°l||l° عاجل : استقبال اسطورى اليوم بمطار الخرطوم الدولى °l||l°

[كباشي]

المشاركة الأصلية كتبت بواسطة فتحي مسعد حنفي

Dont worry I have got my own consultants always with me.

العزيز أستاذ فتحي مساك الله بالخير وأنت تتجول بين النيلين ما أسعدك يارجل
قلت لي معاك مستشارين والله إنت ما هين تب ساي خليتنا مساهرين الطيارة أقلعت والطيارة هبطت العملة إتغيرت .

[omrashid]

الحمدلله علي السلامه --حالتنا عملنا اتصال بجماعة حقوق الانسان لعمل اللازم

وما تنسي تبلغ التحايا لجميع اهل براغ

[نوفل عبد الرحيم]

الف مرحب بك أخي فتحي في بلدك ووسط ناسك
اجازه سعيده نتمناها لك بين الاهل والاصدفاء والاحباب
و ( حبابك عشره ) .. عشان ما تقول لي فيها حركات الجيت منهم
كن بالف خير

[آلاء فتحي مسعد]

المشاركة الأصلية كتبت بواسطة كيشو

يا أخوانا
انا كنت هسه بأكلم العم فتحي بالتلفون وهو سايق لاندروفر في كوبري شمبات ويبلغكم تحياته
فردا فردا، ويسأل عن البوستات وأخبارها
المكالمة كانت ممتعة وتناولت بعض الواضيع بشكل سريع ولكن قطعها ظهور بوليس الحركة

يا سلام بتكلم بابا و انا لا كويس يا زمن
سلملي علي بابا لما تتصل بيه
و يا بابا كولو تمام و بخصوص الرسالتين اللي رسلتهم لي خلاص تمت العملية و مفروض اشوف 330440 بكرة ان شاء الله سلام و اجازة سعيدة

[مجدي مسعد حنفي]

ياخالد الحاج
الحق
فتحي وبتو بيستغلوا البوست في البزنس وكمان عندهم شفره خاصه
330440

[كيشو]

المشاركة الأصلية كتبت بواسطة فتحي مسعد حنفي

ya Kisho balash fadayih hassa iqoulo ana gaban khufta min bolies alharaka

تعرف يا بو مسعد
مين يقدر يقول عليك جبان
بعدين بوليس الحركة دا أنا بخاف منو جداً، وأتحداك لو تكمل إجازتك بدون مخالفة
وقبل ما ترد علي بالعربي الجديد بتاعك دا اسأل كل من يقود سيارة في السودان، ولا
أقول ليك سويه تحقيق صحفي

[كيشو]

المشاركة الأصلية كتبت بواسطة آلاء فتحي مسعد

يا سلام بتكلم بابا و انا لا كويس يا زمن
سلملي علي بابا لما تتصل بيه
و يا بابا كولو تمام و بخصوص الرسالتين اللي رسلتهم لي خلاص تمت العملية و مفروض اشوف 330440 بكرة ان شاء الله سلام و اجازة سعيدة

يا آلاء لازم تحرجونا با آى
كنت باكلم بابا عن موضوع
550660

[ناصر يوسف]

هههههههههههههههههههههههههههه

غتيتو جنس محن عليكم

نحن ما خلينا مطار وما مشيناهو .. لا لقينا عمك فتحي ولا مسعد ولا حنفي

الزول ده دخل من ياتو فِجِة يا نوفل ؟؟؟ إنت مش محرسينك كل صالات القدوم ؟؟

خلي بالك الزول ده إلا يكون جا داخل ولابس طاقية إخفاء

قال شنو قال : ما بخاف من بولييييييييييييييص الحركة .!!! لا بالله ...

بالله عليك لما يقطعوك الإيصال أبو ميتين جنيه (بالجديد) داك أبقي أعمل ليه أسكنر ونزلوا لينا هني بالله.. ناس المرور ديل يا أخوي بقوا حكومه تااااااااااااانيه براااااااااااهم ... مؤسسة تجارية عظمي وبالقانون ... كان عاجبك عاجبك ..تدفع بالحسنه ... ما عاجبك بالدفر والنِهِير والسب والضرب والسجن ووووو ... واااااااااااااااااااااي ما تقدرتقولها ... حيكوووووووووووووومه والناس مظلوومه يا عمك فتحي ..

[منال]

ازيك يا عمو فتحي فى بلدك و انت تشرب موية النيل ... و تاكل خضار الشتى الاخضر و نضير ... اوعك من اللحم .

الف مرحب بك ...و وسط ناسك
انشاء الله مت تكون اجازة استقرار عديييييييييل كده ... نتمناها لك بين الاهل والاصدفاء والاحباب
و ( حبابك الف تانى و كفاية غربة و شوق )

[نوفل عبد الرحيم]

المشاركة الأصلية كتبت بواسطة Nasir Yousif

هههههههه

الزول ده دخل من ياتو فِجِة يا نوفل ؟؟؟ إنت مش محرسينك كل صالات القدوم ؟؟

خلي بالك الزول ده إلا يكون جا داخل ولابس طاقية إخفاء
..

