هل يعتقد الصادق المهدي إن الشعب السوداني أمة من الأغبياء ؟؟

[عابد عقيد]

المشاركة الأصلية كتبت بواسطة Babiker Mukhayer

الحبيب الغالي عابد
شكرن لك لواحدة وهي المطايبة ومخاطبتي بالحبيب، ونحن في الوطن أحباء وفي الدين حبايب وفي سودانيات أكتر من حبايب...
شكرن على التانية إعزازي بإنتمائي الأنصاري وهي تفرحني كل ما نسبت لهذا الكيان الذي أفتخر به، قدر فخري بمعرفة كل سودانية وسوداني، أولاد بلدي الحبوب.....
والله بحب الزول دا من جوووووووو قلبي، لأني واثق أنو سوداني أصيل، ذيو ذيك وذيي.
أهلنا الأنصار علمونا عدم الخوف، إلا من الله والخوف في التقصير في شان الله.
لكن من ود تسعة ذينا وذيو كدي، ما بنخاف منو، لكن البنحبو بنخاف عليهو.
العديد من الأحباء، أفادونا، أنو سيد صادق شخصية عامة وهو غير ذلك، هو السودان، فيحق لكل من هو سوداني أن يبدي رأيه فيه، بكل حرية وروح ديمقراطي،،،،
فلا حرج في ذلك الحبيب
وما دام القصد هو السودان، فايكن لك ما أردت
وليعش سوداننا حرا، أبيا، ديمقراطيا، يسمح لنا فيه التعبير عن الرأي بكل ما تتيحه الكلمة من معنى ومعاني....
لو تتذكر أيام حكم سيد صادق، كرئيس وزراء وطبعن عليهو فوق كان مجلس سيادة،، كانت الصحف والأقلام تمارس النقد في أوراقها والأحزاب كذلك في دورها...
ربنا يعيدا لينا ديمقراطية في ولاية من يصلح..
لك المودة الخالصة

الحبيب مخير - احترم فيك مساحة الديمقراطية الواسعة ومن حقك ان تحب الرجل والا لم تكن انصاريا فبقدر حبك له نحن نكن له وافر الاحترام لانه رقم سياسي لا يمكن تجاوزه ولذلك واجبنا ان نثمن اجابياته وننقد سلبياته خلال تاريخه السياسي الطويل وارثه النضالي العريض وكذلك اخفاقاته ومواقفه المهزوزة التي اضرت بالبلاد وساهمت في اجهاض الديمقراطية الاخيرة فقط من اجل السودان تلك المظلة التي تضم الجميع .

تحياتي النواضر يا حبيب