:11 PM

اقتباس:

المشاركة الأصلية كتبت بواسطة أحمد محمد زين حسين

صاحبك يا خواجة اتحنكش علي باقي عمرو وبقى ما بفرق بين الويكة والويكاب
اظن الخبر وصلك

أولا الشكر ليك علي الشاي وما بتقصر والحمدلله ما قلت ليهو داير تمباك عشان ممكن يرسل لي تمليكة...
المهم ما يكون متفق مع عقابو انهم يصادرو الشاي عشان يدوهو للدكتور وغايتو الله في يا ود الزين وأنا بكرة دربي عديل ماشي العتبة أشتري أكبر كنش في السوق أديهو لي أم أماني المسكينة الضاحك عليها دي

أها بالمناسبة هو ما قال لي الشاي مرسلو انت والخبرية دي عرفتها من أم أماني..بالله شفت الخبث والجبن بتاع الراجل دا

imported_مواطن · 19-12-2009, 10:38 PM

أبو الفتوح الحبيـب ..
تحياتي الخالصـة ...
تقريرك إتأخر كتير جداً ..
لقد أقام سيادتكم الدنيا وإضطررت أنا صاغراً لإقعادها عندما كتبـت عن الأخ عابدين ..
وتحفظت أنت على ما أرودته من حقائق عن الزين ...إلى أن تراه .. وهاهـو المعيدي أمامك.
أما وقد إستبان لك الآن الخيط الأبيض من الأسود ..
فأرجـو ألا تكونن قد فطـرت على بصلـة كما يقولون ..
فقـد طال صيامك .. كما طال إنتظاري لتقريرك هذا .. والذي أكـد ما ذهبـت إليه آنفاً في مقالي التعريفي بالأخ شـريف ...
أقعـد بالعافيـة ..

imported_فيصل سعد · 19-12-2009, 10:40 PM

سلام يا خواجة يا رفيقنا و عمنا
الزول دا انبشوا و جغمس
حنانو لكن كمان
ما تاكل لحمو، و تشرب دمو،
لانه برضو اخونا الكبير،
و ما بنرضى سيرته يلوكها
كل من هب و دب بسبب
مناوشتك اللذيذة، و نيران حبك
و مدفعية مودتك التقيلة
بعدين حاسب الزول دا بفطر مع
الوالي و بتغدا مع الارباب و ما
بعيد اتعشى مع الكاردينال ..

تصدق في حنكوشة سألتني :
صحي ابو اماني بتاع مكنات
و جاكات و مفاريك و كدا
قلت ليها هوي يا بت الناس هوي،،
اوعك تسمعي و تباري جغمسات
الخواجة و تهاويشه،، دا زول بتونس
و بهظر ساي، و مسحلب و صواميله
حالجة و بولتينو ضارب
و بتاع شدايد و كدا

استمتع بالشاي الباذخ
و ايامك ساكوبيس

imported_فيصل سعد · 19-12-2009, 10:47 PM

اقتباس:

المشاركة الأصلية كتبت بواسطة مواطن

فقـد طال صيامك .. كما طال إنتظاري لتقريرك هذا .. والذي أكـد ما ذهبـت إليه آنفاً في مقالي التعريفي بالأخ شـريف ...
أقعـد بالعافيـة ..

عزيزنا ابو مهيد،
سلام و شوق لك و
لطلتك المفرحة ..
قلت لي اسمه مامون،
بيني و بينك صاحبك
يحير الما بتحير

ارقد عافية ..

imported_فتحي مسعد حنفي · 19-12-2009, 11:53 PM

اقتباس:

المشاركة الأصلية كتبت بواسطة مواطن

أبو الفتوح الحبيـب ..
تحياتي الخالصـة ...
تقريرك إتأخر كتير جداً ..
لقد أقام سيادتكم الدنيا وإضطررت أنا صاغراً لإقعادها عندما كتبـت عن الأخ عابدين ..
وتحفظت أنت على ما أرودته من حقائق عن الزين ...إلى أن تراه .. وهاهـو المعيدي أمامك.
أما وقد إستبان لك الآن الخيط الأبيض من الأسود ..
فأرجـو ألا تكونن قد فطـرت على بصلـة كما يقولون ..
فقـد طال صيامك .. كما طال إنتظاري لتقريرك هذا .. والذي أكـد ما ذهبـت إليه آنفاً في مقالي التعريفي بالأخ شـريف ...
أقعـد بالعافيـة ..

