ده بُكا في الزوله دي .........
ده بُكا في الزوله دي .........
[align=center]
يا بت يا طير من لُجّ الجَنّه
أنا جيتك شايِلِك معاي أساي وبعض أشواقي
إتدفقتك من جواي كلام معسول
وجيت لقيتني مجافي
يا بت مسحوره وسايقه خطاها بعيداً عني
تعالي عليّ أقالدِك
أضمك
أسالمك
وأمد الإيد
وأديك من نفخ الروح
زخات من مطر الجَنَه
يا بت
يا بت معطونه في عسل الكون
يا بت مسكونه في جوف الزول تندهلو تعال
ووكتين يمرُقلَها يجيها
و ما يلقاها
يلقاها هناك
في نص الدايرة تَرَقِص أرواح الناس
يلقاها ..
إتلخبطت بين سحنات الناس والناس أرتال أرتال بتحوم
مزحومه الدنيا الغداره
مخنوقه الغُنيه الأمبارح بي صخب اليوم
عرجونه حلاتها تفتح أبواب القلب
يا بت إزيك وكيفنك
مشتاقلِك يمكن ولا الروح متشحتفه لي رؤياك[/align]
أسمعي أقول ليك حاجه .... كل سنه وإنتي طيبه
|