باب شنو يا ابو ناصر الزول يا الله قدرنا نهربو من الجماعه اياهم
من الطياره قربت تنزل في المطار فك البرشوت ونزل تقول لي باب

امس بتكلم معاهو في التلفون قال داير من ( مريسة ) رحيق ديك

بالله عليك رحيق (ست السمك ) كيف يا ناصر ؟ ياخي اشتقنا ليها عدييييييييل كده
وتاني حاجه ما فيها رحيق انا ما ماشي

[بابكر مخير]

المشاركة الأصلية كتبت بواسطة كيشو

يا أخوانا
انا كنت هسه بأكلم العم فتحي بالتلفون وهو سايق لاندروفر في كوبري شمبات ويبلغكم تحياته
فردا فردا، ويسأل عن البوستات وأخبارها
المكالمة كانت ممتعة وتناولت بعض الواضيع بشكل سريع ولكن قطعها ظهور بوليس الحركة

يا كيشو
خلي بالك الوالد والعروسة بتنا آلاء يظهر أنهم كيشوك (الكلمة دي لو ما فهمتها حولها لي أبوعاقلة بتلقاهو في بوست فيصل سعد، بتاع الكلمات المتقاطعة)
مش إنتا إتكلمت معاهو بالعربي الفصيح، في التلفون قال ليا، إعتذر لي كيشو أني رديت عليهو بالإنجليزي.
يعني الهندي الإنجليزي كاتلو خالص وإتا ميحا
والله بنصحك أول شي تعرف كلمة كيشو (بسكون الكاف وفتح الياء مع الشدا،،،، دي حاول تحلها بآآ) وبعدين تتعامل مع الهنود بإتفاقيات معتمدة من الأمم المتحدة وما يخموك.
لو كلامي دا مافهمت منو آي حاقا تبآ تسآل عمو فتحي
المهم هو قال ليا أنك مصري آويي

[ناصر يوسف]

المشاركة الأصلية كتبت بواسطة نوفل عبد الرحيم

باب شنو يا ابو ناصر الزول يا الله قدرنا نهربو من الجماعه اياهم
من الطياره قربت تنزل في المطار فك البرشوت ونزل تقول لي باب

امس بتكلم معاهو في التلفون قال داير من ( مريسة ) رحيق ديك

بالله عليك رحيق (ست السمك ) كيف يا ناصر ؟ ياخي اشتقنا ليها عدييييييييل كده
وتاني حاجه ما فيها رحيق انا ما ماشي

ههههههههههههههههههههههه

والله يا نوفل مريسة رحيق دي باين عليها حتشتهر جداً

أمس كنت بشرب في عصير عرديب في كباية بيضاء ... تعرف أول نا شافتني جاتني جاريه جري وقالت لي:

بابا أديني معاك مريسة ..

شفت كيف ؟؟؟

أها قلت شنو ؟؟ عمك فتحي فتح الشربوت هي بسم الله .. فتح الباراشوت عشان يزوغ من الجماعه إياهم ؟؟ أها ويااااا ربي الباراشوت ده ما نزلوا في قندهار محل الشيه النااااااااااار والــ (غُبَاشَه ؟) .. ولا يكون من الباراشوت إلي الشربوت مباشرةً ..

اليوم بإذن الله سألتقي الأستاذ الإعلامي القديم المتجدد / الأستاذ فتحي مسعد حنفي

وكل عام والسودان ينعم بإستقلاله الحقيقي

[كيشو]

المشاركة الأصلية كتبت بواسطة Babiker Mukhayer

يا كيشو
خلي بالك الوالد والعروسة بتنا آلاء يظهر أنهم كيشوك (الكلمة دي لو ما فهمتها حولها لي أبوعاقلة بتلقاهو في بوست فيصل سعد، بتاع الكلمات المتقاطعة)
مش إنتا إتكلمت معاهو بالعربي الفصيح، في التلفون قال ليا، إعتذر لي كيشو أني رديت عليهو بالإنجليزي.
يعني الهندي الإنجليزي كاتلو خالص وإتا ميحا
والله بنصحك أول شي تعرف كلمة كيشو (بسكون الكاف وفتح الياء مع الشدا،،،، دي حاول تحلها بآآ) وبعدين تتعامل مع الهنود بإتفاقيات معتمدة من الأمم المتحدة وما يخموك.
لو كلامي دا مافهمت منو آي حاقا تبآ تسآل عمو فتحي
المهم هو قال ليا أنك مصري آويي

يا بابكر
الناس بكيشوهم بالمليارات وتلقاهم فرحانين أربعة وعشرين قيراط ومستعدين لدفع المزيد
أما أنا فقد متعت نفسي بشوية حروف وأرقام، فإذا عجبتكم نكتتي فذلك القصد، وإذا ما اتفهمت أسوي شنو؟
الما سمعتو إنت هو الكلام
كدي خلينا من المصاروة ديل وتعال ليك انت
انا ما زلت تحت تأثير شربوت وصفك في بوستك الرائع عن شيخ التشيكس، ولسه ما انتهيت وكنت ناوي
أرد ليك هناك، لكن خلينا نستفيد من مساحة المصاروة دي، واصلو الناس بتلاقو بره ويحبو بره وكمان يتشاكلو بره، وجاييك هناك بس بعد شوية

[آلاء فتحي مسعد]

و الله انا الليلة حفكر عيدل كده ارسل امي تقضي اسبوع في الخرطوم و تشوف الراجل ده قاعد يسوي شنو مريسة و شربوت و حسة كان قلتليهو جيبلي معاك جونجليس يقولي لا يا بت لما يخمر بيبقي ماكويس
انا بقي و انت جاي يابوي دايرة مريسة و لو ماجبتلي برسلك القضارف تجيبلي موية و ارسيلك الابيض تجيبلي اجاشي و حسه اي زول يسال يقول الاجاشي ده شنو قوليهو 6444 و اسال و اي زول داير يعرف الارقام دي يعني شنو ؟ يحفظ نفسه و بلاش يسال عشان حيسمع كلام خارم بارم

[سندباد الشرق]

هو نمره كام بيروح فين