قلبك أبيض يابو مهيد..أنا شخصيا من يوم ما قابلتك ما شفت من وراك شي كعب الا اني صاحبت الزول دا عشان فيهو من ريحتك يعني ذنبي في رقبتك...
بعدين يالحبيب خيط أبيض وخيط أسود شنو

يازول أنا من عرفتو ما شفت حاجة بيضا الا القميص الكان لابسو أول يوم أقابلو ودا طبعا عشان معرض أماني وكان لابس رسمي..بدلة وكدا..
غايتو المثل بقول عشان خاطر عين تكرم مدينة وأنا عشان خاطر عيونك صابر ومتحمل والحصل حصل وقالو كتر البتابت عيب وأنا ذاتي ما صقر

imported_فتحي مسعد حنفي · 20-12-2009, 12:07 AM

اقتباس:

المشاركة الأصلية كتبت بواسطة فيصل سعد

سلام يا خواجة يا رفيقنا و عمنا
الزول دا انبشوا و جغمس
حنانو لكن كمان
ما تاكل لحمو، و تشرب دمو،
لانه برضو اخونا الكبير،
و ما بنرضى سيرته يلوكها
كل من هب و دب بسبب
مناوشتك اللذيذة، و نيران حبك
و مدفعية مودتك التقيلة
بعدين حاسب الزول دا بفطر مع
الوالي و بتغدا مع الارباب و ما
بعيد اتعشى مع الكاردينال ..

تصدق في حنكوشة سألتني :
صحي ابو اماني بتاع مكنات
و جاكات و مفاريك و كدا
قلت ليها هوي يا بت الناس هوي،،
اوعك تسمعي و تباري جغمسات
الخواجة و تهاويشه،، دا زول بتونس
و بهظر ساي، و مسحلب و صواميله
حالجة و بولتينو ضارب
و بتاع شدايد و كدا :

استمتع بالشاي الباذخ
و ايامك ساكوبيس :

يافيصل أبعد وللا أعمل ساتر عشان في شظايا حتتطاير بعد شوية..بعدين يا فيصل مداخلتك دي حيرتني ما عارفك بتشكر ولا بتنبز فيني..ولو داير تتحنكش مع الحنكوشات أمشي شوف ليك حنكشة تانية وما ليك دعوة بي حنكشتي ولا جغمسة أبو أماني..الانت غيران منو عشان التشكس في المنتدي جاريين وراهو

للأسف الأيقونات ديل ما فيهم واحدة فيها عضة الشفة التحت وما لقيت غير الغمزة أفهمك بيها

imported_الجيلى أحمد · 20-12-2009, 12:16 AM

اقتباس:

..بعدين يا فيصل مداخلتك دي حيرتني ما عارفك بتشكر ولا بتنبز فيني

دى الشكبزة ياعمك,

فيصل دا لازم تحيدو من بدرى

لأنو مدردر وسلاح خطير وذو حدين..

اقتباس:

ولو داير تتحنكش مع الحنكوشات أمشي شوف ليك حنكشة تانية وما ليك دعوة بي حنكشتي ولا جغمسة أبو أماني

أبو الزفت
رشو

imported_نبراس السيد الدمرداش · 20-12-2009, 12:27 AM

تعرف يا عمو فتحي
من اكتر الاشياء البستمتع بها في المنتدى مناكفاتك مع ابو اماني و عمو رأفت
بضحك من جوا قلبي رغم اني مرات بكون برا الشبكه لانكم بتتناقرو على اشياء تعرفوها انتو بس
ربنا يديم المحبة بيناتكم ,بس عليك الله الكنش دا خليهو كفاية المفراكه

جيلينا ما تحمش النيران

imported_فيصل سعد · 20-12-2009, 02:40 AM

اقتباس:

المشاركة الأصلية كتبت بواسطة فتحي مسعد حنفي

بعدين يا فيصل مداخلتك دي حيرتني ما عارفك بتشكر ولا بتنبز فيني..D

علي فرعون يا هامان
نحن دافننو سواء يا قون
و يا خواجة انت ما بتتقدر،
و انا ود ناس و مربى و ما قاعد
اشتم و انبز، خصوصا الاعمام
و الخيلان و كدا .. كل الموضوع
تخفيف العيار على الوجيه ابو اماني،
ما يقوم يزعل مننا و يشيل في خاطره،
و انا عارفك بتزوغ و تفك البيرك
و تردمها فيني انا لا يدي لا كراعي ..
وقع ليك يا باذخ ..

