يا فيصل سعد خالتك بتسلم عليك

[فتحي مسعد حنفي]

العزيز فيصل بالأمس ذهبنا الي المستشفي ومعي ابنتي آلاء لزيارة الدكتور زهير والاطمئنان عليه بعد العملية..وهناك قابلت الأخت أم سهي وهي بالحق سيدة في منتهي الرقي والثقافة والأدب..
أما الشيئ الذي فوجئت به هو أنها خالتك فشتان بين الأصل والفرع وطبعا أخوك الكبير استغل الفرصة ونكت منها كل المعلومات اللازمة لزوم الابتزاز وفي الحقيقة بعد جلسة محاورات ودية خرجت منها بكل تاريخ حياتك يافيصل فحقو بعد كدا تعمل حسابك والا ........
عموما لقد طلبت مني الأخت أم سهي أن أطمئن الجميع علي صحة الدكتور وأن أسلم عليك سلام خاص ولأني وعدتها تجدني أوفي بوعدي بفتح هذا البوست وربنا يحفظنا من ألسنة ود أبو عاقلة والمغرضين

[عادل عسوم]

أبوأحمد
نحنا غايتو ماتبع المغرضين ديل
ماقتليك ماطلعنا نسايب نحنا وناس فيصل ديل

[كيشو]

خالة فيصل دي الله يسلمها
انا ممكن أشتري بعض المعلومات

[فتحي مسعد حنفي]

الاخوان عادل وكيشو صبركم علي شوية خلوا الزباين يكتروا وأنا بعدين حأفتح مزاد لي بيع المعلومات حسب الأهمية..يعني حأصنف المعلومات لي ضارة وقليلة الضرر ومؤذية الخ.....

[كيشو]

انت عارف انا عايز شنو وكدة

[نهى أحمد]

لو ما بتاع سمسميه، بتاع سمسميه، ساكن جمب شلالات نياجارا يكون قاعد يتشطَف.
زعلانه منك شايفاك توزع في الوزارات ونسيتنا.

[منال]

المشاركة الأصلية كتبت بواسطة فتحي مسعد حنفي

العزيز فيصل بالأمس ذهبنا الي المستشفي ومعي ابنتي آلاء لزيارة الدكتور زهير والاطمئنان عليه بعد العملية..وهناك قابلت الأخت أم سهي وهي بالحق سيدة في منتهي الرقي والثقافة والأدب..

يا سلام طمنتنا على صحة و عملية الدكتور الف حمدالله على سلامة ذهير و تحياتنا للخالة ام سهى

[فتحي مسعد حنفي]

المشاركة الأصلية كتبت بواسطة نهى أحمد

لو ما بتاع سمسميه، بتاع سمسميه، ساكن جمب شلالات نياجارا يكون قاعد يتشطَف.
زعلانه منك شايفاك توزع في الوزارات ونسيتنا.

يانهي ما تظلمينيأنا لا وزعت وزارات ولا جيت بي جنبها لكن تعالي النسألك ياتو وزارة انتي تفتكري بتنفعي فيهاالوزارات دي دايرة ناس حرامية ومعدومين الضمير وانتي ماشاءالله ربنا حافظك من المواصفات دي فأحسن ليك تخلليك جنب عمك نتفرج لغاية ما نشوف الساكين الوزارات ديل بيولولوا ويقولوا ياريت الكان ما كان وانتي عارفة أختك منال دي أحسن زول بيورط الناس وفي الآخر تلقيها مرقت زي الشعرة من العجين وترجعي تقولي ان كيدهن عظيم

[فتحي مسعد حنفي]

المشاركة الأصلية كتبت بواسطة منال

يا سلام طمنتنا على صحة و عملية الدكتور الف حمدالله على السلامة ذهير و الخالة ام سهى

أها المرة دي عفيتك من ذهير دي علي شرط تجري تصلحيها قبال ما أم سهي تفتح البورد وتقراها وتبقي شكلة حريمي وتقعي في شر أعمالكوبعدين دا بوست بنطمن فيهو الناس علي الدكتور فبالله بطلوا أمور الهمبتة وأمشوا أفتحوا ليكم بوست تاني غير دا..وطبعا باين الكلام دا ما مقصودة بيه انتي لانك التزمتي

[نهى أحمد]

