**ناس الليل.. (مخصوص)**
[move=up]لو بتعرف يا حبيبى
قدر ايه عينيك بريدا
كلمات حنانك يا حنانى
كلمه..كلمه براى بعيدا
عيونى فى حبك مساهره
مشتاقه حاضنه الليل وحيده
لو تغيبى عن عينى لحظه
اللحظه تظهر لى بعيده
المحبه البينا نحن
فى القلوب مشتوله دابا
فرهدت بالريد و زادت
خضره فرحانه بشبابا
الليالى الحلوه جايه
يا فرحنا و يا حبابا
تبقى فى دنيانا بهجه
تفر جناح الشوق سحابه
لو بتعرف شوقى ليك
اشيل حنان الريد اجيك
القى ريدك دايمه زايده
فرحة الشوق فى عينيك
قلبى يتفجر حنين
من عواطفى بخاف عليك
ما فرحنا و ريدنا انت
و عز هنانا الكل بيك
يا ريتنا لو نجمين بعاد
او بسمه فى ثغر القمر
او كنا زى نسمه دعاش
راحلين مع الغيم و المطر
او كنا زى باقه ورود
او نغمه فى قلب الوتر
كل العمر اهديتو ليك
ياريتو لو يكفى العمر[/move]
[align=center]
[media]http://sudaniyat.net/wadosman/uploading/law_bt3rif.wma[/media] [/align]
|
