غياب البنابر ............... ومسابقة أحلى ست شاي .....!!!!
المكان : موقف جاكسون باشا بالخرطوم
الزمان : الجمعة الساعة الرابعة
زهجان وقرفان نسبيا (ماشديد يعني ) وماشي في الموقف بفكر في سبب الزهج شنو؟
مرة أقول يمكن بسبب كتاب غادة السمّان الاتصفحتو (والزولة دي بتصيبني بالكىبة ماعارف ليه)
ومرة أقول لا دي كآبة أنا زهجاااااااااان الزهج الراسو عديل بتاع الحكومة داااااااااااك
ومرة أقول لا الزهج ده من تصريحات نافع ومندور وفرفور الخ الخ ...... لكن لا ماظنيت ديل ماعادو بزهجو بعد ماالجلد تخن والواحد بقى جبلّة .......
غالبا الزهج ده يكون من بتاع المرور القطعني ايصال بتلاتنين جنيه ، ماعلينا المهم قلتا بغض النظر عن سبب الزهج أنا أقوم أشوف حبيبتي الجبنة دي تقوم تفكها لينا شوية
طيب أنا اقعد عند ياتو ست شاي ؟ لقيتم ليك كلهم بجيبو المقاعد اللا طرابيز لا بنابر ديك بتاعت البلاستيك وأنا الجبنة لي في البنبر فرض ، أها قلتا اول واحدة الاقي عندها بنابر بقعد عندها ،،،، ياأخوانا بنابرنا العديل دي مافي في الموقف كلو ؟!!! الا الطرابيز المابتشيل الكباية ديك خلي تشيل زول قدري .... وهاك ياالكعب داير لامن غلبت مافي بنابر نهيييييييييييي ....
بعد ماغلب حماري قام شيطاني قال لي خلاص انت أشرب عند أسمح ست شاي تلاقيك .....................
وبدأ البحث بناء على معطيات جديدة ....................
وبواصل ........
|