المشاركة الأصلية كتبت بواسطة فتحي مسعد حنفي

يانهي ما تظلمينيأنا لا وزعت وزارات ولا جيت بي جنبها لكن تعالي النسألك ياتو وزارة انتي تفتكري بتنفعي فيهاالوزارات دي دايرة ناس حرامية ومعدومين الضمير وانتي ماشاءالله ربنا حافظك من المواصفات دي فأحسن ليك تخلليك جنب عمك نتفرج لغاية ما نشوف الساكين الوزارات ديل بيولولوا ويقولوا ياريت الكان ما كان وانتي عارفة أختك منال دي أحسن زول بيورط الناس وفي الآخر تلقيها مرقت زي الشعرة من العجين وترجعي تقولي ان كيدهن عظيم

ياعمي ياذوق إنت.. شكراً ليك كتير على كلامك السمح ، لكن إنت تشابهت عليك البقر ، أنا قصدت أساعدك نفت فيصل ونجيب آخرو لأنو فطاني في تقسيم الوزارات هسي لو أداني وزارة الشوق والريد فيها شنو! .

[أشتر]

المشاركة الأصلية كتبت بواسطة فتحي مسعد حنفي

عموما لقد طلبت مني الأخت أم سهي أن أطمئن الجميع علي صحة الدكتور وأن أسلم عليك سلام خاص ولأني وعدتها تجدني أوفي بوعدي بفتح هذا البوست وربنا يحفظنا من ألسنة ود أبو عاقلة والمغرضين

وما أنا من المغرضين ... ولن أحت القرض لأي غرض مشبوه ... أو الزج بالفردة الصاعقة لزقاقات لا قِبل له بها ...
سوف لن اتدردق يا خواجة ... كدأبي دائما ... والذين يزرعون الألغام في طرق الشك سوف تقوم بهم لا محالة ... وإنّا هاهنا قاعدون ... وكاسرين كرونا ...
فيصل ... لن تعتر لك قشه حتى وإن شفطت نياجارا وقبّلت على متشجان ...
يا أيها الرجل الذي أحب ...

[أشتر]

المشاركة الأصلية كتبت بواسطة نهى أحمد

هسي لو أداني وزارة الشوق والريد فيها شنو! .

كان كدا الناس المجدعة دي كلها وزراء ...
وكان ما وزراء بدرجة وزير ...
أو وكيل ...
كلٍ على حسب حواسو ...
غايتو انا وزارة واحدة الله يعلم تكفيني !!!!!

[فتحي مسعد حنفي]

المشاركة الأصلية كتبت بواسطة محمد أبوعاقلة

وما أنا من المغرضين ... ولن أحت القرض لأي غرض مشبوه ... أو الزج بالفردة الصاعقة لزقاقات لا قِبل له بها ...
سوف لن اتدردق يا خواجة ... كدأبي دائما ... والذين يزرعون الألغام في طرق الشك سوف تقوم بهم لا محالة ... وإنّا هاهنا قاعدون ... وكاسرين كرونا ...
فيصل ... لن تعتر لك قشه حتى وإن شفطت نياجارا وقبّلت على متشجان ...
يا أيها الرجل الذي أحب ...

قالوا ما محبة الا بعد عداوة وفيصل هسع نايم بسبب فروق الوقت وكدي نستناهو لامن يصحي ونشوف قولو شنو وأهو أنا شايفك بقيت نجيض وما بتقع بي الساهل

[شبارقة]

عموما لقد طلبت مني الأخت أم سهي أن أطمئن الجميع علي صحة الدكتور

[align=justify]ألف حمداً لله على سلامة دكتور زهير وإن شاء الله كلنا ما نشوف شر... وشكراً ليك يا خواجه [/align]

وربنا يحفظنا من ألسنة ود أبو عاقلة والمغرضين

[align=justify]

[align=center]بأكل حارة ما أضوق باردة ماك داريني ؟!
وأسعل عني ربعاي البعرفو قريني
حس أب جقرة والدربين دوام باريني
وأنا أخو السارة كان يبقى الكلام عانيني
هيع ...هيع ...[/align]فلنتحد ولنضرب بيدٍ من حرير [/align]

[أشتر]

المشاركة الأصلية كتبت بواسطة شبارقة

[align=justify][align=center]بأكل حارة ما أضوق باردة ماك داريني ؟!
وأسعل عني ربعاي البعرفو قريني
حس أب جقرة والدربين دوام باريني
وأنا أخو السارة كان يبقى الكلام عانيني [/align]
[/align]

إت يا البتاكل الحارة لو داير الكلام باريني
لا بقع الحرف واطه .. ولا بتقدر تجاريني
عم فتحي اللزيز ... الزول دوام هـــاريني
داخل لي شمال ... وانا لاقي فيهو عريني