لقدام و العن ابليس ..

imported_الجيلى أحمد · 20-12-2009, 02:46 AM

شفتا كيف يافيصل ,

أهو قلب عليك..

عمك دا رشو يامان..

imported_فيصل سعد · 20-12-2009, 02:55 AM

اقتباس:

المشاركة الأصلية كتبت بواسطة الجيلى أحمد

شفتا كيف يافيصل ,
أهو قلب عليك..
عمك دا رشو يامان..

يا ابو اليشا انت جنيت ولا عاضيك كلب
عمك دا لو رشيناو المنتدى دا الا تودو الدلالة
او تشوفوا ليو كرتلة و كدا
بالله بلغ التحايا لاسرتك و اسرة الكنج اب صلعة
ان داهمتهم في سهول نيزرلاند الساحرة ..

بابكر مخير · 20-12-2009, 05:59 AM

[align=center]العارف عزهو مستريح[/align]
هكذا قالها الرجل الفخيم دون صوت بل بسكاته على هذه الحملة الجائرة (أو الجائزة أو جايزة،، الله أعلم وما يفرئش)..
الرجل الزين، الزين،
بس خليهم يقولوا ذي ما يقولوا، وإتا ياكا الجميل وليس الجمال هو جمال الخلقة والخلق فقط،، بيكون في مكانن ما نوع جمال لا تراه العيون...
ودآ يابا جمالك..
لك الحب ولي سيد البوست محبة ولي الحبان المتداخلين حبوب وأقراص حب ومحبة، بالكوم وما حبة...

imported_فتحي مسعد حنفي · 20-12-2009, 07:38 AM

اقتباس:

المشاركة الأصلية كتبت بواسطة بابكر مخير

[align=center]العارف عزهو مستريح[/align]
هكذا قالها الرجل الفخيم دون صوت بل بسكاته على هذه الحملة الجائرة (أو الجائزة أو جايزة،، الله أعلم وما يفرئش)..
الرجل الزين، الزين،
بس خليهم يقولوا ذي ما يقولوا، وإتا ياكا الجميل وليس الجمال هو جمال الخلقة والخلق فقط،، بيكون في مكانن ما نوع جمال لا تراه العيون...
ودآ يابا جمالك..
لك الحب ولي سيد البوست محبة ولي الحبان المتداخلين حبوب وأقراص حب ومحبة، بالكوم وما حبة...

لا حول ولا قوة الا بالله

انت يابابكر أخرتا بقيت تبلع حبوب

ياخوي الحبوب دي خطرة بتودي في داهية أحسن ليك تبعد عنها وخلليك في جوني والسمسمية...ديل مافي منهم خوف

19-12-2009, 05:05 PM	#[1]
imported_فتحي مسعد حنفي :: كــاتب نشــط::	يابو أماني من الحب ما قتل في قطيعة موبايلية مع أم أماني حاولت فيها قدر المستطاع أن أزرع بذور الانشقاق بينها وبين بعلها ولكني أصبت بالفشل فهذه المرأة العظيمة المخدوعة في النصيب الذي قسمه لها ألله تعشق هذا الرجل الشين وتحلف انه كان في يوم من الأيام يملك شعر سبيبي تقرقد بعوامل التعرية حسب تعبيرها..وأنه أوسم رجل التقت به..شوفو حكمة الله بتسوي شنو أخبرتني ان هذا الملعون يحكي لها كل ما يدور بيننا من مناكفات وقالت انه يحبني حب شديد فأجبتها بأن من الحب ما قتل وأنا راجل عندي عيال عايز أربيهم ومستغني عن حب أبو أماني ومخليهو ليها ولي أولاده..والغريبة لم تصدق ان أول مرة ألتقي فيها به كانت في نفس اليوم الذي التقيتها فيه..والتقيت فيه أيضا لأول مرة بحبيبنا شليل والسيدة حرمه.. عموما ما تخاف يابو أماني المدام في أيدي أمينة وود أمينة مشرف علي الأمور..
imported_فتحي مسعد حنفي :: كــاتب نشــط::	التوقيع: [frame="1 80"]شيخ البلد خلف ولد.. سماهو قال عبد الصمد.. كبر الولد ولامن كبر نهب البلد.. ما خلي زول ما قشطو.. وآخر المطاف بقي شيخ بلد.. عجبي.. فتحي..[/frame]

