عام و بضع ايام

[imported_نبراس السيد الدمرداش]

اقتباس:
المشاركة الأصلية كتبت بواسطة سمراء

الحبيبة ست الناس

نبراس الحب ، ومعقل الجمال ...
لم ولن اكن من المجيدين فى فن المجاملة ، لذلك بعد عنى الكثيرين من هواة ذلك السلوك
أقولها لك ، وانت ياغاليه تعلمين من هى سمراء ،
طيلة حياتى كانت علاقتى ببنات جنسى ضعيفة جدا ...وتكاد تكون معدومة ...
وذلك لاسباب كتيرة اجملها فى كلمة واحدة ، الا هى (التكلف) فانا لا اجيد ذلك النمط من الحياة ..ولا احب من يسلكه ..
وجدت فيك حقيقه يانيبو دف الاحساس ليس كاحساس الاخت فقط الذى حرٌمت منه لا!!
بل احساس ناااادر حقيقه لم استشعره الا مع حبوبه ...تلك المرأة الجميلة الحنينة ...كم احبها
انت ياغاليه تمتلكين من الحب والحنان بداخلك مايفيض على الجميع ...
احبك بكل طاقه تتخيلينها..ولا تتخيلينها !
واشكر الحياة ، وهذا الصرح ان اعاد الى ثقتى فى الاخرين بعد ان فقدتها ازمان !!
فالجميع هنا احبهم وافتقدهم ....واتحسسهم فى كل مناحى حياتى ...

وياغاليه كل عام يفرح بك من احبوك بوجودك حولهم ..
وكونى النجمة كما انت عاليه ....وشامخه

ما لقيت كلام اقولو ليك بس انتي عارفه من غير اقول
يا حبيبه و من القلب قريبه ربنا يخليك لي و لعيالك تنوري حياتنا
وانا فعلا حبوبه يا سمراء رايك شنو

[imported_عبدالعزيز خطاب]

بمعرفتك عرفت
من أين أتت الروعة بروعتها
ومن أين أخذ الجمال جماله
ومن أين أخذ الضياء سناءه
إجتمعت المعاني السامية وسميت نبراس

سعيد أنا بهذا الوجود لوجودك فيه

[imported_فيصل سعد]

اقتباس:
المشاركة الأصلية كتبت بواسطة نبراس السيد الدمرداش

عام مضى تتبعه 8 ايام,عام مضى و انا هنا بينكم
وجدت عندكم اغلب ما يتمناه الانسان من طيب معشر
وكرم اخلاق وحسن معامله,وجدت فيكم الاخ/ت العم و الخال
والاب و الام واصدقاء و صحاب تختهم في الجرح يبرأ
نهلت من فيض معرفتكم و جميل ثقافتكم
كم اطربتني اغانيكم و سالت دموعي لقفشاتكم
كم وجدت نفسي بين سطوركم فاحايين كثيره تكتبوني

في جنح الليالي و سابح بي خيالي
لاقيتك منور و متفتح حيالي
بسماتك تضوي و جبينك يلالي
و شخصيتك عظيمة و انطبعت في بالي

[rams]http://www.sudanorg.tk/upload/uploads/yaraityah.wma[/rams]

[imported_نبراس السيد الدمرداش]

اقتباس:
اقتباس:
المشاركة الأصلية كتبت بواسطة سارة
كم انتى جميلة يا بنية

الشهادة لله انك اخت بحق وحقيقة








ملكة بيرغن يعلم الله انك قاعده في القلب جواااا
انتي بالذات انا استفدت من وجوك في حياتي كتير
انتي جميله يا ساره جميله بطريقتك انتي
انا عازماك شاي بلقيمات اتفقنا

[imported_جيجي]

معقول ياخ
انا اكبر منك
ا

تاريخ التسجيل: Feb 2009

والله اناقايلة ليك كمين سنة
فعلا شكرا لهذا التواجد الجميل الباسم دوما
وكل هذه المحبة

[imported_نبراس السيد الدمرداش]

اقتباس:
المشاركة الأصلية كتبت بواسطة wadosman
اياام اتكاملت اعواام و سنين قادمه احلى
و انت كما عرفناك خير الصديقه...

ربنا يجعل كل اياامك محنه..

المايسترو الفنان
مدوزن ليالينا بين الفرح و الذكريات
احب صداقتنا هذه و استمتع بها جدا
ربنا يديك العافيه زي ما بتقول و يوفقك

كنت تجيب لي معاك اغنيه سمحه

[imported_نبراس السيد الدمرداش]

اقتباس:
المشاركة الأصلية كتبت بواسطة وهاد ابراهيم محمد
ماشاء الله تبارك الله عيني باردة عليك يابت
البشوف تواجدك النشيط والواعي هنا يقول ليك سنين
انما الثقل محتوى يا ستهم... وانتي محتواك يوزن بالأطنان
فربنا يباركك ويعدل خطوتك فينا.



.

