صدق أو لا تصدق!.. أبو أماني بالفضائية السودانية!

[أبو أماني]

المشاركة الأصلية كتبت بواسطة بابكر مخير

حسي يا أخونا الزول دآ نصدقو
ولا برضها تدقيسا ذي الضربت هشومي
بس ذي قصة هجم النمر، هجم النمر

الحبيب تكعيب .. أبو زنوبة .. ما تسمع لي كلام الخواجة المطرطش ده .. وأنا أخوك تب ما بخذلك .. البرنامح سيعرض بإذن الله اليوم .. وكلها ساعات .. قد أخذلكم في قصة السماحة اليوسيفية الوعدتكم بيها بس ما تلوموني لانكم عارفين جمال يوسف جمال أنبياء وأنا ما نبئ..! أنا مجرد إنسان بسيط عادي يحمل ملامحا من النوع .. الحلوف .. عفوا المألوف .. حباني الله أحمده واشكره بجاذبية تجاه الآخرين من الجنسين مما أثار حفيظة ومواجد العزيز اللدود هاشم فهو يحمل كل معالم السماحة والوجاهة والعلم والثقافة وغيره..ولكني أتفوق دوما وبحمد الله عليه بأني (أمقلبه دائما) ويا ها الحالة الشايفها إنت أسع يا بوكو .. ينعل في سنسفيل الظروف واليوم الأسود الذي جعله طيبا حتى الهبل ليلتقط طعما.. ألقيته له في بحر سودانيات منذ سنة كاملة.. لا والمكيفني يا ود مخير يا أخوي الإجازة الفاتت .. قابلني وعرف نشاطي الإليكتروني عبر الويب وعرض على الدخول لسودانيات .. وأداني اللينك .. وكلمني عن الرواد وعن الحبيب خالد الحاج وأطنب في مدحه وقال لي بكلمه وازكيك .. من ديك وعرفت ليك زولي راقد سلطة .. واتجدعت فيو .. لكين يا بابكر يا خوي هو .. جيديع نصاح !! المصيبة لما تصله ثالثة الأثافي وينجح برنامجي التلفيزيوني .. عاد يوم داك الخواجة أخير ليو يرجع بلدو ويرجع لينا جنسيتنا .. وهيييييئ .. هي .. سيطرة .. أبو رامي ده .. حقو براه ..