19-12-2009, 09:54 PM	#[2]
احمد زين Guest	صاحبك يا خواجة اتحنكش علي باقي عمرو وبقى ما بفرق بين الويكة والويكاب اظن الخبر وصلك
احمد زين Guest

19-12-2009, 10:38 PM	#[4]
imported_مواطن :: كــاتب نشــط::	أبو الفتوح الحبيـب .. تحياتي الخالصـة ... تقريرك إتأخر كتير جداً .. لقد أقام سيادتكم الدنيا وإضطررت أنا صاغراً لإقعادها عندما كتبـت عن الأخ عابدين .. وتحفظت أنت على ما أرودته من حقائق عن الزين ...إلى أن تراه .. وهاهـو المعيدي أمامك. أما وقد إستبان لك الآن الخيط الأبيض من الأسود .. فأرجـو ألا تكونن قد فطـرت على بصلـة كما يقولون .. فقـد طال صيامك .. كما طال إنتظاري لتقريرك هذا .. والذي أكـد ما ذهبـت إليه آنفاً في مقالي التعريفي بالأخ شـريف ... أقعـد بالعافيـة ..
imported_مواطن :: كــاتب نشــط::	التوقيع: [align=center](تبارك الذي بيـده البـؤس وبعـض ومضات المنـى ويمـشي بيـنـنا)[/align]

19-12-2009, 10:40 PM	#[5]
imported_فيصل سعد :: كــاتب نشــط::	سلام يا خواجة يا رفيقنا و عمنا الزول دا انبشوا و جغمس حنانو لكن كمان ما تاكل لحمو، و تشرب دمو، لانه برضو اخونا الكبير، و ما بنرضى سيرته يلوكها كل من هب و دب بسبب مناوشتك اللذيذة، و نيران حبك و مدفعية مودتك التقيلة بعدين حاسب الزول دا بفطر مع الوالي و بتغدا مع الارباب و ما بعيد اتعشى مع الكاردينال .. تصدق في حنكوشة سألتني : صحي ابو اماني بتاع مكنات و جاكات و مفاريك و كدا قلت ليها هوي يا بت الناس هوي،، اوعك تسمعي و تباري جغمسات الخواجة و تهاويشه،، دا زول بتونس و بهظر ساي، و مسحلب و صواميله حالجة و بولتينو ضارب و بتاع شدايد و كدا استمتع بالشاي الباذخ و ايامك ساكوبيس
imported_فيصل سعد :: كــاتب نشــط::	التوقيع: [frame="5 80"]اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة[/frame]

20-12-2009, 12:27 AM	#[10]
imported_نبراس السيد الدمرداش :: كــاتب نشــط::	تعرف يا عمو فتحي من اكتر الاشياء البستمتع بها في المنتدى مناكفاتك مع ابو اماني و عمو رأفت بضحك من جوا قلبي رغم اني مرات بكون برا الشبكه لانكم بتتناقرو على اشياء تعرفوها انتو بس ربنا يديم المحبة بيناتكم ,بس عليك الله الكنش دا خليهو كفاية المفراكه جيلينا ما تحمش النيران
imported_نبراس السيد الدمرداش :: كــاتب نشــط::	التوقيع: [frame="9 80"] اذا جاء نصر الله والحب ورأيت الورد في الطرقات يمنحك الامان فاشرع سفينتك العتيقة وامنح الياقوت وجهك وانتظر فرح الزمان عصام عبدالسلام [/frame]

20-12-2009, 02:46 AM	#[12]
imported_الجيلى أحمد :: كــاتب نشــط::	شفتا كيف يافيصل , أهو قلب عليك.. عمك دا رشو يامان..
imported_الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just apart of it We have got to fill full the book Won't you help to sing- these songs of freedom Cause all I ever have Redemption songs

20-12-2009, 05:59 AM	#[14]
بابكر مخير :: كــاتب نشــط::	[align=center]العارف عزهو مستريح[/align] هكذا قالها الرجل الفخيم دون صوت بل بسكاته على هذه الحملة الجائرة (أو الجائزة أو جايزة،، الله أعلم وما يفرئش).. الرجل الزين، الزين، بس خليهم يقولوا ذي ما يقولوا، وإتا ياكا الجميل وليس الجمال هو جمال الخلقة والخلق فقط،، بيكون في مكانن ما نوع جمال لا تراه العيون... ودآ يابا جمالك.. لك الحب ولي سيد البوست محبة ولي الحبان المتداخلين حبوب وأقراص حب ومحبة، بالكوم وما حبة...
بابكر مخير :: كــاتب نشــط::