هووووووودنه يا هودنه
عينك مليانه يا حبيبه
انا اجي شنو جمبك وجمب كلامك المليان
ربنا يحفظ و يحفظ ليك قلمك

لو على الثقل والله سمينه و امينه دي مافيها اتنين تلاته
ياخي توقيعك دا بريحني راحه الف

[imported_نبراس السيد الدمرداش]

اقتباس:
المشاركة الأصلية كتبت بواسطة عبدالله وداعه الامين
نبروسة يا كل القلوب البيضاء
شكرا لسودانيات ان جمعتنا بمثلك
وشكرا لنبراس التي دخلتنا كما العافية واصبحنا بها اشداء
لوجودك هنا طعم خاص لانكي امرأة خاصة


كوني دوما كما انت نبراس وحب
ولشرف لنا معرفتك يا انيقة وطاعمة

ودي والاحترام

صديق السهر
هذه الخصوصيه لكم فيها نصيب الاسد
شكرا لك على تلك الاغنيات
شكرا لك على تلك الكلمات التي خففت عني الكثير
لك كل الود و الامنيات الطيبات يا ملك

[imported_نبراس السيد الدمرداش]

اقتباس:
المشاركة الأصلية كتبت بواسطة Amin Bushari
نيبــــو

اديك العافية وتعيشي وتدي
عام كامل وبضعة ايام من البرطعة الاسفيرية

تعيشي وتبرطعي يا نيبــــــــو

زعيم السقداب
يعافيك و يرضى عليك
بالله ما حلوه البرطعه دي
اقلاها لمتني في ناس جميلين زيكم

[imported_نبراس السيد الدمرداش]

اقتباس:
المشاركة الأصلية كتبت بواسطة جانيت
نيبو يا قلبي انا


ياخ لكن لقيتك براية بري يادوبك وعاملة اربعه الف مداخلة غايتو تلاته الف دي في بوست ساهرون

ياستي كل السنين الجاية معانا اصلو ما بنقدر فراقك

لو تعرفي انك بلسم المنتدى ده ما بتغيبي لحظة

هنك يا هفسة

البت السكره جنو
والله والله محبتك من محبة لمياء اختي
انا برايه لكن انتي فتيني بالجن و الخرمجه
والبقدريفارقكم منو يا بت الا زولا ما نصيح زيك كدي

[imported_نبراس السيد الدمرداش]

اقتباس:
المشاركة الأصلية كتبت بواسطة زول خرافي
البنت الحديقه شكرا لجعلك الكم والكيف ممكنا

ابراهيم
تسلم على هذا الاطراء الجميل
ويا ريت لو تجيب لي اغنية وجه القمر بصوت سميره

بالمناسبة انا نزلت رقم الشريحه

[imported_المليجي]

المشاركة الأصلية كتبت بواسطة نبراس السيد الدمرداش

عام مضى تتبعه 8 ايام,عام مضى و انا هنا بينكم
وجدت عندكم اغلب ما يتمناه الانسان من طيب معشر
وكرم اخلاق وحسن معامله,وجدت فيكم الاخ/ت العم و الخال
والاب و الام واصدقاء و صحاب تختهم في الجرح يبرأ
نهلت من فيض معرفتكم و جميل ثقافتكم
كم اطربتني اغانيكم و سالت دموعي لقفشاتكم
كم وجدت نفسي بين سطوركم فاحايين كثيره تكتبوني

ولان الكمال من صفاته سبحانه و تعالى
كم اوجعني قلبي حين ارى سؤ فهم هنا او هناك تتبعه عجاجه ولكن سرعان ما تزول
فالناس هنا يتمتعون بقدر من سماحة النفس يسمح بتجاوز كل ما يكدر صفوها

هكذا عرفتكم و احسستكم كم انا سعيده بكم و سعيده لاني فرد في هذا البيت الكبير
شكرا عصام محمد الحسن على ارشادك لي ان اذهبي هنا (سودانيات)
شكرا خالد الحاج ان جعلت هذا ممكنا
شكرا لكم جميعا
احبكم

السمحه يا نوراة فريقنا
ربنا يديمك لينا ويخليك يا نبراس لكل حبايبك
اصيلة بنت اصول وليك مودة خالصة مني
اخوك محمد المليجي

[imported_سارة]

اقتباس:
المشاركة الأصلية كتبت بواسطة نبراس السيد الدمرداش
زعيم السقداب
يعافيك و يرضى عليك
بالله ما حلوه البرطعه دي
اقلاها لمتني في ناس جميلين زيكم

يا نبراس

لون الخط بالزيتى ليه يعنى

[بابكر مخير]

أيوة
أقعدي صريحي لينا بسنين تواجدك هنا
وسنين حكم الإنقاص
وسنين عمر فلان وفلانة
وإتي كتمي على عدد سنين عمرك.....

يا زولة في السنة وشوية دي
كسبناك وفرحنا بيك
إصطفيناك بنية وخاويناك إيخية " وحبنك أم (لابدن تكون في نونهات هنانا)"
وثقنا فيك وبرضهو سامحينا أثقلنا عليك..
إتي كدي وإستمري كدي
لينا غالية وعزيزة
وغرة عين بابا

[imported_نبراس السيد الدمرداش]

اقتباس:
المشاركة الأصلية كتبت بواسطة الرشيد اسماعيل محمود
نبراس..
مزيداً من الحضور ..
رمزاً ومعني وإشارة.

رشيدنا رضي الله عنه
يا واحدا من اجمل من عرفت
ما بين شتاءات لياليك المربكه و المنطق وذلك السيناريو
مذيدا من الالق ولك من المحبه ما تعلم وما لا تعلم

مافي اخبار من المرق